6 ᑖᒃᑯᐊ ᐅᓇᑕᕐᑎᐅᕗᑦ ᐊᐅᐸᓪᓚᕆᒃᑐᓂᒃ ᐊᓐᓄᕌᖃᕐᓗᑎᒃ, ᓄᓇᓕᖕᓂ ᐊᖓᔪᖅᑳᖑᕗᑦ ᐅᓇᑕᕐᑎᓄᓪᓗ ᐊᖓᔪᖅᑳᖑᓪᓗᑎᒃ, ᑕᒪᕐᒥᒃ ᐊᖑᑎᑦᓯᐊᕙᐅᕗᑦ ᐃᓅᓱᒃᑑᓪᓗᑎᒃ, ᕿᒻᒥᕐᔪᐊᒃᑰᕐᑎᐅᕗᑦ ᕿᒻᒥᔪᐊᓂ ᐃᑭᒪᓪᓗᑎᒃ.
ᑖᑦᓱᒪ ᐊᓯᕆᐊᒥᐅᑦ ᐃᒃᓯᒋᓚᐅᕆᕔᑦ, ᐊᐅᓚᑦᓯᔨᖏᑦ ᐅᓇᑕᕐᑎᖏᑕᓗ ᐊᖓᔪᖅᑳᖏᑦ, ᐅᓇᑕᕐᑎᖁᑎᖏᓪᓗ ᐅᓇᑕᐅᑎᓂᒃ ᐊᓐᓄᕌᓯᒪᔪᑦ, ᕿᒻᒥᕐᔪᐊᕐᑎᖏᓪᓗ, ᐃᓂᖁᓇᕐᑑᓚᐅᕐᒪᑕ ᐃᓅᓱᒃᑑᓪᓗᑎᒃ.
ᑕᑯᓚᐅᕐᐸᕋᓗ ᓇᕐᕈᓇᕐᓯᑎᑕᐅᓯᒪᔪᖅ; ᑖᒃᑯᐊᒃ ᐊᖓᔪᒌᒃ ᐊᑦᔨᒌᒥᒃ ᐱᓂᐊᕐᓂᖃᓚᐅᕐᒪᑎᒃ.
ᐹᐱᓘᓂᒥᐅᑦ ᑲᐅᓪᑎᐊᒥᐅᓕᒫᓪᓗ, ᐱᑳᑦᒥᐅᑦ ᓱᐊᒥᐅᑦ ᑯᐊᒥᐅᓪᓗ, ᐊᓯᕆᐊᒥᐅᓕᒫᓪᓗ ᐱᖃᑕᐅᓗᑎᒃ ᑎᑭᑎᑦᓱᒫᕐᐸᒃᑲ, ᐃᓅᓱᒃᑐᑦ ᐊᖑᑎᑦᓯᐊᕔᑦ ᐃᒃᓕᒋᖃᑦᑕᓚᐅᕐᑕᑎᑦ, ᐊᐅᓚᑦᓯᔩᑦ ᐅᓇᑕᕐᑏᓪᓗ ᐊᖓᔪᖅᑳᓕᒫᖏᑦ, ᐅᓇᑕᕐᑏᓪᓗ ᐱᓯᑎᐅᓂᕐᐹᖏᑦ, ᕿᒥᕐᔪᐊᕐᑎᖏᓪᓗ.