ᐃᓯᑭᐊᓕᐅᑉ ᐊᒡᓚᖏᑦ 6:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ “ᐊᒥᐊᒃᑯᖃᕐᑎᑦᓱᒫᕐᐸᑦᓯᓕ. ᐃᓚᖏᑦ ᓴᕕᒡᔪᐊᒥᑦ ᐊᓐᓇᒃᑎᑦᓱᒫᕐᐸᒃᑲ ᐃᓅᖃᑎᒌᒡᔪᐊᓂ, ᓯᐊᒻᒪᒃᑎᓪᓗᓯᓗ ᓄᓇᓕᒡᔪᐊᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 6:8 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 1:8

ᐃᖅᑬᓚᐅᕆᑦ ᑐᒃᓯᐊᕐᐳᖓ, ᐅᖃᐅᓰᑦ ᐱᖁᔨᑦᔪᑎᒋᓚᐅᕐᑕᑎᑦ ᐱᔨᖕᓄᑦ ᒨᓯᓯᒧᑦ, ᐅᖃᕐᓗᑎᑦ, ‘ᐱᖁᔭᓐᓂᒃ ᒪᓕᖕᓂᐊᖏᒃᑯᑦᓯ, ᓄᓇᓖᑦ ᐊᓯᖏᓐᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ;

ᐂᓮᐊᓯᐅᑉ ᐊᒡᓚᖏᑦ 6:13

ᐃᓄᐃᑦ ᖁᓕᐅᑦᔪᑎᖏᑦ ᕿᒪᒃᑕᐅᓯᒪᔪᑦ ᐊᒥᐊᒃᑯᒋᔭᐅᓕᕐᐸᑕ, ᑖᒃᑯᐊᑦᑕᐅᖅ ᐃᑯᐊᓪᓚᒃᑎᑕᐅᔪᒫᕆᕗᑦ, ᓇᐹᕐᑐᑐᓪᓗ ᐆᒃᒥᒃ ᐊᑎᓕᐅᑉ ᑭᐱᓯᒪᔫᑉ ᒪᓐᖑᖓᑦ ᓄᓇᒦᖏᓐᓇᓲᖑᖕᒪᑦ ᓇᑲᑕᐅᓯᒪᓂᖓ. ᑍᒫᒃᑕᐅᖅ ᐃᑦᔪᕐᓁᑦᑐᖅ ᑲᓐᖓᕐᓲᑎᒃᓴᖅ ᓇᐹᕐᑑᑉ ᒪᓐᖑᖓᓃᑦᓱᒫᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 30:11

ᐱᖃᑎᒋᒐᒃᑭᑦ ᐱᐅᓕᓂᐊᕐᐸᒋᑦ, ᐊᑕᓂᖅ ᐅᖃᕐᐳᖅ, ᐃᓅᖃᑎᒌᒡᔪᐊᑦ ᐊᓯᕈᕐᑕᐅᑎᒃᑲᓗᐊᕈᒃᑭᑦ ᐊᐅᓪᓚᕐᑎᑕᐅᓯᒪᕕᒋᓚᐅᕐᑕᓯ ᓯᐊᒻᒪᕐᑎᑕᐅᕕᒋᓯᒪᓪᓗᒋᑦ, ᐃᓕᑦᓯᓐᓂᒃ ᓄᖑᑕᐅᓪᓚᕆᒃᑎᑦᓯᓂᐊᓐᖏᓚᖓ, ᐋᖅᑭᒋᐊᖃᑦᑕᕐᓂᐊᕐᐸᑦᓯ ᐊᑲᐅᔪᖅ ᑭᓯᐊᓂ ᐱᑦᔪᑎᒋᓗᒍ, ᓱᒋᐊᕐᑕᐅᑎᖏᑦᑑᑎᓐᓂᐊᓐᖏᓚᑦᓯ.”

ᔨᕆᒤᐊᐅᑉ ᐊᒡᓚᖏᑦ 44:14

ᔫᑕᒥᐅᑦ ᐊᒥᐊᒃᑯᖏᑦ ᐄᑦᔨᑉᑎᒧᐊᓚᐅᕐᑐᑦ ᐃᓅᔪᕐᑕᖃᕐᓂᐊᓐᖏᓚᑦ, ᔫᑕᒧᑦ ᐅᑎᕈᒫᕐᑐᒃᓴᓂᒃ ᐅᑎᕐᓯᕐᕕᒋᕙᓚᐅᕐᑕᒥᖕᓄᑦ; ᐅᑎᕐᑐᒃᓴᖃᕈᒫᖏᒻᒪᑕ ᕿᒪᒃᓯᓂᑯᕕᓂᕐᓂᒃ ᐅᓄᖏᑦᑐᓂᒃ ᐅᑎᕈᓐᓇᕐᑐᖃᕈᒫᕐᑑᒐᓗᐊᖅ.”

ᔨᕆᒤᐊᐅᑉ ᐊᒡᓚᖏᑦ 44:28

ᑍᒃᑯᐊ ᐅᓇᑕᕐᑐᓄᑦ ᐱᔭᐅᖏᓪᓗᑎᒃ ᔫᑕᐅᑉ ᓄᓇᖓᓄᑦ ᐅᑎᕈᒫᕐᑐᑦ ᐅᓄᖏᑦᑐᑯᓘᔪᒫᕐᐳᑦ, ᔫᑕᒥᐅᕕᓃᑦ ᐊᒥᐊᒃᑯᖏᑦ ᐄᑦᔨᑉᑎᒥᐅᑕᐅᓕᕐᑐᑦ ᖃᐅᔨᖁᓪᓗᒋᑦ ᓇᓪᓕᐊᑦᑕ ᐅᖃᐅᓯᖏᑦ ᓱᓕᓂᕐᓴᐅᓕᕈᒫᕐᒪᖔᑕ, ᐅᕙᖓᓘᓐᓃᑦ ᑍᒃᑯᐊᓘᓐᓃᑦ.

ᔨᕆᒤᐊᐅᑉ ᐊᒡᓚᖏᑦ 46:28

ᓯᕘᕋᓂᐊᕋᓯ ᔧᑯᒃᑯᑦ ᐃᓄᖁᑎᒃᑲ, ᐃᓚᒋᒐᑦᓯ, ᐊᑕᓂᖅ ᐅᖃᕐᐳᖅ, ᐃᓅᖃᑎᒌᒡᔪᐊᓂᒃ ᐊᓯᕈᕐᑕᐅᑎᑦᓯᓯᒪᒐᓗᐊᕐᐳᖓ, ᓯᐊᒻᒪᕐᑎᓪᓗᓯᓗ ᓇᒧᑐᐃᓐᓇᖅ, ᓄᖑᑕᐅᑎᒻᒪᕆᖕᓂᐊᓐᖏᓚᑦᓯᓕ ᐋᖅᑭᒋᐊᕐᓂᐊᕐᐸᑦᓯ ᐊᑲᐅᔪᒦᖁᔨᓂᓐᓄᑦ ᑭᓯᐊᓂ; ᐋᖅᑭᒋᐊᓚᐅᖏᓪᓗᑎᑦ ᓴᒃᑯᓐᓂᐊᓐᖏᓚᒋᑦ, ᐅᕙᖓ, ᐊᑕᓂᐅᔪᖓ ᑕᒪᑐᒥᖓ ᐅᖃᕐᐳᖓ.”

ᐃᓯᑭᐊᓕᐅᑉ ᐊᒡᓚᖏᑦ 12:16

ᐊᒥᐊᒃᑯᖃᕐᑎᑦᓱᒫᕐᐸᒃᑲᓕ ᐅᓄᖏᑦᑐᓂᒃ ᓴᕕᒡᔪᐊᒥᑦ ᐊᓐᓇᒃᑐᓂᒃ, ᑳᖕᓇᕐᑐᕐᔪᐊᒥᑦ ᐋᓐᓂᐊᓇᕐᑐᓂᓪᓗ, ᐅᓂᒃᑳᕈᓐᓇᕐᓯᖁᓪᓗᒋᑦ ᒎᑎᒧᑦ ᓇᕐᕈᓇᕐᑐᓂᒃ ᐱᓂᐊᕐᓂᕆᓚᐅᕐᑕᒥᖕᓂᒃ ᐃᓅᖃᑎᒌᒡᔪᐊᓃᓕᕈᑎᒃ ᓇᔪᓕᕐᑕᒥᖕᓂ, ᖃᐅᔨᓕᖁᓪᓗᒋᓪᓗ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 14:22

ᑕᒪᒃᑯᓇᓐᖓᓪᓕ ᐊᓐᓇᒍᓐᓇᕐᑐᖃᕋᔭᕐᐸᑦ ᕿᑐᕐᖓᓂᓗ ᑕᓯᐅᕐᓗᓂᒋᑦ, ᐃᓕᑦᓯᓐᓄᑦ ᑎᑭᑉᐸᑕ, ᐱᐅᓯᖏᓪᓗ ᐱᓂᐊᕐᓂᖏᓪᓗ ᑕᑯᓕᕈᑦᓯᒋᒃ, ᑕᕝᕙ ᔨᕉᓴᓕᐅᑉ ᓱᒋᐊᕐᑕᐅᓂᖓ ᐱᐅᖏᑦᑐᒧᑦ ᓈᒻᒪᓈᕐᑕᐅᓯᒪᓂᖓᓂᒃ ᖃᐅᔨᒐᔭᕐᐳᓯ ᒪᓂᒍᕐᑕᐅᓗᓯᓗ.

ᐃᓯᑭᐊᓕᐅᑉ ᐊᒡᓚᖏᑦ 5:10

ᑍᒤᒻᒪᑦ ᐊᑖᑕᐅᔪᑦ ᕿᑐᕐᖓᒥᖕᓂᒃ ᓂᕿᖃᓕᕈᒫᕐᐳᑦ ᐊᑯᓐᓇᑦᓯᓐᓂ, ᕿᑐᕐᖓᐅᔪᓪᓗ ᐊᖓᔪᖅᑳᒥᖕᓂᒃ ᓂᕿᖃᓕᕐᒥᓗᑎᒃ; ᑍᒫᒃ ᓱᒋᐊᕈᒫᕐᐸᑦᓯ, ᐊᒥᐊᒃᑰᔪᓪᓗ ᓇᒧᓕᒫᖅ ᓯᐊᒻᒪᒍᒫᕐᐳᑦ ᐊᓄᕆᓕᒫᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 5:12

ᐃᓅᖃᑎᑦᓯ ᐱᖓᔪᓪᓗᐊᖏᑦ ᐋᓐᓂᐊᓇᕐᑐᒧᑦ ᑐᖁᕋᕈᒫᕐᐳᑦ ᑳᖕᓇᕐᑐᕐᔪᐊᒧᓪᓗ ᐱᕐᓕᕋᕐᓗᑎᒃ ᐊᑯᓐᓇᑦᓯᓐᓂ; ᐃᓅᖃᑎᑦᓯ ᐱᖓᔪᒋᖕᒥᔭᖏᑦ ᑐᖁᕋᕐᑕᐅᔪᒫᕐᐳᑦ ᓴᕕᒡᔪᐊᒧᑦ ᐊᕙᑎᑦᓯᓐᓂ; ᐱᖓᔪᒋᖕᒥᔭᖏᑦ ᓯᐊᒻᒪᕐᑎᓪᓗᒋᑦ ᐊᓄᕆᓕᒫᓄᑦ ᑎᒃᑕᐅᕋᕐᑎᑦᓱᒫᕐᐸᒃᑲ ᓴᕕᒡᔪᐊᕐᓗ ᐴᖓᓂᑦ ᐊᒧᓗᒍ ᒪᓕᒍᒫᕐᐸᒃᑲ ᕿᒫᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 5:2

ᐱᖓᔪᖏᑦ ᐃᑯᐊᓪᓚᒍᒫᕐᐸᑎᑦ ᐃᒡᓗᒐᓴᒡᔪᐊᑦ ᐃᓗᐊᓂ; ᔨᕉᓴᓕᒥᐅᑦ ᐊᑭᕋᒥᓄᑦ ᐊᕙᓗᔭᐅᓯᒪᓂᖓ ᐃᓱᓕᑉᐸᑦ; ᐱᖓᔪᖏᓪᓗ ᓴᕕᒡᔪᐊᕐᓄᑦ ᓇᑲᑎᕐᓗᒋᑦ ᓈᕕᑕᒃᓴᕆᕙᑎᑦ ᐃᒡᓗᒐᓮᑦ ᐊᕙᓗᐊᑕ ᓯᓚᑖ ᓈᓗᒍ; ᐱᖓᔪᒋᖕᒥᔭᖏᑦ ᑎᒃᑕᐅᕋᕐᑎᓪᓗᒋᑦ ᐊᓄᕆᒧᑦ, ᓴᕕᒡᔪᐊᕋ ᐊᒧᓗᒍ ᒪᓕᒍᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 6:7

ᑐᖁᑕᐅᔪᖃᖃᑦᑕᕈᒫᕐᐳᑦ ᐊᑯᓐᓇᑦᓯᓐᓂ, ᖃᐅᔨᖁᓪᓗᓯ ᐊᑕᓂᐅᒐᒪ.

ᐃᓯᑭᐊᓕᐅᑉ ᐊᒡᓚᖏᑦ 7:16

ᕿᒫᓗᑎᒡᓕ ᐊᓐᓇᑦᑐᑦ, ᖃᖅᑲᓃᓕᕈᒫᕐᐳᑦ, ᑑᕕᑎᑐᑦ ᓇᕐᓴᐅᑉ ᐃᓗᐊᓂᑦ ᕿᒫᔪᑎᑐᑦ, ᐃᓘᓐᓇᑎᒡᓗ ᐅᒡᒍᐊᕈᑎᖃᕐᓗᑎᒃ ᐊᔪᕐᑐᓕᓯᒪᓂᕐᒥᖕᓂᒃ.

ᔨᐸᓁᐊᐅᑉ ᐊᒡᓚᖏᑦ 3:12

ᑍᒃᑯᐊ ᐊᒥᐊᒃᑰᑎᓐᓂᐊᕐᐸᒃᑲ ᒥᑭᒡᓕᑎᕐᓯᒪᔪᑦ ᐱᐅᔪᕆᖏᑦᑐᓪᓗ ᐊᑯᓐᓇᑦᓯᓐᓂᑦ, ᑕᑎᖃᕐᑐᑦ ᐊᑕᓂᐅᑉ ᐊᑎᖓᓂᒃ.

ᕉᒪᒥᐅᓄᑦ 9:27

ᐂᓮᐊᓯ ᓂᓪᓕᐊᓚᐅᕐᐳᖅ ᐃᓴᕆᐊᓕᒥᐅᓄᑦ: “ᐃᓴᕆᐊᓕᒥᐅᑦ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᒐᓗᐊᕐᐸᑕ, ᐊᒥᐊᒃᑯᑐᐊᖏᑦ ᐅᓄᖏᑦᑐᑦ ᐱᐅᓕᔭᐅᔪᒫᕐᐳᑦ.