5 ᓇᑎᕐᓇᒥ ᑐᖁᔪᒫᕐᐳᓯ; ᐅᕙᖓ ᐅᖃᓚᐅᕋᒪ, ᐊᑕᓂᖅ ᒎᑎ ᐅᖃᕐᐳᖅ.
ᓇᓪᓕᐅᑎᔪᒫᕐᒪᑦ ᐊᑕᓂᐅᑉ ᓱᒋᐊᕐᓯᓂᕆᔪᒫᕐᑕᖓ ᐱᔪᓐᓇᕐᓂᐅᔪᓂᒃ ᑕᑉᐹᓂ, ᓄᓇᕐᔪᐊᒥᓗ ᐊᐅᓚᑦᓯᔨᐅᔪᓂᒃ.
ᐃᓗᕕᕐᑕᐅᓂᖓ ᓯᐅᑎᖅᑯᕐᑐᔪᑎᑐᑦ ᐱᔭᐅᔪᒫᕐᐳᖅ, ᐅᓂᐊᕐᑕᐅᓪᓗᓂ ᐃᒋᑕᐅᑐᐃᓐᓇᕐᓗᓂ ᒪᓂᖅᑲᒧᑦ ᔨᕉᓴᓕᐅᑉ ᐃᑎᕐᑕᕐᕕᖏᑕ ᓯᓚᑖᓄᑦ.”
ᓴᖅᑭᔮᓕᕐᓗᑎᒃ ᓯᕿᓂᕐᒧᑦ, ᑕᖅᑭᕐᒧᑦ ᐅᓪᓗᕆᐊᓄᓪᓗ, ᐅᖓᒋᓗᒋᑦ ᑭᒡᒐᕐᑐᕐᓗᒋᓪᓗ ᑐᒃᓯᐊᕐᕕᒋᕙᓚᐅᕐᑕᖏᓐᓄᑦ, ᑲᑎᕐᓱᕐᑕᐅᓗᑎᒃ ᐃᓗᕕᕐᓄᐊᕐᑕᐅᔪᒫᓐᖏᓚᑦ, ᑕᒫᓃᕐᕆᑐᐃᓐᓇᕈᒫᕐᐳᑦ ᐊᓇᕐᑎᑐᑦ ᒪᓂᖅᑲᒦᑦᑐᑎᑐᑦ.
ᐃᒋᑦᓱᒫᕐᐸᒋᓪᓗ ᓄᓇᒧᑦ ᐃᓄᖃᔪᐃᑦᑐᒧᑦ, ᑰᖁᑎᕕᑦ ᐃᖃᓗᖏᑦ ᐱᖃᓯᐅᑎᓗᒋᑦ; ᑎᒦᑦ ᒪᓂᖅᑲᒦᑐᐃᓐᓇᕈᒫᕐᐳᖅ ᐃᓗᕕᕐᓯᒪᖏᓪᓗᓂ. ᓂᕿᒋᔭᐅᑎᓕᕈᒫᕐᐸᒋᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ.
ᓄᓇᒧᑦ ᐃᐱᕅᓐᓇᕈᒫᕐᐸᒋᑦ, ᒪᓂᖅᑲᒧᑦ ᕿᒤᓐᓇᕐᓗᑎᑦ, ᑎᖕᒥᐊᓕᒫᓄᑦ ᐃᓂᒋᔭᐅᓕᕈᒫᕐᐳᑎᑦ, ᐆᒪᔪᓄᓪᓗ ᓄᓇᕐᔪᐊᕐᒦᑦᑐᓄᑦ ᓂᕿᒋᔭᐅᓕᕈᒫᕐᐳᑎᑦ.
ᖃᖅᑲᑎᓪᓗ ᑐᖁᑕᐅᓂᑯᓂᒃ ᓈᔭᐅᑎᑦᓱᒫᕐᐸᒃᑲ; ᐱᖑᖁᑎᑎᑦ ᓇᕐᓴᖁᑎᑎᓪᓗ ᑰᕈᖁᑎᓕᒫᑎᓪᓗ ᑕᑕᑦᓱᒫᕐᐳᑦ ᓴᕕᒡᔪᐊᕐᒧᑦ ᑐᖁᑕᐅᓂᑯᓂᒃ.
ᐃᓴᕆᐊᓕᒥᐅᑦ ᖃᖅᑲᖏᓐᓂ ᑐᖁᑕᐅᔪᒫᕐᐳᑎᑦ, ᐅᓇᑕᕐᑎᒐᓴᒡᔪᐊᑎᓪᓗ ᐃᓄᐃᓪᓗ ᐃᓚᒋᔭᑎᑦ; ᑎᖕᒥᐊᓄᑦ ᖃᓄᐃᑦᑐᑐᐃᓐᓇᕐᓄᑦ ᓂᕿᑐᓲᓕᒫᓄᑦ ᐆᒪᔪᓄᓪᓗ ᓄᔪᐊᕐᑐᓄᑦ ᓂᕆᔭᐅᔪᒫᕐᐳᓯ.
ᒪᒑᒡ ᐃᑯᐊᓪᓚᒃᑎᑦᓱᒫᕐᐸᕋ ᓯᒡᔭᒦᑦᑐᓪᓗ ᓄᓇᓖᑦ ᐃᓂᓪᓚᖓᑦᓯᐊᕐᑐᑦ; ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.
