ᐃᓯᑭᐊᓕᐅᑉ ᐊᒡᓚᖏᑦ 23:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐄᑦᔨᑉᑎᒥᓗ ᐊᖑᓐᓂᐊᕐᑎᓐᖑᓚᐅᕐᓂᓂ ᑲᔪᓯᑎᑉᐹ; ᓂᕕᐊᕐᓵᖑᓂᕐᒥᓂᑦ ᐊᖑᑎᓄᑦ ᐃᓐᓇᖓᖃᑕᐅᕙᓕᓚᐅᕐᐳᖅ ᐱᖃᑎᖃᓚᐅᕐᓯᒪᖏᓐᓂᓂ ᐊᒃᑐᐊᔭᐅᑎᑦᓱᒍ ᐃᒃᓯᒎᕐᓂᖏᓪᓗ ᐃᓱᒤᓐᓇᕐᕆᑎᓪᓗᒋᑦ ᐃᒻᒥᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 23:8 Iomraidhean Croise

ᐊᑕᓃᑦ ᓯᕗᓪᓖᑦ 12:28

ᐃᓱᒪᒃᓴᕐᓯᐅᓚᐅᕐᓗᓂ, ᒪᕐᕉᖕᓂᒃ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖏᖕᓂᒃ ᓴᓇᕗᖅ ᒎᓘᓪᓗᒋᒃ, ᐃᓄᐃᓗ ᐅᖃᐅᑎᓪᓗᓂᒋᑦ, “ᐊᑯᓂᐅᓗᐊᓕᕐᒪᑦ ᑍᒪᓐᖓᑦ ᔨᕉᓴᓕᒧᐊᖃᑕᕐᓗᓯ ᑐᒃᓯᐊᕆᐊᕐᑐᕐᓗᓯ, ᐃᓕᑦᓯ ᐃᓴᕆᐊᓖᑦ ᐃᓄᖏᑦ ᐅᕝᕙᐅᓇ ᒎᑎᓯ ᐄᑦᔨᑉᑎᒥᑦ ᐊᐅᓪᓚᕐᑎᑦᓯᓚᐅᕐᑐᖅ!”

ᐊᑕᓃᑦ ᐂᑉᐸᖏᑦ 10:29

ᔨᕼᐆᓕ ᔨᕈᐳᐊᒻ ᓂᐹᑦ ᐃᕐᓂᖓᑕ ᐊᔪᕐᑐᓕᑦᔪᑎᒋᕙᓚᐅᕐᑕᖏᓐᓂᒃ ᕿᒤᓚᐅᓐᖏᓚᖅ, ᐃᓴᕆᐊᓕᒥᐅᓪᓗ ᐊᔪᕐᑐᓕᑎᓚᐅᕐᐰᑦ ᑐᒃᓯᐊᕐᓂᖃᕐᑎᓚᐅᕐᒪᒋᑦ ᐃᒻᒧᒃᓯᐅᒐᓐᖑᐊᕐᒧᑦ ᒎᓗᒧᑦ. ᑕᒪᓐᓇ ᓄᖅᑲᕐᑎᓚᐅᖏᒻᒪᒍ ᐱᑎᓕᒥ ᑖᓐᒥᓗ.

ᐊᑕᓃᑦ ᐂᑉᐸᖏᑦ 17:16

ᐊᑕᓂᐅᑉ ᒎᑎᖓᑦᑕ ᐱᖁᔭᖏᓐᓂᒃ ᒪᓕᒍᓐᓁᓚᐅᕐᐳᑦ, ᓴᓇᓚᐅᕐᐳᑦ ᒪᕐᕉᖕᓂᒃ ᑐᒃᑐᕙᓐᖑᐊᖕᓂᒃ ᑐᒃᓯᐊᕐᕕᒋᔭᒃᓴᒥᖕᓂᒃ, ᓴᓇᓚᐅᕆᕗᑦ ᐊᕐᓇᐅᑉ ᒎᑎᓐᖑᐊᑉ ᐊᓯᕋᐅᑉ ᐊᑦᔨᖓᓂᒃ ᓴᓇᓐᖑᐊᕐᓯᒪᔪᒥᒃ, ᐅᓪᓗᕆᐊᓄᓪᓗ ᑐᒃᓯᐊᕐᐸᒃᑭᓪᓗᑎᒃ ᒪᓕᒐᖃᕐᓗᑎᒡᓗ ᒎᑎᓐᖑᐊᒥᒃ ᐰᓕᒥᒃ.

ᒨᓯᓯ ᐂᑉᐸᖏᑦ 32:4

ᐂᕉᓂᐅᓪᓗ ᓯᐅᑎᒥᐅᑍᑦ ᐱᒐᒥᒋᑦ ᐊᐅᒃᑎᑉᐰᑦ, ᑯᕕᓪᓗᒋᓪᓗ ᐋᖅᑭᒃᓯᕕᖕᒧᑦ, ᓄᕐᕋᓐᖑᐊᒥᒡᓗ ᓴᓇᕗᖅ. ᐃᓄᐃᓪᓗ ᐅᖃᕐᐳᖅ, “ᐃᓴᕆᐊᓕ, ᐅᓇ ᑕᕝᕙ ᒎᑎᕗᑦ, ᐄᑦᔨᑉᑎᒥᑦ ᐊᐅᓪᓚᕈᑦᔨᓚᐅᕐᑐᖅ ᐅᕙᑦᑎᓐᓂᒃ!”

ᐃᓯᑭᐊᓕᐅᑉ ᐊᒡᓚᖏᑦ 20:7

ᐅᖃᐅᑎᓚᐅᕐᐸᒃᑲᓗ, ᑕᑯᒥᒋᔭᓯ ᓇᕐᕈᓇᕐᑐᑦ ᐃᒋᓚᐅᕐᓯᐅᒃ, ᐊᑕᖏᕐᓗᓯ ᐃᓕᑦᓯᓐᓂᒃ ᐃᑦᔪᕐᓇᕐᑎᑐᓐᓃᕆᑦᓯ ᐄᑦᔨᑉᑎᒥᐅᑦ ᒎᑎᓐᖑᐊᖏᓐᓄᑦ; ᐅᕙᖓᐅᒐᒪ ᐊᑕᓂᖅ ᒎᑎᓯ.

ᐃᓯᑭᐊᓕᐅᑉ ᐊᒡᓚᖏᑦ 23:19

ᐊᖑᓐᓂᐊᕐᐸᓪᓕᐊᑐᐃᓐᓇᓚᐅᕐᐳᕐᓕ, ᓂᕕᐊᕐᓵᖑᓪᓗᓂ ᐊᖑᓐᓂᐊᕐᑎᐅᓚᐅᕐᓂᓂ ᐃᖅᑲᐅᒪᓪᓗᒍ, ᐄᑦᔨᑉᑎᒥ ᐊᖑᓐᓂᐊᕐᑎᐅᓂᕆᓚᐅᕐᑕᓂ.

ᐃᓯᑭᐊᓕᐅᑉ ᐊᒡᓚᖏᑦ 23:21

ᓄᓕᐊᕐᓂᕐᒧᑦ ᐃᓕᒎᕐᓂᕆᓚᐅᕐᑍᑦ ᓂᕕᐊᕐᓵᖑᓪᓗᑎᑦ ᓱᓕ ᑲᑦᔮᕆᕙᒃᐸᑦ, ᐄᑦᔨᑉᑎᒥᐅᓄᑦ ᓈᓕᕆᔭᐅᕙᒃᑎᓪᓗᑎᑦ ᐃᕕᐊᖐᒃᑭᒡᓗ ᓇᕿᑕᐅᕙᒃᑎᓪᓗᒋᒃ.”

ᐃᓯᑭᐊᓕᐅᑉ ᐊᒡᓚᖏᑦ 23:3

ᑖᒃᑯᐊᒃ ᐊᖑᓐᓂᐊᕐᑎᐅᓚᐅᕐᐴᒃ ᐄᑦᔨᑉᑎᒥ; ᐃᓅᓱᒃᑑᓂᕐᒥᖕᓂᑦ ᐊᖑᓐᓂᐊᕐᑎᐅᓕᓚᐅᕐᐴᒃ; ᑕᕝᕙᓂᓗ ᐃᕕᐊᖏᖏᒃ ᐊᒃᑐᐊᔭᐅᓚᐅᕐᐴᒃ ᐱᖃᑎᖃᓚᐅᕐᓯᒪᖏᑦᑑᒡᓗ ᓈᖏᒃ ᐊᒃᑐᐊᔭᐅᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 23:34

ᐃᒥᕈᒫᕐᐸᑦ ᐃᒤᑦᓯᐊᕐᓗᒍ, ᐃᒥᐅᑎᖓᓗ ᓯᖁᒥᓪᓗᒍ ᓯᖁᒻᒪᖏᓐᓄᑦ ᐃᕕᐊᖐᒃᑭᒃ ᑭᓪᓕᐊᔪᒫᕐᐹᒃᑭᒃ; ᑕᒪᑐᒥᖓ ᐅᖃᕐᓯᒪᕗᖓ, ᐅᖃᕐᐳᖅ ᐊᑕᓂᖅ ᒎᑎ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:8

ᑎᒥᖏᒡᓗ ᐃᒡᓗᒐᓮᑦ ᐊᖏᔪᕐᔪᐊᑦ ᐊᖅᑯᑎᖏᓐᓂ ᑍᒤᓕᖓᑐᐃᓐᓇᕈᒫᕐᐴᒃ ᐊᑕᓂᖓᒃᑕ ᓴᓐᓂᖓᔪᓕᖕᒧᑦ ᑭᑭᐊᒃᑐᕐᑕᐅᕕᒋᓚᐅᕐᑕᖓᓂ, ᐃᒡᓗᒐᓴᒡᔪᐊᒡᓗ ᒪᕐᕉᒃ ᓇᓗᓁᒃᑯᑕᖃᕐᑎᑕᐅᕘᒃ ᓱᑑᒪᒥᒃ ᐄᑦᔨᑉᑎᒥᒡᓗ ᑍᔭᐅᓪᓗᑎᒃ.