1 ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ:
ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐱᑕᖃᓕᕈᒫᕐᐳᖅ ᐊᑕᓂᕐᒧᑦ ᑐᓂᕐᕈᓯᕐᕕᖕᒥᒃ ᐄᑦᔨᑉᑎᒥᐅᑦ ᓄᓇᖓᑕ ᕿᑎᖓᓂ, ᐅᔭᕌᓗᖕᒥᒡᓗ ᓇᐸᔪᒥᒃ ᓴᓇᓯᒪᔪᕐᑕᖃᕐᒥᓗᓂ ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂ ᐊᑕᓂᕐᒥᒃ ᐅᐱᒍᓲᑎᒥᒃ.
ᓂᐱᑯᓁᓴ ᑎᑭᓐᓂᐊᕐᒪᑦ ᐄᑦᔨᑉᑎᒥᐅᓂᒃ ᓵᓚᖃᕆᐊᕐᑐᕐᓗᓂ, ᑍᒃᑯᐊ ᐋᓐᓂᐊᓇᕐᑐᓄᑦ ᑐᖁᔪᒃᓮᑦ ᐋᓐᓂᐊᓇᕐᑐᓄᑦ ᑐᖁᔪᒫᕐᐳᑦ, ᑍᒃᑯᐊᓗ ᐊᐅᓪᓚᕈᑦᔭᐅᔪᒃᓮᑦ ᐊᐅᓪᓚᕈᑦᔭᐅᔪᒫᕐᐳᑦ ᑎᒍᔭᐅᓗᑎᒃ, ᑍᒃᑯᐊᓗ ᐅᓇᑕᕐᑐᓄᑦ ᑐᖁᑕᐅᔪᒃᓮᑦ ᐅᓇᑕᕐᑐᓂ ᑐᖁᑕᐅᔪᒫᕐᐳᑦ.
ᑕᕝᕙᓂ ᑕᐸᓂᓯᒥ ᔨᕆᒤᐊ ᐊᑕᓂᐅᑉ ᐅᖃᐅᑎᕚ,
ᔨᕆᒤᐊ ᒎᑎᐅᑉ ᐅᖃᕐᑎᖓ ᐊᑕᓂᕐᒧᑦ ᐅᖃᕐᕕᐅᓚᐅᕐᐳᖅ ᐃᓅᖃᑎᒌᒡᔪᐊᑦ ᐱᓪᓗᒋᑦ,
ᐊᐅᓪᓚᕐᑎᑕᐅᓯᒪᓂᑦᑕ ᐊᕐᕌᒍᐃᑦ 27ᒋᓕᕐᑕᖓᓂ, ᑕᖅᑮᑦ ᓯᕗᓪᓕᕐᐹᖓᓐᓂ, ᐅᓪᓗᖏᑕ ᓯᕗᓪᓕᕐᐹᖓᓐᓂ, ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ:
“ᐃᓅᑉ ᐃᕐᓂᖓ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᐰᕉ ᐊᑭᕋᕐᑐᕐᓗᒍ ᐱᔪᖃᓛᕐᑐᒥᒃ ᐅᖃᐅᑎᒍᒃ, ᐄᑦᔨᑉᑎᒥᐅᓕᒫᑦ ᓱᒋᐊᕐᑕᐅᔪᒫᕐᓂᖏᓐᓂᒃ.
“ᑕᒪᓐᓇ ᐊᑐᓕᕐᐸᑦ ᐃᓴᕆᐊᓕᒥᐅᑦ ᐱᔪᓐᓇᐅᑎᒃᓴᕐᑖᕐᑎᑦᓱᒫᕐᐸᒃᑲ, ᐅᖃᐅᑦᔪᐃᔪᓐᓇᖁᓪᓗᑎᓪᓗ ᑖᒃᑯᓄᖓ ᖃᓃᑦ ᒪᑐᐃᕈᒫᕐᐸᕋ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”
“ᐃᓅᑉ ᐃᕐᓂᖓ, ᐱᔪᒫᕐᑐᒃᓴᓂᒃ ᐅᖃᓪᓚᓕᕆᑦ, ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐅᓪᓗᖅ ᐅᒡᒍᐊᕐᓇᕐᑐᖅ ᕾᓕᕐᐳᖅ!
“ᑲᑉᐱᐊᓱᒃᑎᑦᓯᖃᑦᑕᓚᐅᕐᒪᑦ ᐃᓅᔪᓂᒃ; ᑍᒤᒻᒪᑦ ᑭᐱᓯᒪᖏᑦᑐᑦ ᐃᓚᒋᓗᒋᑦ ᑐᖁᖓᔪᑦ ᐃᓂᖓᓃᖃᑎᒋᔪᒫᕐᐰᑦ, ᓴᕕᒡᔪᐊᒧᑦ ᑐᖁᑕᐅᓯᒪᔪᑦ ᐃᓚᒋᓗᒋᑦ, ᐰᕉ ᐃᓄᒋᐊᒃᑐᕐᔪᐊᖁᑎᓕᒫᖏᓪᓗ, ᐊᑕᓂᖅ ᒎᑎ ᐅᖃᕐᐳᖅ.”
