ᐃᓯᑭᐊᓕᐅᑉ ᐊᒡᓚᖏᑦ 39:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᑎᕋ ᐃᑦᔪᕐᓁᑦᑐᖅ ᖃᐅᔨᔭᐅᑎᑦᓱᒪᒐᒃᑯ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ; ᐊᑎᕋᓗ ᓇᕐᕈᓇᕐᓯᑎᑕᐅᖁᔪᓐᓁᕋᒃᑯ; ᐃᓅᖃᑎᒌᒡᔪᐊᓪᓗ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐃᓯᑭᐊᓕᐅᑉ ᐊᒡᓚᖏᑦ 39:7 Iomraidhean Croise

ᐃᓐᖏᕈᑎᑦ 103:1

ᑕᕐᓃᖅ, ᐊᑕᓂᖅ ᓂᕐᑐᕈᒃ; ᐃᓗᓐᓃᑦᑐᓕᒫᓪᓗ, ᐊᑎᖓ ᐃᑦᔪᕐᓁᑦᑐᖅ ᓂᕐᑐᕐᓕᐅᒃ!

ᒨᓯᓯ ᐂᑉᐸᖏᑦ 20:7

“ᐊᑕᓂᐅᑉ ᒎᑎᕕᑦ ᐊᑎᖓᓂᒃ ᐊᑐᕐᓂᕐᓗᒃᑐᒃᓴᐅᓐᖏᓚᑎᑦ; ᐊᑕᓂᐅᑉ ᓱᒋᐊᕐᑍᓕᓂᐊᓐᖏᓛ ᓇᓪᓕᐊᑦ ᐊᑎᖓᓂᒃ ᐊᑐᕐᓂᕐᓗᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 37:23

ᑭᓇᒥᒃ ᒥᑕᐅᑎᖃᓚᐅᕐᐲᑦ ᐅᖃᕐᓂᕐᓘᑎᖃᕐᓗᑎᓪᓗ? ᑭᓇᒧᑦ ᓂᐱᖅᑯᕐᑐᓪᓗᑎᑦ ᓂᓪᓕᐊᓚᐅᕐᐱᑦ ᐃᔩᒃᑭᒡᓗ ᖁᒻᒧᑦ ᕿᕕᐊᖓᓪᓗᒋᒃ ᐱᐅᔪᕆᓂᕐᒧᑦ? ᐊᑭᕋᕐᑐᕐᓗᑎᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ!

ᐂᓮᐊᓯᐅᑉ ᐊᒡᓚᖏᑦ 43:14

ᐃᒫᒃ ᐊᑕᓂᖅ ᐅᖃᕐᐳᖅ, ᓴᐳᑦᔨᔨᓯ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ: “ᐱᑦᔪᑎᒋᓗᓯ ᐹᐱᓘᓂᒧᑦ ᑎᓕᓯᔪᒪᕗᖓ, ᓵᓚᒋᔭᐅᑎᓪᓗᒋᑦ ᕿᒫᑎᑕᐅᖁᓪᓗᒋᑦ, ᑲᐅᓪᑎᐊᒥᐅᑦ ᐅᒥᐊᕐᔪᐊᖁᑎᒥᖕᓂᒃ ᖁᕕᐊᓲᑎᖃᕐᐸᒃᑐᑦ ᐅᒡᒍᐊᕈᑎᖃᓕᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 43:3

ᐅᕙᖓ ᐊᑕᓂᐅᒐᒪ ᒎᑏᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐱᐅᓕᔩᑦ; ᐄᑦᔨᑉᑎ ᑐᓂᕙᕋ ᐃᓕᖕᓄᑦ ᐊᑭᓕᐅᑎᒋᓪᓗᒍ, ᐃᑎᐅᐱᐊᓗ ᓰᐸᓗ ᐃᓕᖕᓄᑦ ᑕᐅᕐᓰᑦᔪᑎᒋᓪᓗᒋᒃ.

ᐂᓮᐊᓯᐅᑉ ᐊᒡᓚᖏᑦ 45:11

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ, ᐱᓐᖑᕐᑎᑦᓯᔨᖓᓪᓗ: “ᓈᒻᒪᒃᓴᖏᓐᓂᕐᒧᑦ ᐊᐱᕐᓱᕈᒪᕕᓯᓐᖔ, ᕿᑐᕐᖓᓐᓂᒃ ᐱᑦᔪᑎᖃᕐᓗᓯ, ᐅᕙᓐᓂᒡᓗ ᖃᓄᐃᓕᐅᖁᔨᕕᓰ ᐊᒡᒐᓐᓄᑦ ᓴᓇᓯᒪᔭᓐᓂᒃ?

ᐂᓮᐊᓯᐅᑉ ᐊᒡᓚᖏᑦ 49:26

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᑦ ᓇᖕᒥᓂᖅ ᐅᕕᓂᖕᒥᖕᓂᒃ ᓂᕆᔪᒫᕐᐳᑦ, ᐊᐅᖕᒥᖕᓂᒡᓗ ᐃᒥᕐᓗᑎᒃ ᐋᖓᔮᕈᒫᕐᐳᑦ ᕔᓂᑐᕐᑐᑎᑐᑦ, ᐃᓅᓕᒫᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᐅᒐᒪ ᐱᐅᓕᔨᓯ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᔧᑯᒃᑯᑦ ᐊᔪᒐᖃᖏᑦᑐᖁᑎᖓᑦ.”

ᐂᓮᐊᓯᐅᑉ ᐊᒡᓚᖏᑦ 55:5

ᑕᑯᒋᑦᓯ, ᕾᖁᔨᔪᒫᕐᐳᓯ ᐃᓅᖃᑎᒌᒡᔪᐊᓂᒃ ᖃᐅᔨᒪᓐᖏᑕᑦᓯᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᒪᔨᒋᓐᖏᑕᓯ ᑐᐊᕕᕐᓗᑎᒃ ᐃᓕᑦᓯᓐᓄᑦ ᕾᔪᒫᕐᐳᑦ, ᐊᑕᓂᖅ ᒎᑎᓯ ᐱᑦᔪᑎᒋᓗᒍ, ᐃᓴᕆᐊᓕᒥᐅᓪᓗ ᐃᑦᔪᕐᓁᑦᑐᖁᑎᖓᑦ, ᑖᑦᓱᒪ ᓂᕐᑐᕐᓇᕐᓯᑎᓚᐅᕐᒪᓯ.

ᐂᓮᐊᓯᐅᑉ ᐊᒡᓚᖏᑦ 60:14

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᕙᓚᐅᕐᑐᑦ ᐃᕐᓂᖏᓐᓄᑦ ᐹᒻᒪᒃᑎᕐᕕᐅᔭᕐᑐᕈᒫᕐᐳᓯ; ᐆᒥᓱᒃᑎᒋᓚᐅᕐᑕᓕᒫᓯᓗ ᒥᑭᒡᓕᑎᕐᓗᑎᒃ ᐃᑎᒐᑦᓯᓐᓄᑦ ᐹᒻᒪᒋᐊᕐᑐᕈᒫᕐᐳᑦ; ᑍᔭᐅᓕᕐᓗᓯᓗ ᐊᑕᓂᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᓮᐅᓂᒥᒃ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 60:9

ᐃᒪᐅᑉ ᓯᓇᓂᒥᐅᑦ ᐅᑕᖅᑭᔪᒫᕐᐳᑦ ᐅᕙᓐᓂᒃ, ᐅᒥᐊᕐᔪᐊᑦ ᑖᕐᓯᓯᒥᑦ ᐱᔪᑦ ᑎᑭᖅᑳᕈᒫᕐᐳᑦ, ᐃᕐᓂᑦᓯᓐᓂᒃ ᓇᒃᓴᕐᓗᑎᒃ ᐅᖓᓯᒃᑐᒥᑦ, ᓯᐅᓪᕕᕆᖁᑎᒥᖕᓂᒃ ᒎᓗᖁᑎᒥᖕᓂᒡᓗ ᐱᖃᓯᐅᑦᔨᓗᑎᒃ, ᐊᑕᓂᐅᑉ ᒎᑎᑦᓯ ᐊᑎᖓᓄᑦ, ᐃᓴᕆᐊᓕᑏᓪᓗ ᐃᑦᔪᕐᓁᑦᑐᖁᑎᖓᓐᓄᑦ, ᑖᑦᓱᒪ ᐅᐱᓐᓇᕐᓯᑎᓯᒪᖕᒪᓯ.

ᐃᓯᑭᐊᓕᐅᑉ ᐊᒡᓚᖏᑦ 20:14

ᑍᒤᓕᐅᓚᐅᓐᖏᓚᖓᓕ ᐊᑎᕋ ᐱᑦᔪᑎᒋᓪᓗᒍ, ᐃᓅᖃᑎᒌᒡᔪᐊᓄᑦ ᓇᕐᕈᓇᕐᓯᑎᑕᐅᖁᓇᒍ, ᐄᑦᔨᑉᑎᒥᑦ ᐊᐅᓪᓚᕐᑎᑦᓯᓂᕆᓚᐅᕐᑕᓐᓂᒃ ᖃᐅᔨᒪᖕᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 20:39

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᒧᑦ ᑭᖑᕚᖑᔪᓯ, ᐅᕙᓐᓂᒃ ᓈᓚᖕᓂᐊᖏᒃᑯᑦᓯ; ᒎᑎᓐᖑᐊᓯ ᐊᑐᓂᑦ ᑭᒡᒐᕐᑐᓕᕐᓯᐅᒃ ᒫᓐᓇᒥᑦ ᐱᒋᐊᕐᓗᒍ ᑭᖑᓂᖓᒍᓪᓗ, ᐊᑎᕋᓕ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᖃᑦᑕᕐᓂᐊᕈᓐᓃᕐᐸᓯ ᑐᓂᕐᕈᑎᑦᓯᓐᓄᑦ ᒎᑎᓐᖑᐊᑦᓯᓐᓄᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 20:9

ᑲᔪᓯᑎᓚᐅᓐᖏᓚᕋᓕ ᐊᑎᕋ ᐱᓪᓗᒍ ᓇᕐᕈᓇᕐᓯᑎᑕᐅᖁᓇᒍ ᐃᓅᖃᑎᒌᒡᔪᐊᑦ ᓄᓇᖃᑎᒋᔭᖏᑕ ᓵᖏᓐᓂ, ᐅᖃᐅᑎᔭᕇᓚᐅᕋᒃᑭᑦ ᓄᓇᖃᑎᖏᑦ ᑕᑯᓐᓇᕐᑎᓪᓗᒋᑦ ᐊᐅᓪᓚᕐᑎᑦᓱᒪᓂᕋᕐᓗᒋᑦ ᐄᑦᔨᑉᑎᒥᐅᑦ ᓄᓇᖓᓐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 36:23

ᐊᑎᕐᒪᓗ ᐃᑦᔪᕐᓁᑦᑐᕐᔪᐊᖑᓂᖓ ᖃᐅᔨᔭᐅᑎᓐᓂᐊᕐᐸᕋ, ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᓇᕐᕈᓇᕐᓯᑎᑕᐅᓚᐅᕐᑐᖅ, ᑖᒃᑯᓄᖓᓗ ᓇᕐᕈᓇᕐᓯᑎᓚᐅᕐᑕᑦᓯ; ᑕᕝᕙ ᐃᓅᖃᑎᒋᒡᔪᐊᑦ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐊᑕᓂᖅ ᒎᑎ ᐅᖃᕐᐳᖅ, ᐊᑐᕐᓂᐊᕐᐸᑦᓯ ᐃᑦᔪᕐᓁᑦᑑᓂᓐᓂᒃ ᖃᐅᔨᔭᐅᑎᓕᕈᒪ ᐃᓅᖃᑎᒌᒡᔪᐊᑦ ᑕᒃᑯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 36:36

ᐃᓅᖃᑎᒌᒡᔪᐊᑦ ᐊᒥᐊᒃᑰᔪᑦ ᓄᓇᑦᓯ ᐊᕙᑖᓃᑦᑐᑦ ᖃᐅᔨᓕᖁᓪᓗᒋᑦ ᐅᕙᖓ, ᐊᑕᓂᖅ, ᐃᒡᓗᒐᓴᒡᔪᐊᕕᓂᕐᓂᒃ ᐋᖅᑭᒃᓱᐃᒃᑲᓐᓂᕐᓯᒪᓂᓐᓂᒃ, ᐱᕈᕐᓰᕕᕕᓂᕐᓂᒡᓗ ᓱᓇᖃᓚᐅᕈᓐᓃᕐᑐᓂᒃ ᐱᕈᕐᕕᐅᓕᕐᑎᑦᓯᒃᑲᓐᓂᕋᒪ; ᐅᕙᖓ, ᐊᑕᓂ, ᐅᖃᕐᓯᒪᒐᒪ, ᑕᒪᓐᓇᓗ ᐱᓇᓱᐊᕐᓂᐊᕐᐸᕋ.

ᐃᓯᑭᐊᓕᐅᑉ ᐊᒡᓚᖏᑦ 38:16

ᐃᓄᖁᑎᒃᑲ ᐃᓴᕆᐊᓕᒥᐅᑦ ᐅᓇᑕᕆᐊᕈᒫᕐᐸᓯ, ᓄᕗᔭᒧᑦ ᓄᓇ ᐅᓕᒃᑕᐅᔪᑎᑐᑦ ᑍᒤᑦᓱᒫᕐᐸᓯ. ᑖᒃᑯᓇᓂ ᐅᓪᓗᐃᑦ ᑭᖑᓪᓕᖏᓐᓂ ᑎᓕᔪᒫᕐᐸᒋᑦ ᑎᒍᓯᔭᕐᑐᕐᑎᓪᓗᓯ ᓄᓇᖁᑎᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᓕᖁᓪᓗᒋᑦ ᐅᕙᓐᓂᒃ, ᐃᓕᖕᓂᒃ ᐊᑐᕐᓗᖓ ᒑᒡ, ᐃᑦᔪᕐᓁᑦᑑᓂᕋ ᖃᐅᔨᔭᐅᑎᑦᓱᒫᕐᐸᕋ ᑖᒃᑯᐊ ᑕᒃᑯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 38:23

ᑍᒫᒡᓗ ᐊᔪᖏᑦᑐᕐᔪᐊᖑᓂᕋ ᐃᑦᔪᕐᓁᓐᓂᕋᓗ ᖃᐅᔨᔭᐅᑎᑦᓱᒫᕐᐸᕋ ᐃᓅᖃᑎᒌᒡᔪᐊᓄᑦ ᑕᑯᔭᐅᑎᓪᓗᒍ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 39:22

ᐃᓴᕆᐊᓕᐅᑉ ᑭᖑᕚᖏᑦ ᖃᐅᔨᔪᒫᕐᐳᑦ ᐅᕙᖓᐅᒐᒪ ᐊᑕᓂᖅ ᑖᒃᑯᐊ ᒎᑎᖓᑦ, ᐅᓪᓗᒥᑦ ᑕᕝᕙᓐᖓᑦ ᐱᒋᐊᕐᓗᓂ ᑭᖑᓂᖓᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 39:25

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᒫᓐᓇ ᔧᑰᑉ ᑭᖑᕚᖏᑦ ᐅᑎᕐᑎᓐᓂᐊᕐᐸᒃᑲ, ᐃᓴᕆᐊᓕᐅᓪᓗ ᑭᖑᕚᓕᒫᖏᑦ ᓈᒃᑭᒋᓂᐊᕐᐸᒃᑲ; ᐊᑎᕋᓗ ᐃᑦᔪᕐᓁᑦᑐᖅ ᓯᖕᓇᒋᓂᐊᕐᐸᕋ.

ᐃᓯᑭᐊᓕᐅᑉ ᐊᒡᓚᖏᑦ 39:8

“ᑕᑯᒋᑦ, ᓇᓪᓕᐅᑎᔪᒫᕐᑐᖅ ᓇᓪᓕᐅᑎᓕᕐᐳᖅ, ᐊᑕᓂᖅ ᒎᑎ ᐅᖃᕐᐳᖅ. ᑖᓐᓇ ᑕᕝᕙ ᐅᓪᓗᖅ ᓇᓪᓕᐅᑎᓛᕐᓂᕋᕐᓗᒍ ᐅᖃᐅᓯᕆᓯᒪᔭᕋ.

ᒨᓯᓯ ᐱᖓᔪᖏᑦ 18:21

ᕿᑐᕐᖓᕐᓂᒃ ᑐᓂᕐᕈᑎᖃᕆᐊᖃᓐᖏᓚᑎᑦ ᒎᑎᓐᖑᐊᒧᑦ ᒧᓕᑭᒧᑦ, ᒎᑎᕕᑦ ᐊᑎᖓᓂᒃ ᓇᕐᕈᓇᕐᓯᑎᑦᓯᖁᓇᒃ, ᐅᕙᖓ ᐊᑕᓂᐅᒐᒪ.