ᐃᓯᑭᐊᓕᐅᑉ ᐊᒡᓚᖏᑦ 4:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ “ᓴᐅᒥᖕᓄᑦ ᐃᓐᓇᖓᓗᑎᑦ, ᐃᓴᕆᐊᓕᐅᑉ ᑭᖑᕚᖏᑕ ᓱᒋᐊᕐᑕᐅᑦᔪᑎᒃᓴᖏᑦ ᐃᓕᖕᓄᑦ ᐃᓕᓂᐊᕐᐸᒃᑲ; ᐅᓪᓗᐃᑦ ᐅᓄᕐᓂᖏᑦ ᓇᓪᓚᖓᓂᕆᔭᑎᑦ, ᑖᒃᑯᐊ ᐃᓴᕆᐊᓕᐅᑉ ᑭᖑᕚᖏᑦ ᓱᒋᐊᕐᑕᐅᓂᖏᑕ ᓯᕕᑐᓂᕆᓂᐊᕐᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 4:4 Iomraidhean Croise

ᐃᓯᑭᐊᓕᐅᑉ ᐊᒡᓚᖏᑦ 4:5

ᐊᔪᕐᑐᓕᓂᖏᑕ ᓱᒋᐊᕐᑕᐅᑦᔪᑎᒃᓴᖏᓐᓂᒃ ᐅᓪᓗᓂᒃ 390ᓂᒃ ᑐᓂᓯᕕᒋᓂᐊᕐᐸᒋᑦ, ᐊᕐᕌᒍᐃᑦ ᓱᒋᐊᕐᑕᐅᓂᒃᓴᖏᑕ ᓯᕕᑐᓂᖏᑦ ᒪᓕᒡᓗᒋᑦ; ᑍᒫᒃ ᓯᕕᑐᑎᒋᔪᒥᒃ ᓱᒋᐊᕐᑕᐅᔪᒫᕐᐳᑎᑦ ᐃᓴᕆᐊᓕᐅᑉ ᑭᖑᕚᖏᑕ ᓱᒋᐊᕐᑕᐅᓂᒃᓴᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 4:8

ᑕᑯᒋᓪᓗ, ᕿᓚᒃᓱᕐᓂᐊᕐᐸᒋᑦ ᓇᓪᓕᐊᓐᓄᑐᐃᓐᓇᖅ ᓵᖃᑦᑕᖁᓇᒃ, ᐊᕙᓗᔭᐅᓯᒪᓂᕐᐱᑦ ᐅᓪᓗᖏᑦ ᐊᓂᒍᓚᐅᖏᓐᓂᖏᓐᓂ.

ᒨᓯᓯ ᐱᖓᔪᖏᑦ 10:17

“ᓱᖕᒪᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑎᕕᓂᖅ ᓂᕆᓚᐅᖏᑉᐱᓯᒃᑰᒃ ᐃᑦᔪᕐᓁᑦᑐᕕᐅᑉ ᐃᓚᖓᓂ? ᐃᑦᔪᕐᓁᓐᓂᕐᐹᖑᖕᒪᑦ; ᐃᓕᑦᓯᖕᓄᑦ ᑐᓂᔭᐅᓚᐅᕐᑐᖅ ᐃᓄᐃᑦ ᓄᓇᖅᑲᑎᒌᑦ ᐸᓯᔭᒃᓴᐅᓂᖏᑦ ᐲᕐᑕᐅᖁᓪᓗᒋᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ ᐊᑕᓂᐅᑉ ᓵᖓᓂ.

ᒨᓯᓯ ᐱᖓᔪᖏᑦ 16:22

ᒎᑦᓯ ᑕᕝᕙ ᐊᒡᔭᕐᓯᓂᐊᕐᐳᖅ ᐊᔪᕐᑐᓕᓂᓕᒫᕐᓂᒃ ᐃᓄᖃᖏᑦᑐᒧᑦ: ᐊᖑᑎᐅᓪᓗ ᑖᕙᓂ ᐊᐅᓪᓚᕐᑎᓐᓂᐊᕐᐹ.

ᒨᓯᓯ ᓯᑕᒪᖏᑦ 14:34

ᐅᓪᓗᐃᑦ ᐅᓄᕐᓂᖏᑦ ᓄᓇᒥᒃ ᐃᔨᕋᕐᑐᕐᓗᓯ ᕿᒥᕐᕈᓚᐅᕐᓂᓯ ᒪᓕᒡᓗᒋᑦ, ᐅᓪᓗᐃᑦ 40ᐃᑦ ᐅᓪᓗᖅ ᐊᑕᐅᓯᖅ ᐊᕐᕌᒍᒧᑦ ᐊᑕᐅᓯᕐᒧᑦ ᐸᓯᔭᒃᓴᐅᑦᔪᑎᒋᓗᒍ, ᐃᒫᒃ ᐊᕐᕌᒍᓂᒃ 40ᓂᒃ, ᓈᒻᒪᒃᓴᖏᓐᓂᕋ ᖃᐅᔨᔪᒫᕐᐸᓯ.’

ᒨᓯᓯ ᓯᑕᒪᖏᑦ 18:1

ᐊᑕᓂᕐᓗ ᐅᖃᕐᐳᖅ ᐂᕉᓂᒧᑦ: “ᐃᕝᕕᑦ ᐃᕐᓂᑎᓪᓗ ᑭᖑᕚᖑᖃᑎᑎᓪᓗ ᐸᓯᔭᒃᓴᐅᕗᓯ ᐃᑦᔪᕐᓁᑦᑐᕕᐅᑉ ᓇᓛᓄᑦ ᐱᐅᖏᑦᑐᓕᑦᔪᑕᐅᔪᓂᒃ, ᐃᕝᕕᓪᓗ ᐃᕐᓂᑎᓪᓗ ᐸᓯᔭᒃᓴᐅᕗᓯ ᑐᓂᕐᕈᓯᕐᑎᑦᓯᔨᐅᓂᑦᓯᓐᓄᑦ ᐱᐅᖏᑦᑐᓕᓂᕐᓂᒃ.

ᒫᑎᐅᓯᐅᑉ ᐊᒡᓚᖏᑦ 8:17

ᑕᒪᓐᓇ ᔩᓱᓯᐅᑉ ᐱᓂᐊᕐᓂᕆᓚᐅᕐᐹ, ᓇᓚᐅᑦᑍᔫᑉ ᐂᓮᐊᓯᐅᑉ ᐅᖃᐅᓯᕆᓚᐅᕐᑕᖏᑦ ᓇᓚᐅᑦᓯᓕᖁᓪᓗᒋᑦ ᐃᒤᓕᔪᑦ: “ᑖᑦᓱᒪ ᖃᓂᒻᒪᓯᕗᑦ ᑎᒍᕔᑦ, ᐋᓐᓂᐊᕈᑎᒋᔭᕗᓪᓗ ᐊᐅᓪᓚᕈᑎᓪᓗᒋᑦ.”

ᐄᑉᕈᐃᓄᑦ 9:28

ᑍᒫᒃᑕᐅᖅ ᙭ᔅᑑᓯ, ᐊᑕᐅᓯᐊᕐᓗᓂ ᑐᓂᕐᕈᑎᒋᔭᐅᓚᐅᕐᐳᖅ ᐊᒥᓱᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ, ᑭᖑᓪᓕᕐᒥᒡᓕ ᓴᖅᑭᑦᓱᒫᕆᕗᖅ, ᐊᔪᕐᓂᕐᒥᒃ ᐱᑦᔪᑎᖃᕈᓐᓁᕐᓗᓂ ᐱᐅᓕᓯᔭᕐᑐᓕᕐᓗᓂᓕ ᐅᑕᖅᑭᔪᓂᒃ ᑖᑦᓱᒥᖓ.

ᐲᑦᑐᕉᓯ ᓯᕗᓪᓖᑦ 2:24

ᑖᑦᓱᒪ ᓇᖕᒥᓂᖅ ᐊᔪᕐᓂᕗᑦ ᑎᒥᒥᒍᑦ ᓇᒃᓴᓚᐅᕐᐰᑦ ᓴᓐᓂᖓᔪᓕᖕᒧᑦ, ᐊᔪᕐᓂᕐᒧᑦ ᑐᖁᖁᓪᓗᑕ ᒪᑭᖁᓪᓗᑕᓗ ᐃᓗᐊᕐᑐᓕᕐᓂᕐᒧᑦ. ᑖᑦᓱᒪ ᐃᑭᖏᓐᓄᑦ ᐋᖅᑭᒃᑕᐅᓯᒪᕗᓯ.