ᐃᓯᑭᐊᓕᐅᑉ ᐊᒡᓚᖏᑦ 7:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᓂᐅᕐᕈᓯᕐᑏᑦ ᐅᑎᕐᑎᑦᓯᔪᓐᓇᕈᒫᓐᖏᓚᑦ ᓂᐅᕐᕈᑎᕕᓂᕐᒥᓂᒃ, ᐃᓅᓂᕐᒥᖕᓂ. ᓂᓐᖓᐅᓯᐅᑉ ᐃᓄᒐᓴᒡᔪᐊᓕᒫᑦ ᑎᑭᑦᓱᒫᕐᒪᒋᑦ; ᐅᑎᕆᐊᕈᓐᓇᕋᓂᓗ; ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ, ᐃᓅᓯᕐᒥᓂᒃ ᐊᐅᓚᑦᓯᔪᖃᕈᓐᓇᖏᒻᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 7:13 Iomraidhean Croise

ᐃᔅᑕᐅᑉ ᐊᒡᓚᖏᑦ 8:8

ᐃᕝᕕᓪᓕ ᓇᖕᒥᓂᖅ ᑎᑎᕋᓚᐅᕆᑦ ᐱᖁᔭᓐᖑᕐᓂᐊᕐᑐᒥᒃ ᔫᑎᑦ ᐱᑦᔪᑎᒋᓗᒋᑦ, ᓈᒻᒪᒋᔭᕐᓂᒃ, ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓ ᐊᑐᕐᓗᒍ, ᓇᕿᑦᔪᓯᕐᓗᒋᓪᓗ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᖓᓄᑦ; ᖃᓄᑐᐃᓐᓇᖅ ᑎᑎᕋᕐᓯᒪᔪᑦ ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓ ᐊᑐᕐᓗᒍ ᓇᑭᑦᔪᓯᕐᓯᒪᔪᕐᓗ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᖓᓄᑦ ᓄᖅᑲᕐᑎᑕᐅᔪᓐᓇᖏᒻᒪᑦ.”

ᔫᐱᐅᑉ ᐊᒡᓚᖏᑦ 15:25

ᑍᒤᑦᑐᒦᑉᐳᖅ ᒎᑎᒥᒃ ᐊᒡᒐᖕᒥᓄᑦ ᐊᑭᕋᕐᑐᕐᓯᒪᓂᕐᒥᓄᑦ, ᓵᓚᖃᕋᓱᐊᕐᓯᒪᓪᓗᓂᓗ ᐊᔪᒐᖃᖏᑦᑐᒥᒃ.

ᐃᓐᖏᕈᑎᑦ 52:7

“ᐆᒪ ᐊᖑᑎᐅᑉ ᒎᑎ ᐊᔪᖏᑦᔪᑎᒋᓚᐅᓐᖏᓛ, ᑕᑎᖃᕐᓂᕐᓴᐅᓚᐅᕐᐳᕐᓕ ᐊᒃᓗᐃᑦᔪᑎᒥᓂᒃ, ᐱᐅᖏᑦᑐᓕᓂᕐᓗ ᓴᓐᖏᔫᑦᔪᑎᒋᓚᐅᕐᐹ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:8

ᐃᓄᖕᒥᒡᓗ ᓇᓕᐊᓐᓂᒃ ᐊᓄᕆᒥᒃ ᐊᐅᓚᑦᓯᔪᖃᕈᓐᓇᖏᒻᒪᑦ, ᑍᒤᒻᒪᑦ ᐅᓪᓗᒥᒡᓗ ᑐᖁᕕᒃᓴᒥᒃ ᐊᐅᓚᑦᓯᔪᖃᕈᓐᓇᖏᓐᓂᕗᖅ. ᐅᓇᑕᕐᑐᒃᓴᖅ ᓄᖅᑲᕐᑎᑕᐅᖏᒻᒪᑦ ᐅᓇᑕᕐᑎᓪᓗᒋᑦ, ᐱᐅᖏᑦᑐᓕᓂᕐᓗ ᓄᖅᑲᕐᑎᑦᓯᓂᐊᖏᓐᓂᕗᖅ ᐱᓇᓱᐊᕐᑎᒋᔭᒥᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 12:25

ᐅᕙᖓᓕ ᐊᑕᓂᖅ ᐅᖃᐅᓯᕐᒥᒃ ᐅᖃᕐᓂᐊᓕᕐᐳᖓ, ᐅᖃᐅᓯᕆᔭᒃᑲᓗ ᐊᑑᑎᓂᐊᓕᕐᓗᑎᒃ. ᑭᖑᕙᕐᓂᐊᕈᓐᓃᕐᐳᖅ, ᐃᓅᑎᓪᓗᓯ ᓱᓕ, ᐊᑭᕋᕐᑐᕐᑎᐅᓪᓗᓯ ᑭᖑᕚᖑᔪᓯ, ᐅᖃᐅᓰᑦ ᐅᖃᐅᓯᕆᔭᒃᑲ ᐊᑑᑎᑎᓐᓂᐊᓕᕐᐸᒃᑲ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 12:28

ᑍᒤᒻᒪᑦ ᐅᖃᐅᑎᓕᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐅᖃᐅᓯᒃᑲ ᑭᖑᕙᕐᓂᐊᕈᓐᓃᕐᐳᑦ, ᐅᖃᐅᓰᑦ ᐅᖃᐅᓯᕆᔭᒃᑲ ᐊᑑᑎᓂᐊᓕᕐᐳᑦ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 13:22

“ᓴᐱᓕᕐᑎᑦᓯᖃᑦᑕᕋᑦᓯ ᐃᓄᖕᓂᒃ ᐃᓱᐊᕐᑐᓕᔪᓂᒃ ᓱᓕᖏᑦᑐᓄᑦ, ᓴᐱᓕᕐᑎᓯᒪᓐᖏᑕᓐᓂᒃ, ᐱᐅᖏᑦᑐᓕᔪᓪᓗ ᐱᐅᖏᑦᑐᓕᓂᕐᒧᑦ ᑲᔪᖏᕐᓴᖃᑦᑕᕋᑦᓯᒋᒃ, ᕿᒤᖁᔨᖃᑦᑕᖏᓐᓇᑦᓯ ᐱᐅᖏᑦᑐᓕᓂᕐᒥᖕᓂᒃ ᐃᓅᓯᕐᒥᖕᓂᒃ ᐱᐅᓕᓯᖁᓇᒋᑦ;

ᒨᓯᓯ ᐱᖓᔪᖏᑦ 25:13

“ᑕᕝᕙᓂ ᐊᕐᕌᒍᑦ 50ᖓᓐᓂ ᖁᕕᐊᓱᒡᕕᖕᒥ ᓄᓁᑦ ᓂᐅᕕᐊᖑᓚᐅᕐᓯᒪᔪᕕᓃᑦ ᓴᑐᕐᑕᐅᔭᕆᐊᖃᕐᐳᑦ ᐃᓄᑐᖃᕕᓂᖏᓐᓄᑦ.

ᒨᓯᓯ ᐱᖓᔪᖏᑦ 25:31

ᐃᒡᓗᐃᓪᓕ ᓄᓇᓕᖕᓂ ᐊᕙᓗᖃᕐᑐᒦᖏᑦᑐᑦ ᐱᕈᕐᓰᕕᒃᑎᑐᑦ ᐱᔭᐅᔭᕆᐊᖃᕐᐳᑦ; ᓇᖕᒥᓂᖃᕐᑐᑐᖃᖅ ᑍᒪᓐᖓᑦ ᓴᑐᕐᓯᔪᓐᓇᕐᑐᖅ, ᐅᑎᕐᑎᑕᐅᔭᕆᐊᖃᕐᓗᑎᒡᓗ ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ.