ᐃᓯᑭᐊᓕᐅᑉ ᐊᒡᓚᖏᑦ 22:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐸᓯᔭᒃᓴᐅᓕᕐᐳᓯ ᐃᓄᐊᖃᑦᑕᕐᓂᑦᓯᓐᓄᑦ, ᓇᕐᕈᓇᕐᓯᓪᓗᓯᓗ ᒎᑎᓐᖑᐊᑦᓯᓐᓄᑦ; ᐅᓪᓗᒃᓴᓯ ᓇᓪᓕᐅᑎᓂᒃᓴᖓ ᖃᒡᓕᒋᐊᕐᑎᑉᐸᓯ, ᐱᕕᒃᓴᑦᓯᓐᓄᑦ ᓈᒻᒪᒃᓯᑦᔪᑦᔭᐅᕗᓯ. ᑍᒤᒻᒪᑦ ᐃᓅᖃᑎᒌᒡᔪᐊᓄᑦ ᓇᕐᕈᒋᔭᐅᓕᕐᑎᑉᐸᑦᓯ, ᓄᓇᓕᒡᔪᐊᓕᒫᓄᓪᓗ ᒥᑕᐅᑎᒃᓴᐅᓕᕐᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 22:4 Iomraidhean Croise

ᐊᑕᓃᑦ ᓯᕗᓪᓖᑦ 9:7

ᑍᒤᑐᐊᕈᕕᑦ ᐃᓄᖁᑎᒃᑲ ᐃᓴᕆᐊᓕᑎᑦ ᐲᕐᑎᓐᓂᐊᕐᐸᒃᑲ ᓄᓇᒥᑦ ᑖᒃᑯᓄᖓ ᑐᓂᑦᔪᑎᒋᓚᐅᕐᑕᓐᓂᑦ; ᑐᒃᓯᐊᕐᕕᒡᔪᐊᕐᓗ ᕿᒪᒡᓗᒍ ᐃᑦᔪᕐᓁᑎᓚᐅᕐᑕᕋ ᐃᓂᒋᓂᐊᕐᓂᕋᓚᐅᕐᑕᕋᓗ ᑕᑯᓐᓇᕈᒪᔪᓐᓃᕐᓗᒍᓗ; ᐃᓄᐃᓪᓗ ᐊᖅᑯᓵᕐᑐᑦ ᓇᑭᓕᒫᖅ ᐃᓴᕆᐊᓕᒃᑯᓐᓂᒃ ᓇᕐᕈᓇᕐᓂᕅᔪᒫᕐᐳᑦ, ᖁᔭᓈᕐᑕᐅᓯᒪᓂᕋᓕᕐᓗᒍᓗ.

ᐊᑕᓃᑦ ᐂᑉᐸᖏᑦ 21:16

ᒫᓇᓯᐅᓪᓗ ᐸᓯᔭᒃᓴᐅᓂᖃᖏᑦᑐᓂᒃ ᐃᓄᐊᕐᓯᒪᔭᖏᑕ ᐅᓄᕐᓂᑯᖏᓐᓄᑦ, ᔨᕉᓴᓕᐅᑉ ᐃᓱᐊᓂᑦ ᐃᓱᐊᓄᑦ ᓈᔨᓯᒪᓚᐅᕐᐳᑦ, ᐊᔪᕐᑐᓕᑎᑦᓯᓯᒪᓂᖓ ᔫᑕᒥᐅᓂᒃ ᐱᒐᓗᐊᕐᒥᑎᓪᓗᒍ, ᐊᑕᓂᐅᑉ ᓵᖓᓂ ᓈᒻᒪᖏᑦᑐᓂᒃ ᐱᓂᐊᓚᐅᕐᒪᑕ.

ᑯᕉᓂᑲ ᐂᑉᐸᖏᑦ 7:20

ᑕᕝᕙ ᓄᓱᒍᒫᕐᐸᒋᑦ ᓄᓇᒥᑦ ᑐᓂᓚᐅᕐᑕᓐᓂᑦ ᐃᓕᖕᓄᑦ; ᐃᒡᓗᒥᓪᓗ ᑕᕝᕙᓐᖓᑦ ᐃᑦᔪᕐᓁᑎᓚᐅᕐᑕᓐᓂᑦ ᐊᑎᓐᓂ, ᕿᒪᒍᒫᕐᐸᕋ ᓵᓐᖓᔪᓐᓃᕐᓗᒍ, ᐅᖃᐅᓯᐅᖃᑦᑕᓕᕈᒫᕐᐳᕐᓗ ᐅᖃᕐᓂᕐᓘᑕᐅᓗᓂ ᐃᓄᓕᒫᓄᑦ ᐊᖅᑯᓵᕐᑐᓄᑦ.

ᐃᓐᖏᕈᑎᑦ 79:4

ᐃᓅᖃᑎᑦᑎᓐᓄᑦ ᐅᐱᓐᓇᕈᓐᓃᕐᐳᒍᑦ; ᐃᔪᕿᑕᐅᑎᒋᔭᐅᓪᓗᑕ ᒥᑕᐅᑎᒋᔭᐅᓕᕐᐳᒍᑦ ᖃᓂᒋᔭᑦᑎᓐᓃᑦᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 18:16

ᓄᓇᖓ ᐊᑐᕐᑐᒃᓴᐅᔪᓐᓃᕐᓂᐊᕐᐳᖅ, ᓄᓇᒋᔭᐅᔭᕆᐊᒃᓴᖅ ᓇᕐᕈᒋᔭᐅᓕᕐᓗᓂ. ᐊᖅᑯᓵᕐᑐᓕᒫᑦ ᑲᒪᓂᐊᖃᑦᑕᕈᒫᕐᐳᑦ ᐃᓕᕿᑕᒫᕐᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 24:9

ᐃᓅᖃᑎᒋᔪᒥᓇᕈᓐᓃᕐᑎᑦᓱᒪᕙᒃᑲ ᐱᐅᒋᔭᐅᖏᑦᑑᑎᓪᓗᒋᓪᓗ ᐊᖓᔪᖅᑳᕐᔪᐊᖃᕐᕕᐅᔪᓕᒫᓄᑦ ᓄᓇᒥ, ᐱᐅᖏᑦᑐᒥᒃ ᐅᖃᐅᓯᐅᒐᔪᒃᑎᓪᓗᒋᑦ ᐊᑭᕋᕐᑐᕐᑕᐅᒐᔪᒃᑎᓪᓗᒋᓪᓗ ᓇᓂᑐᐃᓐᓇᖅ ᓄᓇᖃᓕᕌᖓᑕ.

ᔨᕆᒤᐊᐅᑉ ᐊᒡᓚᖏᑦ 44:8

ᓱᖕᒪᑦ ᓂᓐᖓᒃᑎᓐᓇᓱᐊᕐᐱᓯᓐᖔ ᑐᒃᓯᐊᕐᕕᖃᕐᓂᑦᓯᓐᓄᑦ ᒎᑎᓐᖑᐊᓄᑦ ᑐᓂᕐᕈᓯᕐᕕᒋᓪᓗᒋᓪᓗ ᐄᑦᔨᑉᑎᒥ ᒎᑎᒋᔭᐅᔪᑦ? ᑍᒤᓕᐅᕋᓱᐊᕐᐱᓰ? ᓄᖑᑦᓯᐊᒻᒪᕆᒍᒪᓪᓗᓯ, ᓄᓇᒥ ᐃᓅᖃᑎᒌᒡᔪᐊᖑᔪᓄᑦ ᒥᑕᐅᑎᒋᔭᒃᓴᓐᖑᕈᒪᓪᓗᓯ ᐅᖃᕐᓂᕐᓘᑎᒃᓴᐅᔪᒪᓪᓗᓯᓘ?

ᐃᓯᑭᐊᓕᐅᑉ ᐊᒡᓚᖏᑦ 16:57

ᐱᐅᖏᑦᑐᓕᓂᓯ ᓴᖅᑭᑎᑕᐅᓚᐅᖅᑳᕐᑎᓐᓇᒋᑦ, ᑖᓐᓇ ᐊᑦᔨᒋᓕᕐᐸᓯ ᒥᑕᐅᑎᒋᔭᒃᓴᑐᐃᓐᓇᐅᓕᕐᐳᓯ ᐄᑐᒥᐅᑉ ᐸᓂᖏᓐᓄᑦ ᐃᓅᖃᑎᓕᒫᖏᓐᓄᓪᓗ, ᐱᓕᔅᑍᓂᒥᐅᓪᓗ ᐸᓂᖏᓐᓄᑦ ᖃᓂᒋᔭᖏᓐᓃᑦᑐᓄᓪᓗ ᐃᓕᑦᓯᓐᓂᒃ ᓇᕐᕈᔪᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 21:28

“ᐃᓅᑉ ᐃᕐᓂᖓ, ᐱᔪᒫᕐᑐᒃᓴᓂᒃ ᐅᖃᐅᓯᖃᓕᕆᑦ, ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᐊᒧᓁᑎᒥᐅᓄᑦ, ᐃᓴᕆᐊᓕᒥᐅᓂᒃ ᐊᑭᕋᕐᑐᕐᓂᖏᓐᓄᑦ; ᑖᒃᑯᐊ ᐅᖃᐅᑎᒃᑭᑦ ᓴᕕᒡᔪᐊᖅ, ᓴᕕᒡᔪᐊᖅ ᐊᒧᔭᐅᕗᖅ ᑐᖁᕅᑦᔪᑕᐅᓂᐊᕐᑐᖅ, ᕿᓪᓕᕐᓴᕐᑕᐅᕗᖅ ᑐᖁᕅᑦᔪᑕᐅᖁᓪᓗᒍ ᕿᓪᓛᒡᒋᕐᑕᕐᐳᕐᓗ ᖃᐅᒻᒫᓪᓚᖃᑦᑕᕐᑐᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 22:2

“ᐃᓅᑉ ᐃᕐᓂᖓ, ᐃᖅᑲᕐᑐᐃᔪᒪᓕᕐᐲᑦ ᐃᒡᓗᒐᓴᒡᔪᐊᕐᒥᐅᓂᒃ ᐃᓄᐊᕐᑎᓂᒃ? ᐊᑏ ᑐᑭᓯᑎᑦᓯᐊᓕᒃᑭᑦ ᒎᑎᒧᑦ ᓇᕐᕈᒋᔭᐅᔪᓂᒃ ᐱᓇᓱᐊᕐᓯᒪᔭᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 23:32

ᐃᒫᒃ ᐊᑕᓂᖅ ᒎᑎ ᐅᖃᕐᐳᖅ: ᐊᖓᔪᕕᑦ ᐃᒥᐅᑎᖓᓂᑦ ᐃᒥᕈᒫᕐᐳᑎᑦ ᐃᓗᑐᓪᓗᓂ ᐊᖏᔫᖕᒪᑦ; ᐃᓄᖕᓄᑦ ᒥᑕᐅᑎᒋᔭᐅᓗᑎᑦ ᐃᔪᕿᑕᐅᑕᐅᔪᒫᕐᐳᑎᑦ, ᐃᒥᐅᑦ ᐃᒪᖅᑯᕐᑐᖕᒪᑦ;

ᐃᓯᑭᐊᓕᐅᑉ ᐊᒡᓚᖏᑦ 23:7

ᐃᒻᒥᓂᒃ ᐂᑦᑑᑎᒋᕗᖅ ᑖᒃᑯᓄᖓ ᐊᖑᓐᓂᐊᕐᓂᒃᑯᑦ, ᐊᓯᕆᐊᒥᐅᑦ ᐊᖑᑎᑦᓯᐊᖁᑎᖏᑕ ᐱᔪᒥᓇᕐᓂᕐᐹᓕᒫᖏᓐᓄᑦ; ᐃᒻᒥᓂᒡᓗ ᓇᕐᕈᓇᕐᓯᑎᓯᒪᕗᖅ ᐃᒃᓯᒎᕐᓂᒃᑯᑦ ᐱᓇᓱᐊᖃᑎᒋᖃᑦᑕᕐᑕᓕᒫᖏᑕ ᒎᑎᓐᖑᐊᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 24:7

ᐃᓄᐊᕐᑕᐅᖃᑦᑕᕐᑐᑦ ᐃᒡᓗᒐᓴᒡᔪᐊᓂ ᓱᓕ ᐊᐅᖏᑦ ᐃᒡᓗᒐᓴᖕᓃᑉᐳᑦ; ᐊᐅᓈᕐᑎᑕᐅᖃᑦᑕᕐᒪᑕ ᕾᕐᑐᒧᑦ; ᓄᓇᒧᑦ ᓴᐅᔭᐅᔪᓐᓇᕐᑐᒧᑦ ᐊᐅᓈᖃᑦᑕᖏᒻᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 24:8

ᓂᓐᖓᒃᑎᑕᐅᓂᒃᑯᑦ ᐊᑭᓂᐊᖁᓪᓗᖓ, ᑐᖁᑕᖏᑕ ᐊᐅᖏᑦ ᕾᕐᑐᒥ ᐊᐅᓈᕐᑎᑕᐅᑎᑉᐸᒃᑲ, ᓴᐅᔭᐅᔪᓐᓇᖁᓇᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 36:15

ᐃᓅᖃᑎᒌᒡᔪᐊᑦ ᒥᑕᐅᑎᒃᓴᕐᓂᖏᓐᓂᒃ ᑐᓵᑎᓐᓂᐊᕈᓐᓃᕐᐸᒋᑦ, ᐃᓄᐃᓪᓗ ᑲᓐᖑᓇᕐᑐᒦᑎᑕᐅᓂᖏᓐᓂᒃ ᑎᒍᒥᐊᕐᓂᐊᕈᓐᓃᕐᐳᑎᑦ ᐃᓅᖃᑎᒌᒡᔪᐊᓪᓗ ᕿᑐᕐᖎᔭᕐᐸᖕᓂᐊᕈᓐᓃᕐᐸᑎᑦ, ᐊᑕᓂᖅ ᒎᑎ ᐅᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 9:16

ᐊᑕᓃᖅ ᐱᓂᐊᕐᓂᑎᑦ ᐃᓱᐊᕐᑐᑦ ᑲᔪᓯᑎᓪᓗᒋᑦ, ᓂᓐᖓᐅᒪᓃᑦ ᔨᕉᓴᓕᒥᑦ ᓴᖑᑎᓚᐅᕈᒃ ᓂᓐᖓᐅᒪᕕᒃᔪᐊᕐᓃᑦ ᐃᒡᓗᒐᓴᒡᔪᐊᖁᑎᖕᓂᑦ, ᖃᖅᑲᒥᑦ ᐃᑦᔪᕐᓁᑦᑐᒥᑦ ᐊᔪᕐᑐᓕᓂᑦᑕ ᓯᕗᓕᑦᑕᓗ ᐱᐅᖏᑦᑐᓕᓂᖏᑕ, ᔨᕉᓴᓕᒻ ᐃᓄᖁᑎᑎᓪᓗ ᒥᑕᐅᑎᒋᔭᒃᓴᓐᖑᕐᑎᓯᒪᖕᒪᒋᑦ ᐃᓄᖕᓄᑦ ᐊᕙᑎᑦᑎᓐᓂ ᓄᓇᖃᕐᑐᓄᑦ.

ᒨᓯᓯ ᐱᖓᔪᖏᑦ 26:32

ᓄᓇᓯ ᐊᓯᕈᕐᓂᐊᕐᐸᕋ ᓱᓇᐅᔪᓐᓁᕐᑎᓪᓗᒍ, ᐊᑭᕋᓯ ᐊᒡᓛᑦ ᑕᑕᒥᓐᓂᐊᕐᐳᑦ ᓄᓇᑦᓯ ᐊᓯᕈᕐᓯᒪᓂᖓᓂᒃ.

ᒨᓯᓯ ᓯᑕᒪᖏᑦ 32:14

ᑕᑯᒋᑦ, ᓯᕗᓕᕕᓂᑦᓯᓐᓂᒃ ᒪᓕᓕᕐᑐᓯ, ᐃᓄᐃᑦ ᐊᔪᕐᑐᓕᔪᑦ, ᐊᖏᒡᓕᑎᑦᓯᒃᑲᓐᓂᕐᓗᓯ ᐊᑕᓂᐅᑉ ᓂᓐᖓᐅᒪᓂᖓᓂᒃ ᐃᓴᕆᐊᓕᒥᐅᓄᑦ.

ᒨᓯᓯ ᑕᓪᓕᒪᖏᑦ 28:37

ᓄᓇᓄᑦ ᓇᒧᑐᐃᓐᓇᖅ ᐊᑕᓂᐅᑉ ᓯᐊᒻᒪᕐᑎᑦᓱᒫᕐᐹᓯ, ᐃᓄᖏᓐᓂᓪᓗ ᖁᐊᕐᓵᕈᑕᐅᔪᒫᕐᐳᓯ ᓱᔪᐊᓘᓐᓂᕐᒪᖔᑦᓯ ᐃᓱᒪᒋᔭᐅᓗᓯ; ᑍᒎᓴᒐᐅᓕᕐᓗᓯ ᐅᖃᐅᓯᐅᒐᔪᓕᕐᓗᓯᓗ.

ᒨᓯᓯ ᑕᓪᓕᒪᖏᑦ 29:24

ᑕᕝᕙ ᐃᓅᖃᑎᒌᒡᔪᐊᓕᒫᑦ ᐊᐱᕐᓱᓕᕈᒫᕐᐳᑦ, ‘ᓱᖕᒪᓂᓐᓇ ᐊᑕᓂᖅ ᑖᑦᓱᒧᖓ ᓄᓇᒧᑦ ᑍᒤᓕᐅᕐᐹ? ᓱᓇᒥᒡᓗ ᐱᑦᔪᑎᖃᕐᓗᓂ ᓂᓐᖓᐅᒪᕕᒡᔪᐊᕐᐹ?’

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:16

ᐊᒡᓛᑦ ᔫᑎᐅᖏᑦᑐᓄᑦ ᐅᖃᓪᓚᖃᑦᑕᖁᔨᓇᑎᒃ ᓄᖅᑲᕐᑎᑦᓯᓇᓱᐊᓚᐅᕐᐳᑦ ᐅᕙᑦᑎᓐᓂᒃ, ᐅᖃᐅᓯᕐᓂᒃ ᐱᐅᓕᔭᐅᑦᔪᑎᒃᓴᖏᓐᓂᒃ; ᑍᒤᓕᐅᕐᓗᑎᒃ ᐊᔪᕐᑐᓕᒃᑲᓐᓂᓚᐅᕐᐳᑦ ᐊᖏᓂᕐᓴᒋᐊᓪᓚᖕᒥᒃ. ᒫᓐᓇᓗ ᒎᑎᐅᑉ ᓂᓐᖓᐅᓯᖓᑕ ᑎᑭᕝᕕᒋᓯᒪᓕᕐᐰᑦ!