ᐃᓯᑭᐊᓕᐅᑉ ᐊᒡᓚᖏᑦ 26:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑕᕝᕙ ᓯᒡᔭᒥᐅᑦ ᐊᖓᔪᖅᑳᕐᔪᐊᖏᑦ ᐃᒃᓯᕙᐅᑕᕐᔪᐊᕐᒥᖕᓂᒃ ᕿᒤᔪᒫᕐᐳᑦ, ᐊᓐᓄᕌᒥᖕᓂᒡᓗ ᐊᖓᔪᖅᑳᕐᔪᐊᕐᓯᐅᑎᓂᒃ ᐲᔧᔪᒫᕐᐳᑦ, ᑕᑯᒥᓇᕐᓴᐅᑎᓖᓪᓗ ᐊᓐᓄᕌᑦ ᐲᔭᕐᓗᒋᑦ; ᓴᔪᖕᓂᕐᒥᒡᓗ ᐊᓐᓄᕌᖔᕈᒫᕐᐳᑦ; ᒪᓂᖅᑲᒥᓗ ᐃᒃᓯᕚᕈᒫᕐᐳᑦ ᓴᔪᑐᐃᓐᓇᓕᕐᓗᑎᒃ, ᐃᓕᑦᓯᓐᓂᒃ ᑲᒪᓂᐊᕐᓂᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 26:16 Iomraidhean Croise

ᔫᐱᐅᑉ ᐊᒡᓚᖏᑦ 8:22

ᐃᓕᑦᓯᓐᓂᒃ ᐆᒥᓱᒃᑐᑦ ᑲᓐᖑᓱᖕᓂᕐᒥᒃ ᐊᓐᓄᕌᕐᑎᑦᓱᒫᕐᐰᑦ, ᐱᐅᖏᑦᑐᓕᔪᓪᓗ ᐊᖏᕐᕋᖏᑦ ᓄᖑᑦᓱᒫᕐᐰᑦ ᐊᓯᐅᑎᓪᓗᒋᑦ.”

ᐃᓐᖏᕈᑎᑦ 109:18

ᓯᕗᓂᕐᓗᖁᔨᓂᕐᒥᒃ ᐊᑐᖃᑦᑕᓚᐅᕐᒪᑦ ᐊᓐᓄᕌᕐᓯᒪᔪᕐᑎᑐᑦ, ᑕᒪᓐᓇ ᑎᒥᖓᓄᑦ ᑎᑭᐅᑎᓚᐅᕐᓕ ᐃᒥᕐᒧᑦ ᑭᓂᑕᐅᓯᒪᔪᑐᑎᑐᑦ, ᐅᕐᓱᑎᑐᓪᓗ ᓴᐅᓂᖏᓐᓄᑦ ᐃᑦᓮᔪᑎᑐᑦ!

ᐃᓐᖏᕈᑎᑦ 109:29

ᐊᑭᕋᕐᑐᕐᑎᒃᑲ ᑲᓐᖑᓱᒃᑎᑕᐅᓂᕐᒥᒃ ᐊᓐᓄᕌᕐᑎᑕᐅᓚᐅᕐᓕᑦ, ᓇᓗᓕᕐᓂᕐᒧᑦ ᐅᓕᒃᑕᐅᓚᐅᕐᓕᑦ, ᑕᒪᑐᒥᖓ ᕿᐱᒃᓯᒪᔪᑎᑐᑦ.

ᐃᓐᖏᕈᑎᑦ 132:18

ᑖᑦᓱᒪ ᐊᑭᕋᕐᑐᕐᑎᖏᑦ ᑲᓐᖑᓱᒃᑎᑕᐅᓂᕐᒥᒃ ᐊᓐᓄᕌᕐᑎᓐᓂᐊᕐᐸᒃᑲ, ᓂᐊᖂᑎᖓᓗ ᐊᖓᔪᖅᑳᕐᔪᐊᕐᓯᐅᑦ ᐊᖏᒡᓕᕙᓪᓕᐊᓂᐊᕐᐳᖅ.”

ᐃᓐᖏᕈᑎᑦ 35:26

ᑲᓐᖑᓇᕐᑐᒦᓕᕐᓕᑦ ᐊᑕᐅᑦᓯᒃᑯᑦ ᓇᓗᓕᕐᓇᕐᑐᒦᓪᓗᑎᒃ ᐋᓐᓂᐊᓂᓐᓂᒃ ᖁᕕᐊᓱᒍᑎᖃᕐᑐᓕᒫᑦ; ᐊᓐᓄᕌᓯᒪᓕᕐᓕᑦ ᑲᓐᖑᓱᒃᑎᑕᐅᓂᕐᒥᒃ ᐅᐱᒋᔭᐅᖏᓐᓂᕐᒥᒡᓗ ᐃᒻᒥᖕᓂᒃ ᐊᖏᔪᕈᕐᑎᑦᑐᓕᒫᑦ ᐱᑦᔪᑎᒋᓪᓗᖓ.

ᒨᓯᓯ ᐂᑉᐸᖏᑦ 15:15

ᑕᕝᕙ ᐄᑐᒥᐅᑦ ᐊᖓᔪᖅᑳᖏᑦ ᖁᓚᓕᕐᐳᑦ; ᒧᐊᐱᒥᐅᓪᓗ ᐱᔪᓐᓇᕐᑐᖁᑎᒋᔭᖏᑦ ᓴᔪᓕᕐᓗᑎᒃ; ᑬᓇᓂᒥᐅᓪᓗ ᐃᓄᓕᒫᖏᑦ ᓴᐱᓕᑦᓯᐊᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 3:26

ᐃᑎᕐᑕᕐᕕᖏᑦ ᐅᒡᒍᐊᕐᓂᕐᒧᑦ ᕿᐊᔪᒫᕐᐳᑦ; ᐃᒡᓗᒐᓴᒡᔪᐊᓪᓗ ᐊᓐᓄᕅᔭᕐᑕᐅᓯᒪᔪᑎᑐᑦ ᒪᓂᖅᑲᒥ ᐃᒃᓯᕙᑐᐃᓐᓇᓕᕐᑐᑎᑐᑦ ᑍᒤᑦᓱᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 41:5

ᐃᒪᐅᑉ ᓯᓈᓂᒥᐅᑦ ᑕᑯᓚᐅᕐᐳᑦ ᓯᕘᕋᓕᕐᓗᑎᒡᓗ, ᓄᓇᕐᔪᐊᑉ ᑭᒡᓕᖓᓃᑦᑐᑦ ᓴᔪᓕᕐᐳᑦ; ᖃᒡᓕᒋᐊᕐᓗᑎᒡᓗ ᕾᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 47:1

“ᐊᖅᑲᕐᓗᑎᑦ ᒪᓂᖅᑲᒥ ᐃᒃᓯᕚᓕᕆᑦ, ᐹᐱᓘᓂᐅᑉ ᐸᓂᖓ ᐅᐃᒡᒐᓱᒃ; ᒪᓂᖅᑲᒥ ᐃᒃᓯᕚᓕᕆᑦ ᐃᒃᓯᕙᐅᑕᕐᔪᐊᕐᒥᐅᖏᑦᑐᖅ, ᑲᐅᓪᑎᐊᒥᐅᑦ ᐸᓂᖓ! ᑍᔭᐅᓂᐊᕈᓐᓃᕋᕕᑦ ᐋᓐᓂᕐᓴᕅᑦᑐᒥᒃ ᓂᑲᓇᕐᑐᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 52:2

ᓴᓃᔭᕐᓗᑎᑦ ᒪᑭᓕᕆᑦ; ᐊᐅᓪᓚᕈᑦᔭᐅᓯᒪᓚᐅᕐᑐᑎᑦ ᔨᕉᓴᓕᒻ; ᐊᕐᓵᕐᑑᔧᓪᓗ ᖁᖓᓯᕐᓃᑦᑐᑦ ᐲᔭᕐᓗᒋᑦ, ᑎᒍᔭᐅᓯᒪᓚᐅᕐᑐᑎᑦ ᓮᐅᓂᐅᑉ ᐸᓂᖓ.

ᔨᕆᒤᐊᐅᑉ ᐊᒡᓚᖏᑦ 48:39

ᓱᕋᒃᓯᒪᕗᖅ ᓯᖁᒥᑦᓯᐊᕐᓗᓂ, ᓂᐹᔪᐊᓘᓪᓗᑎᒡᓗ, ᒧᐊᐱᒥᐅᑦ ᑐᓄᑦᓯᓕᕐᐳᑦ ᑲᓐᖑᓱᖕᓂᕐᒧᑦ, ᒧᐊᐱᒥᐅᑦ ᒥᑕᐅᑎᒋᔭᒃᓴᓐᖑᕐᒪᑕ, ᑲᑉᐱᐊᓲᑎᒃᓴᓐᖑᕐᓗᑎᒡᓗ ᓄᓇᓕᐅᖃᑎᓕᒫᖏᓐᓄᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:10

ᓮᐅᓂᐅᓪᓗ ᐊᖓᔪᖅᑳᖏᑦ ᓂᓪᓕᐊᑦᔪᑎᒃᓴᖃᕈᓐᓁᕋᒥᒃ ᒪᓂᖅᑲᒥ ᐃᒃᓯᕚᑐᐃᓐᓇᓕᕐᐳᑦ, ᐊᕐᔭᓕᓂᕐᓂᒃ ᓂᐊᖁᕐᒥᓄᐊᖅᑬᕗᑦ ᐆᒪᔪᓪᓗ ᒥᖅᑯᕕᓂᖏᓐᓂᒃ, ᓴᓇᓯᒪᔪᓂᒃ ᐊᓐᓄᕌᑲᕐᓗᑎᒃ, ᔨᕉᓴᓕᐅᑉ ᐊᕐᓇᖁᑎᖏᑦ ᒪᓂᖅᑲᒧᑦ ᐅᑯᖓᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 16:10

ᐊᓐᓄᕌᕐᑎᓚᐅᕐᐸᒋᑦ ᑕᕐᓯᕐᑐᕐᓯᒪᔪᒥᒃ ᑲᒥᒃᑎᓪᓗᑎᓪᓗ ᐃᖃᕐᑎᐅᔮᖕᓂᒃ, ᐊᓐᓄᕌᕐᑎᓪᓗᑎᓪᓗ ᖃᓪᓗᓈᕐᑕᑦᓯᐊᒥᒃ ᓵᑦᑐᒥᒃ ᐱᐊᒃᑐᒥᒡᓗ ᖃᓪᓗᓈᕐᑕᒥᒃ ᓯᓚᓪᓕᕐᑖᕐᑎᓪᓗᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 26:21

ᑲᑉᐱᐊᓱᖕᓂᕐᒥᒃ ᐃᓱᓕᓐᓂᖃᕐᑎᓐᓂᐊᕐᐸᑦᓯ, ᓄᖑᑕᐅᔪᒫᕐᐳᓯᓗ; ᕿᓂᕐᑕᐅᒐᓗᐊᕈᑦᓯ, ᓇᓂᔭᐅᔪᒫᓐᖏᓚᓯ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 28:17

ᐆᒻᒪᑎᒃᑯᑦ ᐱᐅᔪᕆᓕᓚᐅᕋᕕᑦ ᑕᑯᒥᓇᕐᑑᓃᑦ ᐱᑦᔪᑎᒋᓪᓗᒍ; ᓯᓚᑐᓃᑦ ᐊᑐᕐᓂᕐᓗᓕᓚᐅᕐᐸᑦ ᑕᑯᒥᓇᕐᑐᐊᓘᓃᑦ ᐱᑦᔪᑎᒋᓪᓗᒍ. ᑕᕝᕙ ᓄᓇᒧᑦ ᐃᒋᓚᐅᕐᐸᒋᑦ; ᑕᑯᔭᒃᓴᕈᕐᑎᓪᓗᑎᑦ ᐊᖓᔪᖅᑳᕐᔪᐊᓄᑦ, ᐃᓕᖕᓂᒃ ᑕᑯᖁᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 31:15

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑐᖁᖓᔪᑦ ᐃᓂᖓᓄᐊᕐᓯᒪᓕᕐᐸᑦ ᐊᖏᔪᒥᒃ ᕿᒃᓵᒍᑕᐅᑎᑦᓱᒫᕐᐸᕋ, ᑰᖏᓪᓗ ᑰᒍᓐᓁᕈᒫᕐᐳᑦ, ᑰᒐᓛᓪᓗ ᑰᒍᓐᓃᕐᓗᑎᒃ; ᓕᐸᓇᓂ ᕿᒃᓵᒍᑎᖃᕐᑎᑦᓱᒫᕐᐸᕋ ᑖᑦᓱᒥᖓ, ᓇᐹᕐᑐᓕᒫᓪᓗ ᓇᑎᕐᓇᒦᑦᑐᑦ ᑖᑦᓱᒧᖓ ᑐᖁᓕᑎᑕᐅᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 32:10

ᐃᓅᖃᑎᒌᒡᔪᐊᓄᑦ ᑲᒪᓂᐊᕈᑕᐅᔪᒫᕐᐳᑎᑦ, ᐊᖓᔪᖅᑳᕐᔪᐊᖏᑦ ᑲᑉᐱᐊᓱᖕᓂᕐᒧᑦ ᓴᔪᒍᒫᕐᐳᑦ ᐱᑦᔪᑎᒋᓗᑎᑦ, ᓴᕕᒡᔪᐊᕋ ᓴᓂᒧᑦ ᓱᓗᕋᕐᑕᕐᑎᓕᕈᒃᑯ ᑖᒃᑯᐊ ᓯᕗᕌᓐᓂ; ᓴᔪᓕᕈᒫᕐᐳᑦ, ᐊᑐᓂᑦ ᑐᖁᑕᐅᓂᐊᕋᓱᒋᓗᑎᒃ, ᑐᖁᕕᒃᓮᑦ ᐅᓪᓗᖅ ᓇᓪᓕᐅᑎᒃᐸᑦ.

ᐃᓯᑭᐊᓕᐅᑉ ᐊᒡᓚᖏᑦ 7:27

ᐊᖓᔪᖅᑳᕐᔪᐊᑦ ᕿᒃᓵᒃᑎᑕᐅᔪᒫᕐᐳᑦ, ᐃᕐᓂᖏᓪᓗ ᓴᐱᓕᕈᒫᕐᐳᑦ, ᐃᓄᐃᓪᓗ ᓄᓇᒦᑦᑐᑦ ᐃᕐᓯᓂᕐᒧᑦ ᓴᔪᒃᓱᓕᕈᒫᕐᐳᑦ. ᐱᓂᐊᕐᓂᖏᑦ ᒪᓕᒡᓗᒋᑦ ᐱᓂᐊᕐᕕᒋᔪᒫᕐᐸᒃᑲ, ᐃᖅᑲᕐᑐᐃᓂᖏᑦ ᒪᓕᒡᓗᒋᑦ ᐃᖅᑲᕐᑐᕈᒫᕐᐸᒃᑲ; ᖃᐅᔨᖁᓪᓗᒋᑦ ᐅᕙᖓ ᐊᑕᓂᐅᒐᒪ.”

ᐃᓯᑭᐊᓕᐅᑉ ᐊᒡᓚᖏᑦ 7:8

“ᒫᓐᓇ ᐊᑯᓂᐅᖏᑦᑐᖅ ᓂᓐᖓᐅᓯᓐᓄᑦ ᑎᑭᑕᐅᑎᓐᓂᐊᓕᕐᐸᑦᓯ, ᓂᓐᖓᐅᓯᓐᓄᑦ ᐱᓇᓱᐊᕐᕕᒋᓂᐊᓕᕐᐸᑦᓯ, ᐃᖅᑲᕐᑐᕐᓗᓯᓗ ᐱᓂᐊᕐᓂᓯ ᒪᓕᒡᓗᒋᑦ; ᐊᑭᓂᐊᕐᕕᒋᔪᒫᕐᐸᑦᓯᓗ ᓇᕐᕈᒋᔭᓐᓂᒃ ᐱᓇᓱᐊᕐᓂᕆᓯᒪᔭᓕᒫᓯ ᒪᓕᒡᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 5:6

ᑮᓇᖓᑕ ᑕᐅᑦᑐᐊ ᖃᑯᕐᓯᕗᖅ, ᑲᑉᐱᐊᓱᒻᒪᕆᓕᕐᓗᓂ ᓰᖅᑯᖏᒡᓗ ᓴᔪᒃᐴᒃ, ᓂᐅᖏᒃ ᓄᑮᕐᓗᑎᒃ.

ᕼᐆᓯᐊᑉ ᐊᒡᓚᖏᑦ 11:10

ᐱᓱᖕᓂᐊᕐᐳᑦ ᐊᑕᓂᕐᒥᒃ ᒪᓕᒡᓗᑎᒃ, ᖃᓕᖑᐊᕐᑐᑐᑦ ᓛᔭᑐᑦ ᓂᓪᓕᐊᓕᕈᒪ; ᐃᓛᒃ ᖃᓕᖑᐊᕐᓂᐊᕐᐳᖅ, ᕿᑐᕐᖓᖏᓪᓗ ᕾᔪᒫᕐᐳᑦ ᓯᕿᓂᐅᑉ ᓂᐱᕕᐊᓂᑦ ᓴᔪᒡᓗᑎᒃ.

ᔫᓇᐅᑉ ᐊᒡᓚᖏᑦ 3:6

ᓂᓂᕕᒥᐅᓪᓕ ᐊᖓᔪᖅᑳᕐᔪᐊᖓᑕ ᑕᒪᓐᓇ ᑐᓴᕋᒥᐅᒃ, ᐃᒃᓯᕙᐅᑕᕐᔪᐊᒥᓂᑦ ᓂᑯᕕᓪᓗᓂ, ᐊᓐᓄᕌᓂ ᐊᖓᔪᖅᑳᕐᔪᐊᓯᐅᑏᑦ ᐱᕐᓗᒋᑦ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ ᐊᑎᓯᕗᖅ, ᐃᖏᓪᓗᓂᓗ ᐊᕐᔭᓕᓃᑦ ᖄᖏᓐᓄᑦ.

ᕼᐊᒊᑉ ᐊᒡᓚᖏᑦ 2:22

ᐊᖓᔪᖅᑲᐅᕖᑦ ᐃᒃᓯᕙᐅᑕᕐᔪᐊᖏᑦ ᐅᕐᕈᑎᓐᓂᐊᕐᐸᒃᑲ; ᐃᓅᖃᑎᒌᒡᔪᐊᓪᓗ ᐊᖓᔪᖅᑲᐅᕕᖏᑕ ᐱᔪᓐᓇᕐᓂᖏᑦ ᐊᓯᕈᕐᓂᐊᓕᕐᐸᒃᑲ, ᐅᓇᑕᐅᑏᓪᓗ ᐊᒃᓴᓗᐊᓖᑦ ᐅᕐᕈᑎᓐᓂᐊᕆᕙᒃᑲ ᐃᑭᒪᔪᓪᓗ ᐱᖃᓯᐅᑎᓗᒋᑦ; ᕿᒻᒥᕐᔪᐊᓪᓗ ᐃᑭᒪᔪᓪᓗ ᑲᑕᒃᑎᓐᓂᐊᕐᐸᒃᑲ, ᖃᑕᓐᖑᑎᒌᓕᒫᑦ ᓴᕕᒡᔪᐊᒧᑦ ᑐᖁᖃᑦᑕᐅᑎᓂᐊᕐᐳᑦ.

ᐲᑦᑐᕉᓯ ᓯᕗᓪᓖᑦ 5:5

ᐃᓕᑦᓯᑦᑕᐅᖅ ᐃᓅᓱᒃᑑᔪᓯ ᐃᓐᓇᕐᓄᑦ ᐊᐅᓚᑦᓯᔨᓄᑦ ᐊᖏᕈᑎᒋᓯᒪᑦᓯᐊᕆᑦᓯ. ᑕᒪᑦᓯ ᐊᓐᓄᕌᕐᑐᒃᓴᐅᕗᓯ ᐱᐅᔪᕆᖏᓐᓂᕐᒥᒃ, ᐃᓕᑦᓯᓐᓄᑦ ᐱᔨᑦᓯᖃᑦᑕᐅᑎᓗᓯ, ᐊᒡᓔᑦ ᐅᖃᕐᒪᑕ, “ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑉᐰᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:9

ᓄᓇᕐᔪᐊᕐᒥᓗ ᐊᖓᔪᖅᑳᕐᔪᐊᑦ ᐊᕐᓇᕐᓂᐊᖃᑦᑕᓚᐅᕐᑐᑦ ᐃᒃᓯᒎᕐᓂᕐᔪᐊᖃᓚᐅᕐᑐᓪᓗ ᑖᑦᓱᒥᖓ, ᑕᑯᓕᕈᑎᒃ ᐃᑯᐊᓚᓂᖓᑕ ᐳᔪᖓᓂᒃ ᕿᐊᑦᔪᑎᒋᔪᒫᕐᐹᑦ ᐅᒡᒍᐊᕈᑎᒋᓗᒍᓗ;