ᐃᓯᑭᐊᓕᐅᑉ ᐊᒡᓚᖏᑦ 7:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ “ᓄᓇᖃᑎᑐᖃᕆᓐᖏᑕᖏᓐᓄᑦ ᐊᕐᓵᕐᑕᐅᑎᑦᓱᒫᕐᐸᒃᑲ, ᐱᐅᖏᑦᑐᓕᔪᓄᓪᓗ ᓄᓇᕐᔪᐊᕐᒦᑦᑐᓄᑦ ᓇᒡᕚᕐᑖᖑᑎᓪᓗᒋᑦ; ᓇᕐᕈᓇᕐᓯᑎᑕᐅᓗᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 7:21 Iomraidhean Croise

ᐊᑕᓃᑦ ᐂᑉᐸᖏᑦ 24:13

ᐊᑕᓂᐅᑉ ᐃᒡᓗᖓᑕ ᐊᑭᑐᔪᒃᓴᔭᖁᑎᓕᒫᖏᑦ, ᐊᖓᔪᖅᑳᕐᔪᐊᓪᓗ ᐃᒡᓗᖓᓂ ᐊᑭᑐᔪᒃᓴᓕᒫᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ, ᐊᑕᓂᐅᑉ ᑍᒤᑕᐅᔪᒫᕐᓂᕅᓯᒪᓂᖓ ᓇᓚᐅᓪᓗᒍ. ᓂᐱᑯᓁᓴᐅᑉ ᐊᑕᓂᐅᑉ ᐃᒡᓗᖓᑕ ᐃᓗᓕᖁᑎᖏᑦ ᒎᓗᐃᑦ ᓯᖁᑦᑎᕐᐰᑦ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᓴᓇᔭᐅᑎᓚᐅᕐᓯᒪᔭᖏᑦ ᑐᒃᓯᐊᕐᕕᒡᔪᐊᒥ ᐊᑐᒐᒃᓴᐅᓂᐊᕐᑎᓪᓗᒋᑦ.

ᐊᑕᓃᑦ ᐂᑉᐸᖏᑦ 25:9

ᐊᑕᓂᐅᑉ ᐃᒡᓗᖓ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖓ, ᐃᒡᓗᓕᒫᓪᓗ ᔨᕉᓴᓕᒦᑦᑐᑦ; ᐱᒻᒪᕆᓕᒫᓪᓗ ᐃᒡᓗᖏᑦ ᐃᑯᐊᓪᓚᒃᑕᐅᕗᑦ.

ᐃᓐᖏᕈᑎᑦ 109:11

ᐊᑭᓕᒃᓴᕐᑖᕐᕕᐅᓯᒪᔪᖅ ᐊᑭᓕᒃᓴᓕᐅᑉ ᐱᒋᔭᓕᒫᖏᓐᓂᒃ ᐱᑖᓕᕐᓕ; ᐃᓅᖃᑎᑐᖃᕆᓐᖏᑕᖏᑦ ᐱᓇᓱᐊᓚᐅᕐᑕᓕᒫᖏᓐᓂᒃ ᐱᑖᓕᕐᓕᑦ.

ᐃᓐᖏᕈᑎᑦ 79:1

ᒎᑏ, ᒎᑎᖃᖏᑦᑐᑦ ᐃᑖᕐᓯᒪᕗᑦ ᑭᖑᕐᖑᑎᔭᒃᓴᖁᑎᖕᓄᑦ; ᑐᒃᓯᐊᕐᕕᒡᔪᐊᖁᑏᓪᓗ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᑉᐹᑦ; ᔨᕉᓴᓕᒻᓗ ᓯᖁᑦᑎᕐᓯᒪᓕᕐᑐᖅ ᕿᒪᓚᐅᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 19:13

ᐃᒡᓗᐃᑦ ᔨᕉᓴᓕᒦᑦᑐᑦ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᔫᑕᒦᑦᑐᑦ ᓇᕐᕈᓇᕐᓯᔪᒫᕐᐳᑦ ᑐᐱᑎᒥᐅᑎᑐᑦ, ᐃᒡᓗᓕᒫᑦ ᖄᖏᓐᓂ ᐃᑯᐊᓚᑦᓯᕕᐅᖃᑦᑕᕐᑐᑦ ᑐᓂᕐᕈᓯᕐᑐᓄᑦ, ᖁᑦᓯᒃᑐᒦᑦᑐᓄᑦ ᐃᒥᒐᒃᓴᓂᒡᓗ ᑐᓂᕐᕈᑕᐅᕙᒃᑐᑦ ᒎᑎᓐᖑᐊᓄᑦ ᓇᕐᕈᓇᕐᓯᑎᑕᐅᔪᒫᕐᐳᑦ ᑐᐱᑎᒥᐅᑎᑐᑦ.’”

ᐃᓯᑭᐊᓕᐅᑉ ᐊᒡᓚᖏᑦ 31:12

ᓄᓇᖃᑎᒋᔭᐅᖏᑦᑐᓄᑦ ᐃᓅᖃᑎᒌᒡᔪᐊᓄᑦ ᓂᑲᒋᔭᖃᖏᑦᑐᓄᑦ ᓇᑲᑕᐅᓗᓂ ᕿᒪᒃᑕᐅᔪᒫᕐᐳᖅ. ᐅᕐᕈᒍᓂ ᐊᕙᓚᖓᔪᖏᑦ ᐅᓕᒃᓯᔪᒫᕐᐳᑦ ᖃᖅᑲᓂᒃ ᓇᕐᓴᓂᒡᓗ, ᐊᕙᓚᖓᔪᖏᑕᓗ ᓇᑲᑎᕐᓂᑯᖏᑦ ᓄᓇᐅᑉ ᐃᒥᖏᓐᓄᐊᖅᑲᕈᒫᕐᐳᑦ; ᐃᓅᖃᑎᒌᒡᔪᐊᓪᓗ ᓄᓇᕐᔪᐊᕐᒥᐅᑦ ᑖᑦᓱᒪ ᑕᕐᕋᓕᓂᖓᓃᑦᑐᑦ ᕿᒤᔪᒫᕐᐳᑦ.