ᐃᓯᑭᐊᓕᐅᑉ ᐊᒡᓚᖏᑦ 4:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᑭᕋᖏᓐᓄᑦ ᐊᕙᑕᖏᕐᑕᐅᓯᒪᓂᖓ ᓇᓗᓁᕐᓗᒍ, ᐃᑎᕐᓴᓕᐅᕐᓯᒪᔪᓂᒃ; ᓄᓇᓗ ᖃᓕᕇᒃᓯᓯᒪᓗᒍ; ᐃᑎᕐᑕᕐᕕᖕᓂᒡᓗ ᓯᖁᒥᑦᓯᓇᓲᑎᓂᒃ ᐊᕙᓗᕐᔪᐊᖓᑕ ᓯᓚᑎᓕᒫᖓ ᓈᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 4:2 Iomraidhean Croise

ᓴᒧᐃᓕ ᐂᑉᐸᖏᑦ 20:15

ᔪᐊᐱᐅᓪᓗ ᐃᓚᒋᔭᓕᒫᖏᑦ ᑐᓴᕋᒥᒃ ᓰᐸᐅᑉ ᑍᑲᓃᓐᓂᖓᓂᒃ, ᑍᑯᖓ ᐂᕗᑦ ᐃᒡᓗᒐᓮᓪᓗ ᐊᐱᐅᓪ ᐱᑦ-ᒫᑲ ᐊᕙᓗᓚᐅᕐᐹᑦ, ᐃᑯᕐᕋᓕᐅᓚᐅᕐᐳᑦ ᓄᓇᒥᒃ ᐊᑭᓐᓇᐅᑉ ᓯᓚᑖᒍᑦ ᐃᑎᕐᓴᓕᐅᕐᓗᑎᒡᓗ ᐊᑭᓐᓈᓗᒃ ᐅᕐᕈᑎᓐᓇᓱᐊᕐᓗᒍ.

ᐂᓮᐊᓯᐅᑉ ᐊᒡᓚᖏᑦ 22:7

ᓇᕐᓮᑦ ᓂᕈᐊᕐᓯᒪᔭᓯ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ ᐅᓂᐊᕐᑐᓂᒃ ᑕᑕᓚᐅᕐᐳᑦ, ᐅᓇᑕᕐᑐᒃᓮᓪᓗ ᕿᒻᒥᕐᔪᐊᒃᑰᕐᑐᑦ ᓇᖏᓕᕐᓗᑎᒃ ᐃᑎᕐᑕᕐᕕᑦᓯᓐᓂ.

ᔨᕆᒤᐊᐅᑉ ᐊᒡᓚᖏᑦ 32:24

“ᑕᑯᒋᑦ, ᐃᑳᕈᑎᕐᔪᐊᑦ ᐃᒡᓗᒐᓴᒡᔪᐊᓂᑦ ᓵᓚᒃᓴᕈᑕᐅᓂᐊᕐᑐᑦ ᐋᖅᑭᒃᓯᒪᓕᕐᐳᑦ, ᐅᓇᑕᕐᓂᖃᓕᕐᒪᑦ ᑳᖕᓇᕐᑐᕐᔪᐊᖃᓕᕐᐳᖅ ᐋᓐᓂᐊᓇᕐᑐᖃᓕᕐᓗᓂᓗ ᓇᓗᓇᕈᓐᓃᕐᐳᑦ ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐱᔭᐅᓂᐊᓕᕐᑐᑦ. ᐅᖃᐅᓯᕆᓚᐅᕐᑍᑦ ᓇᓪᓕᐅᑎᕗᖅ, ᑕᑯᒋᓪᓗ, ᑕᒪᓐᓇ ᑕᑯᓕᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 33:4

ᐃᒫᒃ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐃᒡᓗᒐᓴᒡᔪᐊᑦ ᔫᑕᒥᐅᓪᓗ ᐊᖓᔪᖅᑳᕐᔪᐊᖓᑕ ᐃᒡᓗᖏᑦ ᐱᓪᓗᒋᑦ ᑖᒃᑯᐊ ᓯᖁᑦᑎᕐᑕᐅᔪᒫᕐᐳᑦ ᐅᓇᑕᕐᑐᓄᑦ ᑎᑭᑕᐅᒃᐸᑕ.

ᔨᕆᒤᐊᐅᑉ ᐊᒡᓚᖏᑦ 52:4

ᔨᑎᑬᐊᐅᑉ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᖏᑦᑕ 9ᖓᓐᓂ ᑕᖅᑮᑦ 10ᖓᓐᓂ, ᐅᓪᓗᖏᑦᑕ 10ᒋᓕᕐᑕᖓᓐᓂ ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᐅᓇᑕᕆᐊᓕᓚᐅᕐᐳᖅ ᔨᕉᓴᓕᒥᐅᓂᒃ, ᐅᓇᑕᕐᑎᖁᑎᓕᒫᓂ ᐃᓚᒋᓪᓗᒋᑦ, ᔨᕉᓴᓕᐅᓪᓗ ᐊᕙᓗᕐᔪᐊᖓᑕ ᓯᓚᑖᓂ ᐊᕙᓗᓯᒪᓪᓗᒍ ᑕᖕᒫᕐᑎᓚᐅᕐᐳᑦ ᔨᕉᓴᓕᒥᐅᑦ ᐊᓂᔪᓐᓁᓪᓕᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 6:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ, “ᓇᐹᕐᑐᓂᒃ ᓇᑲᑎᕆᓗᓯ ᐃᑯᕐᕋᓕᐅᕆᑦᓯ ᔨᕉᓴᓕᐅᑉ ᐊᕙᓗᕐᔪᐊᖏᑦ ᓯᖁᑦᑎᕐᑕᐅᔪᒃᓴᐅᖕᒪᑕ, ᐃᒡᓗᒐᓴᒡᔪᐊᖏᑦ ᐱᐅᖏᑦᑐᓂᒃ ᑕᑕᒻᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 21:22

ᑕᓕᕐᐱᖕᒥᓄᓪᓗ ᖃᕐᔪᒥᒃ ᑎᒍᓯᕗᖅ ᓇᓗᓁᕐᓯᔪᒥᒃ ᔨᕉᓴᓕᒥᒃ, ᐅᓇᑕᕆᐊᕐᑐᓪᓗ ᐊᐅᓪᓚᕆᐊᕈᑎᒃᓴᖓᓂᒃ ᕾᒐᓛᕈᑕᐅᓂᐊᕐᑐᒥᒃ, ᐋᖅᑭᒃᓱᐃᕗᓪᓗ ᐅᑯᐊᕐᔪᐊᖏᓐᓄᑦ ᒪᑐᐃᕐᓯᓇᓱᐊᕈᑎᒃᓴᒥᖕᓂᒃ, ᓄᓇᒥᒡᓗ ᐳᕐᑐᓯᑎᑦᓯᑦᔪᑎᒃᓴᒥᖕᓂᒃ, ᐊᕙᓗᕐᔪᐊᖓᓄᑦ ᒪᔪᕈᓐᓇᕐᓯᑦᔪᑎᒃᓴᒥᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 21:27

ᐊᓯᕈᕐᐳᑦ, ᐊᓯᕈᕐᐳᑦ, ᐊᓯᕈᕐᑕᐅᑎᓐᓂᐊᕐᐸᒃᑲ; ᑕᒪᓐᓇ ᓇᓪᓕᐅᑎᓂᐊᓐᖏᓚᖅ ᑍᒤᓕᐅᕈᓐᓇᕐᑐᖅ ᑎᑭᓚᐅᖏᓐᓂᖓᓂ; ᑖᑦᓱᒧᖓ ᑕᒪᓐᓇ ᑐᓂᔪᒫᕐᐸᕋ.”

ᐃᓯᑭᐊᓕᐅᑉ ᐊᒡᓚᖏᑦ 5:2

ᐱᖓᔪᖏᑦ ᐃᑯᐊᓪᓚᒍᒫᕐᐸᑎᑦ ᐃᒡᓗᒐᓴᒡᔪᐊᑦ ᐃᓗᐊᓂ; ᔨᕉᓴᓕᒥᐅᑦ ᐊᑭᕋᒥᓄᑦ ᐊᕙᓗᔭᐅᓯᒪᓂᖓ ᐃᓱᓕᑉᐸᑦ; ᐱᖓᔪᖏᓪᓗ ᓴᕕᒡᔪᐊᕐᓄᑦ ᓇᑲᑎᕐᓗᒋᑦ ᓈᕕᑕᒃᓴᕆᕙᑎᑦ ᐃᒡᓗᒐᓮᑦ ᐊᕙᓗᐊᑕ ᓯᓚᑖ ᓈᓗᒍ; ᐱᖓᔪᒋᖕᒥᔭᖏᑦ ᑎᒃᑕᐅᕋᕐᑎᓪᓗᒋᑦ ᐊᓄᕆᒧᑦ, ᓴᕕᒡᔪᐊᕋ ᐊᒧᓗᒍ ᒪᓕᒍᒫᕐᐸᒃᑲ.

ᑖᓂᐊᓕᐅᑉ ᐊᒡᓚᖏᑦ 11:15

ᐊᖓᔪᖅᑳᕐᔪᐊᖅ ᑕᕝᕙ ᐅᓐᓄᐊᑉ ᓇᓛᓂᑦ ᐱᔪᖅ ᑎᑭᑦᓱᒫᕆᕗᖅ, ᓯᕿᓂᐅᑉ ᓇᓛᓃᑦᑐᒧᑦ, ᐃᒡᓗᒐᓴᒡᔪᐊᑦ ᐊᕙᓗᓗᒋᑦ ᐅᓇᑕᕐᑐᒃᓴᖁᑎᒥᓂᒃ, ᐃᑎᕈᑎᒃᓴᒥᖕᓂᒡᓗ ᐊᕙᓗᕐᔪᐊᓄᑦ ᐋᖅᑭᒃᓱᐃᓗᑎᒃ, ᐃᒡᓗᒐᓴᒡᔪᐊᑦ ᓵᓚᐅᔪᒫᕐᐳᑦ, ᓯᕿᓂᐅᑉ ᓇᓛᓃᑦᑐᑦ ᐊᑭᒪᔪᓐᓁᓪᓕᔪᒫᕐᐳᑦ ᐱᔪᓐᓇᕐᓂᖃᕈᓐᓁᕐᓗᑎᒃ; ᐅᓇᑕᕐᑐᒃᓴᖁᑎᖏᑦ ᐊᔪᖏᓐᓂᕐᐹᑦ ᓄᑭᖃᕈᓐᓁᕈᒫᕐᐳᑦ ᐊᒡᓛᑦ.