ᐃᓯᑭᐊᓕᐅᑉ ᐊᒡᓚᖏᑦ 6:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑐᓂᕐᕈᓯᕐᕕᖁᑎᓯ ᕿᒪᒃᑕᐅᔪᒫᕐᐳᑦ, ᐳᔫᕐᑎᑦᓯᕕᓯᓗᑦᑕᐅᖅ ᓯᖁᑦᑎᕐᑕᐅᓗᑎᒃ; ᑐᖁᑕᐅᔨᐊᓯᓗ ᒎᑎᓐᖑᐊᖁᑎᑦᓯ ᓵᖓᓄᑦ ᐃᒋᑦᓱᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 6:4 Iomraidhean Croise

ᐊᑕᓃᑦ ᓯᕗᓪᓖᑦ 13:2

ᐊᖑᑦ ᑖᓐᓇ ᐅᖃᐅᑦᔨᕗᖅ ᑐᓂᕐᕈᓯᕐᕕᖕᒥᒃ ᐊᑕᓂᐅᑉ ᐅᖃᐅᓯᐅᖁᔭᖓᓂᒃ ᐅᖃᕐᓗᓂ, “ᐆ ᑐᓂᕐᕈᓯᕐᕕᒃ, ᑐᓂᕐᕈᓯᕐᕕᒃ, ᐊᑕᓂᖅ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᕐᓂᖅ ᐃᕐᓂᐊᖑᔪᒫᕐᐳᖅ ᑍᕕᑎᐅᑉ ᑭᖑᕚᖓ, ᔫᓮᐊᒥᒃ ᐊᑎᖃᕈᒫᕐᐳᖅ; ᑖᓐᓇ ᑐᓂᕐᕈᓯᕈᒫᕐᐳᖅ ᑕᕝᕙᓂ ᑐᓂᕐᕈᓯᕐᕕᖕᒥ ᑐᓂᕐᕈᓯᕐᑎᐅᔪᓂᒃ ᑕᕝᕙᓂ ᐃᓯᕐᓗᐊᕐᓂᑎᑦᓯᖃᑦᑕᕐᑐᓂᒃ, ᐃᓄᐃᓪᓗ ᓴᐅᓂᖏᓐᓂᒃ ᐃᑯᐊᓚᑦᓯᔪᒫᕐᐳᖅ ᑕᕝᕙᓂ.”

ᐊᑕᓃᑦ ᐂᑉᐸᖏᑦ 23:14

ᓇᐸᔪᓪᓗ ᓱᑬᑦ ᓯᖁᑦᑎᕐᐰᑦ ᑐᒃᓯᐊᕐᕕᐅᕙᒃᑐᑦ, ᐅᕐᕈᑎᓪᓗᒍᓗ ᐊᓯᕆᒻ, ᐃᓄᐃᓪᓗ ᓴᐅᓂᕕᓂᖏᓐᓂᒃ ᐃᓗᓪᓕᕐᑕᐅᖔᕐᓗᑎᒃ.

ᑯᕉᓂᑲ ᐂᑉᐸᖏᑦ 14:5

ᒎᑎᓐᖑᐊᓄᓪᓗ ᑐᒃᓯᐊᕐᕕᓕᒫᑦ ᑐᓂᕐᕈᓯᕐᕖᓪᓗ ᐳᔫᕐᑎᑦᓯᕖᑦ ᐲᔭᕐᑕᐅᖁᕔᑦ ᔫᑕᐅᑉ ᐃᒡᓗᒐᓴᓕᒫᖏᓐᓂᑦ. ᐊᖓᔪᖅᑲᐅᕕᖓᓗ ᐅᓇᑕᕐᓂᖃᓚᐅᓐᖏᓚᖅ ᑖᓐᓇ ᐊᐅᓚᑦᓯᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 27:9

ᑍᒤᒻᒪᑦ ᑕᒪᑐᒧᖓ ᔧᑰᑉ ᐊᔪᕐᑐᓕᓯᒪᓂᖏᑦ ᐃᓱᒪᒋᔪᓐᓁᕐᑕᐅᔪᓐᓇᕐᓯᔪᒫᕐᐳᑦ, ᑭᓯᐊᓂ ᐅᒃᐱᖏᑦᑐᑦ ᒎᑎᓐᖑᐊᖏᑦ ᐅᔭᕋᖕᓂᑦ ᓴᓇᓯᒪᔪᑦ ᓯᖃᓪᓕᔭᐅᓗᑎᒃ ᓱᓇᐅᔪᓐᓃᕐᑎᑕᐅᒃᐸᑕ. ᒎᑎᓐᖑᐊᒧᑦ ᐊᓯᕋᒧᑦ ᑐᒃᓯᐊᕐᓗᑎᒃ ᐳᔫᕐᑎᑦᓯᑦᔪᑎᐅᖃᑦᑕᕐᑐᑦ ᐊᑐᕐᑕᐅᔪᓐᓃᕐᐸᑕ.

ᔨᕆᒤᐊᐅᑉ ᐊᒡᓚᖏᑦ 43:13

ᓇᐸᔪᓪᓗ ᐃᑦᔪᕐᓁᑦᑐᖁᑎᒋᓂᕋᕐᑕᖏᑦ ᐱᑦ-ᓯᒥᔅᓰᑦ ᕼᐃᓕᐅᐳᓖᓯᒦᑦᑐᑦ ᐄᑦᔨᑉᑎᒥ ᐅᕐᕉᕋᕐᑎᑦᓱᒫᕐᐰᑦ ᒎᑎᓐᖑᐊᒥᖕᓄᓪᓗ ᑐᒃᓯᐊᕐᕕᖏᑦ ᐃᑯᐊᓪᓚᒃᑎᓪᓗᒋᑦ.’”

ᔨᕆᒤᐊᐅᑉ ᐊᒡᓚᖏᑦ 7:32

ᑍᒤᒻᒪᑦ ᑕᑯᒋᑦ, ᐅᓪᓗᐃᑦ ᕾᓕᕐᐳᑦ, ᐊᑕᓂᖅ ᐅᖃᕐᐳᖅ, ᐃᓄᖕᓄᑦ ᑖᓐᓇ ᓄᓇ ᑍᔭᐅᔪᓐᓃᕈᒫᕐᐳᖅ ᑐᐱᑎᒥᒃ ᐅᕝᕙᓗ ᐱᐊᓐ ᕼᐃᓇᒻ ᓇᕐᓴᖓᓂᒃ, ᑐᖁᕅᕕᖕᒥᒃ ᑍᔭᐅᖔᓕᕈᒫᕐᒪᑦ ᑐᖁᖓᔪᓂᒃ ᐃᓗᕕᕐᓯᕕᒃᓮᕈᑎᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 6:13

ᖃᐅᔨᔪᒫᕐᐳᓯᓗ ᐅᕙᖓ ᐊᑕᓂᐅᒐᒪ, ᑐᖁᖓᔪᑦ ᒎᑎᓐᖑᐊᖃᕐᕕᖕᓂ ᑐᓂᕐᕈᓯᕐᕕᖕᓂᓗ ᓯᐊᒻᒪᕐᓯᒪᓕᕐᐸᑕ, ᐱᖑᕐᓂᓗ ᐳᕐᑐᔪᓕᒫᓂ, ᖃᖅᑬᓪᓗ ᖄᖏᓐᓂ, ᓇᐹᕐᑐᐃᓪᓗ ᑐᖑᔪᕐᑐᑦ ᐊᑖᓂ, ᓇᐹᕐᑐᕐᔪᐊᓪᓗ ᐅᖃᐅᔭᖅᑯᕐᑐᔪᑦ ᐊᑖᓂ, ᓇᓂᑐᐃᓐᓇᕐᓗ ᒎᑎᓐᖑᐊᓕᒫᓄᑦ ᒪᒪᕐᑐᓂᒃ ᑐᓂᕐᕈᓯᕐᕕᖏᓐᓂ.

ᒨᓯᓯ ᐱᖓᔪᖏᑦ 26:30

ᑐᒃᓯᐊᕐᕕᒃᓯ ᖃᖅᑲᓃᑦᑐᑦ ᓯᖁᒥᒐᔭᕐᐸᒃᑲ, ᐃᓯᕐᓗᐊᕐᓂᑎᑦᓯᕕᖁᑎᓯᓗ ᑐᓂᕐᕈᓯᕐᕖᑦ ᐅᕐᕈᑎᓪᓗᒋᑦ, ᑎᒥᓯᓗ ᑐᖁᖓᔪᑦ ᐃᒋᒃᑲᔭᕐᐸᒃᑲ ᒎᑎᓐᖑᐊᑦᓯᓐᓄᑦ ᓯᖁᒥᓯᒪᓕᕐᑐᓄᑦ, ᓂᓐᖓᐅᒪᓗᖓ.

ᓴᒧᐃᓕ ᓯᕗᓪᓖᑦ 5:4

ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᒪᑭᒻᒥᒐᒥᒃ, ᑕᑯᒋᕗᑦ, ᑍᒐᓐ ᐅᕐᕈᖓᔪᖅ ᐹᒻᒪᖓᓪᓗᓂ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓᑕ ᓯᕗᕌᓂ, ᓂᐊᖁᐊ ᑕᓕᖏᒡᓗ ᓇᑲᓯᒪᓪᓗᑎᒃ ᓇᑎᕐᒦᑦᑑᒃ; ᑎᒥᖓ ᑭᓯᐊᓂ ᐊᒥᐊᒃᑰᓕᕐᑐᖅ.