ᐃᓯᑭᐊᓕᐅᑉ ᐊᒡᓚᖏᑦ 3:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐂᓕᕆᑦ, ᐃᓅᖃᑎᖕᓄᑦ ᐊᐅᓪᓚᕈᑦᔭᐅᓯᒪᔪᓄᑦ, ᐅᖃᐅᑎᓗᒋᓪᓗ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ’; ᓈᓚᖕᓂᐊᕐᐸᑕ ᓈᓚᖏᒃᑲᓗᐊᕐᐸᑕᓘᓐᓃᑦ ᑲᔪᓯᓂᐊᕐᐳᑎᑦ.”

ᐃᓯᑭᐊᓕᐅᑉ ᐊᒡᓚᖏᑦ 3:11 Iomraidhean Croise

ᒨᓯᓯ ᐂᑉᐸᖏᑦ 32:7

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᒫᓐᓇᑦᓴᐅᑎᒋ ᐃᓅᖃᑎᖕᓄᑦ ᐊᑎᕐᓵᓕᕆᑦ, ᐃᓅᖃᑎᑎᑦ, ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᑕᑎᑦ, ᐊᔪᕐᑐᓕᓕᕐᒪᑕ ᕿᒤᓪᓗᑎᒡᓗ ᐅᕙᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 29:20

ᐊᑕᓂᐅᑉ ᐅᖃᐅᓯᖏᑦ ᑐᓴᓕᕐᓯᐅᒃ ᐃᓕᑦᓯ ᐊᐅᓪᓚᕈᑦᔭᐅᓯᒪᔪᓯ ᔨᕉᓴᓕᒥᑦ ᐹᐱᓘᓂᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 2:4

ᓯᑎᔪᓄᑦ ᑐᓵᖏᑦᑐᓄᓪᓗ: ᑖᒃᑯᓄᖓ ᑎᓕᕙᒋᑦ; ᑖᒃᑯᓄᖓ ᐅᖃᕐᑐᒃᓴᐅᕗᑎᑦ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ.’

ᐃᓯᑭᐊᓕᐅᑉ ᐊᒡᓚᖏᑦ 2:5

ᓈᓚᖕᓂᐊᕐᐸᑕ ᓈᓚᖕᓂᐊᖏᑉᐸᑕᓘᓐᓃᑦ ᐊᑭᕋᕐᑐᕐᑎᐅᓂᕐᒥᖕᓄᑦ ᖃᐅᔨᔪᒫᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᑎᑭᑕᐅᕐᓯᒪᔪᕕᓂᐅᓂᕐᒥᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 2:7

ᐅᖃᕐᑕᐅᖁᔭᓂᒃ ᐅᖃᐅᓯᖃᕐᑐᒃᓴᐅᕗᑎᑦ, ᓈᓚᒃᑕᐅᓂᐊᕈᕕᑦ ᓈᓚᒃᑕᐅᔮᖏᒃᑯᕕᓪᓘᓐᓃᑦ, ᑖᒃᑯᐊ ᐊᑭᕋᕐᑐᕐᑎᐅᖕᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 20:27

ᑍᒤᒻᒪᑦ, ᐃᓅᑉ ᐃᕐᓂᖓ ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑍᒫᒃᑕᐅᖅ ᓯᕗᓕᓯ ᐅᕙᓐᓂᒃ ᐅᖃᕐᓂᕐᓘᑎᖃᓚᐅᕆᕗᑦ, ᐅᕙᓐᓄᑦ ᓱᓕᖃᑦᑕᖏᓐᓂᕐᒥᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 3:10

ᓱᓕ ᐅᖃᐅᑎᒃᑲᓐᓂᕐᐹᖓ, “ᐃᓅᑉ ᐃᕐᓂᖓ, ᐅᖃᐅᓰᑦ ᐃᓕᖕᓄᑦ ᐅᖃᐅᓯᕆᔭᓕᒫᒃᑲ ᐆᒻᒪᑎᖕᓄᐊᒃᑭᑦ, ᑐᓴᕐᓗᒋᓪᓗ ᓯᐅᑎᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 3:12

ᑕᕝᕙ ᐊᓂᕐᓂᐅᑉ ᖃᖓᑦᑕᕐᑎᑉᐹᖓ, ᐊᑕᓂᐅᑉ ᓂᕐᑐᕐᓇᕐᓂᖓᑕ ᐃᓂᒥᓂᑦ ᖁᒻᒧᒃᑎᑕᐅᓂᖓᑐᑦ, ᓂᐱᕐᔪᐊᒥᒡᓗ ᑐᓴᕐᐳᖓ ᑐᓄᓐᓂᑦ ᑲᓪᓕᐅᑉ ᓂᐱᕐᔪᐊᖓᑐᑦ ᑍᒤᑦᑐᒥᒃ;

ᐃᓯᑭᐊᓕᐅᑉ ᐊᒡᓚᖏᑦ 3:15

ᐊᐅᓪᓚᕈᑦᔭᐅᓯᒪᔪᓪᓗ ᓇᔪᕐᑕᖓᓐᓄᐊᕐᐳᖓ ᑎᐅᓪ-ᐋᐱᑉᒧᑦ, ᑰᑉ ᓰᐸᕆᐅᑉ ᓴᓂᐊᓃᑦᑐᓄᑦ. ᐅᓪᓗᓂᒃ 7ᓂᒃ ᑕᕝᕙᓂ ᐃᒃᓯᕙᓚᐅᕐᐳᖓ ᑲᒪᓂᐊᒻᒪᕆᒃᓗᖓ.

ᐃᓯᑭᐊᓕᐅᑉ ᐊᒡᓚᖏᑦ 3:27

ᐅᖃᕐᕕᒋᓕᕐᒥᒍᒃᑭᓪᓕ, ᐅᖃᕈᓐᓇᕐᓯᑎᑦᓱᒫᕐᐸᒋᑦ, ᑕᕝᕙ ᐅᖃᐅᑎᓕᕈᒫᕐᐸᑎᑦ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ’; ᑐᓴᕈᓐᓇᕐᑐᑦ ᑐᓴᕐᓂᐊᕐᐹᑎᑦ; ᑐᓴᕈᒪᖏᑦᑐᓪᓗ ᑐᓴᕐᓂᐊᓐᖏᓛᑎᑦ; ᐊᑭᕋᕐᑐᕐᑎᐅᓪᓗᑎᒃ ᐃᓅᖃᑎᒌᖑᖕᒪᑕ.”

ᐃᓯᑭᐊᓕᐅᑉ ᐊᒡᓚᖏᑦ 33:12

ᐃᕝᕕᓪᓕ ᐃᓅᑉ ᐃᕐᓂᖓ, ᐃᓅᖃᑎᑎᑦ ᐅᖃᐅᑎᒃᑭᑦ, ᐃᓄᒃ ᐃᓱᐊᕐᑐᖅ ᐊᔪᕐᑐᓕᒃᐸᑦ ᐃᓱᐊᕐᑐᓕᓂᖓᑕ ᓴᐳᑎᔪᒫᓐᖏᓛ; ᐊᔪᕐᑐᓕᔪᖅ ᐊᔪᕐᑐᓕᓂᕐᒥ ᐃᓅᓯᖃᕋᓱᒍᓐᓁᕐᐸᑦ, ᐊᔪᕐᑐᓕᓂᓂ ᐊᑭᓂᐊᕐᕕᐅᑦᔪᑎᒋᔪᒫᓐᖏᓛ; ᐃᓱᐊᕐᑐᓕᔪᖅ ᐃᓱᐊᕐᑐᓕᓂᕐᒥᓄᑦ ᐃᓅᔪᓐᓇᕈᒫᓐᖏᓚᖅ ᐊᔪᕐᑐᓕᒍᓂ.

ᐃᓯᑭᐊᓕᐅᑉ ᐊᒡᓚᖏᑦ 33:17

ᐃᓅᖃᑎᑎᑦ ᐅᖃᕐᐸᖕᒥᖕᒪᑕ, ‘ᐊᑕᓂᐅᑉ ᐱᓂᐊᕐᑕᐅᖁᔭᖏᑦ ᓈᒻᒪᓈᓐᖏᓚᑦ;’ ᓇᖕᒥᓂᖅ ᐱᓂᐊᕐᓂᖏᑦ ᓈᒻᒪᓈᕐᓯᒪᑎᓐᓇᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 33:2

“ᐃᓅᑉ ᐃᕐᓂᖓ, ᐃᓅᖃᑎᑎᑦ ᐅᖃᕐᕕᒋᒃᑭᑦ ᐅᖃᕐᓗᑎᑦ, ᐅᓇᑕᕐᓂᕐᒥᒃ ᑎᑭᑎᑦᓯᒍᒪ ᑕᒪᐅᖓ ᓄᓇᒧᑦ, ᐃᓄᐃᑦ ᑕᒫᓂ ᓄᓇᓖᑦ ᐃᓚᒥᖕᓂᒃ ᑎᓕᓯᒐᔭᕐᐳᑦ, ᖃᐅᔨᓴᕐᑎᒋᓂᐊᕐᑕᒥᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 33:30

“ᐃᕝᕕᓪᓕ ᐃᓅᑉ ᐃᕐᓂᖓ, ᐃᓄᖕᓄᑦ ᐅᖃᐅᓯᐅᖃᑦᑕᕐᐳᑎᑦ ᑲᑎᔭᕌᖓᒥᒃ ᐊᕙᓗᕐᔪᐊᑦ ᓴᓂᐊᓂ ᐃᒡᓗᒥᓘᓐᓃᑦ ᓯᓚᑖᓂ, ᐃᒻᒥᖕᓄᑦ ᖃᑕᓐᖑᑎᒥᖕᓄᑦ ᐅᖃᖃᑦᑕᕐᐳᑦ, ‘ᑐᓴᕆᐊᓚᐅᕐᑕ ᖃᓄᖅ ᐊᑕᓂᖅ ᐅᖃᕐᓯᒪᓕᕐᒪᖔᑦ.’

ᐃᓯᑭᐊᓕᐅᑉ ᐊᒡᓚᖏᑦ 37:18

ᐃᓅᖃᑎᖕᓄᑦ ᐊᐱᕆᔭᐅᒍᕕᑦ, ‘ᑐᑭᓯᑎᑦᔮᓐᖏᓚᑦᑎᒎᑦ? ᖃᓄᖅ ᑖᒃᑯᐊᒃ ᑐᑭᖃᕐᒪᖔᑎᒃ.’

ᑖᓂᐊᓕᐅᑉ ᐊᒡᓚᖏᑦ 12:1

“ᑍᑦᓱᒪᓂ ᒤᑯ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᐃᓅᖃᑎᒌᓂᒃ ᓴᐳᑦᔨᔨ ᒪᑭᑦᓱᒫᕐᐳᖅ, ᐃᓗᖏᕐᑐᕐᓇᕐᑐᖃᕈᒫᕐᒪᑦ ᑍᒪᓐᖓᑦ ᐃᓴᕆᐊᓕᑎᑦ ᐱᒋᐊᕐᓂᖓᓐᓂᑦ ᐅᓪᓗᒥᒧᑦ ᑎᑭᓪᓗᒍ ᐱᓚᐅᕐᓯᒪᖏᑦᑐᒥᒃ. ᑭᓯᐊᓂᓕ ᐃᓅᖃᑎᒌᑦ ᓇᓪᓕᐊᑦ ᐊᑎᖃᕐᑐᑦ ᒪᒃᐱᕐᑐᕋᕐᓂ ᓴᐳᑎᔭᐅᔪᒫᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 6:13

ᑖᒃᑯᐊ ᐊᖓᔪᖅᑳᕐᔪᐊᒧᑦ ᐅᖃᓕᕐᐳᑦ, “ᐊᖓᔪᖅᑳᕐᔪᐊᖅ, ᑖᓂᐊᓕ, ᔫᑕᒥᑦ ᑎᒍᔭᐅᓯᒪᔪᑦ ᐃᓚᖓᑦ, ᐃᓕᖕᓂᒃ ᓈᓚᖏᒻᒪᑦ, ᐱᖁᔭᓕᐊᕆᓚᐅᕐᑕᕐᓂᒡᓘᓐᓃᑦ ᒪᓕᖏᒻᒪᑦ; ᓱᓕ ᑐᒃᓯᐊᖃᑦᑕᕐᒪᑦ ᐅᓪᓗᖅ ᐱᖓᓱᐃᕐᓱᕐᓗᒍ.”

ᒨᓯᓯ ᑕᓪᓕᒪᖏᑦ 9:12

“ᑕᕝᕙ ᐊᑕᓂᐅᑉ ᐅᖃᐅᑎᕚᖓ, ‘ᒫᓐᓇ ᑐᐊᕕᕐᓗᑎᑦ ᖃᖅᑲᒥᑦ ᐊᖅᑲᓕᕆᑦ, ᐃᓄᖁᑎᑎᑦ ᐄᑦᔨᑉᑎᒥᑦ ᑕᓯᐅᓚᐅᕐᑕᑎᑦ, ᐱᐅᖏᑦᑐᐊᓗᖕᒥᒃ ᐱᓕᕐᒪᑕ ᐊᔪᕐᑐᓕᓕᕐᓗᑎᒡᓗ. ᐱᖁᔨᑦᔪᑎᒋᓚᐅᕐᑕᓐᓂᒃ ᕿᒤᓯᒪᓕᕇᕐᒪᑕ, ᒎᑎᓐᖑᐊᒃᓴᒥᖕᓂᒡᓗ ᓴᓇᓯᒪᓕᕐᓗᑎᒃ.’