ᐃᓯᑭᐊᓕᐅᑉ ᐊᒡᓚᖏᑦ 26:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ “ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᑍᕆ ᑎᑭᕝᕕᐅᑎᑦᓱᒫᕐᐸᕋ ᐅᓐᓄᐊᓪᓗᐊᑉ ᓇᓛᓂᓐᖔᕐᑐᒧᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐊᖓᔪᖅᑳᕐᔪᐊᖑᔪᒧᑦ ᐊᖓᔪᖅᑳᕐᔪᐊᓄᑦ, ᐅᓇᑕᕐᑎᖁᑎᖃᕐᓗᓂ ᐅᓄᕐᑐᕐᔪᐊᓂᒃ ᕿᒻᒥᕐᔪᐊᖃᕐᑐᓂᒃ, ᕿᒧᒃᓯᐅᑎᓂᒡᓗ ᐊᒃᓴᓗᐊᓕᖕᓂᒃ, ᕿᒻᒥᕐᔪᐊᒃᑰᕐᑐᓂᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 26:7 Iomraidhean Croise

ᐄᓱᕋᐅᑉ ᐊᒡᓚᖏᑦ 7:12

“ᐊᖓᔪᖅᑳᕐᔪᐊᒥᑦ ᐋᕐᑕᔮᒃᓯᒥᑦ ᐊᖓᔪᖅᑳᕐᔪᐊᒥᑦ ᐊᖓᔪᖅᑳᕐᔪᐊᓄᑦ, ᑐᓂᕐᕈᓯᕐᑎᑦᓯᔨᒧᑦ ᐄᓱᕋᒧᑦ, ᒎᑎᐅᑉ ᕿᓚᖕᒦᑦᑑᑉ ᐱᖁᔭᖏᓐᓂᒃ ᐃᓕᓯᒪᔪᒧᑦ. ᓮᒪᓂᒻᒪᕆᐅᑉ ᐃᓚᒋᓕᓯ.

ᐂᓮᐊᓯᐅᑉ ᐊᒡᓚᖏᑦ 10:8

ᐃᒫᒃ ᐅᖃᓚᐅᕐᐳᖅ, “ᐊᖓᔪᖅᑳᖁᑎᓕᒫᒃᑲ ᐊᖓᔪᖅᑳᕐᔪᐊᖑᓐᖏᓛᑦ?

ᔨᕆᒤᐊᐅᑉ ᐊᒡᓚᖏᑦ 25:22

ᐊᖓᔪᖅᑳᕐᔪᐊᕆᔭᐅᔪᓕᒫᑦ ᑍᕆᒥ, ᓮᑐᓂᒥᓗ, ᐊᖓᔪᖅᑳᕐᔪᐊᓕᒫᑦ ᑕᕆᐅᕌᓗᑉ ᓯᒃᔭᖓᓃᑦᑐᓂ.

ᔨᕆᒤᐊᐅᑉ ᐊᒡᓚᖏᑦ 25:9

ᑕᑯᒋᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓄᓕᒫᖏᓐᓂᒃ ᑎᓕᓯᓂᐊᕐᐳᖓ, ᑭᒡᒐᓐᓂᒡᓗ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᕐᑎᓐᓂᐊᕐᐸᒃᑲᓗ ᓄᓇᒧᑦ ᑕᒪᐅᖓ ᐃᓅᖃᑎᒌᒡᔪᐊᓄᑦ, ᓄᓇᓕᐅᖃᑎᒋᔭᓕᒫᓯᓗ ᐊᓯᕈᕐᑕᐅᑎᓐᓂᐊᕐᐸᒃᑲ ᑲᑉᐱᐊᓲᑎᒃᓴᓐᖑᕐᑎᓪᓗᒋᓪᓗ ᐋᖅᑭᒃᑕᐅᒃᑲᓐᓂᕐᓂᐊᕈᓐᓃᕐᑐᒥᒃ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 4:13

ᑕᑯᒋᑦᓯ, ᐃᖏᕐᕋᓂᖏᑦ ᓄᕗᔭᑎᑐᑦ ᓱᒃᑲᑦᑑᑎᒋᕗᑦ, ᕿᒧᒃᓯᐅᑎᖏᓪᓗ ᐅᓚᓗᔨᕋᕐᑐᑎᑐᑦ, ᕿᒻᒥᕐᔪᐊᖏᓪᓗ ᓱᒃᑲᓂᕐᓴᐅᕗᑦ ᓇᒃᑐᕋᓕᖕᓂᑦ! ᑲᑉᐱᐊᓐᓇᒦᖑᔪᒍᑦ, ᐊᓯᕈᕐᑕᐅᕗᒍᑦ!

ᔨᕆᒤᐊᐅᑉ ᐊᒡᓚᖏᑦ 4:7

ᓛᔭᑎᑐᑦ ᐃᔨᕐᓯᒪᕕᖕᓂᑦ ᐊᓂᔪᑎᑐᑦ, ᐃᓅᖃᑎᒌᒡᔪᐊᓂᒃ ᐊᓯᕈᐃᔭᕐᑐᕐᑐᖅ ᐃᓂᒋᔭᒥᓂᑦ ᕾᓕᕐᐳᖅ, ᓄᓇᖁᑎᓯᓗ ᓄᓇᓕᕕᓂᑐᐃᓐᓇᓐᖑᕐᑎᓐᓂᐊᕐᐰᑦ ᐃᓄᖃᕈᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 52:32

ᐱᑦᓯᐊᕐᕕᒋᓚᐅᕐᐹᓗ, ᐃᓂᑖᕐᑎᓪᓗᓂᐅᒡᓗ ᐅᐱᓐᓇᕐᓂᕐᐹᖑᖃᑕᐅᔪᒥ ᐊᖓᔪᖅᑳᕐᔪᐊᓂᑦ ᑎᒍᔭᐅᓯᒪᖃᑎᒋᔭᖏᓐᓂᑦ ᐹᐱᓘᓂᒥ.

ᔨᕆᒤᐊᐅᑉ ᐊᒡᓚᖏᑦ 6:23

ᐅᓇᑕᐅᑎᖃᕐᐳᑦ ᐱᑎᒃᓯᓂᒃ ᖃᓗᒋᐊᓂᒡᓗ, ᐊᑦᑕᕆᔭᖃᓐᖏᓚᑦ ᓇᒡᓕᖕᓂᖃᕋᑎᒡᓗ, ᓂᐱᖏᑦ ᓂᐱᖃᕐᐳᑦ ᐃᒪᕕᐅᑉ ᐃᒃᑑᓕᔮᕐᓂᖓᑐᑦ, ᐃᖏᕐᕋᓕᕌᖓᒥᒃ ᕿᒻᒥᕐᔪᐊᓄᑦ, ᓮᐅᓂᒥᐅᑕᐅᔪᓯ ᐅᐸᒃᑕᐅᓕᕐᐳᓯ ᐅᓇᑕᐅᓯᔭᕐᑐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 17:14

ᑖᒃᑯᐊ ᐊᖓᔪᖅᑲᐅᕕᖏᑦ ᐱᔪᓐᓇᕐᓯᕙᓪᓕᐊᖁᓇᒋᑦ ᐃᒻᒥᖕᓂᒡᓗ ᒪᑭᑦᑐᓐᓇᕐᓯᖁᓇᒋᑦ, ᐊᖏᖃᑎᒌᒍᑎᓕᐊᖓ ᒪᓕᒃᑕᐅᖏᓐᓇᖁᓪᓗᒍ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 23:24

ᐅᓇᑕᕆᐊᕈᒫᕐᐹᑎᑦ ᐅᓐᓄᐊᓪᓗᐊᑉ ᓇᓛᓂᑦ ᐅᓇᑕᕐᑎᖁᑎᒐᓴᒡᔪᐊᒥᖕᓂᒃ ᐃᓚᖃᕐᓗᑎᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ ᑲᓕᒐᓂᒡᓗ ᐃᓄᒐᓴᒡᔪᐊᓂᒡᓗ; ᑖᒃᑯᐊ ᐃᓕᖕᓂᒃ ᐊᑭᕋᕐᑐᓕᕈᒫᕐᐳᑦ ᐊᕙᑎᓕᒫᕐᓂᑦ ᐊᒡᕖᕋᐅᑎᖃᕐᓗᑎᒃ, ᓴᐴᓗᑕᖃᕐᓗᑎᒃ, ᓯᑎᔪᓂᒡᓗ ᓇᓴᕐᓯᒪᓗᑎᒃ, ᑖᒃᑯᐊ ᐃᖅᑲᕐᑐᐃᑎᑦᓱᒫᕐᐸᒃᑲ, ᐃᖅᑲᕐᑐᕐᑕᐅᔪᒫᕐᐳᑎᑦ ᐃᖅᑲᕐᑐᐃᑦᔪᓯᕐᒥᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 26:3

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᑍᕆ ᓵᓐᖓᓂᐊᓕᕐᐸᒋᑦ, ᐃᓅᖃᑎᒌᒡᔪᐊᓄᑦ ᐅᓄᕐᑐᓄᑦ ᐊᑭᕋᕐᑐᕐᑕᐅᑎᑦᓱᒫᕐᐸᑦᓯ, ᐃᒪᕕᐅᑉ ᒥᕿᑦᑕᕐᓂᖓᑐᑦ ᑎᑭᑕᐅᑦᑕᕐᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 28:7

ᑍᒤᒻᒪᑦ, ᑕᑯᒋᑦ, ᑎᑭᑕᐅᑎᑦᓱᒫᕐᐸᒋᑦ ᐃᓚᒋᓐᖏᑕᕐᓂᒃ, ᐃᓅᖃᑎᒌᒡᔪᐊᓂᑦ ᓂᑲᒍᓱᖏᓐᓂᕐᐹᓂᒃ; ᓴᕕᒡᔪᐊᒥᖕᓄᑦ ᓱᕋᒃᑎᕆᔪᒫᕐᐳᑦ ᓯᓚᑐᓂᕐᓄᑦ ᐱᐅᓯᑎᓯᒪᔭᕐᓂᒃ ᑕᑯᒥᓇᕐᓂᕐᔪᐊᓪᓗ ᓇᕐᕈᓇᕐᓯᑎᑕᐅᔪᒫᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 2:37

ᐃᕝᕕᑦ ᐊᖓᔪᖅᑳᕐᔪᐊᖅ, ᐊᖓᔪᖅᑳᕐᔪᐊᖑᕗᑎᑦ ᐊᖓᔪᖅᑳᕐᔪᐊᓕᒫᓄᑦ, ᒎᑎᐅᑉ ᕿᓚᖕᒦᑦᑑᑉ ᑐᓂᓯᕕᒋᖕᒪᑎᑦ ᐊᖓᔪᖅᑲᐅᕕᖕᒥᒃ, ᐱᔪᓐᓇᕐᓂᕐᒥᒡᓗ ᐊᔪᖏᓐᓂᕐᒥᒡᓗ ᐅᐱᒋᔭᐅᓂᕐᒥᒡᓗ.

ᑖᓂᐊᓕᐅᑉ ᐊᒡᓚᖏᑦ 2:47

ᐊᖓᔪᖅᑳᕐᔪᐊᕐᓗ ᐅᖃᕐᐳᖅ ᑖᓂᐊᓕᒧᑦ, “ᓱᓕᔪᒥᒃ ᒎᑏᑦ ᒎᑎᓄᑦ ᒎᑎᒋᔭᐅᕗᖅ, ᐊᑕᓂᐅᓪᓗᓂᓗ ᐊᖓᔪᖅᑳᕐᔪᐊᓄᑦ, ᓇᓗᓇᕐᑐᓂᒃ ᓴᖅᑭᑎᑦᓯᔪᓐᓇᕐᑐᖅ, ᖃᐅᔨᑦᔪᑎᒐ ᑕᕝᕙ ᓇᓗᓇᕐᑐᒥ ᑕᒪᑐᒥᖓ ᖃᐅᔨᑎᑕᐅᒐᕕᑦ.”

ᕼᐆᓯᐊᑉ ᐊᒡᓚᖏᑦ 8:10

ᐃᓇᑦᓯᓚᐅᕋᓗᐊᕐᐳᑦ ᐃᓚᑖᕈᒪᓪᓗᑎᒃ ᐃᓅᖃᑎᒌᒡᔪᐊᓂᑦ, ᑲᑎᕐᓱᕐᓂᐊᕐᐸᒃᑲᓕ ᒫᓐᓇᑦᓴᐅᑎᒋᒃᑯᑦ. ᕿᒃᓵᒃᑎᑕᐅᑬᓐᓇᕈᒫᕐᐳᓪᓕ ᐊᖓᔪᖅᑳᕐᔪᐊᕐᒧᑦ ᑎᓕᔭᐅᓯᒪᔪᒧᑦ ᐊᖓᔪᖅᑳᖁᑎᖏᓐᓄᓪᓗ ᐅᖁᒤᒃᓴᕐᑎᑕᐅᓕᕈᑎᒃ.