ᐃᓯᑭᐊᓕᐅᑉ ᐊᒡᓚᖏᑦ 48:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᔫᑕᐅᑉ ᓄᓇᖓᑕ ᑭᒡᓕᖓᓂᑦ ᐱᒋᐊᕐᓗᓂ, ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᐊᖓᓪᓗᓂ, ᑕᒪᓐᓇ ᓄᓇ ᓴᓂᕐᕙᒃᓯᒪᔭᖃᕆᐊᖃᕐᐳᖅ, ᐊᖏᓂᖃᕐᓗᓂ ᓴᓂᒧᑦ 10ᒤᓕᒥᒃ ᐅᓐᓄᐊᓪᓗᐊᒥᑦ ᐅᓪᓗᓪᓗᐊᒧᑦ, ᐊᒻᒪ ᑍᒫᓪᓗᐊᖅ ᓯᕕᑐᑎᒋᖕᒥᓗᓂ ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ, ᑭᖑᕚᕇᓄᑦ ᐊᕕᒃᑐᕐᑕᐅᔪᑎᑐᑦ ᐊᖏᑎᒋᓗᓂ, ᑕᕝᕙᓂ ᕿᑎᖓᓂ ᑐᒃᓯᐊᕐᕕᒡᔪᐊᖅ ᐃᓂᖃᕐᑐᒃᓴᐅᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 48:8 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐃᓯᑭᐊᓕᐅᑉ ᐊᒡᓚᖏᑦ 48:21

ᑖᑦᓱᒪ ᐃᑦᔪᕐᓁᑦᑐᒃᑯᕕᐅᑉ ᐊᕙᑎᖏᒃ ᐃᒡᓗᒐᓴᖃᕐᕕᐅᔪᕐᓗ ᐊᖓᔪᖅᑳᒧᑦ ᓄᓇᖁᑎᒋᔭᐅᔪᒃᓴᐅᕗᖅ. ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥᑦ, ᓂᐱᕕᐊᑕ ᓇᓛᓄᐊᖓᔪᒧᑦ ᐊᖏᓂᖃᕐᓗᓂ 10ᒤᓕᒥᒃ ᐊᕙᒻᒧᑦ, ᑭᖑᕚᕇᑦ ᓄᓇᖁᑎᖏᓐᓄᑦ ᐋᖅᑭᒃᓯᒪᓂᖓ ᐊᑦᔨᒋᔭᐅᒐᓚᒡᓗᓂ, ᐊᖓᔪᖅᑳᑉ ᑕᒪᓐᓇ ᐱᒋᔭᒃᓴᕆᕚ. ᐃᑦᔪᕐᓁᑦᑐᒃᑯᕕᐅᓗᓂ ᕿᑎᖓᓂᓗ ᑐᒃᓯᐊᕐᕕᒡᔪᐊᖅ ᐃᓂᖃᕐᓗᓂ,

ᐃᓯᑭᐊᓕᐅᑉ ᐊᒡᓚᖏᑦ 48:35

ᐊᕙᓗᕐᔪᐊᑉ ᐊᖏᓂᖓ ᑐᑭᒧᑦ ᓴᓂᒧᓪᓗ 10,080ᓂᒃ ᐆᒃᑑᑎᓂᒃ ᐊᖏᓂᖃᕐᑐᒃᓴᐅᕗᖅ; ᒫᓐᓇᒥᑦ ᐱᒋᐊᕐᓗᒍ ᐃᒡᓗᒐᓴᒡᔪᐊᑦ ᑖᒃᑯᐊ ᐊᑎᖃᕐᑐᒃᓴᐅᕗᑦ, ᐊᑕᓂᖅ ᑕᕝᕙᓃᑉᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 48:9

ᓄᓇ ᓴᓂᕐᕙᒃᓯᒪᔭᓯ ᐊᑕᓂᕐᒧᑦ ᐊᑐᕐᑐᒃᓴᐅᖁᓪᓗᒍ 10ᒤᓕᒥᒃ ᑐᑭᒧᖃᕐᑐᒃᓴᐅᕗᖅ, ᓴᓂᒧᖃᕐᓗᓂᓗ 8ᒤᓕᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:16

ᓱᓇᒥᒡᓗ ᐊᖏᖃᑎᒌᒍᓐᓇᕐᐹᒃ? ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᒎᑎᓐᖑᐊᕐᓗ? ᐅᕙᒍᓪᓕ ᒎᑎᐅᑉ ᐃᓅᖏᓐᓇᕐᑑᑉ ᑐᒃᓯᐊᕐᕕᒡᔪᐊᖁᑎᒋᕚᑎᒍᑦ. ᒎᑎ ᐅᖃᕐᓯᒪᖕᒪᑦ: “ᐃᓂᒋᓂᐊᕐᐸᒃᑲ ᐃᓅᖃᑎᒋᓗᒋᓪᓗ, ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᑖᒃᑯᐊᓗ ᐃᓄᖁᑎᒋᓂᐊᕐᐸᒃᑲ.”

ᑯᓘᓯᐊᒥᐅᓄᑦ 2:9

ᒎᑎᐅᑉ ᐃᓕᖅᑯᓯᖓ ᑕᒪᒃᑭᑦᓯᐊᕐᓗᓂ ᙭ᔅᑑᓯᒦᒻᒪᑦ ᑎᒥᖃᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:22

ᐃᒡᓗᒐᓴᒡᔪᐊᓂᓗ ᑕᕝᕙᓂ ᑐᒃᓯᐊᕐᕕᒡᔪᐊᕐᒥᒃ ᑕᑯᓐᖏᓚᖓ, ᐊᑕᓂᖅ ᒎᑎ ᐊᔪᒐᖃᖏᑦᑐᖅ ᓄᕐᕋᐅᔭᕐᓗ ᑐᒃᓯᐊᕐᕕᒡᔪᐊᕆᔭᐅᖕᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:3

ᓂᐱᕐᔪᐊᒥᒡᓗ ᑐᓴᕐᐳᖓ ᐃᒃᓯᕙᐅᑕᕐᔪᐊᕐᒥᑦ ᐅᖃᕐᑐᒥᒃ, “ᑕᑯᒋᑦ, ᒎᑎ ᓄᓇᖃᖃᑦᑕᐅᓂᐊᓕᕐᐳᖅ ᐃᓄᖕᓄᑦ. ᑖᑦᓱᒪ ᐃᒡᓗᒥᐅᖃᑎᒋᓂᐊᕐᐰᑦ, ᑖᑦᓱᒪᓗ ᐃᓄᖁᑎᒋᓂᐊᕐᐰᑦ, ᒎᑎᐅᓪᓗ ᓇᖕᒥᓂᖅ ᓇᔪᕐᓂᐊᕐᐰᑦ ᒎᑎᒋᔭᐅᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:3

ᑕᕝᕙᓂ ᐃᒡᓗᒐᓴᖕᓂ ᐆᒥᓇᕐᑎᑕᐅᓯᒪᔪᖃᕐᓂᐊᕈᓐᓃᕐᐳᖅ ᓱᓇᒥᒡᓘᓐᓃᑦ. ᒎᑎᐅᓪᓕ ᓄᕐᕋᐅᔭᐅᓪᓗ ᐃᒃᓯᕙᐅᑕᕐᔪᐊᖓ ᑕᕝᕙᑑᔪᒫᕐᐳᖅ ᑕᕝᕙᓂ, ᐱᔨᖏᑕᓗ ᐅᐱᒌᓐᓇᕈᒫᕐᐹᑦ;