ᐃᓯᑭᐊᓕᐅᑉ ᐊᒡᓚᖏᑦ 6:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ “ᐃᓕᑦᓯ ᐊᓐᓇᒃᓯᒪᔪᓯ ᐃᖅᑲᕈᒫᕐᐸᑦᓯᓐᖓ ᐃᓅᖃᑎᒌᒡᔪᐊᓃᓕᕐᑎᓪᓗᓯ ᐊᐅᓪᓚᕈᑦᔭᐅᓯᒪᕕᒋᔭᑦᓯᓐᓂ, ᐃᓱᒪᕐᓱᕈᒪᓂᓯ ᓯᖁᒥᑎᒍᒃᑭᑦ ᐅᕙᓐᓂᒃ ᕿᒤᑦᔪᑎᒋᓚᐅᕐᑕᓯ, ᑕᐅᑐᖏᑦᔪᑎᒋᓚᐅᕐᑕᑦᓯᓐᓂᒡᓗ ᒎᑎᓐᖑᐊᖃᕈᒪᓂᕐᒧᑦ; ᐃᓕᑦᓯᓐᓄᑦ ᓇᕐᕈᓇᕐᓯᔪᒫᕐᒪᑕ ᐊᒡᓛᑦ ᑕᑯᑐᐃᓐᓇᕐᓗᒋᑦ ᐊᔪᕐᑐᓕᑦᔪᑎᒋᓯᒪᔭᓯ, ᒎᑎᒧᓪᓗ ᑕᒪᕐᒥᒃ ᓇᕐᕈᓇᕐᑑᓂᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 6:9 Iomraidhean Croise

ᐊᑕᓃᑦ ᐂᑉᐸᖏᑦ 16:10

ᐂᕼᐊᔅ ᑕᒫᓯᑰᓯᒧᐊᕋᒥ ᑎᒡᓚᑦ-ᐰᓕᓴᒥᒃ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᑲᑎᓯᔭᕐᑐᕐᓗᓂ, ᑐᓂᕐᕈᓯᕐᕕᒃ ᑕᕝᕙᓃᑦᑐᖅ ᑕᑯᒐᒥᐅᒃ ᐊᑦᔨᖓᓂᒃ ᓴᓇᓐᖑᐊᕐᓯᒪᔪᒥᒃ ᐊᐅᓪᓚᕐᑎᑦᓯᕗᖅ ᑐᓂᕐᕈᓯᕐᑎᑦᓯᔨᒧᑦ ᔪᕅᐊᒧᑦ ᖃᓄᐃᓕᖓᓂᖓᓂᒃ ᓴᖅᑭᔮᕐᑎᑦᓯᑦᓯᐊᕐᑐᒥᒃ.

ᔫᐱᐅᑉ ᐊᒡᓚᖏᑦ 42:6

ᑍᒤᒻᒪᑦ ᑲᓐᖑᓱᓕᕐᐳᖓ ᐸᓯᔭᒃᓴᐅᓕᕐᓗᖓᓗ, ᖃᕿᐊᓕᕐᓗᖓᓗ ᐳᔪᕋᒥᑎᕐᓂᐊᕐᐳᖓ ᐊᕐᔭᓕᓂᕐᑎᕐᓗᖓᓗ.”

ᐃᓐᖏᕈᑎᑦ 137:1

ᐹᐱᓘᓂᐅᑉ ᑰᖓᓂ, ᐃᒃᓯᕙᕗᒍᑦ, ᐄᓛᒃ, ᕿᐊᕗᒍᑦ, ᓮᐅᓂ ᐃᖅᑲᐅᒪᓕᕋᑦᑎᒍ.

ᐃᓐᖏᕈᑎᑦ 78:40

ᐊᑯᓔᑦᑐᒥᒃ ᐊᑭᕋᕐᑐᖃᑦᑕᓚᐅᕐᐹᑦ ᐃᓄᖃᖏᑦᑐᒥ, ᕿᒃᓵᑎᑉᐸᒡᓗᒍᓗ ᓱᓇᖃᔪᐃᑦᑐᒥ!

ᐂᓮᐊᓯᐅᑉ ᐊᒡᓚᖏᑦ 43:24

ᓂᐅᕕᓚᐅᓐᖏᓚᓯ ᑎᐱᑦᓯᐊᕆᒃᑐᓂᒃ ᓰᕐᓇᕐᑐᓂᒃ ᐅᕙᓐᓄᑦ ᑐᓂᕐᕈᑎᒃᓴᓂᒃ, ᐆᒪᔪᓪᓗ ᑐᓂᕐᕈᑎᒋᕙᒃᑕᓯ ᑐᓐᓄᖏᓐᓂᒃ ᖁᕕᐊᒋᔭᓐᓂᒃ ᑐᓂᕐᕈᓯᕐᕕᒋᓚᐅᓐᖏᓚᑦᓯᓐᖓ, ᑭᓯᐊᓂᓕ ᐅᖁᒤᑦᑐᒦᑎᑉᐸᑦᓯᓐᖓ ᐊᔪᕐᑐᓕᓂᑦᓯᓐᓄᑦ, ᐱᔭᒃᓴᕆᓐᖏᑕᑦᓯᓐᓂᒃ ᐱᓇᓱᐊᖃᑦᑕᕐᓂᑦᓯᓐᓄᑦ ᐃᕿᐊᓐᖑᕐᑎᖔᕐᐸᑦᓯᓐᖓ.

ᐂᓮᐊᓯᐅᑉ ᐊᒡᓚᖏᑦ 63:10

ᐊᑭᕋᕐᑐᓕᖃᑦᑕᓚᐅᕐᐳᓪᓕ, ᐊᓂᕐᓂᖓᓗ ᐃᑦᔪᕐᓁᑦᑐᖅ ᕿᒃᓵᒃᑎᓪᓗᒍ, ᑍᒤᒻᒪᑦ ᓇᖕᒥᓂᖅ ᓵᓐᖓᓕᓚᐅᕐᐰᑦ ᐊᑭᕋᕐᑐᕐᑎᑎᑐᑦ, ᓇᖕᒥᓂᕐᓗ ᐅᓇᑕᕐᓕᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 64:6

ᐃᓘᓐᓇᑕ ᓴᓗᒪᖏᑦᑐᑎᑐᑦ ᓇᕐᕈᓇᕐᓯᕗᒍᑦ, ᐃᓱᐊᕐᑑᓇᓱᐊᕐᓂᕗᓪᓗ ᖃᓪᓗᓈᕐᑕᑎᑐᑦ ᓴᓗᒤᑦᑐᑎᑐᑦ ᑍᒤᑉᐳᑦ, ᐅᖃᐅᔭᑎᑐᓪᓗ ᑐᖁᓕᖓᔪᑎᑐᑦ ᑍᒤᑉᐳᒍᑦ, ᐊᔪᕐᑐᓕᓂᑦᑕᓗ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᑎᑉᐹᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 7:13

ᐂᓮᐊᓯᓕ ᐅᖃᓕᕐᐳᖅ, “ᓈᓚᒋᑦᓯ, ᑍᕕᑎᒧᑦ ᑭᖑᕚᖑᔪᓯ! ᐃᓅᖃᑎᑦᓯᓐᓄᑦ ᕿᓄᐃᓵᕈᑕᐅᔪᓐᓇᕋᓱᒋᓗᐊᕈᑦᓯ, ᒎᑎᐅᓪᓕ ᕿᓄᐃᓵᕈᑎᒌᓐᓇᕐᓂᐊᓐᖏᓛᓰ?

ᔨᕆᒤᐊᐅᑉ ᐊᒡᓚᖏᑦ 3:13

ᐸᓯᔭᒃᓴᐅᓃᑦ ᓇᓗᓁᓕᕈᒃ, ᐊᑕᓂᖅ ᒎᑏᑦ ᐊᑭᕋᕐᑐᓚᐅᕋᕕᐅᒃ ᐱᓂᐊᕐᓂᕆᔭᑎᓪᓗ ᔫᑎᐅᖏᑦᑐᑦ ᒎᑎᓐᖑᐊᖏᓐᓄᑦ ᐱᓂᐊᓚᐅᕋᕕᒋᑦ. ᓇᐹᕐᑐᐃᑦ ᓇᒧᑐᐃᓐᓇᖅ ᓯᐊᒻᒪᖓᔪᑦ ᐊᑖᓐᓂ ᐅᕙᓐᓂᒃ ᓈᓚᓚᐅᖏᓐᓇᕕᑦ. ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 3:6

ᔫᓮᐊ ᐊᖓᔪᖅᑳᕐᔪᐊᖑᑎᓪᓗᒍ, ᐊᑕᓂᐅᑉ ᐅᖃᕐᕕᒋᕚᖓ, “ᑕᑯᓯᒪᕕᓪᓖ? ᐃᓴᕆᐊᓕᒥᐅᑦ ᐅᒃᐱᕈᒪᖏᑦᑐᑦ ᐃᓕᖅᑯᓯᖏᓐᓂᒃ? ᐱᖑᓕᒫᑦ ᖄᖏᓐᓂ ᓇᐹᕐᑐᐃᓪᓗ ᐊᑖᓐᓂ ᐊᓯᓐᓂᐊᓚᐅᕐᐹᖓ ᐊᖑᓐᓂᐊᕐᑎᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 51:50

“ᐅᓇᑕᕐᑐᓂ ᑐᖁᑕᐅᓐᓂᖏᒃᑯᑦᓯ ᐊᐅᓪᓚᑲᐅᑎᒋᔪᒃᓴᐅᕗᓯ ᓄᖅᑲᖓᑐᐃᓐᓇᖏᓪᓗᓯ! ᐊᑕᓂᖅ ᐃᖅᑲᕐᓯᐅᒃ ᐅᖓᓯᒃᑐᒦᓐᓂᑦᓯᓐᓄᑦ, ᔨᕉᓴᓕᒻᓗ ᐃᓱᒪᒋᓯᐅᒃ.

ᐃᓯᑭᐊᓕᐅᑉ ᐊᒡᓚᖏᑦ 12:16

ᐊᒥᐊᒃᑯᖃᕐᑎᑦᓱᒫᕐᐸᒃᑲᓕ ᐅᓄᖏᑦᑐᓂᒃ ᓴᕕᒡᔪᐊᒥᑦ ᐊᓐᓇᒃᑐᓂᒃ, ᑳᖕᓇᕐᑐᕐᔪᐊᒥᑦ ᐋᓐᓂᐊᓇᕐᑐᓂᓪᓗ, ᐅᓂᒃᑳᕈᓐᓇᕐᓯᖁᓪᓗᒋᑦ ᒎᑎᒧᑦ ᓇᕐᕈᓇᕐᑐᓂᒃ ᐱᓂᐊᕐᓂᕆᓚᐅᕐᑕᒥᖕᓂᒃ ᐃᓅᖃᑎᒌᒡᔪᐊᓃᓕᕈᑎᒃ ᓇᔪᓕᕐᑕᒥᖕᓂ, ᖃᐅᔨᓕᖁᓪᓗᒋᓪᓗ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 16:43

ᐃᖅᑲᐅᒪᔪᓐᓁᕋᑦᓯᐅᒃ ᐃᓅᓱᒃᑑᑎᓪᓗᓯ ᐱᐅᓯᕆᓚᐅᕐᑕᓯ, ᓂᓐᖓᒃᑎᓚᐅᕋᑦᓯᓐᖓ ᑕᒪᒃᑯᓂᖓ ᐱᐅᖏᑦᑐᓂᒃ ᐱᓂᐊᕐᓂᑦᓯᓐᓄᑦ; ᑍᒤᒻᒪᑦ ᑕᑯᒋᑦ, ᐱᓂᐊᕐᓂᕆᓚᐅᕐᑕᑦᓯᓐᓄᑦ ᐊᑭᓂᐊᕐᕕᒋᔪᒫᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ. “ᓱᖕᒪᑦ ᐃᒃᓯᒎᕐᓂᖅ ᐃᓚᐅᑎᓐᓇᓱᓚᐅᕐᐱᓯᐅᒃ ᓇᕐᕈᓇᕐᑐᓕᓂᑦᓯᓐᓄᑦ?”

ᐃᓯᑭᐊᓕᐅᑉ ᐊᒡᓚᖏᑦ 16:61

ᑕᕝᕙ ᐃᖅᑬᔪᒫᕐᐳᓯ ᐱᓂᐊᕐᓂᕆᓯᒪᔭᑦᓯᓐᓂᒃ, ᑲᓐᖑᓱᓕᕐᓗᓯᓗ ᐊᖓᔪᓯ ᓄᑲᓯᓗ ᐅᑎᕐᑎᒃᑯᒃᑭᑦ, ᐃᓕᑦᓯᓐᓄᑦ ᐸᓂᒋᔭᐅᔪᑎᑐᑦ ᑐᓂᔪᒫᕐᐸᒃᑲ, ᐊᖏᖃᑎᒌᒃᓯᒪᓂᕗᑦ ᐱᑦᔪᑎᒋᓇᒍ.

ᐃᓯᑭᐊᓕᐅᑉ ᐊᒡᓚᖏᑦ 16:63

ᐱᓂᐊᕐᓂᕆᖃᑦᑕᓚᐅᕐᑕᓯᓐᓂᒃ ᐃᖅᑬᒍᑦᓯ ᐅᖃᐅᓯᕆᔭᕆᐊᖏᓪᓘᓐᓃᑦ ᑲᓐᖑᓇᓗᐊᓕᕈᒫᕐᐳᑦ, ᐃᓱᒪᒋᔪᓐᓁᕐᕕᒋᒍᑦᓯ ᑕᒻᒪᕈᑎᒋᓯᒪᔭᓕᒫᑦᓯᓐᓂᒃ. ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 20:24

ᑍᒤᓕᐅᓚᐅᕐᐸᒃᑲ ᐱᓂᐊᕐᑕᐅᖁᔭᒃᑲ ᒪᓕᓚᐅᖏᒻᒪᒋᑦ, ᐊᑐᕐᑕᐅᖁᔭᒃᑲᓗ ᐊᑐᓚᐅᖏᒻᒪᒋᑦ, ᓴᐸᑎᖁᑎᒃᑲᓗ ᓇᕐᕈᓇᕐᓯᑎᑦᓱᒋᑦ, ᓯᕗᓕᕕᓂᖏᑕᓗ ᒎᑎᓐᖑᐊᖏᓐᓂᒃ ᐃᓱᒪᑐᐊᖃᓚᐅᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 20:28

ᓄᓇᑖᕆᔭᐅᖁᓪᓗᒍᓕ ᐊᖏᕈᑎᒋᓚᐅᕐᑕᓐᓄᑦ ᑎᑭᑎᓐᓇᒃᑭᑦ, ᖃᖅᑲᓂᒃ ᐳᕐᑐᔪᓂᒃ ᓇᐹᕐᑐᓂᒡᓗ ᑐᖑᔪᕐᑐᓂᒃ ᑕᑯᓕᕋᒥᒃ ᑐᓂᕐᕈᓯᕐᕕᒋᓚᐅᕐᐰᑦ ᓇᕐᕈᓇᕐᑐᓂᒡᓗ ᑐᓂᕐᕈᓯᕐᕕᒋᓪᓗᒋᑦ; ᑕᕝᕙᓂ ᓂᓐᖓᒃᓮᑦᔪᑎᓂᒃ ᑐᓂᕐᕈᓯᖃᑦᑕᓚᐅᕐᐳᑦ ᐃᑯᐊᓚᑦᓯᓪᓗᑎᒃ; ᑎᐱᑦᓯᐊᕆᒃᑐᓂᒃ ᐳᔫᕐᑎᑦᓯᖃᑦᑕᓚᐅᕐᐳᑦ, ᕔᓂᒥᒡᓗ ᑐᓂᕐᕈᑎᒥᖕᓄᑦ ᐃᓚᓕᐅᑦᔨᕙᒃᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 20:43

ᑕᕝᕙᓂᓗ ᐃᖅᑬᓕᕈᒫᕐᐳᓯ ᐃᓕᖅᑯᓯᕆᖃᑦᑕᓚᐅᕐᑕᑦᓯᓐᓄᑦ ᐱᐅᔪᓐᓃᕐᑎᑕᐅᓯᒪᓂᓯᓐᓂᒃ; ᐃᓕᑦᓯᓐᓂᒡᓗ ᓇᖁᔭᕆᓕᕈᒫᕐᐳᓯ ᐅᒡᒍᐊᓕᕐᓗᓯᓗ ᐱᐅᖏᑦᑐᓕᖃᑦᑕᓚᐅᕐᓂᓕᒫᓯᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 20:7

ᐅᖃᐅᑎᓚᐅᕐᐸᒃᑲᓗ, ᑕᑯᒥᒋᔭᓯ ᓇᕐᕈᓇᕐᑐᑦ ᐃᒋᓚᐅᕐᓯᐅᒃ, ᐊᑕᖏᕐᓗᓯ ᐃᓕᑦᓯᓐᓂᒃ ᐃᑦᔪᕐᓇᕐᑎᑐᓐᓃᕆᑦᓯ ᐄᑦᔨᑉᑎᒥᐅᑦ ᒎᑎᓐᖑᐊᖏᓐᓄᑦ; ᐅᕙᖓᐅᒐᒪ ᐊᑕᓂᖅ ᒎᑎᓯ.

ᐃᓯᑭᐊᓕᐅᑉ ᐊᒡᓚᖏᑦ 23:30

ᑍᒤᓕᐅᕐᓯᒪᓂᕐᓄᑦ ᑎᑭᑕᐅᕗᑎᑦ, ᐊᖑᓐᓂᐊᕐᑎᐅᓯᒪᒐᕕᑦ ᐃᓅᖃᑎᒌᒡᔪᐊᓄᑦ, ᓴᓗᒤᓕᑎᓯᒪᓪᓗᑎᓪᓗ ᒎᑎᓐᖑᐊᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 5:13

“ᑍᒫᒃ ᓂᓐᖓᐅᒪᓂᕋ ᐊᐅᓚᓂᖃᕈᒫᕐᐳᖅ, ᓂᓐᖓᕕᒡᔪᐊᕐᓂᕋᓗ ᑖᒃᑯᓄᖓ ᑐᕌᕈᒫᕐᐳᖅ ᐱᔭᕇᓚᐅᖏᓐᓂᓐᓂ; ᑖᒃᑯᐊ ᖃᐅᔨᓕᕈᒫᕐᐳᑦ ᐅᕙᖓ ᐊᑕᓂᐅᔪᖓ ᐅᖃᓪᓚᒃᓯᒪᒐᒪ ᓯᖕᓇᓂᕐᒧᑦ, ᓂᓐᖓᒡᕕᖃᕐᓯᒪᓂᕐᒧᓪᓗ ᐱᓇᓱᐊᕐᓯᒪᓂᓐᓂᒃ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 6:10

ᖃᐅᔨᔪᒫᕐᐳᑦ ᐊᑕᓂᐅᓂᓐᓂᒃ; ᓯᕘᕋᓵᕆᑐᐃᓐᓇᕐᓗᖓᓗ ᐱᐅᖏᑦᑐᒥᒃ ᐱᓂᐊᕐᕕᒋᓯᒪᖏᓐᓇᒃᑭᑦ.”

ᐃᓯᑭᐊᓕᐅᑉ ᐊᒡᓚᖏᑦ 7:16

ᕿᒫᓗᑎᒡᓕ ᐊᓐᓇᑦᑐᑦ, ᖃᖅᑲᓃᓕᕈᒫᕐᐳᑦ, ᑑᕕᑎᑐᑦ ᓇᕐᓴᐅᑉ ᐃᓗᐊᓂᑦ ᕿᒫᔪᑎᑐᑦ, ᐃᓘᓐᓇᑎᒡᓗ ᐅᒡᒍᐊᕈᑎᖃᕐᓗᑎᒃ ᐊᔪᕐᑐᓕᓯᒪᓂᕐᒥᖕᓂᒃ.

ᕼᐆᓯᐊᑉ ᐊᒡᓚᖏᑦ 11:8

“ᖃᓄᕐᓕ ᐃᓕᖕᓂᒃ ᓴᐱᓕᕈᓐᓇᕐᐳᖔ ᐃᕗᕅᒥ? ᖃᓄᕐᓕ ᓴᒃᑯᐃᔪᓐᓇᕐᐳᖔ, ᐃᓴᕆᐊᓖ? ᖃᓄᕐᓕ ᐊᑦᔨᐅᑎᑦᑐᓐᓇᕐᐱᒌᑦ ᐊᑦᒪᒧᑦ? ᖃᓄᕐᓕ ᐱᓂᐊᕐᕕᒋᔪᓐᓇᕐᐱᒌᑦ ᔨᐳᐃᒻᑐᑦ? ᐆᒻᒪᑎᒐ ᐃᒃᐱᖕᓂᐊᕗᖅ ᐃᓗᓐᓂ, ᐃᓚᑦᓱᒍᓱᖕᓂᕋ ᓂᕈᒥᒃᓯᕗᖅ ᐊᕿᓕᓪᓗᓂᓗ.

ᐂᒨᓯᐅᑉ ᐊᒡᓚᖏᑦ 2:13

ᑕᑯᒋᑦ, ᐊᕐᑐᕐᓴᕐᑎᓐᓂᐊᕐᐸᑦᓯ ᐅᓂᐊᒐᐅᑉ ᐅᖁᒤᓐᓂᖓᑐᑦ ᑕᑕᑦᑐᑎᑐᑦ ᓂᐊᖂᔭᒃᓴᒥᒃ.

ᒤᑲᐅᑉ ᐊᒡᓚᖏᑦ 5:13

ᓴᓇᓐᖑᐊᕐᓯᒪᔭᓯ ᒎᑎᓐᖑᐊᓯ, ᓇᐸᔪᖁᑎᓯᓗ ᐃᑦᔪᕐᓁᑎᑕᓯ ᐊᑯᓐᓇᑦᓯᓐᓃᑦᑐᑦ ᓱᕋᒃᑎᕈᒫᕐᐸᒃᑲ; ᑐᒃᓯᐊᕐᕕᖃᕐᓂᐊᕈᓐᓁᕐᐳᓯᓗ ᐊᒡᒐᑦᓯᓐᓄᑦ ᓴᓇᓯᒪᔭᑦᓯᓐᓂᒃ.

ᓴᑲᕅᐊᐅᑉ ᐊᒡᓚᖏᑦ 10:9

ᓯᐊᒻᒪᕐᑎᓚᐅᕋᒃᑭᑦ ᐃᓅᖃᑎᒌᒡᔪᐊᓄᑦ: ᐅᕙᓐᓂᒡᓕ ᐃᖅᑬᔪᒫᕐᐳᑦ ᓄᓇᓂ ᐅᖓᓯᒃᑐᓃᓪᓗᑎᒃ. ᕿᑐᕐᖓᖏᑦ ᓄᖑᑦᓱᒫᓐᖏᓚᑦ, ᓄᓇᒥᖕᓄᓪᓗ ᐅᑎᕈᒫᕆᕗᑦ.

ᒨᓯᓯ ᓯᑕᒪᖏᑦ 15:39

ᓂᒡᔭᖃᕐᓂᐊᕐᐳᓯᓗ, ᑕᑯᔭᕌᖓᑦᓯᐅᒃ ᐃᖅᑲᐅᒪᑦᔪᑎᒋᓂᐊᕋᑦᓯᐅᒃ ᐊᑕᓂᐅᑉ ᐱᖁᔭᖏᓐᓂᒃ ᒪᓕᒡᓗᒋᓪᓗ, ᐆᒻᒪᑎᑦᓯ ᐃᔨᓯᓗ ᐃᒃᓕᒎᕐᓂᖏᓐᓄᑦ ᐊᓯᓐᓂᐊᕈᒪᓂᕐᒧᓪᓗ ᐊᐅᓚᑕᐅᖁᓇᒋᑦ.

ᐲᑦᑐᕉᓯ ᐂᑉᐸᖏᑦ 2:14

ᐊᓯᓐᓂᐊᕈᒪᓂᕐᒥᒃ ᑕᑯᓐᓇᒐᑐᐊᖃᕐᐳᑦ, ᐊᔪᕐᑐᓕᔪᒪᓂᖏᓪᓗ ᓈᒻᒪᒃᓯᔪᓐᓇᓐᖏᓚᑦ. ᓴᓐᖐᑦᑐᓂᒃ ᑕᓯᐅᕐᓯᕙᒃᐳᑦ ᐊᔪᓕᕐᕕᒋᓂᐊᕐᑕᖏᓐᓄᑦ. ᐆᒻᒪᑎᖏᑦ ᐱᔪᒪᕕᒡᔪᐊᕐᓂᕐᒥᒃ ᐃᓕᓐᓂᐊᕐᓯᒪᕗᑦ. ᑖᒃᑯᐊ ᒎᑎᐅᑉ ᓂᓐᖓᐅᓯᖓᓃᓕᕇᕐᐳᑦ!