ᐃᓯᑭᐊᓕᐅᑉ ᐊᒡᓚᖏᑦ 6:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓇᓂᑐᐃᓐᓇᖅ ᐃᒡᓗᒐᓴᒡᔪᐊᑦ ᐃᓂᒋᔭᓯ ᐊᓯᕈᕐᑕᐅᔪᒫᕐᐳᑦ ᒎᑎᓐᖑᐊᒃᑯᕕᓯᓗ, ᑐᓂᕐᕈᓯᕐᕕᖁᑎᓯᓗ ᓯᖁᑦᑎᕐᑕᐅᔪᒫᕐᐳᑦ, ᒎᑎᓐᖑᐊᖁᑎᓯ ᓯᖁᒥᑕᐅᔪᒫᕐᐳᑦ ᐊᓯᕈᕐᑕᐅᓗᑎᒡᓗ, ᐃᓯᕐᓗᐊᕐᓂᑎᑦᓯᕕᖕᒧᑦ ᑐᓂᕐᕈᓯᕐᕕᖁᑎᓯ ᐅᕐᕈᑎᑕᐅᓗᑎᒃ, ᓴᓇᓯᒪᔭᓯᓗ ᓄᖑᑕᐅᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 6:6 Iomraidhean Croise

ᐊᑕᓃᑦ ᓯᕗᓪᓖᑦ 14:23

ᐃᒻᒥᓂᒃ ᓴᓐᓇᓚᐅᕆᕗᑦ ᑐᒃᓯᐊᕐᕕᒋᔭᒃᓴᒥᖕᓂᒃ ᒎᑎᓐᖑᐊᓂᒃ, ᐅᔭᕋᖕᓂᒃ ᓇᑉᐸᔪᓂᒃ, ᐃᓄᓐᖑᐊᓂᒡᓗ ᕿᔪᖕᓂᒃ ᐊᓯᕆᒻᓂᒃ ᖃᖅᑲᓕᒫᑦ ᖄᖏᓐᓂ ᑐᒃᓯᐊᕐᕕᒃᓴᒥᖕᓂᒃ ᓇᐹᕐᑐᕐᔪᐊᓪᓗ ᐊᖏᔪᑦ ᐊᑖᓐᓂ.

ᐃᓐᖏᕈᑎᑦ 115:8

ᓴᓇᔪᕕᓃᑦ ᑖᒃᑯᓂᖓ ᐃᒻᒥᖕᓂᒃ ᐊᑦᔨᓕᐅᕐᓯᒪᕗᑦ; ᑖᒃᑯᓂᖓᓗ ᑕᑎᖃᕐᑐᓕᒫᑦ ᑖᒃᑯᑎᑐᓇᖅ ᑍᒤᑦᑑᓕᕐᓱᑎᒃ.

ᐂᓮᐊᓯᐅᑉ ᐊᒡᓚᖏᑦ 1:31

ᓴᓐᖏᔪᑦ ᐃᑯᐊᓪᓚᒃᓴᐅᑎᐅᔪᒫᕐᐳᑦ, ᐱᓇᓱᐊᕐᓂᖏᓪᓗ ᐊᐅᒫᒡᒋᕐᑐᑎᑐᑦ ᑍᒤᓕᕐᓗᑎᒃ, ᑕᒪᕐᒥᒃ ᑖᒃᑯᐊᒃ ᐃᑯᐊᓚᔪᒫᕐᐴᒃ, ᑭᓇᒧᓪᓘᓐᓃᑦ ᖃᒥᑕᐅᔪᓐᓇᖏᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 2:18

ᒎᑎᓐᖑᐊᓪᓗ ᐊᑕᖏᑦᓯᐊᕐᓗᑎᒃ ᐱᑕᖃᕈᓐᓃᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 2:20

ᐅᓪᓗᒥ ᑖᑦᓱᒪᓂ ᐃᓄᐃᑦ ᐃᒋᐅᖅᑬᓕᕈᒫᕐᐳᑦ ᒎᑎᓐᖑᐊᒥᖕᓂᒃ ᓯᐅᓪᕕᕆᓂᒃ ᒎᑎᓐᖑᐊᒥᖕᓂᒡᓗ ᒎᓗᓂᒃ, ᓇᖕᒥᓂᖅ ᓴᓇᓚᐅᕐᑕᒥᖕᓄᑦ ᑐᒃᓯᐊᕐᕕᒋᖃᑦᑕᕈᒪᓪᓗᒋᑦ, ᐃᒋᑦᓯᔪᒫᕐᐳᑦ ᓄᓇᐅᑉ ᐃᓗᐊᓂᒥᐅᑕᕐᓄᑦ ᐊᕕᓐᖓᐅᔮᕐᑐᓄᑦ ᐊᕕᓐᖓᐅᔮᕐᑐᓄᓪᓗ ᐃᓴᕈᓕᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 27:9

ᑍᒤᒻᒪᑦ ᑕᒪᑐᒧᖓ ᔧᑰᑉ ᐊᔪᕐᑐᓕᓯᒪᓂᖏᑦ ᐃᓱᒪᒋᔪᓐᓁᕐᑕᐅᔪᓐᓇᕐᓯᔪᒫᕐᐳᑦ, ᑭᓯᐊᓂ ᐅᒃᐱᖏᑦᑐᑦ ᒎᑎᓐᖑᐊᖏᑦ ᐅᔭᕋᖕᓂᑦ ᓴᓇᓯᒪᔪᑦ ᓯᖃᓪᓕᔭᐅᓗᑎᒃ ᓱᓇᐅᔪᓐᓃᕐᑎᑕᐅᒃᐸᑕ. ᒎᑎᓐᖑᐊᒧᑦ ᐊᓯᕋᒧᑦ ᑐᒃᓯᐊᕐᓗᑎᒃ ᐳᔫᕐᑎᑦᓯᑦᔪᑎᐅᖃᑦᑕᕐᑐᑦ ᐊᑐᕐᑕᐅᔪᓐᓃᕐᐸᑕ.

ᐂᓮᐊᓯᐅᑉ ᐊᒡᓚᖏᑦ 6:11

ᑕᕝᕙ ᐅᖃᕐᐳᖓ, “ᐊᑕᓃᖅ, ᖃᓄᖅ ᑕᒪᓐᓇ ᐊᑯᓂᐅᑎᒋᔭᕆᐊᖃᕐᐹ?” ᑭᐅᕚᖓᓗ ᐅᖃᕐᓗᓂ: “ᐃᒡᓗᒐᓴᒡᔪᐊᑦ ᓯᖁᒥᑦᓯᐊᕐᐸᑕ ᑭᓯᐊᓂ ᐃᓄᖃᕈᓐᓃᕐᓗᑎᒡᓗ, ᐃᒡᓗᐃᓪᓗ ᐃᓄᖃᕈᓐᓃᕐᐸᑕ, ᓄᓇᖓᓪᓗ ᐃᓄᖃᕈᓐᓃᑦᓯᐊᕐᐸᑦ.

ᐂᓮᐊᓯᐅᑉ ᐊᒡᓚᖏᑦ 64:10

ᐃᑦᔪᕐᓁᑦᑐᑦ ᐃᒡᓗᒐᓴᒡᔪᐊᖁᑎᑎᑦ ᓱᓇᖃᖏᑦᑐᓐᖑᕐᓯᒪᕗᑦ, ᓮᐅᓂᓗ ᓱᓇᖃᖏᑦᑐᒦᓕᕐᐳᖅ, ᔨᕉᓴᓕᒻᓗ ᐃᓄᖃᕈᓐᓃᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 10:22

ᑕᑯᒋᑦ! ᑐᓴᒐᒃᓴᕐᑕᖃᕐᐳᖅ ᐃᓕᑦᓯᓐᓄᑦ, ᐱᕐᐸᓗᒃᔪᐊᕐᑐᑦ ᑐᓴᕐᓴᐅᓕᕐᐳᑦ ᐅᓐᓄᐊᓪᓗᐊᑉ ᓇᓛᓂᑦ, ᔫᑕᐅᑉ ᐃᒡᓗᒐᓴᖏᓐᓂᒃ ᓱᓁᕐᕈᑦᔨᔭᕐᑐᕐᑐᑦ, ᐊᒪᕉᔮᕐᑐᓄᑦ ᐃᓂᒃᓴᐅᓕᖁᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 17:3

ᖃᖅᑲᓂ ᓄᓇᑐᐃᓐᓇᕐᒦᑦᑐᒥ, ᐊᔪᕐᓴᖏᑦᔪᑎᓯ ᑲᑎᕐᓱᐊᓯᓗ ᓇᒡᕚᕐᑕᒐᐅᑎᑦᓱᒫᕐᐸᒃᑲ ᐊᑭᓕᐅᑕᐅᓗᑎᒃ ᐊᔪᕐᓂᑦᓯᓐᓄᑦ ᓄᓇᓕᒫᑦᓯᓐᓂ.

ᔨᕆᒤᐊᐅᑉ ᐊᒡᓚᖏᑦ 2:15

ᓛᔭᑎᑐᑦ ᖃᓕᖑᐊᕐᑕᐅᖕᒪᑕ, ᐃᕐᓯᓵᕐᑕᐅᓪᓗᑎᒡᓗ; ᓄᓇᖓᓗ ᓱᓁᕈᑦᔭᐅᖕᒪᑦ, ᐃᒡᓗᒐᓴᒡᔪᐊᖁᑎᖏᓪᓗ ᐃᑭᑕᐅᓪᓗᑎᒃ ᓄᖑᑕᐅᖕᒪᑕ ᐃᓄᖃᕈᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 34:22

ᑎᓕᓯᓂᐊᕐᐳᖓ, ᐊᑕᓂᖅ ᐅᖃᕐᐳᖅ, ᐅᑎᕐᓂᐊᕐᒪᑕ ᑕᕝᕗᖓ ᐃᒡᓗᒐᓴᒡᔪᐊᓄᑦ ᐅᓇᑕᕐᓗᒍᓗ ᓵᓚᒋᒍᓂᑦᔪᒃ ᐃᑯᐊᓪᓚᖕᓂᐊᕐᐹᑦ, ᔫᑕᒥᐅᓪᓗ ᓄᓇᓕᖁᑎᖏᑦ ᓄᓇᒋᔭᒃᓴᐅᔪᓐᓃᕐᑎᓐᓂᐊᕐᐸᒃᑲ ᓄᓇᒋᔭᐅᔪᓐᓃᖁᓪᓗᒋᑦ ᐃᓄᖕᓄᑦ.”

ᔨᕆᒤᐊᐅᑉ ᐊᒡᓚᖏᑦ 51:18

ᐊᑐᕐᓇᓐᖏᓚᑦ ᒥᑕᐅᑎᒋᔭᒃᓴᓕᐅᑐᐃᓐᓇᕐᐳᑦ, ᖃᐅᔨᓇᓱᐊᕐᑕᐅᒃᐸᑕ ᐊᑐᕐᑐᒃᓴᐅᖏᓐᓂᖏᑦ ᓇᓗᓇᕈᓐᓃᕋᔭᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 9:10

ᖃᖅᑬᑦ ᕿᐅᑦᔪᑎᒋᓂᐊᕐᐸᒃᑲ ᓂᐹᓗᖓ, ᐅᒡᒍᐊᕈᑎᖃᕐᓗᖓᓗ ᓇᑎᕐᓁᑦ ᓄᓇᑦᓯᐊᕙᐅᓂᕆᕙᓚᐅᕐᑕᖏᓐᓂᒃ, ᓱᓇᑕᖃᕈᓐᓃᕐᒪᑕ ᐃᖏᕐᕋᕕᐅᔪᓐᓇᕈᓐᓃᕐᓗᑎᒡᓗ ᐆᒪᔪᐃᓪᓗ ᓂᕆᓇᓱᐊᕐᐸᓚᐅᕐᑐᑦ ᑐᓴᕐᑕᐅᑦᔮᔪᓐᓃᕐᒪᑕ, ᑎᖕᒥᐊᓕᒫᓪᓗ ᕿᒫᓗᑎᒃ ᐊᐅᓪᓚᕐᓯᒪᓕᕐᒪᑕ ᐆᒪᔪᖃᕈᓐᓃᕐᓗᓂᓘᓐᓃᑦ.

ᔨᕆᒤᐊᐅᑉ ᐊᒡᓚᖏᑦ 9:11

ᔨᕉᓴᓕᒻ ᓄᓇᓕᕕᓂᑐᐃᓐᓇᐅᓕᕐᑎᑦᓱᒫᕐᐸᕋ, ᐊᒪᕉᔮᕐᑐᓄᑦ ᑲᑦᔭᓄᑦ ᓯᑎᖃᕐᕕᒃᓴᓐᖑᕐᑎᓪᓗᒍ, ᔫᑕᐅᑉ ᓄᓇᓕᖁᑎᕕᓂᖏᑦ ᓯᖁᑦᑎᕐᓯᒪᔪᐃᓐᓇᓐᖑᕐᑎᑦᓱᒫᕐᐸᒃᑲ, ᓄᓇᖃᕐᕕᒃᓴᐅᔪᓐᓃᕐᓗᓂᓗ ᐃᓄᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 9:19

ᓮᐅᓂᒥᐅᓂᑦ ᕿᐊᔪᑦ ᑐᓴᕐᓴᐅᕗᑦ, “ᓱᕋᑦᓯᐊᕐᐳᒍᑦ, ᑲᓐᖑᓇᕐᑐᕐᔪᐊᒥᒃ ᐊᑐᓕᕐᐳᒍᑦ, ᓄᓇᕗᑦ ᕿᒪᒡᓗᒍ ᑭᓯᐊᓂᐅᓕᕐᐳᖅ ᐃᒡᓗᕕᓂᕋᓗᐊᕗᑦ ᓱᕋᒃᑎᕐᑕᐅᖕᒪᑕ.”

ᐃᓯᑭᐊᓕᐅᑉ ᐊᒡᓚᖏᑦ 12:19

ᐃᓄᐃᑦ ᑕᕝᕙᓂ ᓄᓇᓖᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᔨᕉᓴᓕᒥᐅᑦ ᐱᑦᔪᑎᒋᓪᓗᒋᑦ ᐃᓴᕆᐊᓕᒥ ᓄᓇᓖᑦ: ᓂᕆᔪᒫᕐᐳᑦ ᑲᑉᐱᐊᓱᒡᓗᑎᒃ, ᐃᒥᕈᒫᕐᐳᓪᓗ ᐃᓱᒪᔮᕐᓗᑎᒃ, ᓄᓇᖓᑦ ᓱᓁᕈᑦᔭᐅᔪᒫᕐᒪᑦ, ᑕᕝᕙᓃᑦᑐᓕᒫᑦ ᐱᕋᔭᖕᓂᒃᑯᑦ ᐃᓅᓂᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 16:39

ᓄᓕᐊᕐᓂᕐᒧᑦ ᐅᐃᕆᕝᕕᒋᓯᒪᔭᑦᓯᓐᓄᑦ ᑐᓂᔪᒫᕐᐸᑦᓯ, ᑖᒃᑯᓇᓐᖓᑦ ᒎᑎᓐᖑᐊᑦᓯᓐᓄᑦ ᑐᒃᓯᐊᕐᕕᒋᕙᒃᑕᓯ ᐊᔪᕐᑐᓕᕕᒋᕙᒃᑕᓯᓗ ᓯᖁᑦᑎᕐᑕᐅᔪᒫᕐᐳᑦ; ᐊᓐᓄᕌᓯ ᐊᓕᒃᑐᕐᓗᒋᑦ ᐊᓐᓄᕅᔭᕈᒫᕐᐹᓯ ᐱᐅᓴᐅᑎᒋᕙᒃᑕᓯᓗ ᐊᑭᑐᔪᑦ ᐱᔭᐅᓗᑎᒃ, ᐊᓐᓄᕌᖃᓐᖏᑎᓪᓗᓯ ᓱᓇᑕᖃᓐᖏᑎᓪᓗᓯᓗ ᕿᒪᒃᑕᐅᔪᒫᕐᐳᓯ.

ᐃᓯᑭᐊᓕᐅᑉ ᐊᒡᓚᖏᑦ 30:13

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᒎᑎᓐᖑᐊᖏᑦ ᐊᓯᕈᕈᒫᕐᐸᒃᑲ, ᒥᒻᐱᓯᒥᐅᓪᓗ ᐃᓄᓐᖑᐊᖁᑎᖏᑦ ᓯᖁᑦᑎᕈᒫᕐᐸᒃᑲ; ᐄᑦᔨᑉᑎᒥᐅᑦ ᐊᖓᔪᖅᑳᖃᕈᓐᓃᕈᒫᕐᐳᑦ; ᑕᕝᕙᓃᑦᑐᓪᓗ ᓯᕘᕋᓕᕐᑎᑦᓱᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 35:4

ᐃᒡᓗᒐᓴᓯ ᓄᓇᓕᕕᓂᑐᐃᓐᓇᐅᓕᕐᑎᑦᓱᒫᕐᐸᒃᑲ, ᓄᓇᖁᑎᓯᓗ ᓱᓁᕈᑎᑎᓪᓗᒍ; ᖃᐅᔨᓕᖁᓪᓗᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 5:14

ᓱᓇᐅᔪᓐᓃᕐᑎᑦᓱᒫᕐᐸᑦᓯ ᐃᓅᖃᑎᒌᒡᔪᐊᓪᓗ ᐊᕙᑎᑦᓯᓐᓃᑦᑐᑦ ᐃᓕᑦᓯᓐᓄᑦ ᐊᖅᑯᓵᕐᓗᑎᒃ ᑕᑯᔭᕌᖓᒥᒃ ᒥᑕᐅᑎᒃᓴᖃᑦᑕᓕᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 6:4

ᑐᓂᕐᕈᓯᕐᕕᖁᑎᓯ ᕿᒪᒃᑕᐅᔪᒫᕐᐳᑦ, ᐳᔫᕐᑎᑦᓯᕕᓯᓗᑦᑕᐅᖅ ᓯᖁᑦᑎᕐᑕᐅᓗᑎᒃ; ᑐᖁᑕᐅᔨᐊᓯᓗ ᒎᑎᓐᖑᐊᖁᑎᑦᓯ ᓵᖓᓄᑦ ᐃᒋᑦᓱᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 6:7

ᑐᖁᑕᐅᔪᖃᖃᑦᑕᕈᒫᕐᐳᑦ ᐊᑯᓐᓇᑦᓯᓐᓂ, ᖃᐅᔨᖁᓪᓗᓯ ᐊᑕᓂᐅᒐᒪ.

ᕼᐆᓯᐊᑉ ᐊᒡᓚᖏᑦ 10:2

ᐆᒻᒪᑎᖏᑦ ᑕᒻᒪᕐᑎᑦᓯᕗᑦ; ᒫᓐᓇ ᐸᓯᔭᒃᓴᐅᓂᒃᑯᑦ ᐃᓅᓂᐊᓕᕐᐳᑦ. ᑐᓂᕐᕈᓯᕐᕕᖁᑎᖏᑦ ᐊᑕᓂᐅᑉ ᓯᖁᑦᑎᕐᓂᐊᕐᐰᑦ, ᐅᔭᕅᓪᓗ ᓇᐸᔪᑦ ᒎᑎᓐᖑᐊᑦ ᐊᓯᕈᕐᓗᒋᑦ.

ᕼᐆᓯᐊᑉ ᐊᒡᓚᖏᑦ 10:8

ᐂᕙᓐᒥᐅᑦ ᐱᒻᒪᕆᖁᑎᖏᑕ ᐃᓂᖏᑦ, ᐃᓴᕆᐊᓕᐅᓪᓗ ᐊᔪᕐᓂᖏᑦ, ᐊᓯᕈᕐᑕᐅᔪᒫᕐᐳᑦ. ᐅᕐᐲᑦ ᑲᑭᓐᓇᕐᑐᓖᑦ ᐱᕈᕐᓂᕐᓗᒃᑐᓪᓗ ᐱᕈᕈᒫᕐᐳᑦ ᑐᓂᕐᕈᓯᕐᕕᖏᓐᓂ; ᖃᖅᑲᓄᓪᓗ ᐅᖃᕈᒫᕐᐳᑦ, “ᐅᓕᒃᑎᒍᑦ!” ᐱᖑᕐᓄᓪᓗ, “ᑲᑕᒡᕕᒋᑎᒍᑦ!”

ᒨᓯᓯ ᐱᖓᔪᖏᑦ 26:30

ᑐᒃᓯᐊᕐᕕᒃᓯ ᖃᖅᑲᓃᑦᑐᑦ ᓯᖁᒥᒐᔭᕐᐸᒃᑲ, ᐃᓯᕐᓗᐊᕐᓂᑎᑦᓯᕕᖁᑎᓯᓗ ᑐᓂᕐᕈᓯᕐᕖᑦ ᐅᕐᕈᑎᓪᓗᒋᑦ, ᑎᒥᓯᓗ ᑐᖁᖓᔪᑦ ᐃᒋᒃᑲᔭᕐᐸᒃᑲ ᒎᑎᓐᖑᐊᑦᓯᓐᓄᑦ ᓯᖁᒥᓯᒪᓕᕐᑐᓄᑦ, ᓂᓐᖓᐅᒪᓗᖓ.

ᒨᓯᓯ ᐱᖓᔪᖏᑦ 26:31

ᐃᒡᓗᒐᓴᒡᔪᐊᓯ ᓯᖁᑦᑎᕐᓂᐊᕐᐸᒃᑲ, ᑐᒃᓯᐊᕐᕕᒃᓯᓗ ᐊᓯᕈᕐᓗᒋᑦ, ᑐᓂᕐᕈᑎᓯᓗ ᐆᑕᒃᓮᑦ ᐃᓚᓕᐅᕐᓂᐊᓐᖏᓚᒃᑲ.

ᒤᑲᐅᑉ ᐊᒡᓚᖏᑦ 1:7

ᓴᓇᓐᖑᐊᕐᓯᒪᔪᑦ ᒎᑎᓐᖑᐊᖏᑦ ᓯᖁᒥᑦᓱᒫᕐᐸᒃᑲ, ᐊᑭᓕᐅᑎᒋᓚᐅᕐᑕᖏᓪᓗ ᐊᕐᓇᓄᑦ ᐊᑐᒐᕐᓄᑦ ᐃᑯᐊᓪᓚᒃᑎᓐᓂᐊᕐᐸᒃᑲ. ᒎᑎᓐᖑᐊᓕᒫᖏᑦ ᐊᓯᕈᕈᒫᕐᐸᒃᑲ, ᑲᑎᕐᓱᓚᐅᕐᒪᒋᑦ ᐊᑭᓕᕐᑕᐅᓂᒃᑯᑦ ᐊᕐᓇᓄᑦ ᐊᑐᒐᕐᓄᑦ, ᑖᒃᑯᓄᖓᑦᓮᓐᓇᖅ ᐊᕐᓇᓄᑦ ᐊᑐᒐᕐᓄᑦ ᐊᑐᕐᑕᐅᓂᐊᕐᐳᑦ.”

ᒤᑲᐅᑉ ᐊᒡᓚᖏᑦ 3:12

ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”

ᒤᑲᐅᑉ ᐊᒡᓚᖏᑦ 5:13

ᓴᓇᓐᖑᐊᕐᓯᒪᔭᓯ ᒎᑎᓐᖑᐊᓯ, ᓇᐸᔪᖁᑎᓯᓗ ᐃᑦᔪᕐᓁᑎᑕᓯ ᐊᑯᓐᓇᑦᓯᓐᓃᑦᑐᑦ ᓱᕋᒃᑎᕈᒫᕐᐸᒃᑲ; ᑐᒃᓯᐊᕐᕕᖃᕐᓂᐊᕈᓐᓁᕐᐳᓯᓗ ᐊᒡᒐᑦᓯᓐᓄᑦ ᓴᓇᓯᒪᔭᑦᓯᓐᓂᒃ.

ᕼᐊᐸᑲᐅᑉ ᐊᒡᓚᖏᑦ 2:18

ᒎᑎᓕᐊᕆᔭᐅᓯᒪᔪᖅ ᓱᓇᒧᑦ ᐊᑑᑎᖃᕐᐹ? ᓴᓇᔨᒥᓄᑦ ᓴᓇᔭᐅᓯᒪᖕᒪᑦ ᓴᕕᕋᔭᖕᒥᑦ, ᓴᒡᓗᓂᕐᒧᑦ ᐊᔪᕆᕐᑐᐃᑦᔪᑕᐅᓪᓗᓂ. ᖃᓄᕐᓕ ᓴᓇᔪᕕᓂᐅᑉ ᐱᕙᓪᓕᐅᑎᒋᒐᔭᕐᐸᐅᒃ ᓴᓇᔭᕕᓂᓂ ᐱᔪᓐᓇᐅᑎᒋᓇᓱᐊᕈᓂᐅᒃ? ᒎᑎᒋᓇᓱᒃᑕᖓ ᐅᖃᕈᓐᓇᕐᑎᓐᓇᒍ!

ᔨᐸᓁᐊᐅᑉ ᐊᒡᓚᖏᑦ 1:18

ᓯᐅᓪᕕᕆᖁᑎᖏᑕ ᒎᓗᖁᑎᖏᑕᓘᓐᓃᑦ ᐱᐅᓕᔭᐅᔪᓐᓇᕈᒫᓐᖏᓔᑦ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ. ᓄᓇᕐᔪᐊᓕᒫᖅ ᓄᖑᑕᐅᔪᒫᕐᐳᖅ ᓯᒡᒐᑦᔨᓂᕐᒥᓄᑦ ᓂᓐᖓᐅᒪᓂᖓᑕ ᐃᑯᐊᓚᓂᖓᓄᑦ; ᑲᑉᐱᐊᓇᒃᑲᓐᓂᕐᕕᖃᖏᑦᑐᒧᑦ ᑕᕝᕔᓐᓇᖅ ᓄᖑᑦᓱᒫᕐᐰᑦ ᓄᓇᕐᔪᐊᕐᒥᐅᓕᒫᑦ.

ᓴᑲᕅᐊᐅᑉ ᐊᒡᓚᖏᑦ 13:2

ᐅᓪᓗᖅ ᓇᓪᓕᐅᑎᒃᐸᑦ ᐱᔪᖃᕈᒫᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᒎᑎᓐᖑᐊᑦ ᐊᑎᖏᑦ ᓄᖑᑎᑦᓱᒫᕐᐸᒃᑲ ᑕᒫᖓᑦ ᓄᓇᒥᑦ, ᐃᖅᑲᕐᑕᐅᖃᑦᑕᕈᓐᓁᕈᒫᕐᐳᓪᓗ, ᓇᓚᐅᑦᑍᔪᑦ ᓄᓇᒥᑦ ᓄᖅᑲᕐᑎᑦᓱᒫᕐᐸᒃᑲ ᐊᓂᕐᓃᓪᓗ ᐱᐅᖏᑦᑐᑦ ᓄᓇᒥᑦ ᐊᐅᓪᓚᕐᑎᑦᓱᒫᕐᐸᒃᑲ.

ᓴᒧᐃᓕ ᓯᕗᓪᓖᑦ 5:4

ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᒪᑭᒻᒥᒐᒥᒃ, ᑕᑯᒋᕗᑦ, ᑍᒐᓐ ᐅᕐᕈᖓᔪᖅ ᐹᒻᒪᖓᓪᓗᓂ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓᑕ ᓯᕗᕌᓂ, ᓂᐊᖁᐊ ᑕᓕᖏᒡᓗ ᓇᑲᓯᒪᓪᓗᑎᒃ ᓇᑎᕐᒦᑦᑑᒃ; ᑎᒥᖓ ᑭᓯᐊᓂ ᐊᒥᐊᒃᑰᓕᕐᑐᖅ.