ᐃᓯᑭᐊᓕᐅᑉ ᐊᒡᓚᖏᑦ 3:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᓴᖑᑎᑕᒃᓴᐅᑎᓐᓂᐊᓐᖏᓚᒋᑦ ᐅᔭᕋᒃᑎᑐᑦ ᓯᑎᔪᑎᑐᑦ ᐊᐅᒫᒡᒋᓲᑎᑐᑦ ᓯᑎᑎᒋᑎᓪᓗᑎᑦ; ᑍᒤᒻᒪᑦ ᓯᕘᕋᒋᓂᐊᕐᓇᒋᑦ, ᑕᐅᑦᑐᖏᓐᓄᓪᓗ ᓴᐱᓕᕐᑎᑕᐅᑦᑍᓕᒋᑦ, ᑖᒃᑯᐊ ᐊᑭᕋᕐᑐᕐᑎᐅᖕᒪᑕ.”

ᐃᓯᑭᐊᓕᐅᑉ ᐊᒡᓚᖏᑦ 3:9 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 41:14

ᑲᑉᐱᐊᓱᒃᑍᓕᒋᑦ ᓱᓇᐅᔪᕆᖏᓐᓂᕐᒧᑦ ᓴᓐᖐᑦᑑᒐᓗᐊᕈᕕᑦ ᔧᑰᑉ ᑭᖑᕚᖓ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ! ᐅᕙᖓ ᐃᑲᔪᕐᓂᐊᕐᐸᑦᓯ, ᐊᑕᓂᖅ ᐅᖃᕐᐳᖅ; ᓴᐳᑦᔨᔨᓯ ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐂᓮᐊᓯᐅᑉ ᐊᒡᓚᖏᑦ 50:7

ᐊᑕᓂᐅᑉ ᒎᑎᐅᑉ ᐃᑲᔪᕐᓂᐊᕐᒪᖓ; ᑍᒤᒻᒪᑦ ᑲᓐᖑᓱᒃᑎᑕᐅᓐᖏᓚᖓ; ᑍᒤᒻᒪᑦ ᑮᓇᕋ ᐅᔭᕋᒃᑐᑦ ᓯᑎᔪᑐᑦ ᒪᓂᕙᕋ, ᖃᐅᔨᒪᒐᒪ ᑲᓐᖑᓱᒃᑎᑕᐅᓂᐊᖏᓐᓂᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 1:17

ᔨᕆᒤᐋ ᐅᐸᓗᖕᒊᔭᓕᕆᑦ, ᐂᓗᑎᓪᓗ ᐅᖃᐅᑎᔭᕐᑐᓕᒃᑭᑦ ᑕᒤᓐᓂᒃ ᐅᖃᐅᓯᕆᔭᐅᖁᔭᓐᓂᒃ. ᓯᕘᕋᒋᑦᑍᓕᒃᑭᑦ, ᓯᕘᕋᒍᕕᓪᓕ ᓯᕘᕋᑎᓐᓂᕐᓴᐅᔪᓐᓇᕐᐸᒋᑦ ᐱᖃᑎᒋᓕᕈᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 1:8

ᑲᑉᐱᐊᒋᑦᑍᓕᑭᑦ, ᐃᓚᒋᓂᐊᕐᐸᒋᑦ ᓴᐳᑎᓯᒪᓗᑎᑦ, ᐅᕙᖓ ᐊᑕᓂᐅᓪᓗᖓ ᐅᖃᕐᐳᖓ!”

ᔨᕆᒤᐊᐅᑉ ᐊᒡᓚᖏᑦ 15:20

ᐃᒡᓗᒐᓮᑦ ᐊᕙᓗᕐᔪᐊᖏᑎᑐᑦ ᑍᒤᑦᑑᑎᓐᓂᐊᕐᐸᒋᑦ ᐃᓄᖕᓄᑦ, ᐊᕙᓗᕐᔪᐊᑎᑐᑦ ᐱᔭᐅᓐᓇᖏᑦᑐᑎᑐᑦ ᑲᓐᓄᔭᒥᑦ ᓴᓇᔭᐅᓯᒪᔪᑎᑐᑦ, ᐃᓕᖕᓂᒃ ᐱᓇᓱᐊᕋᓗᐊᕈᑎᒃ ᓵᓚᖃᕐᓂᐊᓐᖏᓚᑦ, ᐅᕙᖓ ᓇᔪᕐᓂᐊᕋᒃᑭᑦ ᓴᐳᑎᓂᐊᕐᐸᒋᑦ ᐱᐅᓕᓗᑎᓪᓗ.” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 17:18

ᐊᑭᕋᕐᑐᕐᑎᒃᑲ ᑲᓐᖑᓇᕐᑐᒧᐊᕐᑎᒃᑭᑦ, ᑲᓐᖑᓇᕐᑐᒧᐊᕐᑎᓐᓇᖓ; ᓴᐱᓕᕐᑎᒃᑭᑦ ᓴᐱᕐᓇᕐᑐᒧᐊᕐᑎᓐᓇᖓ, ᐱᐅᖏᑦᑐᒧᑦ ᑎᑭᕝᕕᐅᑎᒃᑭᑦ; ᐊᓯᕈᒃᑭᑦ ᐊᓯᕈᕐᑕᐅᓇᕐᑐᒧᑦ ᒪᕐᕈᕕᓪᓗᐊᕐᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 2:6

“ᐃᕝᕕᓪᓕ, ᐃᓅᑉ ᐃᕐᓂᖓ, ᑲᑉᐱᐊᒋᓂᐊᕐᓇᒋᑦ, ᐅᖃᐅᓯᖏᓪᓗ ᓯᕘᕋᒋᓇᒋᑦ, ᑲᑭᓪᓚᕐᓇᕐᑐᑎᑐᑦ ᑲᐱᔭᐅᓐᓇᕐᑐᑎᑐᓪᓗ ᓯᑯᐊᕐᐱᐅᓃᑦ ᐊᑯᓐᓂᖓᓃᑦᑐᑎᑐᑦ ᑍᒤᑦᑑᖃᑦᑕᕐᓂᐊᕐᐳᑎᑦ, ᑍᒤᒃᑲᓗᐊᕐᐸᑕ ᑲᑉᐱᐊᒋᑦᑍᓕᒃᑭᑦ ᐅᖃᐅᓯᖏᓪᓘᓐᓃᑦ ᓯᕘᕋᒋᑦᑍᓕᓗᒋᑦ, ᑕᐅᑦᑐᖏᓐᓄᑦ ᓴᐱᓕᕐᑎᑕᐅᑦᑍᓕᒋᑦ, ᑖᒃᑯᐊ ᐊᑭᕋᕐᑐᕐᑎᐅᖕᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 3:10

ᓱᓕ ᐅᖃᐅᑎᒃᑲᓐᓂᕐᐹᖓ, “ᐃᓅᑉ ᐃᕐᓂᖓ, ᐅᖃᐅᓰᑦ ᐃᓕᖕᓄᑦ ᐅᖃᐅᓯᕆᔭᓕᒫᒃᑲ ᐆᒻᒪᑎᖕᓄᐊᒃᑭᑦ, ᑐᓴᕐᓗᒋᓪᓗ ᓯᐅᑎᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 3:8

ᑕᑯᒋᑦ, ᑍᒫᑦᓮᓐᓇᕐᑕᐅᖅ ᓯᑎᔫᑎᓐᓂᐊᕆᕙᒋᑦ, ᑍᒃᑯᑎᑐᓇᕐᓗ ᐱᔭᕐᓂᖏᑦᑑᑎᓪᓗᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 44:6

“ᐃᓴᕆᐊᓕᐅᑉ ᑭᖑᕚᖏᑦ ᓈᓚᒍᓐᓇᖏᑦᑐᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᑦ, ᓇᕐᕈᓇᕐᑐᒥᒃ ᐱᓇᓱᐊᖃᑦᑕᕐᓂᓕᒫᓯ ᓄᖅᑲᕐᑎᓕᕐᓯᐅᒃ.

ᒤᑲᐅᑉ ᐊᒡᓚᖏᑦ 3:8

“ᐅᕙᖓᓕ ᑕᑕᑉᐳᖓ ᐱᔪᓐᓇᕐᓂᕐᒥᒃ ᐊᑕᓂᐅᑉ ᐊᓂᕐᓂᖓᒍᑦ, ᐃᖅᑲᕐᑐᐃᑦᓯᐊᕐᓂᕐᒥᒃ ᐊᔪᖏᓐᓂᕐᒥᒡᓗ, ᐅᖃᐅᓯᕆᓂᐊᕐᐸᒃᑲᓗ ᔧᑰᑉ ᑭᖑᕚᖏᑕ ᐱᐅᖏᑦᑐᓕᓂᖏᑦ ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᑦ.

ᓴᑲᕅᐊᐅᑉ ᐊᒡᓚᖏᑦ 7:12

ᐆᒻᒪᑎᑎᒃ ᐅᔭᕋᒃᑎᑐᑦ ᓯᑎᔪᕈᕐᑎᑉᐰᑦ, ᐱᖁᔭᓐᓂᒃ ᓈᓚᒍᒪᖏᓐᓂᕐᒧᑦ ᐊᑕᓂᐅᑉ ᐊᔪᒐᖃᖏᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᖏᓐᓂᕐᒧᑦ ᐅᖃᐅᓯᕆᓯᒪᔭᖏᓐᓂᒃ ᐱᔪᖃᓛᕐᑐᒥᒃ ᐅᖃᕐᑎᒥᒍᑦ ᓯᕗᓕᕕᓂᑦᑎᒍᑦ ᐊᓂᕐᓂᕐᒥᒍᑦ. ᑍᒤᒻᒪᑦ ᐊᑕᓂᖅ ᐊᖏᔪᒥᒃ ᓂᓐᖓᓚᐅᕐᐳᖅ.

ᑎᒧᑎᒧᑦ ᓯᕗᓪᓖᑦ 2:3

ᑕᒪᓐᓇ ᐱᐅᖕᒪᑦ ᓈᒻᒪᒋᔭᐅᓪᓗᓂᓗ ᒎᑎᒧᑦ ᐱᐅᓕᔨᑦᑎᓐᓄᑦ.

ᑎᒧᑎᒧᑦ ᐂᑉᐸᖏᑦ 2:6

ᐱᕈᕐᓰᕕᓕᕆᔨ ᐊᒃᓱᕈᕐᓗᓂ ᐱᓇᓱᐊᕐᓯᒪᔪᖅ ᐱᕈᕐᑐᓂᒃ ᓯᕗᓪᓕᕐᐹᖑᓗᓂ ᐱᑖᕐᑐᒃᓴᐅᕗᖅ.