ᐃᓯᑭᐊᓕᐅᑉ ᐊᒡᓚᖏᑦ 3:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᒪᑭᓐᓇᒪ ᓇᑎᕐᓇᒧᓐᖓᐅᕗᖓ; ᑕᑯᒋᓪᓗ, ᐊᑕᓂᐅᑉ ᐱᓐᓇᕐᓇᕐᓂᖓ ᑕᑯᓕᕆᕙᕋ, ᑰᑉ ᓰᐸᕆᐅᑉ ᖃᓂᒋᔮᓂ ᑕᑯᓚᐅᕐᑕᑦᑐᑦ ᐱᓐᓇᕐᓇᕐᑎᒋᔪᖅ; ᑕᕝᕙ ᓄᓇᒧᑦ ᐹᒻᒪᒃᐳᖓ ᑮᓇᕋ ᓄᓇᒧᑦ ᐳᓪᓗᒍ,

ᐃᓯᑭᐊᓕᐅᑉ ᐊᒡᓚᖏᑦ 3:23 Iomraidhean Croise

ᐃᓯᑭᐊᓕᐅᑉ ᐊᒡᓚᖏᑦ 10:18

ᐊᑕᓂᐅᑉ ᐱᓐᓇᕐᓇᕐᓂᖓ ᑐᒃᓯᐊᕐᕕᒡᔪᐊᑉ ᐃᑎᕐᕕᖓᓂᑦ ᓅᒃᑲᒥ, ᓯᕈᐱᒻ ᖁᓛᓄᑦ ᓄᖅᑲᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 43:2

ᑕᑯᒋᓪᓗ, ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐃᓴᕆᐊᓕᒥᐅᑦ ᒎᑎᖓᑕ ᓂᕐᑐᕐᓇᕐᓂᕐᔪᐊᖓᑕ ᕾᓕᕐᓂᖓᓂᒃ ᑕᑯᕗᖓ; ᑎᑭᓕᕐᓂᖓᓗ ᑐᓴᕐᓴᐅᕗᖅ ᑕᕆᐅᕐᔪᐊᑉ ᒥᕿᑦᑕᕐᓂᖓᑕ ᐃᒃᑑᓕᔮᕐᓂᖓᑐᑦ; ᓄᓇᓗ ᖃᐅᒻᒪᒃᑕᐅᕗᖅ ᓂᕐᑐᕐᓇᕐᓂᕐᔪᐊᖓᑕ ᖃᐅᒪᓂᖓᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 43:3

ᑖᓐᓇᓗ ᑕᑯᑎᑕᐅᓂᕋ ᑕᑯᑎᑕᐅᓂᕆᓚᐅᕐᓯᒪᔭᑦᑐᑦ ᑍᒤᑉᐳᖅ ᒎᑎ ᐊᓯᕈᐃᔭᕐᑐᓕᕐᑎᓪᓗᒍ ᔨᕉᓴᓕᒥᒃ, ᐊᒻᒪ ᑕᑯᓚᐅᕐᓯᒪᔭᓐᓂᒃ ᐊᑦᔨᖃᕆᕗᖅ ᑰᑉ ᓰᐸᕆᐅᑉ ᓯᓈᓂ; ᑕᕝᕙ ᓄᓇᒧᑦ ᐅᑯᓪᓗᖓ ᐹᒻᒪᒃᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 44:4

ᐊᒻᒪ ᐃᑎᕐᑕᕐᕕᖕᒧᐊᕐᑎᑉᐹᖓ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ ᑐᒃᓯᐊᕐᕕᒡᔪᐊᑉ ᓯᕗᕌᓃᑦᑐᒧᑦ; ᑕᑯᓴᕋᒪᓗ ᑕᑯᕗᖓ, ᐊᑕᓂᐅᑉ ᓂᕐᑐᕐᓇᕐᓂᕐᔪᐊᖓᓄᑦ ᑐᒃᓯᐊᕐᕕᒡᔪᐊᖅ ᑕᑕᑕᐅᓯᒪᔪᖅ; ᒪᓂᖅᑲᒧᓪᓗ ᐹᒻᒪᒃᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 8:4

ᑕᑯᒋᓪᓗ, ᑕᑯᕗᖓ ᐃᓴᕆᐊᓕᒥᐅᑦ ᒎᑎᖓᑦᑕ ᐱᓐᓇᕐᓇᕐᓂᕐᔪᐊᖓᓂᒃ ᑕᕝᕙᓃᑦᑐᒥᒃ, ᑕᑯᓚᐅᕐᑕᒪ ᐊᑦᔨᖓᓂᒃ ᓇᑎᕐᓇᒥ.

ᐃᓯᑭᐊᓕᐅᑉ ᐊᒡᓚᖏᑦ 9:3

ᐃᓴᕆᐊᓕᒥᐅᓪᓗ ᒎᑎᖓᑦᑕ ᐱᓐᓇᕐᓇᕐᓂᕐᔪᐊᖓ ᖁᒻᒧᐊᒃᐳᖅ ᓯᕋᐲᑦ ᐃᓴᕈᓖᑦ ᓇᔪᕐᑕᖏᓐᓂᑦ ᑐᒃᓯᐊᕐᕕᒡᔪᐊᑉ ᐃᑎᕐᕕᖓᓄᐊᕐᓗᓂ; ᐊᖑᓪᓗ ᖃᓪᓗᓈᕐᑕᓂᒃ ᓵᑦᑐᓂᒃ ᐊᓐᓄᕌᓕᒃ ᕾᖁᕚ, ᑖᓐᓇ ᑎᑎᕋᐅᒻᒧᑦ ᒥᓱᒃᑕᕐᕕᖕᒥᒃ ᕿᑎᕐᒥᐅᑕᓕᒃ ᓴᓂᕋᕐᒥᒍᑦ.

ᑖᓂᐊᓕᐅᑉ ᐊᒡᓚᖏᑦ 8:17

ᖃᓂᒋᔭᓐᓄᓪᓗ ᕾᕗᖅ, ᓯᕘᕋᓂᕐᒥᒡᓗ ᑕᑕᑉᐳᖓ ᓵᖓᓂᓗ ᐅᕐᕈᓪᓗᖓ ᐹᒻᒪᒃᐳᖓ, ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᑐᑭᓯᓕᕆᑦ ᑕᑯᑎᑕᐅᓂᖅ ᑕᒪᓐᓇ ᐱᑦᔪᑎᖃᕐᒪᑦ ᓱᓇᓕᒫᑦ ᐃᓱᒃᓴᖓᓂᒃ.

ᒨᓯᓯ ᓯᑕᒪᖏᑦ 16:19

ᑰᕋᐅᑉ ᐃᓄᒋᐊᒃᑐᕐᔪᐊᑦ ᑲᑎᑎᓚᐅᕐᐰᑦ ᑖᒃᑯᓂᖓ ᐊᑭᕋᕐᑐᕆᐊᕐᑐᕐᓗᑎᒃ ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ. ᑕᕝᕙ ᐊᑕᓂᐅᑉ ᐱᓐᓇᕐᓇᕐᓂᕐᔪᐊᖓ ᓴᖅᑭᑉᐳᖅ ᐃᓄᒋᐊᒃᑐᕐᔪᐊᓄᑦ.

ᒨᓯᓯ ᓯᑕᒪᖏᑦ 16:42

ᐱᔪᖃᓚᐅᕐᐳᖅ, ᐃᓅᖃᑎᒌᒡᔪᐊᑦ ᐊᑭᕋᕐᑐᕈᒪᓪᓗᑎᒃ ᒨᓯᓯᒥᒃ ᐂᕉᓂᒥᒡᓗ ᑲᑎᖕᒪᑕ, ᑐᐱᕐᔪᐊᑉ ᑲᑎᒪᕕᐅᑉ ᓇᓛᓄᑦ ᓵᒻᒪᑕ; ᑕᕝᕔᓐᓇᖅ ᓄᕗᔭᐅᑉ ᐅᓕᒃᐹ, ᐊᑕᓂᐅᓪᓗ ᐱᓐᓇᕐᓇᕐᓂᖓ ᓴᖅᑭᑉᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 7:55

ᓯᑎᐹᓇᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓪᓗᓂ, ᕿᓚᖕᒧᑦ ᐋᕐᓗᕐᐳᖅ ᒎᑎᐅᑉ ᐱᓐᓇᕐᓇᕐᓂᕐᔪᐊᖓ ᑕᑯᕚ, ᔩᓱᓯᓗ ᓇᖏᕐᑐᖅ ᒎᑎᐅᑉ ᑕᓕᕐᐱᐊᓂ;

ᔮᓱᐊᑉ ᐊᒡᓚᖏᑦ 5:14

ᐊᖑᓪᓕ ᑭᐅᕗᖅ, “ᓇᓪᓕᐊᓐᓃᓐᖏᓚᖓ; ᑕᒫᓃᑉᐳᖓᓕ ᐊᑕᓂᐅᑉ ᐅᓇᑕᕐᑎᖏᓐᓄᑦ ᐊᖓᔪᖅᑳᕆᔭᐅᓪᓗᖓ.” ᔮᓱᐊᓗ ᐹᒻᒪᒃᐳᖅ ᒪᓂᖅᑲᒧᑦ ᑐᒃᓯᐊᕐᕕᒋᓪᓗᒍᓗ, ᐅᖃᕐᐳᖅ, “ᐱᔨᒋᕙᕐᒪ ᐊᖓᔪᖅᑳᒃ, ᓱᓇᒥᒃ ᐱᓇᓱᐊᖁᕕᖔ?”

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:17

ᑕᑯᒐᒃᑯ, ᐃᑎᒐᖏᓐᓄᑦ ᐅᕐᕈᕗᖓ ᑐᖁᔪᑎᑐᑦ. ᑕᓕᕐᐱᖕᒥᓄᓪᓗ ᐊᒃᑐᕐᓗᓂᖓ ᐅᖃᐅᑎᕚᖓ, “ᑲᑉᐱᐊᓱᖕᓇᒃ, ᓯᕗᓪᓕᕐᐹᖑᕗᖓ ᑭᖑᓪᓕᕐᐹᖑᓪᓗᖓᓗ

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:10

ᑍᒤᓕᐅᓕᕌᖓᑕ, ᐊᖓᔪᖅᑳᑦ 24 ᐃᒃᓯᕙᐅᑕᕐᔪᐊᕐᒦᑦᑑᑉ ᓵᖓᓄᑦ ᓰᖅᑯᕐᓗᑎᒃ ᐅᑯᖃᑦᑕᕐᐳᑦ, ᓂᕐᑐᕐᓗᒍᓗ ᑖᓐᓇ ᐃᓅᑦᓮᓐᓇᕐᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᓂᐊᖂᑎᑎᒡᓗ ᐊᖓᔪᖅᑳᕐᓯᐅᑏᑦ ᐃᒃᓯᕙᐅᑕᕐᔪᐊᑉ ᓵᖓᓄᑦ ᐃᓕᓪᓗᒋᑦ, ᐅᖃᕐᐸᒃᐳᑦ:

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:14

ᐆᒪᔪᓪᓗ ᓯᑕᒪᑦ ᐅᖃᕐᐳᑦ, “ᐋᒦᓐ!” ᐊᖓᔪᖅᑳᓪᓗ ᐅᑯᓪᓗᑎᒃ ᐹᒻᒪᒃᐳᑦ ᑐᒃᓯᐊᕐᕕᒋᓪᓗᒍᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:8

ᐊᒡᓔᑦ ᐃᒧᓯᒪᔪᑦ ᑎᒍᖕᒪᒋᑦ, ᐆᒪᔪᑦ ᓯᑕᒪᑦ ᐊᖓᔪᖅᑳᓪᓗ 24 ᓄᕐᕋᐅᔭᐅᑉ ᓵᖓᓄᑦ ᐹᒻᒪᒡᓗᑎᒃ ᐅᑯᕗᑦ, ᐊᑐᓂᑦ ᑯᑭᑦᑕᐸᐅᑎᐅᔭᓂᒃ ᕼᐊᐱᓂᒃ ᑎᒍᒥᐊᕐᐳᑦ, ᐴᒍᑕᕐᓂᒡᓗ ᒎᓗᓂᒃ ᐃᓯᕐᓗᐊᕐᓂᑎᑦᓯᑦᔪᑎᓂᒃ ᑕᑕᑦᑐᓂᒃ, ᑕᒪᑦᔭ ᐃᑦᔪᕐᓁᑎᑕᐅᓯᒪᔪᑦ ᑐᒃᓯᐊᕐᓂᖏᑦ;