ᐃᓯᑭᐊᓕᐅᑉ ᐊᒡᓚᖏᑦ 3:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑕᑯᒋᑦ, ᑍᒫᑦᓮᓐᓇᕐᑕᐅᖅ ᓯᑎᔫᑎᓐᓂᐊᕆᕙᒋᑦ, ᑍᒃᑯᑎᑐᓇᕐᓗ ᐱᔭᕐᓂᖏᑦᑑᑎᓪᓗᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 3:8 Iomraidhean Croise

ᐊᑕᓃᑦ ᓯᕗᓪᓖᑦ 21:20

ᑕᕝᕙ ᐂᕼᐊᑉ ᐃᓔᑦᔭᒧᑦ ᐅᖃᕐᐳᖅ, “ᓇᓂᕕᖔ, ᐊᑭᕋᕐᑐᕐᑎᒐ?” ᑖᑦᓱᒪ ᑭᐅᕚ, “ᓇᓂᕙᒋᑦ, ᐃᓕᖕᓂᒃ ᑐᓂᕐᕈᑎᒋᓚᐅᕋᕕᑦ ᐱᐅᖏᑦᑐᓕᓂᕐᒧᑦ ᐊᑕᓂᐅᑉ ᑕᑯᓐᓇᕐᑕᖓᒍᑦ.

ᐂᓮᐊᓯᐅᑉ ᐊᒡᓚᖏᑦ 50:7

ᐊᑕᓂᐅᑉ ᒎᑎᐅᑉ ᐃᑲᔪᕐᓂᐊᕐᒪᖓ; ᑍᒤᒻᒪᑦ ᑲᓐᖑᓱᒃᑎᑕᐅᓐᖏᓚᖓ; ᑍᒤᒻᒪᑦ ᑮᓇᕋ ᐅᔭᕋᒃᑐᑦ ᓯᑎᔪᑐᑦ ᒪᓂᕙᕋ, ᖃᐅᔨᒪᒐᒪ ᑲᓐᖑᓱᒃᑎᑕᐅᓂᐊᖏᓐᓂᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 1:18

ᔨᕆᒤᐊ ᑕᑯᒋᑦ, ᓄᓇᒥ ᑕᒫᓂ ᐃᓅᔪᑦ ᔫᑕᒥᐅᑉ ᐊᖓᔪᖅᑳᕐᔪᐊᖏᑦ, ᐊᖓᔪᖅᑳᖑᑎᑕᐅᔪᓪᓗ ᑖᒃᑯᓄᖓ, ᑐᓂᕐᕈᓯᕐᑎᑦᓯᔨᐅᔪᓪᓗ, ᐃᓄᐃᓪᓗ, ᐃᓕᖕᓂᒃ ᐊᑭᕋᕐᑐᕐᓂᐊᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 15:20

ᐃᒡᓗᒐᓮᑦ ᐊᕙᓗᕐᔪᐊᖏᑎᑐᑦ ᑍᒤᑦᑑᑎᓐᓂᐊᕐᐸᒋᑦ ᐃᓄᖕᓄᑦ, ᐊᕙᓗᕐᔪᐊᑎᑐᑦ ᐱᔭᐅᓐᓇᖏᑦᑐᑎᑐᑦ ᑲᓐᓄᔭᒥᑦ ᓴᓇᔭᐅᓯᒪᔪᑎᑐᑦ, ᐃᓕᖕᓂᒃ ᐱᓇᓱᐊᕋᓗᐊᕈᑎᒃ ᓵᓚᖃᕐᓂᐊᓐᖏᓚᑦ, ᐅᕙᖓ ᓇᔪᕐᓂᐊᕋᒃᑭᑦ ᓴᐳᑎᓂᐊᕐᐸᒋᑦ ᐱᐅᓕᓗᑎᓪᓗ.” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 5:3

ᐊᑕᓃᖅ, ᓱᓕᔪᓂᒃ ᕿᓂᕐᐳᑎᑦ, ᐋᓐᓂᕋᓗᐊᕋᕕᒋᑦ ᐃᒃᐱᖕᓂᓐᖏᓚᑦ, ᐱᕕᒃᓮᕈᑎᒐᓗᐊᕋᕕᒋᑦ ᓱᓕ ᐋᖅᑭᒋᐊᕈᒪᓐᖏᓚᑦ. ᑮᓇᖏᑦ ᓴᖑᑎᑕᒃᓴᐅᖏᑦᑐᑎᑐᑦ ᑕᐅᑦᑐᖃᕐᐳᑦ ᓵᒋᐊᕈᒪᓇᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 3:7

ᐃᓴᕆᐊᓕᐅᓪᓕ ᑭᖑᕚᖏᑦ ᐃᓕᖕᓂᒃ ᓈᓚᖕᓂᐊᓐᖏᓚᑦ; ᐅᕙᓐᓂᒃ ᓈᓚᒍᒪᖏᒻᒪᑕ; ᐃᓴᕆᐊᓕᐅᑦ ᑭᖑᕚᖏᑦ ᐱᔭᕐᓂᖏᑦᑑᕗᑦ ᓯᑎᔪᒥᒡᓗ ᐆᒻᒪᑎᖃᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 3:9

ᓴᖑᑎᑕᒃᓴᐅᑎᓐᓂᐊᓐᖏᓚᒋᑦ ᐅᔭᕋᒃᑎᑐᑦ ᓯᑎᔪᑎᑐᑦ ᐊᐅᒫᒡᒋᓲᑎᑐᑦ ᓯᑎᑎᒋᑎᓪᓗᑎᑦ; ᑍᒤᒻᒪᑦ ᓯᕘᕋᒋᓂᐊᕐᓇᒋᑦ, ᑕᐅᑦᑐᖏᓐᓄᓪᓗ ᓴᐱᓕᕐᑎᑕᐅᑦᑍᓕᒋᑦ, ᑖᒃᑯᐊ ᐊᑭᕋᕐᑐᕐᑎᐅᖕᒪᑕ.”

ᒤᑲᐅᑉ ᐊᒡᓚᖏᑦ 3:8

“ᐅᕙᖓᓕ ᑕᑕᑉᐳᖓ ᐱᔪᓐᓇᕐᓂᕐᒥᒃ ᐊᑕᓂᐅᑉ ᐊᓂᕐᓂᖓᒍᑦ, ᐃᖅᑲᕐᑐᐃᑦᓯᐊᕐᓂᕐᒥᒃ ᐊᔪᖏᓐᓂᕐᒥᒡᓗ, ᐅᖃᐅᓯᕆᓂᐊᕐᐸᒃᑲᓗ ᔧᑰᑉ ᑭᖑᕚᖏᑕ ᐱᐅᖏᑦᑐᓕᓂᖏᑦ ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᑦ.

ᐄᑉᕈᐃᓄᑦ 11:27

ᐅᒃᐱᕐᓂᑯᑦ ᐄᑦᔨᑉᑎ ᕿᒪᓚᐅᕐᐹ, ᐊᖓᔪᖅᑳᕐᔪᐊᑉ ᓂᓐᖓᐅᒪᓂᖓ ᓯᕘᕋᒋᓇᓂᐅᒃ; ᑕᑯᒃᓴᐅᖏᑦᑐᖅ ᒎᑎ ᑕᑯᓐᓇᕐᑕᒥᑐᑦ ᑍᒤᓪᓗᓂᐅᒃ ᐅᑎᕈᒪᔪᓐᓃᓚᐅᕐᐳᖅ.