ᐃᓯᑭᐊᓕᐅᑉ ᐊᒡᓚᖏᑦ 23:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐅᕼᐅᓚ ᓄᓕᐊᕆᓕᕋᓗᐊᕋᒃᑯ ᑲᔪᓯᑐᐃᓐᓇᓚᐅᕐᐳᖅ ᐊᖑᓐᓂᐊᕐᑎᐅᓂᕐᒥᓂᒃ; ᐃᒃᓯᒍᕐᓂᖃᓗᐊᕋᒥ ᐅᖓᒋᔭᒥᓂᒃ ᐊᓯᕆᐊᒥᐅᓂᒃ,

ᐃᓯᑭᐊᓕᐅᑉ ᐊᒡᓚᖏᑦ 23:5 Iomraidhean Croise

ᐊᑕᓃᑦ ᓯᕗᓪᓖᑦ 14:16

ᐊᑕᓂᐅᑉ ᐃᓴᕆᐊᓕᒥᐅᑉ ᕿᒪᒍᒫᕐᐰᑦ ᔨᕈᐳᐊᒻ ᐊᔪᕐᑐᓕᓚᐅᕐᓂᖓᓄᑦ, ᐃᓴᕆᐊᓕᒥᐅᓂᒡᓗ ᐊᔪᕐᑐᓕᑎᑦᓯᓚᐅᕐᓂᖓᓄᑦ.”

ᐊᑕᓃᑦ ᓯᕗᓪᓖᑦ 14:9

ᐃᕝᕕᓪᓕ ᐱᐅᖏᓐᓂᕐᐹᓂᒃ ᓯᕗᓕᕆᓚᐅᕐᑕᓕᒫᕐᓂᑦ ᐱᓇᓱᐊᕐᐳᑎᑦ ᒎᑎᓐᖑᐊᓕᐅᓚᐅᕋᕕᑦ ᐃᓄᓐᖑᐊᓕᐅᕐᓗᑎᓪᓗ ᓂᓐᖓᒃᓮᓪᓗᑎᑦ ᐅᕙᓐᓂᒃ, ᕿᒤᓪᓗᑎᓪᓗ ᐅᕙᓐᓂᒃ.

ᐊᑕᓃᑦ ᓯᕗᓪᓖᑦ 15:26

ᐊᔪᕐᑐᓕᓚᐅᕐᐳᖅ ᐊᑕᓂᐅᑉ ᓵᖓᓂ, ᐃᓅᓯᖃᕐᓗᓂᓗ ᐊᑖᑕᖓᑕ ᐃᓅᓚᐅᕐᓂᖓᑐᑦ, ᐊᔪᕐᑐᓕᓂᕐᒥᓄᓪᓗ ᐃᓴᕆᐊᓕᒥᐅᑦ ᐊᔪᕐᑐᓕᑎᓚᐅᕐᐰᑦ.

ᐊᑕᓃᑦ ᓯᕗᓪᓖᑦ 15:30

ᔨᕈᐳᐊᒻ ᐊᔪᕐᑐᓕᓂᕐᒥᓄᑦ ᐊᔪᕐᑐᓕᑎᑦᓯᓚᐅᕐᐳᖅ ᐃᓴᕆᐊᓕᒥᐅᓂᒃ, ᓂᖓᒃᓮᓂᕐᒥᓄᑦ ᓂᓐᖓᒃᑎᑦᓯᓚᐅᕐᐳᖅ ᐊᑕᓂᕐᒥᒃ ᐃᓴᕆᐊᓕᒥᐅᑦ ᒎᑎᖓᓐᓂᒃ.

ᐊᑕᓃᑦ ᓯᕗᓪᓖᑦ 21:26

ᓇᕐᕈᓇᕐᑐᒻᒪᕆᐊᓗᖕᒥᒃ ᐱᓇᓱᐊᓚᐅᕐᒪᑦ ᒎᑎᓐᖑᐊᓂᒃ ᒪᓕᒃᓴᕐᓗᓂ, ᐊᒧᕅᑎᑦ ᐱᓂᐊᕐᓂᕆᓚᐅᕐᑕᖏᑎᑐᑦ, ᐊᑕᓂᐅᑉ ᐃᓇᖏᕐᑕᐅᑎᓚᐅᕐᑕᖏᓐᓄᑦ ᐃᓴᕆᐊᓕᒥᐅᓄᑦ.)

ᐊᑕᓃᑦ ᐂᑉᐸᖏᑦ 15:19

ᐴᓪ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐃᓴᕆᐊᓕᒥᐅᑦ ᓄᓇᖁᑎᖓᓄᐊᓚᐅᕐᐳᖅ ᓵᓚᖃᕈᓐᓇᕐᓂᖓᓗ ᓯᕘᕋᒋᔭᐅᓚᐅᕐᐳᑦ; ᐊᖓᔪᖅᑳᕐᔪᐊᑉ ᒥᓇᕼᐃᒻ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐴᓪ 76,000ᐸᐅᓂᒃ ᓯᐅᓪᕕᕆᓂᒃ ᑐᓂᓯᕕᒋᕚ, ᐱᔪᓐᓇᕐᓂᖃᕐᑎᑕᐅᓂᕆᔭᓂ ᓄᓇᖁᑎᒥᓄᑦ ᐃᑲᔪᕐᑐᕐᑕᐅᖁᓪᓗᒍ.

ᐊᑕᓃᑦ ᐂᑉᐸᖏᑦ 16:7

ᐂᕼᐊᔅ ᐅᖃᕆᐊᕐᑐᕐᑎᕐᓯᕗᖅ ᑎᒡᓚᑦ-ᐰᓕᓴᒧᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᒫᒃ ᐅᖃᐅᑦᔭᐅᖁᓪᓗᒍ: “ᑭᒡᒐᕆᒐᕕᖓ ᐃᕐᓂᕆᔭᐅᔪᑐᑦ ᐃᓕᖕᓄᑦ ᑍᒤᓐᓇᒪ, ᕾᓗᑎᑦ ᓴᐳᑎᔭᕐᑐᓚᐅᓐᖓ ᓯᕆᐊᒥᐅᑦ ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖏᖕᓂᑦ ᐅᕙᓐᓂᒃ ᑖᒃᑯᐊᒃ ᑲᑐᑦᔨᓪᓗᑎᒃ ᐅᓇᑕᕆᐊᕐᓯᒪᖕᒪᑎᒃ.”

ᐊᑕᓃᑦ ᐂᑉᐸᖏᑦ 17:3

ᓵᓪᒪᓃᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐅᓇᑕᓕᓚᐅᕐᐳᖅ ᑖᑦᓱᒧᖓ; ᐊᖓᔪᖅᑳᕐᔪᐊᖅ ᕼᐆᓯᐊ ᓵᓚᐅᒐᒥ, ᐊᑭᓕᕐᓱᐃᖃᑦᑕᕆᐊᖃᓕᓚᐅᕐᐳᖅ ᐊᕐᕌᒍᑕᒫᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 50:38

ᐃᒪᖁᑎᓕᒫᖏᑦ ᓴᓗᐊᕈᒫᕐᐳᑦ, ᒎᑎᓐᖑᐊᖃᕐᕕᑐᐃᓐᓇᐅᖕᒪᑦ, ᐃᓄᖏᑦ ᑐᑮᕈᑎᔪᒫᕐᐳᑦ ᑲᑉᐱᐊᓱᖕᓂᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 16:28

“ᐊᓯᕆᐊᒥᐅᑦ ᓄᓕᐊᕐᓂᒃᑯᑦ ᐊᔪᕐᑐᓕᖃᑎᒋᓚᐅᕐᐸᓯ, ᓈᒻᒪᒃᓯᔪᓐᓇᖏᓐᓇᑦᓯ; ᓱᓕᓕ ᓈᒻᒪᒃᓯᑦᔪᑎᒋᖏᓐᓂᕙᓯ.

ᐃᓯᑭᐊᓕᐅᑉ ᐊᒡᓚᖏᑦ 16:37

ᑍᒤᒻᒪᑦ ᑕᑯᒋᑦ, ᑍᒤᑦᑐᒥᒃ ᐃᓕᖅᑯᓯᖃᕐᓂᑦᓯᓐᓄᑦ ᐅᖓᒋᔭᕐᑖᕆᖃᑦᑕᕐᑕᓯ ᑲᑎᕐᓱᕈᒫᕐᐸᒃᑲ, ᐊᓕᐊᓁᒋᖃᑦᑕᕐᓯᒪᔭᓯ, ᐱᐅᒋᖃᑦᑕᕐᓯᒪᔭᓯ ᓇᕐᕈᒋᖃᑦᑕᕐᓯᒪᔭᓯᓗ; ᑲᑎᕐᓱᕈᒫᕐᐸᒃᑲ ᐃᓕᑦᓯᓐᓂᒃ ᐊᑭᕋᕐᑐᓕᖁᓪᓗᒋᑦ ᐊᕙᑎᓕᒫᑦᓯᓐᓂᑦ ᐃᓗᒪᔭᐅᓕᕐᓗᓯ, ᑖᒃᑯᓇᓐᖓᓪᓗ ᐊᓐᓄᕅᔭᕐᑕᐅᔪᒫᕐᐳᓯ ᓱᓇᑕᖃᕈᓐᓃᕐᓗᓯ, ᑕᑯᔭᐅᖁᓪᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 23:12

ᑖᑦᓱᒪ ᐊᓯᕆᐊᒥᐅᑦ ᐃᒃᓯᒋᓚᐅᕆᕔᑦ, ᐊᐅᓚᑦᓯᔨᖏᑦ ᐅᓇᑕᕐᑎᖏᑕᓗ ᐊᖓᔪᖅᑳᖏᑦ, ᐅᓇᑕᕐᑎᖁᑎᖏᓪᓗ ᐅᓇᑕᐅᑎᓂᒃ ᐊᓐᓄᕌᓯᒪᔪᑦ, ᕿᒻᒥᕐᔪᐊᕐᑎᖏᓪᓗ, ᐃᓂᖁᓇᕐᑑᓚᐅᕐᒪᑕ ᐃᓅᓱᒃᑑᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 23:16

ᑕᑯᑐᐊᕋᒥᒋᑦ ᐃᒃᓯᒎᓕᓚᐅᕐᐰᑦ, ᑲᐅᓪᑎᐊᒥᐅᓄᓪᓗ ᐅᖃᕆᐊᕐᑐᕐᑎᑦᓯᓕᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 23:20

ᐃᒃᓯᒎᕐᓂᖃᓕᓚᐅᕐᐳᖅ ᐊᖑᑎᓂᒃ ᐂᑉᐸᓕᖕᓂᒃ, ᓯᐅᑎᖅᑯᕐᑐᔪᑎᑐᑦ ᐅᓱᓕᖕᓂᒃ, ᕿᒻᒥᕐᔪᐊᑎᑐᓪᓗ ᖃᐸᓕᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 23:4

ᐊᖓᔪᒃᓯᖅ ᐊᑎᖃᕐᐳᖅ ᐅᕼᐅᓚᒥᒃ, ᓄᑲᕐᓕᕐᓗ ᐊᑎᖃᕐᓗᓂ ᐅᕼᐅᓕᐸᒥᒃ, ᑕᒪᖏᒃ ᓄᓕᐊᕐᑖᕆᓚᐅᕐᐹᒃᑲᒃ, ᐸᓂᒃᑖᕐᕕᒋᓪᓗᒋᒃ ᐃᕐᓂᕐᑖᕐᕕᒋᓪᓗᒋᒡᓗ. ᐊᑎᖏᒃ ᐃᒤᓕᖓᕘᒃ, ᓴᒥᐊᕆᐊ ᐅᕼᐅᓚᐅᕗᖅ, ᔨᕉᓴᓕᒻᓗ ᐅᕼᐅᓕᐸᐅᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 23:7

ᐃᒻᒥᓂᒃ ᐂᑦᑑᑎᒋᕗᖅ ᑖᒃᑯᓄᖓ ᐊᖑᓐᓂᐊᕐᓂᒃᑯᑦ, ᐊᓯᕆᐊᒥᐅᑦ ᐊᖑᑎᑦᓯᐊᖁᑎᖏᑕ ᐱᔪᒥᓇᕐᓂᕐᐹᓕᒫᖏᓐᓄᑦ; ᐃᒻᒥᓂᒡᓗ ᓇᕐᕈᓇᕐᓯᑎᓯᒪᕗᖅ ᐃᒃᓯᒎᕐᓂᒃᑯᑦ ᐱᓇᓱᐊᖃᑎᒋᖃᑦᑕᕐᑕᓕᒫᖏᑕ ᒎᑎᓐᖑᐊᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 23:9

ᑍᒤᒻᒪᑦ ᐅᖓᒋᓕᕐᑕᖏᓐᓄᑦ ᑐᓂᑦᔪᑎᒋᓚᐅᕐᐸᕋ, ᐊᓯᕆᐊᒥᐅᑦ ᐱᔪᓐᓇᕐᓂᖏᓐᓄᑦ, ᐃᒃᓯᒎᕐᓂᕐᒥᓄᑦ ᑍᒤᑦᑐᒪᖕᒪᑦ.

ᕼᐆᓯᐊᑉ ᐊᒡᓚᖏᑦ 10:6

ᒎᑎᓐᖑᐊᖅ ᐊᐅᓪᓚᕈᑦᔭᐅᔪᒫᕐᐳᖅ ᐊᓯᕆᐊᒧᑦ, ᐂᑦᑑᑎᒋᔭᐅᔪᑎᑐᑦ ᐊᖓᔪᖅᑳᕐᔪᐊᒧᑦ ᐊᔪᖏᑦᑐᕐᔪᐊᕐᒧᑦ. ᐃᕗᕅᒥᓕ ᑲᓐᖑᓱᒃᑎᑕᐅᔪᒫᕐᐳᖅ, ᐃᓴᕆᐊᓕᓗ ᑲᓐᖑᓱᒃᑎᑕᐅᔪᒫᕆᕗᖅ ᒎᑎᓐᖑᐊᒥᓄᑦ.

ᕼᐆᓯᐊᑉ ᐊᒡᓚᖏᑦ 12:1

“ᐃᕗᕅᒥ ᐊᓄᕆᒥᑦ ᓂᕆᕗᖅ, ᒪᓕᒃᐳᕐᓗ ᐊᓄᕆᒥᒃ ᐅᓪᓗᓕᒫᖅ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᒃ; ᓴᒡᓗᖃᑦᑕᓕᕐᐸᓪᓕᐊᑐᐃᓐᓇᕐᐳᑦ ᐱᕋᔭᖃᑦᑕᓕᕐᐸᓪᓕᐊᓪᓗᑎᒡᓗ; ᐊᖏᖃᑎᖃᕐᓯᒪᕗᓪᓗ ᐊᓯᕆᐊᒥᐅᓂᒃ, ᐅᕐᓱᐃᓪᓗ ᐂᑦᑑᑕᐅᕗᑦ ᐄᑦᔨᑉᑎᒧᑦ.”

ᕼᐆᓯᐊᑉ ᐊᒡᓚᖏᑦ 5:13

“ᐃᕗᕅᒥ ᐃᒻᒥᓂᒃ ᑕᑯᒐᒥ ᖃᓄᖅ ᖃᓂᒪᑎᒋᓂᕐᒥᓂᒃ, ᔫᑕᐅᓪᓗ ᐃᑭᖏᑦ ᑕᑯᒐᒥᒋᑦ, ᑕᕝᕙ ᐃᕗᕅᒥ ᐂᓚᐅᕐᐳᖅ ᐊᓯᕆᐊᑉ ᐊᖓᔪᖅᑳᕐᔪᐊᖓᓄᑦ ᐃᑲᔪᕆᐊᕐᑕᐅᔪᒪᓪᓗᓂ, ᐃᑲᔪᕈᓐᓇᓚᐅᓐᖏᓚᕐᓕ ᐅᕝᕙᓗ ᐋᖅᑮᔪᓐᓇᓚᐅᓐᖏᓚᖅ ᐃᑭᖏᓐᓂᒃ.