7 ᑐᖁᑕᐅᔪᖃᖃᑦᑕᕈᒫᕐᐳᑦ ᐊᑯᓐᓇᑦᓯᓐᓂ, ᖃᐅᔨᖁᓪᓗᓯ ᐊᑕᓂᐅᒐᒪ.
ᐊᑏ ᒫᓐᓇ, ᐊᑕᓃᖅ ᒎᑎᒋᔭᕗᑦ, ᓴᐳᑎᓚᐅᕐᑎᒍᑦ ᕿᓄᕕᒋᕙᒋᑦ, ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓᓂᑦ, ᓄᓇᒥ ᐊᖓᔪᖅᑳᕐᔪᐊᖃᕐᕕᐅᔪᓕᒫᑦ ᖃᐅᔨᓕᖁᓪᓗᒋᑦ ᐃᕝᕕᑐᐊᖅ, ᐊᑕᓃᖅ ᒎᑎᑐᐊᖑᒐᕕᑦ.”
ᐄᑦᔨᑉᑎᒥᐅᓪᓗ ᓵᓚᒋᒍᒃᑭᑦ ᖃᐅᔨᓂᐊᕐᐳᑦ ᐊᑕᓂᐅᓂᓐᓂᒃ.”
ᐱᔭᕐᓂᕈᓐᓃᕐᑎᓐᓂᐊᕋᒃᑯ, ᐃᓕᑦᓯᓐᓂᒡᓗ ᒪᓕᒃᓴᕐᓂᐊᕐᐳᖅ, ᓵᓚᖃᕐᓂᕋᓗ ᐊᖓᔪᖅᑳᕐᔪᐊᒥᒃ ᐅᓇᑕᕐᑐᒃᓴᖁᑎᖏᓐᓂᒡᓗ ᐅᐱᒋᔭᐅᑦᔪᑎᒋᓂᐊᕐᐸᕋ, ᑕᕝᕙ ᐄᑦᔨᑉᑎᒥᐅᑦ ᖃᐅᔨᓂᐊᕐᐳᑦ ᐊᑕᓂᐅᓂᓐᓂᒃ.” ᐃᓴᕆᐊᓕᒥᐅᓪᓗ ᐱᖁᔭᐅᓂᑎᒃ ᒪᓕᒡᓗᒍ ᐱᓂᐊᓚᐅᕐᐳᑦ.
ᐄᑦᔨᑉᑎᒥᐅᓪᓗ ᖃᐅᔨᓕᕐᓂᐊᕐᐳᑦ ᐊᑕᓂᐅᓂᓐᓂᒃ ᓱᒋᐊᕈᒃᑭᑦ ᐃᓴᕆᐊᓕᒥᐅᓪᓗ ᓄᓇᖓᓐᓂᑦ ᐊᐅᓪᓚᕐᑎᒃᑯᒃᑭᑦ.”
ᐱᕈᕐᓰᕕᖕᒧᐊᕈᒪ, ᑕᑯᒋᑦ, ᓇᓂᑐᐃᓐᓇᖅ ᓴᕕᒡᔪᐊᒧᑦ ᑐᖁᑕᕕᓂᕐᓂᒃ ᑕᑯᕗᖓ, ᐃᒡᓗᒐᓴᖕᓄᐊᕋᒪᓗ, ᑕᑯᒋᑦ, ᐱᕐᓕᕋᕐᑐᕕᓂᕐᓂᒃ ᑕᑯᒋᕗᖓ, ᓇᓚᐅᑦᑍᔪᑦ ᑐᓂᕐᕈᓯᕐᑎᑦᓯᔩᓪᓗ ᑕᒪᕐᒥᒃ, ᑲᔪᓯᕗᑦ ᐱᓇᓱᐊᕐᑕᒥᖕᓂᒃ ᖃᐅᔨᒪᓇᑎᒃ.”
ᑍᒤᒻᒪᑦ ᕿᑐᕐᖓᖏᑦ ᑳᖕᓇᕐᑐᕐᔪᐊᒧᑦ ᐱᕐᓕᕋᓕᕐᓕᑦ; ᐅᓇᑕᕐᑐᓄᓪᓗ ᑐᖁᕋᕐᑕᐅᓕᕐᓕᑦ, ᓄᓕᐊᖏᑦ ᕿᑐᕐᒊᕈᑦᔭᐅᓕᕐᓕᑦ, ᐅᐃᒡᒐᕐᓂᐅᓕᕐᓗᑎᒡᓗ, ᐊᖑᑎᖏᓪᓗ ᑐᖁᕋᕐᑕᐅᓗᑎᒃ ᐋᓐᓂᐊᓇᕐᑐᓄᑦ, ᐃᓅᓱᒃᑐᖁᑎᖏᓪᓗ ᐅᓇᑕᕐᑐᓂ ᑐᖁᕋᕐᑕᐅᓗᑎᒃ.
ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᕐᒧᑦ ᑐᖁᕋᕐᑕᐅᔪᕕᓃᑦ ᓇᓂᑐᐃᓐᓇᖅ ᑕᑯᔭᒃᓴᐅᔪᒫᕐᐳᑦ, ᓄᓇᕐᔪᐊᑉ ᑭᒡᓕᖓᓂᑦ ᑭᒡᓕᖓᓄᑦ. ᐅᒡᒍᐊᕈᑕᐅᔪᒫᓐᖏᓚᑦ ᑲᑎᕐᓱᕐᑕᐅᔪᓐᓇᖏᓪᓗᑎᒃ, ᐃᓗᕕᕐᑕᐅᔪᓐᓇᖏᓪᓗᑎᒡᓗ, ᐊᓇᕐᑎᑐᓪᓕ ᑕᒫᓃᕐᕆᑐᐃᓐᓇᕈᒫᕐᐳᑦ ᒪᓂᖅᑲᒥ.
ᐅᓇᑕᕐᑐᓂ ᑐᖁᔪᑦ ᐱᐅᓂᕐᓴᐅᕗᑦ ᑭᖑᓂᖓᓂ ᑐᖁᔪᕕᓂᕐᓂᑦ ᐱᕐᓕᕐᓗᑎᒃ ᓱᒃᑬᑦᑐᒥᒃ ᑐᖁᕙᓪᓕᐊᔪᓂᑦ ᓂᕿᒃᓴᖃᖏᓐᓂᕐᒥᓄᑦ.
ᓴᕕᒡᔪᐊᒧᑦ ᑐᖁᑕᐅᔪᒫᕐᐳᓯ; ᐃᖅᑲᕐᑐᕈᒫᕐᐸᑦᓯ ᐃᓴᕆᐊᓕᒥᐅᑦ ᓄᓇᖓᑕ ᑭᒡᓕᖓᓂ; ᖃᐅᔨᔪᒫᕐᐳᓯᓗ ᐅᕙᖓᐅᒐᒪ ᐊᑕᓂᖅ.
ᖃᐅᔨᔪᒫᕐᐳᓯᓗ ᐅᕙᖓᐅᒐᒪ ᐊᑕᓂᖅ; ᐊᑐᕐᑕᐅᖁᔭᓐᓂᒃ ᐃᓅᓚᐅᖏᓐᓇᑦᓯ, ᐱᖁᔭᒃᑲᓗ ᒪᓕᓚᐅᕐᓇᒋᑦ, ᐃᓅᖃᑎᒌᒡᔪᐊᑦ ᖃᓂᒋᔭᑦᓯᓐᓃᑦᑐᑦ ᐱᖁᔭᖏᓐᓂᒃ ᒪᓕᖔᓕᓚᐅᕋᑦᓯ.”
“ᖃᐅᔨᓕᕈᒫᕐᐳᓪᓗ ᐅᕙᖓᐅᒐᒪ ᐊᑕᓂᖅ, ᐊᐅᓪᓚᕐᑎᒃᑯᒃᑭᑦ ᐃᓅᖃᑎᒌᒡᔪᐊᓄᑦ ᓯᐊᒻᒪᕐᑎᒃᑯᒃᑭᓪᓗ ᓄᓇᓕᒡᔪᐊᓄᑦ.
ᐃᓄᐃᑦ ᑕᕝᕙᓂ ᓄᓇᓖᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᔨᕉᓴᓕᒥᐅᑦ ᐱᑦᔪᑎᒋᓪᓗᒋᑦ ᐃᓴᕆᐊᓕᒥ ᓄᓇᓖᑦ: ᓂᕆᔪᒫᕐᐳᑦ ᑲᑉᐱᐊᓱᒡᓗᑎᒃ, ᐃᒥᕈᒫᕐᐳᓪᓗ ᐃᓱᒪᔮᕐᓗᑎᒃ, ᓄᓇᖓᑦ ᓱᓁᕈᑦᔭᐅᔪᒫᕐᒪᑦ, ᑕᕝᕙᓃᑦᑐᓕᒫᑦ ᐱᕋᔭᖕᓂᒃᑯᑦ ᐃᓅᓂᖏᓐᓄᑦ.
ᐊᕙᓗᕐᔪᐊᕐᓗ ᓯᖁᑦᑎᕈᒫᕐᐸᕋ ᖃᑯᕐᑕᒧᑦ ᒥᖑᐊᓚᐅᕐᑕᓯ, ᐅᕐᕉᕋᕐᑎᑦᓱᒫᕐᐸᕋ ᒪᓂᖅᑲᒧᑦ, ᑐᓐᖓᕕᕕᓂᑐᐃᓐᓇᐅᓕᕐᓗᓂ; ᐅᕐᕉᒃᐸᑦ ᐃᓕᑦᓯᑦᑕᐅᖅ ᑐᖁᔪᒫᕐᐳᓯ ᐊᑯᕐᖓᓐᓂ; ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ.
ᑮᓇᑦᓯᓐᓄᑦ ᒪᑐᐊᓯ ᐊᓕᒡᓗᒋᑦ ᐲᔭᕈᒫᕐᐸᒃᑲ, ᐃᓄᖁᑎᒃᑲᓗ ᐱᔪᓐᓇᐅᑎᑦᓯᓐᓂᑦ ᓴᐳᑎᓗᒋᑦ, ᐃᓕᑦᓯᓐᓄᓪᓗ ᓇᕆᐊᕆᔭᐅᔪᑎᑐᑦ ᑍᒤᑦᓱᓐᓁᕈᒫᕐᐳᑦ; ᖃᐅᔨᖁᓪᓗᓯ ᐅᕙᖓᐅᒐᒪ ᐊᑕᓂᖅ.
ᑍᒤᒻᒪᑦ ᑕᑯᑎᑕᐅᓐᖑᐊᕐᓂᕆᖃᑦᑕᕐᑕᓯ ᓄᖅᑲᕐᓂᐊᓕᕐᐳᖅ ᐱᔪᒫᕐᑐᒃᓴᓂᒡᓗ ᐅᖃᐅᓯᖃᕋᓱᖃᑦᑕᕐᓂᓯ ᐃᓱᓕᑉᐳᖅ; ᐃᓄᖁᑎᒃᑲ ᓴᐳᑎᓂᐊᓕᕐᐸᒃᑲ ᐱᔪᓐᓇᐅᑎᑦᓯᓐᓂᑦ. ᑕᕝᕙ ᖃᐅᔨᓂᐊᕐᐳᓯ ᐅᕙᖓᐅᒐᒪ ᐊᑕᓂᖅ.”
ᓱᒋᐊᕐᓯᓂᐊᕐᐳᖓ ᐱᔪᒫᕐᑐᓂᒃ ᓱᓕᖏᑦᑐᓂᒃ ᑕᑯᑎᑕᐅᓯᒪᓂᕋᕐᑐᓂᒃ ᓱᓕᖏᑦᑐᓂᒡᓗ ᓇᓚᐅᑦᑍᓂᕋᖃᑦᑕᕐᑐᓂᒃ; ᐃᓚᒋᔭᐅᑎᓐᓂᐊᕈᓐᓃᕐᐸᒃᑲ ᐃᓄᖁᑎᒪ ᑲᑎᒪᖃᑦᑕᕐᓂᖏᓐᓄᑦ, ᐃᓴᕆᐊᓕᐅᑉ ᑭᖑᕚᖏᑕ ᐊᑎᖃᕐᕕᖏᓐᓄᑦ ᐃᓚᒋᔭᐅᑎᓐᓂᐊᕈᓐᓃᕐᐸᒃᑲ, ᐃᓴᕆᐊᓕᐅᓪᓗ ᓄᓇᖓᓄᑦ ᐃᑎᕐᓂᐊᕈᓐᓃᕐᐳᑦ; ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ ᒎᑎ.
ᑍᒤᓕᐅᕐᑐᖅ ᓵᓐᓂᐊᕐᐸᕋ, ᓇᓗᓁᒃᑯᑕᓐᖑᕐᑎᓪᓗᒍ ᐅᖃᐅᓯᐅᖃᑦᑕᕐᓗᓂ ᐅᓗᕆᐊᒋᔭᒃᓴᐅᖁᓪᓗᒍ ᐃᓄᖁᑎᓐᓄᓪᓗ ᐃᓚᒋᔭᐅᔪᓐᓃᕐᑎᓪᓗᒍ; ᑕᕝᕙ ᖃᐅᔨᓂᐊᕐᐳᓯ ᐅᕙᖓᐅᒐᒪ ᐊᑕᓂᖅ.
ᑖᒃᑯᐊ ᓵᓐᖓᔪᒫᕐᐸᒃᑲ; ᐃᑯᐊᓚᔪᒥᑦ ᐊᓐᓇᒃᓗᑎᒃ ᐊᓂᒍᐃᒐᓗᐊᕐᐸᑕ, ᐃᑯᒪᒧᓪᓕ ᓱᓕ ᓄᖑᑕᐅᔪᒫᕐᐳᑦ; ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ, ᑮᓇᓐᓄᑦ ᓵᓐᖓᓕᕈᒃᑭᑦ.
ᓴᓗᒤᓕᑎᓚᐅᕐᐸᒃᑲ ᑐᓂᕐᕈᓯᖃᑦᑕᕐᓂᖏᑎᒍᑦ ᕿᑐᕐᖓᕐᑖᕆᐅᕈᑎᒥᖕᓂᒃ ᐃᑯᐊᓚᑎᑦᓯᓂᒃᑯᑦ, ᑲᑉᐱᐊᓱᒃᑎᑦᓱᒪᓪᓗᒋᑦ; ᑍᒤᑎᓚᐅᕐᐸᒃᑲ ᖃᐅᔨᓕᖁᓪᓗᒋᑦ ᐅᕙᖓᐅᒐᒪ ᐊᑕᓂᖅ.
ᐊᑭᕋᕐᑐᕐᑏᑦ ᐃᓕᑦᓯᓐᓂᑦ ᐲᔭᕈᒫᕐᐸᒃᑲ, ᐊᔪᕐᑐᓕᔪᓪᓗ ᐅᕙᓐᓄᑦ: ᓄᓇᒋᔭᖏᓐᓂᑦ ᐊᐅᓪᓚᕐᑎᓪᓗᒋᑦ, ᐅᑎᕐᑎᑦᓱᒫᓐᖏᓚᒃᑲ ᐃᓴᕆᐊᓕᒧᑦ. ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ.
ᑕᕝᕙ ᑐᑭᓯᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ, ᐃᓴᕆᐊᓕᐅᑉ ᓄᓇᖓᓄᑦ ᐅᑎᕐᑎᒃᑯᑦᓯ, ᓯᕗᓕᑦᓯᓐᓄᑦ ᓄᓇᒋᔭᐅᖁᓪᓗᒍ ᐊᖏᕈᑎᒋᓚᐅᕐᑕᓐᓄᑦ.
ᖃᐅᔨᔪᒫᕐᐳᓯᓗ ᐅᕙᖓᐅᒐᒪ ᐊᑕᓂᖅ, ᐱᓂᐊᕐᕕᒋᓯᒪᒐᑦᓯ ᐊᑎᕋ ᐱᑦᔪᑎᒋᓪᓗᒍ, ᐱᐅᖏᑦᑐᓕᓂᓯ ᐱᑦᔪᑎᒋᓇᒋᑦ, ᐱᓂᐊᕐᓂᓯᓗ ᐊᓯᕈᕐᑕᐅᓇᕐᑐᑦ ᐱᑦᔪᑎᒋᓇᒋᑦ, ᐃᓴᕆᐊᓕᒧᑦ ᑭᖑᕚᖑᔪᓯ, ᐊᑕᓂᖅ ᒎᑎ ᐅᖃᕐᐳᖅ.”
ᐃᓅᖃᑎᒌᒡᔪᐊᓄᑦ ᓇᕐᕈᓇᕐᓯᑎᑕᐅᒍᒪ ᐃᓕᑦᓯᑎᒍᑦ; ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ.”
ᐊᑭᓂᐊᕐᕕᐅᔪᒫᕐᐳᓯᒃ ᐃᒃᓯᒎᕐᑎᐅᓯᒪᓂᑦᓯᓐᓄᑦ, ᓱᒋᐊᕐᑕᐅᔪᒫᕐᐳᓯᓗ ᐊᔪᕐᑐᓕᓯᒪᒐᑦᓯ ᒎᑎᓐᖑᐊᖃᕐᓂᕐᒧᑦ; ᑕᕝᕙ ᑐᑭᓯᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ ᒎᑎ.”
ᑕᕝᕙ ᐃᓯᑭᐊᓕ ᐃᓕᑦᓯᓐᓄᑦ ᓇᓗᓁᒃᑯᑕᐅᓕᕈᒫᕐᐳᖅ; ᐊᑐᕐᑕᓕᒫᖓᓂᒃ ᐊᑑᑎᔭᕆᐊᖃᕈᒫᕐᐳᓯ. ᑕᒪᓐᓇ ᓇᓪᓕᐅᑎᒃᐸᑦ, ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ ᒎᑎ.’
ᐅᓪᓗᒥ ᑕᕝᕙᓂᑦᓮᓐᓇᖅ ᕿᒫᔪᒧᑦ ᑎᑭᑕᐅᒍᕕᑦ ᐅᖃᕈᓐᓇᕐᓯᔪᒫᕐᐳᑎᑦ, ᐅᖃᓪᓚᓕᕐᓗᑎᓪᓗ ᐅᖃᕈᓐᓇᖏᑦᑑᔪᓐᓃᕐᓗᑎᑦ. ᑍᒤᒻᒪᑦ ᓇᓗᓁᒃᑯᑕᐅᔪᒫᕐᐳᑎᑦ ᐃᓄᖕᓄᑦ; ᖃᐅᔨᔪᒫᕐᐳᓪᓗ ᐅᕙᖓᐅᒐᒪ ᐊᑕᓂᖅ.”
ᓱᒋᐊᕈᒫᕐᐸᒃᑲ ᐊᑭᓂᐊᕕᒡᔪᐊᕐᓗᒋᑦ ᓂᓐᖓᐅᒪᓂᓐᓄᑦ ᐋᖅᑭᒃᓱᕐᓗᒋᑦ, ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᑖᒃᑯᓄᖓ ᐊᑭᓂᐊᕐᑐᖅ.”
ᓄᓁᓐᓇᕐᒦᑦᑐᑦ ᓴᕕᒡᔪᐊᒧᑦ ᑐᖁᕋᕐᑕᐅᔪᒫᕐᐳᑦ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.
ᖃᓂᒪᓇᕐᑐᓂᒃ ᑎᑭᕝᕕᐅᑎᑦᓱᒫᐸᕋ, ᐊᐅᖕᒥᒡᓗ ᖁᕕᓯᔪᒫᕐᐳᖓ ᐊᖅᑯᑎᖏᓐᓄᑦ; ᓄᓇᖏᓐᓂ ᑐᖁᕋᕐᑕᐅᔪᒫᕐᐳᑦ, ᐅᓇᑕᕆᐊᕐᑐᓄᑦ ᐊᕙᑎᖏᓐᓂᑦ ᑎᑭᑦᑐᓄᑦ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”
ᐄᑦᔨᑉᑎᒥᐅᓪᓗ ᐃᓅᖃᑎᒌᒡᔪᐊᓄᑦ ᓯᐊᒻᒪᕐᑎᑦᓱᒫᕐᐸᒃᑲ ᓄᓇᓕᒡᔪᐊᓄᓪᓗ ᓇᒧᑐᐃᓐᓇᖅ ᐂᑎᓪᓗᒋᑦ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”
ᐄᑦᔨᑉᑎᒥᐅᑦ ᓄᓇᖓᑦ ᓱᓁᕈᑎᑎᒃᑯᒃᑯ ᑕᕝᕙᓃᑦᑐᓕᒫᓪᓗ ᓄᖑᓪᓗᑎᒃ ᑐᖁᑕᐅᓯᒪᓕᕐᐸᑕ, ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.
ᖁᕕᐊᓱᓚᐅᕋᑦᓯ ᐃᓴᕆᐊᓕᐅᑉ ᑭᖑᕚᖏᓐᓂᒃ ᑭᖑᕐᖑᑦᔨᓕᕋᑦᓯ, ᓱᓁᕈᑦᔭᐅᑎᓪᓗᒋᑦ, ᑍᒫᒃ ᐱᓂᐊᕐᕕᒋᓂᐊᓕᕐᐸᑦᓯ; ᓱᓁᕈᑦᔭᐅᔪᒫᕐᐳᓯ, ᓰᐊᕆᐅᑉ ᖃᖅᑲᖏᑦ, ᐄᑐᒥᐅᓪᓗ ᓄᓇᓕᒫᖓ ᐊᑕᖏᕐᓗᓂ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”
ᑍᒫᒡᓗ ᐊᔪᖏᑦᑐᕐᔪᐊᖑᓂᕋ ᐃᑦᔪᕐᓁᓐᓂᕋᓗ ᖃᐅᔨᔭᐅᑎᑦᓱᒫᕐᐸᕋ ᐃᓅᖃᑎᒌᒡᔪᐊᓄᑦ ᑕᑯᔭᐅᑎᓪᓗᒍ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”
ᖃᐅᔨᔪᒫᕐᐳᓯᓗ ᐅᕙᖓ ᐊᑕᓂᐅᒐᒪ, ᑐᖁᖓᔪᑦ ᒎᑎᓐᖑᐊᖃᕐᕕᖕᓂ ᑐᓂᕐᕈᓯᕐᕕᖕᓂᓗ ᓯᐊᒻᒪᕐᓯᒪᓕᕐᐸᑕ, ᐱᖑᕐᓂᓗ ᐳᕐᑐᔪᓕᒫᓂ, ᖃᖅᑬᓪᓗ ᖄᖏᓐᓂ, ᓇᐹᕐᑐᐃᓪᓗ ᑐᖑᔪᕐᑐᑦ ᐊᑖᓂ, ᓇᐹᕐᑐᕐᔪᐊᓪᓗ ᐅᖃᐅᔭᖅᑯᕐᑐᔪᑦ ᐊᑖᓂ, ᓇᓂᑐᐃᓐᓇᕐᓗ ᒎᑎᓐᖑᐊᓕᒫᓄᑦ ᒪᒪᕐᑐᓂᒃ ᑐᓂᕐᕈᓯᕐᕕᖏᓐᓂ.
ᓇᓂᑐᐃᓐᓇᖅ ᐃᒡᓗᒐᓴᒡᔪᐊᑦ ᐃᓂᒋᔭᓯ ᐊᓯᕈᕐᑕᐅᔪᒫᕐᐳᑦ ᒎᑎᓐᖑᐊᒃᑯᕕᓯᓗ, ᑐᓂᕐᕈᓯᕐᕕᖁᑎᓯᓗ ᓯᖁᑦᑎᕐᑕᐅᔪᒫᕐᐳᑦ, ᒎᑎᓐᖑᐊᖁᑎᓯ ᓯᖁᒥᑕᐅᔪᒫᕐᐳᑦ ᐊᓯᕈᕐᑕᐅᓗᑎᒡᓗ, ᐃᓯᕐᓗᐊᕐᓂᑎᑦᓯᕕᖕᒧᑦ ᑐᓂᕐᕈᓯᕐᕕᖁᑎᓯ ᐅᕐᕈᑎᑕᐅᓗᑎᒃ, ᓴᓇᓯᒪᔭᓯᓗ ᓄᖑᑕᐅᓗᑎᒃ.
“ᐊᒥᐊᒃᑯᖃᕐᑎᑦᓱᒫᕐᐸᑦᓯᓕ. ᐃᓚᖏᑦ ᓴᕕᒡᔪᐊᒥᑦ ᐊᓐᓇᒃᑎᑦᓱᒫᕐᐸᒃᑲ ᐃᓅᖃᑎᒌᒡᔪᐊᓂ, ᓯᐊᒻᒪᒃᑎᓪᓗᓯᓗ ᓄᓇᓕᒡᔪᐊᓄᑦ.
ᑕᑯᓐᖏᓮᓐᓇᕐᓂᐊᓐᖏᓚᑦᓯ, ᓂᑲᒋᓂᐊᕋᓯᓗ; ᓱᒋᐊᕐᓂᐊᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ, ᓇᕐᕈᒋᔭᓐᓂᒃ ᐱᓂᐊᕐᓂᖃᕋᑦᓯ ᓱᓕ. ᑕᕝᕙ ᖃᐅᔨᓂᐊᕐᐳᓯ ᐅᕙᖓ ᐊᑕᓂᐅᒐᒪ.
ᑕᑯᓐᖏᓮᓐᓇᕐᓂᐊᓐᖏᓚᑦᓯ, ᓂᑲᒋᓂᐊᕋᓯᓗ; ᓱᒋᐊᕐᓂᐊᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ, ᓇᕐᕈᒋᔭᓐᓂᒃ ᐱᓂᐊᕐᓂᖃᕋᑦᓯ ᓱᓕ. ᑕᕝᕙ ᖃᐅᔨᓂᐊᕐᐳᓯ ᐅᕙᖓ ᐊᑕᓂᐅᒐᒪ, ᓱᒋᐊᕐᓯᔨ.
ᑕᕝᕙ ᐅᖃᐅᑎᕔᑦ, “ᑐᒃᓯᐊᕐᕕᒡᔪᐊᖅ ᐃᑦᔪᕐᓇᕐᓯᑎᓯᐅᒃ, ᐊᓃᕋᔭᒡᕕᖏᑦ ᑐᖁᑕᐅᔪᓂᒃ ᓈᓗᒋᑦ. ᐊᑏ ᐂᓕᕆᑦᓯ.” ᐊᓂᒐᒥᒡᓗ, ᑐᖁᕅᓕᕐᐳᑦ ᐃᓄᖕᓂᒃ ᐃᒡᓗᒐᓴᒡᔪᐊᓃᑦᑐᓂᒃ.
