ᐃᓯᑭᐊᓕᐅᑉ ᐊᒡᓚᖏᑦ 32:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐃᓕᖕᓂᒃ ᐊᓯᕈᐃᓕᕈᒪ, ᕿᓚᒃ ᑕᓕᑎᑦᓱᒫᕐᐸᕋ, ᐅᓪᓗᕆᐊᓪᓗ ᑖᕐᓯᓗᑎᒃ; ᓯᕿᓂᖅ ᓄᕗᔭᓄᑦ ᑕᓕᑎᑦᓱᒫᕐᐸᕋ, ᑕᖅᑭᕐᓗ ᖃᐅᒪᔪᓐᓁᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 32:7 Iomraidhean Croise

ᔫᐱᐅᑉ ᐊᒡᓚᖏᑦ 9:7

ᓯᕿᓂᖅ ᑍᒤᖁᑐᐊᕐᐸᒍ ᓴᖅᑭᖏᑦᓱᓐᓇᕐᐳᖅ; ᐅᓪᓗᕆᐊᓪᓗ ᖃᐅᒻᒪᒃᑎᑦᑍᓕᔪᓐᓇᕐᓗᓂᒋᑦ ᐅᓐᓄᒃᑯᑦ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:9

ᐃᓱᐊᕐᑐᑦ ᓇᓂᕈᐊᖓ ᖃᐅᒻᒪᕆᑦᓯᐊᕐᐳᖅ, ᐱᐅᖏᑦᑐᓪᓕ ᓇᓂᕈᐊᖓ ᖃᒥᑕᐅᓂᐊᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:2

ᓯᕿᓂᖅ ᖃᐅᒪᔪᕐᓗ, ᑕᖅᑭᕐᓗ ᐅᓪᓗᕆᐊᓪᓗ, ᑖᕐᓯᓚᐅᕐᑎᓐᓇᒋᑦ, ᓄᕗᔧᓪᓗ ᐅᑎᓚᐅᕐᑎᓐᓇᒋᑦ ᓯᓚᓗᓚᐅᕐᑎᓪᓗᒍ;

ᐂᓮᐊᓯᐅᑉ ᐊᒡᓚᖏᑦ 13:10

ᐅᓪᓗᕆᐊᑦ ᕿᓚᖕᒦᑦᑐᑦ ᐋᖅᑭᒃᓯᒪᓂᖏᓪᓗ ᖃᐅᒪᔪᓐᓃᕈᒫᕐᐳᑦ, ᓯᕿᓂᖅ ᑖᕐᓯᔪᒫᕐᐳᖅ ᓄᐃᓕᕈᓂ, ᑕᖅᑭᕐᓗ ᖃᐅᒪᔪᓐᓃᕈᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 34:4

ᕿᓚᖕᒥ ᑕᑯᒃᓴᐅᔪᓕᒫᑦ ᐊᐅᒍᒫᕐᐳᑦ, ᕿᓚᒡᓗ ᐃᒧᔭᐅᔪᒫᕐᐳᖅ ᐰᑉᐹᖁᑎᑎᑐᑦ ᐃᒧᔫᑎᑐᑦ, ᐅᓪᓗᕆᐊᓕᒫᓪᓗ ᑲᑕᒐᕈᒫᕐᐳᑦ, ᓇᐹᕐᑑᑉ ᕔᓂᒃᓴᓂᒃ ᐸᐅᕐᖓᓕᐅᑉ ᐸᐅᕐᖓᖏᑕ ᑲᑕᒐᕐᓂᖏᑎᑐᑦ, ᓇᐹᕐᑑᓪᓗ ᐱᒋᓕᒃᓴᐅᑉ ᐅᖃᐅᔭᖏᑕ ᑲᑕᒐᕐᓂᖏᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 13:16

ᐊᑕᓂᖅ ᒎᑎᓯ ᓂᕐᑐᕐᓯᐅᒃ ᑖᕐᓯᑎᑦᓯᖏᓐᓂᖓᓂ, ᐹᓪᓚᖁᓇᓯ ᖃᖅᑬᑦ ᑕᕐᕆᑎᑕᐅᓕᕐᐸᑕ ᑖᕐᑐᒧᑦ, ᖃᐅᒪᔪᒥᒃ ᕿᓂᕋᓗᐊᕈᑦᓯ ᑖᑦᓱᒪ ᑖᕐᓯᑎᑦᓱᒫᑉᐹ ᑖᕐᑐᕐᔪᐊᖑᓕᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 30:18

ᑎᕼᐊᐸᓂᕼᐃᒥᐅᑦ ᑖᕐᓯᐅᓕᕈᒫᕐᐳᑦ, ᐄᑦᔨᑉᑎᒥᐅᑦ ᐱᔪᓐᓇᕐᓂᖏᑦ ᓵᓚᒋᒍᒃᑭᑦ, ᐱᐅᔪᕆᓂᖏᑦ ᐃᓱᓕᑦᓱᒫᕐᐳᑦ; ᓄᕗᔭᒧᑦ ᐅᓕᒃᑕᐅᔪᒫᕐᐳᑦ, ᐃᓄᖏᑦ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 30:3

ᐅᓪᓗᖅ ᖃᒡᓕᓕᕐᐳᖅ, ᐊᑕᓂᐅᑉ ᐅᓪᓗᖓ ᖃᒡᓕᓕᕐᐳᖅ; ᐅᓪᓗᖅ ᓄᕗᔭᔪᑎᑐᑦ ᑍᒤᑉᐳᖅ, ᐃᓅᖃᑎᒌᒡᔪᐊᑦ ᓱᒋᐊᕐᑕᐅᕕᒃᓴᖓᑦ.

ᐃᓯᑭᐊᓕᐅᑉ ᐊᒡᓚᖏᑦ 31:15

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑐᖁᖓᔪᑦ ᐃᓂᖓᓄᐊᕐᓯᒪᓕᕐᐸᑦ ᐊᖏᔪᒥᒃ ᕿᒃᓵᒍᑕᐅᑎᑦᓱᒫᕐᐸᕋ, ᑰᖏᓪᓗ ᑰᒍᓐᓁᕈᒫᕐᐳᑦ, ᑰᒐᓛᓪᓗ ᑰᒍᓐᓃᕐᓗᑎᒃ; ᓕᐸᓇᓂ ᕿᒃᓵᒍᑎᖃᕐᑎᑦᓱᒫᕐᐸᕋ ᑖᑦᓱᒥᖓ, ᓇᐹᕐᑐᓕᒫᓪᓗ ᓇᑎᕐᓇᒦᑦᑐᑦ ᑖᑦᓱᒧᖓ ᑐᖁᓕᑎᑕᐅᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 34:12

ᐰᕐᓯᔩᑦ ᕿᓂᑦᓯᐊᓲᖑᖕᒪᑕ ᓰᐱᖁᑎᖏᑕ ᐃᓚᖏᓐᓂᒃ ᓇᒧᑐᐃᓐᓇᖅ ᓯᐊᒻᒪᕐᑐᖃᕐᑎᓪᓗᒍ, ᑍᒫᒃᑕᐅᖅ ᓰᐱᖁᑎᒃᑲ ᕿᓂᕐᓂᐊᓕᕐᐸᒃᑲ; ᓴᐳᑎᔪᒫᕐᐸᒃᑲ ᓇᓂᓕᒫᖅ ᓯᐊᒻᒪᕐᓯᒪᕕᒋᓚᐅᕐᑕᖏᓐᓂᑦ ᐅᓪᓗᖅ ᓄᕗᔭᑎᓪᓗᒍ ᑖᕐᑑᑎᓪᓗᒍᓗ.

ᔪᐃᓕᐅᑉ ᐊᒡᓚᖏᑦ 2:10

ᓄᓇᕐᔪᐊᕐᓗ ᓴᔪᒃᑎᑉᐹᑦ, ᕿᓔᓪᓗ ᓴᔪᒃᐳᑦ; ᓯᕿᓂᕐᓗ ᑕᖅᑭᕐᓗ ᑖᕐᓯᕘᒃ, ᐅᓪᓗᕆᐊᓪᓗ ᖃᐅᒪᔫᓐᓃᕐᐳᑦ.

ᔪᐃᓕᐅᑉ ᐊᒡᓚᖏᑦ 2:2

ᐅᓪᓗᖅ ᑖᕐᓯᔪᒫᕐᒪᑦ ᑲᑉᐱᐊᓇᕐᓗᓂᓗ, ᐅᓪᓗᖅ ᑖᕐᓯᔪᒫᕐᒪᑦ ᓄᕗᔭᓗᓂᓗ. ᐱᒡᓕᕐᑕᐅᔮᕐᑐᑦ ᐅᓄᕐᑐᕐᔪᐊᑦ ᑖᕐᓯᑎᑦᓯᔪᒫᕐᐳᑦ ᖃᖅᑲᒥᒃ, ᐊᔪᖏᑦᑐᕐᔪᐊᑦ ᐱᔪᓐᓇᕐᑐᕐᔪᐊᓪᓗ ᐊᑭᕅᑦ ᑎᑭᑦᓱᒫᕐᐳᑦ, ᑍᒫᒃ ᐱᔪᖃᓚᐅᕐᓯᒪᓐᖏᓚᖅ ᑍᒤᑦᑐᖃᓚᐅᕐᓯᒪᓂᐊᕋᓂᓗ ᒪᑐᒪ ᑭᖑᓂᐊᒍᑦ.

ᔪᐃᓕᐅᑉ ᐊᒡᓚᖏᑦ 2:31

ᓯᕿᓂᕐᓗ ᑖᕐᓯᔪᒫᕐᐳᖅ, ᑕᖅᑭᕐᓗ ᐊᐅᒃᑎᑐᑦ ᐊᐅᐸᕐᓯᓗᓂ, ᐊᑕᓂᐅᑉ ᐅᓪᓗᕐᔪᐊᖓ ᑲᒪᓇᕐᑐᕐᔪᐊᖅ ᓇᓪᓕᐅᑎᖅᑳᕐᑎᓐᓇᒍ.

ᔪᐃᓕᐅᑉ ᐊᒡᓚᖏᑦ 3:15

ᓯᕿᓂᕐᓗ ᑕᖅᑭᕐᓗ ᑖᕐᓯᔪᒫᕐᐴᒃ, ᐅᓪᓗᕆᐊᓪᓗ ᖃᐅᒪᔪᓐᓁᕐᓗᑎᒃ.

ᐂᒨᓯᐅᑉ ᐊᒡᓚᖏᑦ 8:9

ᐊᑕᓂᖅ ᒎᑎ ᐅᖃᕐᐳᖅ, “ᐃᒤᑦᓱᒫᕐᐳᖅ ᐅᓪᓗᒥ ᑍᑲᓂ, ᓯᕿᓂᖅ ᓂᐱᑎᑦᓱᒫᕐᐸᕋ ᐅᓪᓘᑉ ᕿᑎᖓᓂ, ᓄᓇᕐᔪᐊᕐᓗ ᑖᕐᓯᑎᑦᓱᒫᕐᐸᕋ ᐅᓪᓘᑎᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 24:29

“ᐅᓪᓗᐃᑦ ᑲᑉᐱᐊᓇᕐᑐᑦ ᑭᖑᓂᑦᓯᐊᖓᒍᑦ, ᓯᕿᓂᖅ ᑖᕐᓯᔪᒫᕐᐳᖅ, ᑕᖅᑭᕐᓗ ᖃᐅᒪᔪᓐᓃᕈᒫᕐᐳᖅ, ᐅᓪᓗᕆᐊᓪᓗ ᕿᓚᖕᒥᑦ ᑲᑕᒍᒫᕐᐳᑦ, ᓯᓚᐅᑉ ᐱᔪᓐᓇᕐᓂᖏᑦ ᐃᓂᒋᔭᒥᖕᓂ ᓴᔪᒃᐱᓗᒍᒫᕐᐳᑦ.

ᒫᑯᓯᐅᑉ ᐊᒡᓚᖏᑦ 13:24

“ᐅᓪᓗᐃᑦ ᑖᒃᑯᐊ ᑲᑉᐱᐊᓇᕐᑐᑦ ᑭᖑᕐᖓᑦᑎᒍᑦ, ᓯᕿᓂᖅ ᑖᕐᓯᔪᒫᕐᐳᖅ, ᑕᖅᑭᕐᓗ ᖃᐅᒪᔪᓐᓃᕈᒫᕐᐳᖅ,

ᓘᑲᓯᐅᑉ ᐊᒡᓚᖏᑦ 21:25

“ᑲᒪᓇᕐᑐᖃᕈᒫᕐᐳᖅ ᓯᕿᓂᕐᒥ ᑕᖅᑭᕐᒥᓗ ᐅᓪᓗᕆᐊᓂᓗ, ᓄᓇᕐᔪᐊᕐᒥᓗ ᐃᓅᖃᑎᒌᒡᔪᐊᓕᒫᑦ ᓇᓗᓕᕐᓇᕐᑐᒦᑦᓱᒫᕐᐳᑦ ᑲᑉᐱᐊᓱᒻᒪᕆᒡᓗᑎᒡᓗ ᐃᒪᕐᔪᐊᑉ ᐃᒃᑑᓕᔮᕐᓂᖓᓄᑦ ᐃᖏᐅᓕᐊᓗᖕᓄᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:12

ᑕᕝᕙ ᐂᖏᓕᐅᑉ ᓯᑕᒪᖓᑦᑕ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᑕᕝᕙ ᓯᕿᓂᖅ ᐊᕝᕙᖓᑕ ᐅᖓᑖᓄᑦ ᐊᒃᑐᕐᑕᐅᕗᖅ, ᑕᖅᑭᕐᓗ ᐊᕝᕙᖓᑕ ᐅᖓᑖᓄᑦ, ᐅᓪᓗᕆᐊᓪᓗ ᐊᕝᕙᖏᑕ ᐅᖓᑖᓄᑦ, ᖃᐅᒪᓂᖏᓪᓗ ᐃᓚᓐᖓᕐᐳᑦ ᐊᕝᕙᓪᓗᐊᖏᑦᑕ ᐅᖓᑖᓄᑦ ᖃᐅᒪᓂᕆᕙᒃᑕᒥᖕᓂᑦ; ᐅᓪᓘᓪᓗ ᐊᕝᕙᓪᓗᐊᖓᑕ ᐅᖓᑖᓄᑦ ᖃᐅᒪᓂᖓ ᐃᓚᓐᖓᕐᐳᖅ, ᐅᓐᓄᐊᕐᓗᑦᑕᐅᖅ ᐊᕝᕙᖓᑕ ᐅᖓᑖᓄᑦ ᐃᓚᓐᖓᕆᓪᓗᓂ.