ᐃᓯᑭᐊᓕᐅᑉ ᐊᒡᓚᖏᑦ 24:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓱᓇᐅᖏᑦᑐᒧᑦ ᑕᖃᓴᑦᔪᑕᐅᓕᕐᒪᑦ; ᒪᓐᖏᕐᑐᕆᐅᓂᖓᓗ ᐃᑦᔪᓗᐊᕐᒪᑦ ᐃᑯᒪᒧᑦ ᓄᖑᓐᓂᐊᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 24:12 Iomraidhean Croise

ᒨᓯᓯ ᓯᕗᓪᓖᑦ 8:21

ᐊᑕᓂᐅᓪᓗ ᓁᒐᒥᒋᑦ ᑐᓂᕐᕈᑏᑦ ᑎᐱᑦᓯᐊᕆᒃᑐᑦ, ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᓄᓇᕐᔪᐊᖅ ᓇᕐᕈᓇᕐᑎᓯᑎᓚᐅᕐᓯᒪᓂᐊᕈᓐᓃᕐᐸᕋ ᐃᓄᒃ ᐱᑦᔪᑎᒋᓗᒍ, ᐃᓅᑉ ᐆᒻᒪᑎᒥᒍᑦ ᐃᓱᒪᓕᐅᕈᑎᖏᑦ ᐃᓅᓱᖕᓂᕐᒥᓂᑦ ᐱᒋᐊᕐᓗᒋᑦ ᐱᐅᖏᑦᑐᐊᓘᒐᓗᐊᕐᒪᑕ; ᐊᓯᕈᐃᓚᐅᕐᓯᒪᓂᐊᕈᓐᓃᕐᐳᖓ ᐆᒪᔪᓕᒫᓂᒃ ᑍᒫᒃ ᐊᓯᕈᐃᓚᐅᕐᓂᑦᑐᑦ.

ᐂᓮᐊᓯᐅᑉ ᐊᒡᓚᖏᑦ 1:5

ᓱᖕᒪᑦ ᓱᒋᐊᕐᑕᐅᔪᒤᓐᓇᕐᐱᓰ? ᐊᑭᕋᕐᑐᐃᓐᓇᕐᓂᑦᓯᓐᓄᑦ? ᓂᐊᖁᓯ ᐊᑕᖏᕐᓗᑎᒃ ᖃᓂᒪᕗᑦ, ᐆᒻᒪᑎᓯᓗ ᐊᑕᖏᕐᓗᑎᒃ ᓄᑭᑮᑦᑑᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 47:13

ᐅᖃᐅᑦᔪᕐᑕᐅᓂᕐᒥᒃ ᐃᕿᐊᓐᖑᕐᓯᒪᓕᕐᐳᓯ; ᑍᒃᑯᓄᖓ ᓇᖏᕐᓗᑎᒃ ᓴᐳᑎᔭᐅᓕᕆᑦᓯ, ᐅᓪᓗᕆᐊᑎᒍᑦ ᓇᓗᓇᕐᑐᓂᒃ ᖃᐅᔨᒪᓇᓱᐊᕐᑎᖁᑎᑦᓯᓐᓄᑦ, ᐅᓪᓗᕆᐊᓪᓗ ᐋᖅᑭᒃᓯᒪᓂᖏᑎᒍᑦ ᑐᑭᓯᐅᒪᔪᓐᓇᕐᑐᖁᑎᑦᓯᓐᓄᑦ, ᑕᖅᑭᐅᑉ ᓴᖅᑭᔮᕐᓂᖓᒍᑦ ᓇᓚᐅᑦᑍᕙᒃᑐᓄᑦ ᖃᓄᐃᑦᑐᖃᕐᓂᐊᕐᒪᖔᑦ.

ᔨᕆᒤᐊᐅᑉ ᐊᒡᓚᖏᑦ 13:27

ᓇᕐᕈᓇᕐᑐᓕᓂᓯ ᑕᑯᓯᒪᒐᒃᑭᑦ, ᐊᓯᓐᓂᐊᕐᓯᒪᓂᓯ ᐱᔪᒪᓗᐊᕐᓂᓯᓗ, ᑲᓐᖑᓱᒐᓯ ᓄᓕᐊᕐᓃᑦ ᐱᓇᓱᐊᓚᐅᕐᑕᓯ ᑕᑯᓯᒪᕙᒃᑲ, ᖃᖅᑬᑦ ᖄᖏᓐᓂ ᓇᑎᕐᓇᓂᓗ. ᑲᑉᐱᐊᓐᓇᒦᖑᔪᓯ ᔨᕉᓴᓕᒥᐅᑦ! ᖃᓄᖅ ᐊᑯᓂᐅᑎᒋᔪᖅ ᓴᓗᒤᑦᑑᓂᐊᕐᐱᓰ?”

ᔨᕆᒤᐊᐅᑉ ᐊᒡᓚᖏᑦ 2:13

ᐃᓄᖁᑎᒃᑲ ᒪᕐᕉᖕᓂᒃ ᐊᔪᕐᑐᓕᖕᒪᑕ, ᐅᕙᓐᓂᒃ ᕿᒤᓚᐅᕐᒪᑕ, ᐃᒥᕐᒥᒃ ᐃᓅᓯᖃᕐᓇᕐᑐᒥᒃ ᑰᒃᑐᒥᒃ, ᓇᖕᒥᓂᕐᓗ ᐃᒥᕐᑕᕐᕕᒃᓴᓕᐅᕐᓗᑎᒃ ᐃᒥᕐᑕᕐᕕᖕᓂᒃ ᓄᑎᒃᓯᒪᔪᓂᒃ ᐃᒪᖃᕈᓐᓇᖏᑦᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 5:3

ᐊᑕᓃᖅ, ᓱᓕᔪᓂᒃ ᕿᓂᕐᐳᑎᑦ, ᐋᓐᓂᕋᓗᐊᕋᕕᒋᑦ ᐃᒃᐱᖕᓂᓐᖏᓚᑦ, ᐱᕕᒃᓮᕈᑎᒐᓗᐊᕋᕕᒋᑦ ᓱᓕ ᐋᖅᑭᒋᐊᕈᒪᓐᖏᓚᑦ. ᑮᓇᖏᑦ ᓴᖑᑎᑕᒃᓴᐅᖏᑦᑐᑎᑐᑦ ᑕᐅᑦᑐᖃᕐᐳᑦ ᓵᒋᐊᕈᒪᓇᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 51:58

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐹᐱᓘᓂᒥᐅᑦ ᐊᕙᓗᕐᔪᐊᖓ ᐃᑦᔪᔪᐊᓘᒐᓗᐊᖅ ᓄᖑᑎᑕᐅᓗᓂ ᒪᓂᖅᑲᒦᓕᕈᒫᕐᐳᖅ, ᐃᑎᕐᑕᕐᕕᖏᓪᓗ ᐃᑯᐊᓪᓚᒃᑕᐅᓗᑎᒃ. ᐃᓄᐃᑦ ᐱᓇᓱᐊᕕᒃᔪᐊᕐᓂᕆᓚᐅᕐᑕᖏᑦ ᐊᑐᕐᓇᕐᓂᖃᓐᖏᓚᑦ, ᐃᓅᖃᑎᒌᒡᔪᐊᓪᓗ ᓴᓇᖃᑦᑕᕐᓯᒪᔭᖏᑦ ᐃᑯᐊᓪᓚᖅᑯᑎᒃᓴᓐᖑᕐᐳᑦ.”

ᔨᕆᒤᐊᐅᑉ ᐊᒡᓚᖏᑦ 6:29

ᐃᑯᐊᓚᑦᓯᕕᒃ ᐃᑯᒪᓕᕐᐳᖅ, ᑯᓯᕐᓯᐊᖑᓂᖏᓐᓂᒃ ᐊᐅᒃᑎᑦᓯᓂᐊᕐᓗᓂ, ᐱᐅᓂᖏᓪᓗ ᓴᖅᑭᑐᐃᓐᓇᓕᒑᕗᑦ, ᐱᐅᖏᑦᑐᓕᔪᑦ ᐲᕈᓐᓁᓪᓕᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 9:5

ᐃᓚᓐᓇᕇᑦ ᓴᒡᓗᕿᖃᑦᑕᐅᑎᑐᐃᓐᓇᓕᕐᒪᑕ, ᓱᓕᔪᓂᒡᓗ ᐅᖃᐅᓯᖃᕐᑐᖃᕈᓐᓁᓪᓕᓪᓗᓂ, ᓴᒡᓗᔭᕆᐅᕐᓴᓂᕐᒥᒃ ᐅᖃᕆᐅᕐᓴᕙᓕᕐᒪᑕ, ᐊᔪᕐᑐᓕᓂᕐᒧᑦ ᐃᒥᖕᓂᒃ ᑕᖃᑎᑐᐃᓐᓇᕐᐸᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 24:13

ᓴᓗᒤᑦᑑᓂᓯ ᐃᒃᓯᒎᕐᓂᖅ ᒪᓐᖏᕐᑐᕆᐅᖕᒪᑦ. ᐃᓕᑦᓯᓐᓂᒃ ᓴᓗᒻᒤᔪᓐᓇᓚᐅᕋᓗᐊᕐᐳᖓ ᓴᓗᒻᒪᕈᒪᓚᐅᓐᖏᓚᓯᓕ ᓴᓗᒤᓐᓂᑦᓯᓐᓂᑦ, ᓴᓗᒻᒪᕐᓴᕐᑕᐅᓂᐊᕈᓐᓃᕐᐳᓯ ᓂᓐᖓᐅᓯᕋ ᐃᓕᑦᓯᓐᓄᑦ ᐃᓱᓕᓚᐅᖏᓐᓂᖓᓂ.

ᐃᓯᑭᐊᓕᐅᑉ ᐊᒡᓚᖏᑦ 24:6

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑲᑉᐱᐊᓐᓇᒦᖑᕗᖅ ᐃᒡᓗᒐᓴᒡᔪᐊᕐᒥᐅᓄᑦ ᐃᓄᐊᕐᑎᓄᑦ, ᐅᒃᑯᓯᖕᒥᒃ ᒪᓐᖏᕐᑐᕆᓂᕐᒥᒃ ᓴᓗᒻᒪᕆᐊᕐᑕᐅᓚᐅᕐᓯᒪᖏᑦᑐᒥᒃ ᐊᑦᔨᖃᕐᐳᑦ, ᐆᒋᖏᑦ ᐊᑕᐅᓯᐅᓈᕐᑎᕐᓗᒋᑦ ᐲᔭᕐᑕᐅᕗᑦ, ᓂᕈᐊᕐᕕᐅᓇᑎᒃ.

ᕼᐆᓯᐊᑉ ᐊᒡᓚᖏᑦ 12:1

“ᐃᕗᕅᒥ ᐊᓄᕆᒥᑦ ᓂᕆᕗᖅ, ᒪᓕᒃᐳᕐᓗ ᐊᓄᕆᒥᒃ ᐅᓪᓗᓕᒫᖅ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᒃ; ᓴᒡᓗᖃᑦᑕᓕᕐᐸᓪᓕᐊᑐᐃᓐᓇᕐᐳᑦ ᐱᕋᔭᖃᑦᑕᓕᕐᐸᓪᓕᐊᓪᓗᑎᒡᓗ; ᐊᖏᖃᑎᖃᕐᓯᒪᕗᓪᓗ ᐊᓯᕆᐊᒥᐅᓂᒃ, ᐅᕐᓱᐃᓪᓗ ᐂᑦᑑᑕᐅᕗᑦ ᐄᑦᔨᑉᑎᒧᑦ.”

ᕼᐊᐸᑲᐅᑉ ᐊᒡᓚᖏᑦ 2:13

ᑕᑯᒋᑦ, ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦ ᑍᒤᑎᑦᓯᓐᖏᓛᖅ? ᐃᓄᐃᑦ ᓴᓇᖕᒪᑕ ᐃᑯᐊᓪᓚᒃᑐᒃᓴᑐᐃᓐᓇᕐᓂᒃ, ᐃᓅᖃᑎᒌᒡᔪᐃᓪᓗ ᐃᒻᒥᖕᓂᒃ ᑕᖃᑎᑉᐳᑦ ᓱᓇᒃᓴᐅᖏᑦᑐᒧᑦ.