ᐃᓯᑭᐊᓕᐅᑉ ᐊᒡᓚᖏᑦ 27:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᒡᓗᓕᐅᕐᑐᑦ ᕿᔪᒃᑖᕐᐸᖕᒪᑕ ᓇᐹᕐᑐᓂᒃ ᖃᖅᑲᒥᑦ ᓯᓂᐊᕐᒥᑦ, ᓇᐸᕈᑕᒃᓴᕐᑖᕐᐸᒃᓗᑎᒡᓗ ᓇᐹᕐᑐᓂᒃ ᓰᑕᕆᓂᒃ ᓕᐸᓇᓂᒥᑦ ᐱᓯᒪᔪᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 27:5 Iomraidhean Croise

ᐊᑕᓃᑦ ᓯᕗᓪᓖᑦ 5:1

ᕼᐂᕋᒻ ᑍᕆᐅᑉ ᐊᖓᔪᖅᑳᕐᔪᐊᖓ ᐱᔨᒥᓂᒃ ᑎᓕᓯᓚᐅᕐᐳᖅ ᓲᓗᒨᓂᒧᑦ, ᑐᓴᕋᒥ ᓲᓗᒨᓂ ᐊᖓᔪᖅᑳᕐᔪᐊᓐᖑᕐᑎᑕᐅᖕᒪᑦ ᐊᑖᑕᒥᓂᒃ ᐃᓇᖐᓪᓗᓂ, ᕼᐂᕋᒥᐅᑉ ᑍᕕᑎ ᐃᓚᓐᓈᕆᓚᐅᕋᒥᐅᒃ.

ᐊᑕᓃᑦ ᓯᕗᓪᓖᑦ 5:6

ᑍᒤᒻᒪᑦ ᑎᓕᓯᖁᕙᒋᑦ ᐊᖑᑎᓂᒃ ᓕᐸᓇᓂᒧᑦ ᓇᐹᕐᑐᓂᒃ ᓰᑕᕆᓂᒃ ᓇᑲᑎᕆᖁᔨᓕᕆᑦ ᐅᕙᓐᓄᐊᕐᑐᒃᓴᓂᒃ, ᐱᔨᒃᑲ ᑖᒃᑯᓂᖓ ᐃᑲᔪᕐᓂᐊᕐᐳᑦ, ᓴᓇᔨᖁᑎᑎᑦ ᐊᑭᓕᓛᕐᐸᒃᑲ ᐊᑭᒋᔭᐅᖁᔭᕐᓂᒃ; ᖃᐅᔨᒪᑦᓯᐊᕋᕕᑦ ᐅᕙᑦᑎᓐᓂᑦ ᐱᓯᒪᔪᑦ ᓇᓪᓕᕐᓯᔪᓐᓇᖏᒻᒪᑕ ᓮᑐᓂᒥᐅᑦ ᕿᔪᓕᕆᔨᖏᓐᓂᒃ ᕿᔪᖕᓂᒃ ᓇᑲᑎᕆᓗᑎᒃ.”

ᑯᕉᓂᑲ ᓯᕗᓪᓖᑦ 5:23

ᒫᓇᓯᐅᑉ ᑭᖑᕚᖏᑕ ᐊᕝᕙᖏᑦ ᓄᓇᖃᓚᐅᕐᐳᑦ ᓄᓇᒥ; ᐅᓄᕐᓯᕙᓪᓕᐊᒻᒪᕆᓚᐅᕐᐳᑦ ᐹᓴᓂᒥᑦ ᐰᓕ-ᕼᐊᕐᒪᓐᒧᑦ ᑎᑭᓪᓗᒍ, ᓯᓂᐊᕐᒧᑦ, ᖃᖅᑲᒧᓪᓗ ᕼᐅᕐᒪᒧᑦ.

ᑯᕉᓂᑲ ᐂᑉᐸᖏᑦ 2:7

ᑍᒤᒻᒪᑦ ᐊᖑᒻᒥᒃ ᑎᓕᓯᓚᐅᕆᑦ ᓴᓇᔪᓐᓇᕐᑐᒥᒃ ᒎᓗᓂᒃ ᓯᐅᓪᕕᕆᓂᒃ, ᑲᓐᓄᔭᓂᒃ, ᓴᕕᕋᔭᖕᓂᒡᓗ, ᐃᑦᓯᐅᔭᓂᒃ ᐊᐅᐸᓪᓚᕆᑦᑐᓂᒡᓗ, ᑐᖑᔪᕐᑐᓂᒡᓗ ᖃᓪᓗᓈᕐᑕᓂᒃ ᓴᓇᔪᓐᓇᕐᑐᒥᒃ, ᐃᑎᕐᓴᓕᐅᕐᓗᓂᓗ ᑎᑎᕋᕈᓐᓇᕐᑐᒥᒃ, ᐱᔪᓐᓇᕐᑐᓂᒃ ᐅᕙᓐᓃᑦᑐᓂᒃ ᓴᓇᖃᑎᖃᕈᓐᓇᕐᑐᒥᒃ ᔫᑕᒥ ᔨᕉᓴᓕᒥᓗ, ᐊᑖᑕᒪ ᑍᕕᑎᐅᑉ ᐊᑐᐃᓐᓇᕈᕐᑎᓚᐅᕐᑕᖏᓐᓂᒃ.

ᐃᓐᖏᕈᑎᑦ 104:16

ᐊᑕᓂᐅᑉ ᓇᐹᕐᑐᖁᑎᖏᑦ ᐃᒪᕾᓐᓇᑯᓪᓗᒋᑦ, ᓕᐸᓇᓂᐅᑉ ᓇᐹᕐᑐᖏᑦ ᓰᑕᕆᒥᒃ ᐊᑎᓖᑦ ᐃᓕᓚᐅᕐᐰᑦ,

ᐃᓐᖏᕈᑎᑦ 29:5

ᐊᑕᓂᐅᑉ ᓂᐱᖓᑕ ᓇᐹᕐᑐᑦ ᓰᑕᕇᑦ ᓇᐱᕔᑦ, ᐃᓛᒃ ᐊᑕᓂᐅᑉ ᓕᐸᓇᓂᒥ ᓇᐹᕐᑐᑦ ᓰᑕᕆᑦ ᓯᖁᒥᑉᐰᑦ.

ᐃᓐᖏᕈᑎᑦ 92:12

ᐃᓱᐊᕐᑐᓕᔪᑦ ᐱᕈᕐᓂᐊᕐᐳᑦ ᓇᐹᕐᑐᑎᑐᑦ ᐹᒥᑎᑐᑦ, ᐱᕈᕐᓂᐊᕐᐳᑦ ᓇᐹᕐᑐᑎᑐᑦ ᓰᑕᕆᑎᑐᑦ ᓕᐸᓇᓂᒦᑦᑐᑎᑐᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 4:8

ᓄᓕᐊᒃᓵᒃ, ᓕᐸᓈᓂᒥᑦ ᐊᐅᓪᓚᖃᑎᒋᓚᐅᓐᖓ, ᓕᐸᓇᓂᒥᑦ ᐊᐅᓪᓚᖃᑎᒋᓗᖓ. ᐊᒫᓇᐅᑉ ᖄᖓᓂᑦ ᐊᐅᓪᓚᕐᓗᓄᒃ, ᓯᓂᐊᕆᐅᑉ ᖄᖓᓂᑦ ᕼᐊᕐᒪᓂᐅᓪᓗ ᖄᖓᓂᑦ, ᓛᔧᓪᓗ ᓯᑎᖏᓐᓂᑦ, ᓕᐸᕐᑦᓗ ᐃᓂᖏᓐᓂᑦ ᖃᖅᑲᓂᑦ.

ᐂᓮᐊᓯᐅᑉ ᐊᒡᓚᖏᑦ 14:8

ᓇᐹᕐᑐᑦ ᓮᐳᕋᓯᒥᒃ ᑍᔭᐅᔪᑦ ᐃᓕᖕᓂᒃ ᖁᕕᐊᓲᑎᖃᓕᕐᐳᑦ, ᓇᐹᕐᑐᓪᓗ ᓰᑕᕆᓂᒃ ᑍᔭᐅᔪᑦ ᓕᐸᓇᓂᐅᑉ ᓄᓇᖓᓃᑦᑐᑦ, ᐅᖃᕈᒫᕐᐳᑦ, ‘ᒥᑭᒡᓕᑎᑕᐅᓯᒪᓕᕐᑎᓪᓗᓯ, ᓇᐹᕐᑐᓂᒃ ᓇᑲᑎᕆᔭᕐᑐᕐᑐᓂᑦ ᑎᑭᑕᐅᓚᐅᕐᓯᒪᔪᓐᓃᕐᐳᒍᑦ.’

ᐃᓯᑭᐊᓕᐅᑉ ᐊᒡᓚᖏᑦ 27:4

ᐃᒪᐅᑉ ᓯᓈᓂ ᐊᖏᕋᖃᕋᑦᓯ; ᐃᒡᓗᓕᐅᕐᑎᖁᑎᑦᓯ ᑕᑯᒥᓇᕐᑐᒥᒃ ᓴᓇᓯᒪᕚᓯ.

ᒨᓯᓯ ᑕᓪᓕᒪᖏᑦ 3:9

(ᖃᖅᑲᖅ ᕼᐊᕐᒪᓐ ᓮᑑᓂᐊᒥᐅᓂᑦ ᐊᑎᖃᕐᑎᑕᐅᓚᐅᕐᐳᖅ ᓯᕅᐊᓂᒥᒃ, ᐊᒧᕅᑎᒥᐅᓂᑦ ᐊᑎᖃᕐᑎᑕᐅᒋᓪᓗᓂ ᓯᓂᐊᕐᒥᒃ.)