ᐃᓯᑭᐊᓕᐅᑉ ᐊᒡᓚᖏᑦ 48:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐅᑯᐊ ᑕᕝᕙ ᑭᖑᕚᖑᖃᑎᒌᑦ ᐊᑎᖏᑦ ᐃᒤᓕᖓᕗᑦ: ᐱᒋᐊᕐᓗᒋᑦ ᓄᓇᐅᑉ ᐊᕕᒃᓯᒪᓂᖓᓂᑦ ᐅᓐᓄᐊᓪᓗᐊᑦ ᓇᓛᓃᑦᑐᒥᑦ, ᓯᕿᓂᐅᑉ ᓄᐃᕕᐊᑕ ᓇᓛᓄᐊᖓᔪᒥᑦ ᑕᕆᐅᕌᓗᖕᒥᑦ ᒥᑎᑎᕇᓂᐊᒥᑦ ᐱᒋᐊᕐᓗᓂ ᕼᐃᓴᓚᓐᒥᑦ ᕼᐊᒫᑎᐅᑉ ᐃᓚᖓᓄᑦ, ᕼᐊᔭ-ᐃᓇᓐᒧᓪᓗ ᑎᑭᓪᓗᒍ ᐅᓐᓄᐊᓪᓘᐊᑉ ᓇᓛᓃᑦᑐᒧᑦ ᑕᒫᓯᑰᓯᐅᑉ ᑭᒡᓕᖓᓄᑦ ᕼᐊᒫᑎᐅᑉ ᐃᓚᖓᓄᐊᖓᔪᒧᑦ, ᑕᒪᓐᓇ ᑖᓐ ᑭᖑᕚᖏᓐᓄᑦ ᓄᓇᒋᔭᐅᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 48:1 Iomraidhean Croise

ᓴᒧᐃᓕ ᐂᑉᐸᖏᑦ 24:2

ᑕᕝᕙ ᑍᕕᑎ ᐅᖃᕐᐳᖅ ᔪᐊᐱᒧᑦ ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓄᑦ, “ᐂᓕᕆᑦ ᐊᖓᔪᖅᑳᖁᑎᑎᑦ ᐃᓚᒋᓗᒋᑦ ᐃᓴᕆᐊᓕᒥᐅᑉ ᑭᖑᕚᖏᓐᓄᑦ ᓄᓇᓖᑦ ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒋᑦ, ᐃᓄᐃᑦ ᓈᓴᕐᓗᒋᑦ, ᖃᐅᔨᔪᒪᒐᒪ ᖃᑦᓯᐅᖕᒪᖔᑕ.”

ᐃᓯᑭᐊᓕᐅᑉ ᐊᒡᓚᖏᑦ 47:13

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᐅᑯᐊ ᑕᕝᕙ ᓄᓇᐅᑉ ᐊᕕᒃᑐᕐᓯᒪᓂᕆᔭᕆᐊᓕᖏᑦ ᑭᖑᕐᖑᑎᔭᐅᓗᑎᒃ ᐊᕕᒃᑐᕐᑕᐅᑎᑦᓴᕆᐊᓕᑎᑦ ᑭᖑᕚᖑᖃᑎᒌᓄᑦ 12ᓄᑦ ᐃᓴᕆᐊᓕᒥᐅᓄᑦ. ᔫᓯᐱᐅᓪᓕ ᑭᖑᕚᖏᑦ ᒪᕐᕈᐃᓕᖅᑲᖓᔪᒥᒃ ᓄᓇᖁᑎᑖᕐᑐᒃᓴᐅᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 47:20

“ᓄᓇᐅᑉ ᐊᕕᒃᓯᒪᓂᖓ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᖅ, ᒥᑎᑎᕇᓂᐊᒥᑦ ᑕᕆᐅᕌᓗᖕᒥᑦ ᐱᒋᐊᕐᓯᒪᔪᒃᓴᐅᕗᖅ ᐅᓐᓄᐊᓪᓗᐊᑉ ᓇᓛᓄᐊᖓᓗᓂ ᕼᐊᒫᑎᐅᑉ ᐊᑭᐊᓄᑦ ᑎᑭᓪᓗᓂ. ᑕᒪᓐᓇ ᑕᕝᕙ ᓯᕿᓂᐅᑉ ᓂᐱᕕᐊᓃᑦᑐᖅ ᑍᒤᓕᖓᔪᒃᓴᐅᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 47:23

ᐃᓅᖃᑎᑐᖃᕆᓐᖏᑕᓯ ᐊᑐᓂᑦ ᓇᔪᕐᑕᒥᖕᓂ ᑭᖑᕚᕇᖑᔪᓂ ᐱᖃᑕᐅᔪᒃᓴᐅᕗᑦ ᐃᓅᖃᑎᒋᓕᕐᑕᒥᖕᓄᑦ ᑭᖑᕐᖑᑦᔨᖃᑕᐅᓕᕐᓗᑎᒃ, ᐊᑕᓂᖅ ᒎᑎ ᐅᖃᕐᐳᖅ.”

ᔮᓱᐊᑉ ᐊᒡᓚᖏᑦ 19:48

ᑖᒃᑯᐊ ᑕᕝᕙ ᓄᓇᓖᑦ ᑭᖑᕐᖑᑎᔭᐅᓚᐅᕐᑐᑦ ᑖᓐ ᑭᖑᕚᖏᓐᓄᑦ, ᐃᓚᒌᑦ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ ᐃᒡᓗᒐᓮᑦ ᓄᓇᓖᓪᓗ ᖃᓂᒋᔭᖓᓃᑦᑐᑦ ᓄᓇᑖᕆᔭᐅᓚᐅᕐᐳᑦ ᑖᓐ ᑭᖑᕚᖏᓐᓄᑦ.