ᐃᓯᑭᐊᓕᐅᑉ ᐊᒡᓚᖏᑦ 44:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᖓᔪᖅᑳᕐᔪᐊᖅ ᑕᕝᕙᓂ ᓂᕆᔪᓐᓇᕐᑐᑑᕗᖅ ᐊᑕᓂᐅᑉ ᓵᖓᓂ; ᐃᑎᕐᑐᒃᓴᐅᕗᖅ ᐃᑎᕐᑕᕐᕕᐅᑉ ᑐᕐᓲᖑᔭᖓᑕ ᐃᒡᓗᕈᓯᖓᒍᑦ ᐃᓱᐊᓃᑦᑐᒃᑯᑦ, ᑕᕝᕘᓇᓗ ᐊᓂᖕᒥᓗᓂ.”

ᐃᓯᑭᐊᓕᐅᑉ ᐊᒡᓚᖏᑦ 44:3 Iomraidhean Croise

ᒨᓯᓯ ᓯᕗᓪᓖᑦ 31:54

ᔧᑯᓗ ᐆᒪᔪᒥᒃ ᑐᓂᕐᕈᑎᖃᕐᐳᖅ ᑐᓂᕐᕈᓯᕈᑎᒋᓪᓗᒍ ᖃᖅᑲᒥ, ᐃᓚᓂᓗ ᕾᖁᕔᑦ ᓂᕆᑲᑎᒌᒃᓗᑎᒡᓗ; ᓂᕆᔭᕇᕋᒥᒡᓗ, ᑕᕝᕙᓂ ᖃᖅᑲᒥ ᓯᓂᒃᑕᓚᐅᕐᐳᑦ.

ᐊᑕᓃᑦ ᐂᑉᐸᖏᑦ 16:18

ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᖁᕕᐊᒋᔭᐅᔪᒪᒐᒥ, ᐂᕼᐊᓯᐅᑉ ᐲᔭᕐᑕᐅᑎᒃᑭᕚ ᐊᖓᔪᖅᑳᕐᔪᐊᑉ ᐃᒃᓯᕙᐅᑕᕐᔪᐊᖃᕐᕕᖓᑕ ᓇᑎᐅᔭᖓ ᐊᑕᓂᐅᑉ ᐃᒡᓗᖓᓃᑦᑐᖅ, ᐊᖓᔪᖅᑳᕐᔪᐊᒧᓪᓗ ᐃᑎᕐᑕᕐᕕᐅᕙᒃᑐᖅ ᑐᒃᓯᐊᕐᕕᒡᔪᐊᒧᑦ ᒪᑐᔭᐅᑎᓪᓗᓂᐅᒃ.

ᑯᕉᓂᑲ ᐂᑉᐸᖏᑦ 23:13

ᑕᑯᓴᕋᒥᓗ, ᑕᑯᕗᖅ ᐊᖓᔪᖅᑳᕐᔪᐊᕐᒥᒃ ᓇᖏᕐᑐᒥᒃ ᐃᑎᕆᐊᕐᕕᐅᑉ ᓱᑲᖓᑕ ᓴᓂᐊᓂ, ᐅᓇᑕᕐᑐᒃᓮᓪᓗ ᐊᖓᔪᖅᑳᖏᑦ ᑎᑦᑐᓚᐅᓯᔭᕐᑏᓪᓗ ᐊᖓᔪᖅᑳᕐᔪᐊᑉ ᓴᓂᐊᓃᑉᐳᑦ, ᐃᓄᓕᒫᓪᓗ ᓄᓇᓖᑦ ᖁᕕᐊᓱᒃᐳᑦ ᑎᑦᑐᓚᐅᑎᓄᓪᓗ ᓂᓪᓕᐊᑎᑦᓯᓪᓗᑎᒃ, ᐃᓐᖏᕐᑏᓪᓗ ᓂᑦᔭᐅᓯᔭᕐᑐᑦ ᓯᕗᓕᕐᓗᑎᒃ ᖁᕕᐊᓲᑎᖃᕐᐳᑦ. ᐊᑕᓔᐊᐅᓪᓗ ᐊᓐᓄᕌᓂ ᐊᓕᒃᓗᒋᑦ ᐅᖃᕐᐳᖅ, “ᐊᑭᕋᕐᑐᓕᕐᐳᓯ! ᐊᑭᕋᕐᑐᓕᕐᐳᓯ!”

ᑯᕉᓂᑲ ᐂᑉᐸᖏᑦ 34:31

ᐊᖓᔪᖅᑳᕐᔪᐊᕐᓗ ᓇᖏᕐᐳᖅ ᐃᓂᒥᓂ ᐊᖏᖃᑎᒌᒍᑎᓕᐅᕐᓗᓂ ᐊᑕᓂᐅᑉ ᓵᖓᓂ, ᐊᑕᓂᕐᒥᒃ ᒪᓕᒍᒪᓪᓗᓂ ᐱᖁᔭᖏᓐᓂᒃ ᒪᓕᒃᑕᐅᖁᔭᖏᓐᓂᒡᓗ ᐆᒻᒪᑎᒥᓄᑦ ᑕᕐᓂᕐᒥᓄᓪᓗ ᑕᒤᓐᓄᑦ, ᐊᖏᖃᑎᒌᒍᑕᐅᓯᒪᔪᑦ ᐅᖃᐅᓯᖏᑦ ᐊᒡᓚᖕᓂ ᐊᒡᓚᒃᓯᒪᔪᑦ ᒪᓕᒡᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 23:18

ᓂᐅᕕᕋᕐᑎᑦᓯᓂᕐᒧᓪᓗ ᑮᓇᐅᔭᕐᑖᕆᔭᑎᒃ ᐊᑕᓂᕐᒧᑦ ᑐᕌᖓᑎᑦᓱᒫᕐᐰᑦ; ᑮᓇᐅᔭᒃᑯᕕᖕᓄᑦ ᑲᑎᕐᓱᕈᒫᓐᖏᓔᑦ. ᐊᑕᓂᕐᒥᒡᓕ ᐅᐱᒍᓱᒃᑐᑦ ᑮᓇᐅᔭᖏᓐᓂᒃ ᓂᕿᑖᕋᓲᑎᖃᕈᒫᕐᐳᑦ ᐊᓐᓄᕌᒃᓴᕐᑖᕈᑎᒋᓗᒋᓪᓗ ᐱᔭᕆᐊᖃᕐᑕᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 62:9

ᑲᑎᕐᓱᐃᓚᐅᕐᑐᓪᓕ ᓂᕿᒋᔪᒫᕐᐹᑦ, ᐊᑕᓂᕐᓗ ᓂᕐᑐᕐᓗᒍ, ᐸᐅᕐᖓᓂᒡᓗ ᑲᑎᕐᓱᐃᔪᑦ ᐃᒥᕈᒫᕐᐳᑦ ᐃᑦᔪᕐᓁᑦᑐᕕᖁᑎᓐᓂ.”

ᐃᓯᑭᐊᓕᐅᑉ ᐊᒡᓚᖏᑦ 34:24

ᐅᕙᖓᓗ ᐊᑕᓂᖅ, ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᐱᔨᒐᓗ ᑍᕕᑎ ᑖᒃᑯᓄᖓ ᐊᖓᔪᖅᑳᖑᔪᒫᕐᐳᖅ; ᐅᕙᖓ ᐊᑕᓂᖅ, ᑍᒫᒃ ᐅᖃᕐᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 37:25

ᓄᓇᖃᕈᒫᕐᐳᑦ ᐱᔨᓐᓄᑦ ᔧᑯᒧᑦ ᓄᓇᑖᕆᔭᐅᑎᓚᐅᕐᑕᓐᓂ ᓯᕗᓕᕕᓂᖏᑕ ᓄᓇᖃᕐᕕᒋᓚᐅᕐᑕᖓᓂ; ᑖᒃᑯᐊᓗ ᕿᑐᕐᖓᖏᑦ ᕿᑐᕐᖓᖏᑕᓗ ᕿᑐᕐᖓᖏᑦ ᑕᕝᕙᓂ ᓄᓇᖃᕈᒫᕐᐳᑦ ᐃᓱᖃᖏᑦᑐᒧᑦ; ᑍᕕᑎᓗ ᐱᔨᒐ ᐊᖓᔪᖅᑳᖑᔪᒫᕐᐳᖅ ᑕᕝᕙᓂ ᐃᓱᖃᖏᑦᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 40:9

ᓱᓪᓗᑯᑖᑉ ᐃᓱᐊᓃᑦᑐᖅ ᑐᒃᓯᐊᕐᕕᒡᔪᐊᒧᑦ ᖃᓂᓐᓂᕐᐹᖅ ᐆᒃᑐᕋᕐᒪᒍ ᓴᓂᕋᖏᒃ ᐊᑐᓂᑦ ᐃᑦᔪᓂᖃᕐᐴᒃ ᓯᑕᒪᓂᒃ ᐃᑎᒐᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 46:12

“ᐊᖓᔪᖅᑳᖅ ᐃᓱᒪᕐᓱᕐᓗᓂ ᑐᓂᕐᕈᑎᒋᔪᒪᔭᒥᓂᒃ ᑐᓂᓯᔪᒪᒃᐸᑦ ᐊᑕᓂᕐᒧᑦ, ᐃᑯᐊᓚᑎᑕᒃᓴᒥᒃ ᐃᓅᖃᑎᖃᑦᓯᐊᕐᓂᕐᒧᖔᔪᒥᒡᓘᓐᓃᑦ ᐃᑎᕐᑕᕐᕕᒃᑯᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒃᑯᑦ ᐃᑎᕐᑐᒃᓴᐅᕗᖅ; ᑐᓂᕐᕈᓯᕐᑐᒃᓴᐅᕗᕐᓗ ᓴᐸᑎᒥ ᑐᓂᕐᕈᓯᕐᓗᓂ ᐱᐅᓯᕆᕙᒃᑕᒥᑐᑦ. ᐱᔭᕇᕈᓂ ᑕᕝᕙᓐᖓᑦ ᐊᓂᔪᒃᓴᐅᕗᖅ, ᐊᓂᔭᕇᕐᐸᓪᓗ ᐃᑎᕐᑕᕐᕕᒃ ᐅᒃᑯᐊᕐᑕᐅᔪᒃᓴᐅᕗᖅ.”

ᐃᓯᑭᐊᓕᐅᑉ ᐊᒡᓚᖏᑦ 46:2

ᐊᖓᔪᖅᑳᖅ ᐃᑎᕐᑐᒃᓴᐅᕗᖅ ᑐᕐᓲᖑᔭᕐᒥᑦ ᓯᓚᕙᓯᖕᓂᕐᓴᒥᑦ, ᓇᖏᕐᑐᒃᓴᐅᕗᕐᓗ ᐃᑎᕐᑕᕐᕕᐅᑉ ᐊᕙᓗᖏᒃᑕ ᓴᓂᐊᓂ. ᑕᕝᕙ ᑐᓂᕐᕈᓯᕐᑎᑦᓯᔨ ᑐᓂᕐᕈᓯᕐᑐᒃᓴᐅᕗᖅ ᐃᑯᐊᓚᑦᓯᓗᓂ ᐃᓅᖃᑎᒌᑦᓯᐊᕐᓂᕐᒧᓪᓗ ᑐᓂᕐᕈᓯᕐᓗᓂ, ᑕᕝᕙᓂᓗ ᐃᑎᕐᑕᕐᕕᐅᑉ ᐅᒃᑯᐊᖃᕐᕕᖓᓂ ᑐᒃᓯᐊᕐᑐᒃᓴᐅᕗᖅ. ᑐᒃᓯᐊᕇᕈᓂ ᐊᓂᔪᒃᓴᐅᕗᖅ, ᐃᑎᕐᑕᕐᕕᒡᓕ ᐅᑯᐊᕐᑕᐅᔪᒃᓴᐅᓐᖏᓚᖅ ᐅᓐᓄᖕᒧᑦ ᑎᑭᓪᓗᒍ.

ᒨᓯᓯ ᑕᓪᓕᒪᖏᑦ 12:7

ᑕᕝᕙᓂᓗ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᓂᕆᔪᒃᓴᐅᕗᓯ ᖁᕕᐊᓱᒻᒪᕆᒡᓗᓯ, ᐃᓚᒋᔭᓯᓗ ᐃᒡᓗᒥᐅᖃᑎᓕᒫᓯ ᐱᓇᓱᐊᕐᓯᒪᔭᓕᒫᓯᓐᓂ, ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:20

ᑕᑯᒋᑦ, ᒪᑐᒦᑉᐳᖓ ᑎᒡᓗᒃᑐᕐᓗᖓᓗ, ᓂᐱᓐᓂᒃ ᑐᓴᕐᑐᖃᕐᐸᑦ ᒪᑐᐃᕈᑦᔭᐅᒍᒪ, ᑕᑦᓱᒧᖓ ᐃᑎᕐᓂᐊᕐᐳᖓ ᓂᕆᖃᑎᒋᓂᐊᕐᐸᕋ, ᑖᑦᓱᒪᓗ ᓂᕆᖃᑎᒋᓗᓂᖓ.