ᐃᓯᑭᐊᓕᐅᑉ ᐊᒡᓚᖏᑦ 21:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᓴᕆᐊᓕᐅᑉ ᓄᓇᖓᓃᑦᑐᑦ ᐅᖃᐅᑎᒃᑭᑦ, ᐊᑕᓂᖅ ᐃᒫᒃ ᐅᖃᕐᐳᖅ: ᑕᑯᒋᑦ, ᓈᒻᒪᒃᓴᓐᖏᓚᖓ ᐃᓕᑦᓯᓐᓂᒃ, ᓴᕕᒡᔪᐊᕋ ᐊᒧᓗᒍ ᑐᖁᕅᔪᒫᓕᕐᐳᖓ ᐊᑦᔨᒌᒃᑎᓪᓗᒋᑦ ᐃᓱᐊᕐᑐᓕᔪᑦ ᐱᐅᖏᑦᑐᓕᔪᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 21:3 Iomraidhean Croise

ᔫᐱᐅᑉ ᐊᒡᓚᖏᑦ 9:22

ᑕᒪᓐᓇ ᐊᑕᐅᓯᐅᓕᖅᑲᖓᑐᐃᓐᓇᕐᐳᖅ; ᑍᒤᒻᒪᑦ ᐅᖃᕈᓐᓇᕐᐳᖓ, ᑖᑦᓱᒪ ᐊᓯᕈᕐᐰᑦ ᑕᒪᕐᒥᒃ ᐸᓯᔭᒃᓴᐅᖏᑦᑐᑦ ᐱᐅᖏᑦᑐᓕᔪᓪᓗ.

ᐃᓐᖏᕈᑎᑦ 17:13

ᐊᑕᓃᖅ, ᒪᑭᓕᕆᑦ, ᐅᐸᒃᑐᕐᓗᒋᓪᓗ, ᐅᕐᕈᑎᓕᒃᑭᑦ. ᐃᓅᓯᕋ ᓴᐳᑎᓚᐅᕈᒃ, ᓴᕕᒡᔪᐊᕐᓄᑦ, ᐱᐅᖏᑦᑐᓕᔪᓂᑦ.

ᐃᓐᖏᕈᑎᑦ 80:17

ᐊᒡᒐᒃᐱᑦ ᖁᓚᖏᐊᕐᓕᐅᒃ ᓂᕈᐊᕐᓯᒪᔧᑦ, ᐃᓅᑉ ᐃᕐᓂᖓ ᑖᓐᓇ ᓲᖑᓯᑎᓚᐅᕐᑍᑦ ᐱᓪᓗᑎᑦ.

ᐃᓐᖏᕈᑎᑦ 83:15

ᓂᓐᖓᐅᒪᓂᕐᓄᑦ ᒪᓕᓚᐅᒃᑭᑦ ᑲᑉᐱᐊᓱᒃᑎᓪᓗᒋᓪᓗ ᐅᓚᔪᔭᕐᔪᐊᖁᑎᖕᓄᑦ!

ᒨᓯᓯ ᐂᑉᐸᖏᑦ 15:9

ᐊᑭᕋᕐᑐᑏᑦ ᐅᖃᓚᐅᕐᐳᑦ, ‘ᐅᐸᓗᐃᓗᒋᑦ ᐊᖑᓂᐊᕐᐸᒃᑲ, ᐱᖁᑎᖏᓪᓗ ᐊᒡᒍᕐᓂᐊᕐᐸᒃᑲ, ᐱᔪᒪᔭᓕᒫᒃᑲᓗ ᐱᓗᒋᑦ. ᓴᕕᒡᔪᐊᕋᓗ ᐊᒧᓗᒍ, ᑐᖁᓐᓂᐊᕐᐸᒃᑲ.’

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:2

ᑕᒪᕐᒥᒡᓕ ᐊᑦᔨᒌᒃᑐᒥᒃ ᓯᕗᓂᒃᓴᖃᕐᐳᑦ ᐃᓱᐊᕐᑐᑦ ᐱᐅᖏᑦᑐᓕᔪᓪᓗ, ᐱᐅᔪᓪᓗ ᐱᐅᖏᑦᑐᓪᓗ, ᓴᓗᒪᔪᑦ ᓴᓗᒤᑦᑐᓪᓗ, ᑐᓂᕐᕈᑎᒃᓴᓂᒡᓗ ᑐᓂᓯᔪᑦ ᑐᓂᕐᕈᓯᖏᑦᑐᓪᓗ. ᑍᒤᒻᒪᑦ ᐃᓄᖕᒧᑦ ᐱᐅᔪᒧᑦ, ᑍᒤᒃᑭᕗᖅ ᓱᓕ ᐊᔪᕐᑐᓕᔪᒧᑦ; ᑍᒤᒃᑭᕗᖅ ᐊᖏᕈᑎᖃᕐᑐᓄᑦ ᐊᖏᕈᑎᖃᕆᐊᒃᓴᕐᓗ ᑲᑉᐱᐊᓱᒃᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 10:5

ᑲᑉᐱᐊᓐᓇᒦᒃ ᐊᓯᕆᐊ, ᓂᓐᖓᐅᓯᕐᒪ ᐊᓇᐅᓕᕈᑎᒋᔭᖓ, ᐊᔭᐅᑉᐱᐊᓐᓂᒡᓗ ᑎᒍᒥᐊᕐᑎᑕᕋ ᓂᓐᖓᐅᒪᕕᒋᔭᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 34:5

ᓴᕕᒡᔪᐊᕋ ᐃᒥᕈᐃᕐᓯᒪᓕᕐᒪᑦ ᕿᓚᖕᒥ; ᑕᕝᕙ ᐊᖅᑲᓕᕆᕗᖅ ᐄᑐᒥᒥᐅᓄᑦ, ᐃᓄᖏᓐᓄᑦ ᐊᓯᕈᒐᒃᓴᓄᑦ.

ᐂᓮᐊᓯᐅᑉ ᐊᒡᓚᖏᑦ 57:1

“ᓇᓛᒎᕐᑐᑦ ᑐᖁᔭᕌᖓᑕ, ᐃᓄᐃᑦ ᐆᒻᒪᑎᒥᒍᑦ ᐃᓱᒫᓘᑎᖃᓐᖏᓚᑦ; ᐱᓇᓱᐊᑦᓯᐊᕐᑐᑦ ᐃᓅᔪᓐᓃᕋᖓᑕ, ᐃᓱᒪᒋᔭᐅᓐᖏᓚᑦ ᑲᑉᐱᐊᓇᕐᑐᒥᑦ ᓴᐳᑎᔭᐅᖁᓪᓗᒋᑦ ᐱᔭᐅᓂᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 17:27

ᓈᓚᖏᒃᑯᑦᓯᓐᖓᓕ ᓴᐸᑎᓗ ᐃᑦᔪᕐᓁᑎᖏᒃᑯᑦᓯᐅᒃ, ᐊᒡᔭᕐᓯᑦᑍᓕᖏᒃᑯᑦᓯᓗ ᓴᐸᑎᐅᑎᓪᓗᒍ ᔨᕉᓴᓕᐅᑉ ᐃᑎᕐᑕᕐᕕᖏᑎᒍᑦ, ᑕᕝᕙ ᐃᑎᕐᑕᕐᕕᖏᑦ ᐃᑯᐊᓪᓚᒍᒫᕐᐸᒃᑲ, ᔨᕉᓴᓕᒻ ᐊᖓᔪᖅᑳᒃᑯᕕᖓ ᓄᖑᑕᐅᔪᒫᕐᐳᖅ ᖃᒥᑕᐅᔪᓐᓇᕈᒫᓐᖏᓚᕐᓗ.’”

ᔨᕆᒤᐊᐅᑉ ᐊᒡᓚᖏᑦ 21:13

ᑕᑯᒋᑦ, ᔨᕉᓴᓕᒥᐅᑕᐅᔪᓯ ᐊᑲᐅᒋᓐᖏᓚᑦᓯ, ᓇᕐᓴᒥᐅᑕᐅᔪᓯ, ᕾᕐᑑᓂᖓᓂ ᓄᓇᖃᕐᑐᓯ, ᐊᑕᓂᖅ ᐅᖃᕐᐳᖅ, ᐅᖃᕐᐳᓯ, ‘ᑭᒃᑯᑦ ᐅᕙᑦᑎᓐᓂᒃ ᐅᓇᑕᕋᓱᐊᕐᐹᑦ? ᑭᒃᑯᓪᓗ ᐱᔭᐅᑦᔧᕐᓯᒪᕕᑦᑎᓐᓄᑦ ᐃᑎᕈᓐᓇᕐᐹᑦ?’

ᔨᕆᒤᐊᐅᑉ ᐊᒡᓚᖏᑦ 21:14

ᓱᒋᐊᕐᓂᐊᕐᐸᑦᓯ ᐱᓂᐊᕐᓂᓯ ᐱᕈᕐᑎᑕᖏᑦ ᒪᓕᒡᓗᒋᑦ, ᐊᑕᓂᖅ ᐅᖃᕐᐳᖅ; ᓇᐹᕐᑐᖁᑎᑦᓯᓐᓂᒃ ᐃᑯᐊᓪᓔᓂᐊᕐᐳᖓ ᓇᔪᕐᑕᓕᒫᓯᓗ ᐃᑯᐊᓚᓗᑎᒃ ᓄᖑᑕᐅᔪᒫᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 50:31

“ᑕᑯᒋᑦ ᐊᑭᕋᕐᑐᕐᐸᒋᑦ ᐱᔪᓐᓇᕋᓱᒋᓗᐊᓚᐅᕋᕕᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐅᓪᓗᖅ ᓱᒋᐊᕐᑕᐅᕕᒃᓴᖅ ᓇᓪᓕᐅᑎᕗᖅ.

ᔨᕆᒤᐊᐅᑉ ᐊᒡᓚᖏᑦ 51:20

ᐊᑕᓂᖅ ᐅᖃᕐᐳᖅ, “ᑲᐅᑕᕆᕙᒋᑦ ᓱᒋᐅᑎᒋᓪᓗᑎᓪᓗ ᐅᓇᑕᕐᑎᓪᓗᖓ; ᐊᑐᕐᓗᑎᑦ ᐃᓅᖃᑎᒌᒡᔪᐊᓂᒃ ᐊᐅᓚᑦᔧᓯᒪᕗᖓ, ᐊᑐᕐᓗᑎᓪᓗ ᐊᖓᔪᖅᑲᐅᕕᒃᔪᐊᓂᒃ ᐊᓯᕈᐃᓯᒪᕗᖓ.

ᔨᕆᒤᐊᐅᑉ ᐊᒡᓚᖏᑦ 51:25

ᑕᑯᒋᑦ, ᐊᑭᕋᕆᓕᕐᐸᒋᑦ ᐊᓯᕈᕐᓮᔨᑐᐃᓐᓇᐅᒐᕕᑦ, ᓄᓇᕐᔪᐊᓕᒫᒥ ᐊᓯᕈᐃᔨᐅᒐᕕᑦ, ᐊᑕᓂᖅ ᐅᖃᕐᐳᖅ. ᑕᓖᒃᑲᒃ ᐃᓵᒃᑎᒍᒃᑭᒃ ᐃᓐᓈᕉᑉ ᓯᓇᕐᔪᐊᓂᑦ ᐃᔪᒃᑲᕈᕕᑦ, ᖃᖅᑲᐅᓕᕈᒫᕐᐳᑎᑦ ᐃᑭᓐᓂᑯᑎᑐᑦ ᑍᒤᓕᕐᓗᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 13:8

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᓱᓕᖏᑦᑐᓂᒃ ᐅᖃᓪᓚᖃᑦᑕᕋᑦᓯ ᑕᑯᑎᑕᐅᓂᕋᕐᓂᓯᓗ ᓴᒡᓗᕿᑦᓯᓂᐅᓪᓗᑎᒃ, ᑍᒤᒻᒪᑦ ᑕᑯᒋᑦ, ᐃᓕᑦᓯᓐᓂᒃ ᓵᓐᖓᓯᓂᐊᓕᕐᐳᖓ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 14:17

“ᐅᕝᕙᓗ ᓄᓇᖓᑦ ᓴᕕᒡᔪᐊᕐᒧᑦ ᑎᑭᑕᐅᑎᒃᑯᒃᑯ, ᐅᖃᕐᓗᖓᓗ, ‘ᓴᕕᒡᔪᐊᖅ ᓄᓇᒃᑯᑦ ᐊᖅᑯᓴᐅᑦᔭᐅᓕ;’ ᑕᕝᕙ ᐃᓄᐃᑦ ᐆᒪᔪᓪᓗ ᑕᒫᓃᑦᑐᑦ ᓄᖑᒃᑲᔭᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 14:21

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓱᒋᐊᕐᓯᑦᔪᑎᓐᓂᒃ ᑎᑭᑎᑦᓯᒐᔭᕈᒪ ᓯᑕᒪᓂᒃ ᐱᐅᖏᓐᓂᕐᐹᓂᒃ ᔨᕉᓴᓕᒧᑦ, ᐅᓇᑕᕐᓂᕐᒥᒃ, ᑳᖕᓇᕐᑐᕐᔪᐊᕐᒥᒃ, ᐆᒪᔪᓂᒃ ᐃᕐᓯᓇᕐᑐᓂᒃ, ᖃᓄᐃᓐᓇᕐᑐᓄᓪᓗ ᑎᑭᑕᐅᓂᕐᓗᒃᑎᒃᑯᒃᑭᑦ, ᑖᒃᑯᐊ ᐊᓯᕈᐃᒐᔭᕐᐳᑦ ᐃᓄᖕᓂᒃ ᐆᒪᔪᓂᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 21:19

“ᐃᓅᑉ ᐃᕐᓂᖓ, ᓇᓗᓁᒃᑯᑦᓰᒋᑦ ᐊᖅᑯᑏᖕᓂᒃ ᒪᕐᕉᖕᓂᒃ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑕ ᓴᕕᒡᔪᐊᓕᔭᕐᓗᓂ ᑎᑭᕝᕕᒋᔪᓐᓇᕐᑕᖏᖕᓂᒃ; ᑖᒃᑯᐊᒃ ᐊᖅᑯᑏᒃ ᐱᒋᐊᕐᕕᖃᕐᑐᒃᓴᐅᕘᒃ ᓄᓇᒥᑦ ᑕᕝᕙᖓᑦᓮᓐᓇᖅ. ᐊᖅᑯᑎᐅᑉ ᓇᓗᓁᒃᑯᑕᖏᖕᓂᒃ ᓇᑉᐰᓗᑎᑦ ᐃᒡᓗᒐᓴᖕᓄᑦ ᐊᖅᑯᑕᐅᔪᓐᓇᕐᑑᖕᓂᒃ;

ᐃᓯᑭᐊᓕᐅᑉ ᐊᒡᓚᖏᑦ 24:9

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑲᑉᐱᐊᓐᓇᒦᒃ ᐃᒡᓗᒐᓴᒡᔪᐊᕐᒥ ᐃᓄᐊᕐᑏᑦ! ᐅᕙᖓᑦᑕᐅᖅ ᕿᔪᒃᓴᓂᒃ ᖃᓕᕇᒃᑎᑦᓯᖃᑕᐅᓂᐊᓕᕐᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 26:3

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᑍᕆ ᓵᓐᖓᓂᐊᓕᕐᐸᒋᑦ, ᐃᓅᖃᑎᒌᒡᔪᐊᓄᑦ ᐅᓄᕐᑐᓄᑦ ᐊᑭᕋᕐᑐᕐᑕᐅᑎᑦᓱᒫᕐᐸᑦᓯ, ᐃᒪᕕᐅᑉ ᒥᕿᑦᑕᕐᓂᖓᑐᑦ ᑎᑭᑕᐅᑦᑕᕐᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 29:10

ᑍᒤᒻᒪᑦ ᑕᑯᒋᑦ, ᓵᓐᖓᓕᕐᐸᒋᑦ, ᑰᖁᑎᑎᓪᓗ ᓵᓐᖓᓕᕐᐸᒃᑲ, ᐄᑦᔨᑉᑎᓕᒫᑉ ᓄᓇᖓ ᓱᓁᕈᑎᑎᑦᓱᒫᕐᐸᕋ ᐊᓯᕈᕐᑕᐅᓗᓂᓗ, ᒥᒡᑐᓕᒥᑦ ᐱᒋᐊᕐᓗᒍ ᓮᓂᒧᑦ ᑎᑭᓪᓗᒍ, ᐃᑎᐅᐱᐊᒥᐅᓪᓗ ᓄᓇᖓᑦᑕ ᑭᒡᓕᖓ ᑎᑭᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 5:12

ᐃᓅᖃᑎᑦᓯ ᐱᖓᔪᓪᓗᐊᖏᑦ ᐋᓐᓂᐊᓇᕐᑐᒧᑦ ᑐᖁᕋᕈᒫᕐᐳᑦ ᑳᖕᓇᕐᑐᕐᔪᐊᒧᓪᓗ ᐱᕐᓕᕋᕐᓗᑎᒃ ᐊᑯᓐᓇᑦᓯᓐᓂ; ᐃᓅᖃᑎᑦᓯ ᐱᖓᔪᒋᖕᒥᔭᖏᑦ ᑐᖁᕋᕐᑕᐅᔪᒫᕐᐳᑦ ᓴᕕᒡᔪᐊᒧᑦ ᐊᕙᑎᑦᓯᓐᓂ; ᐱᖓᔪᒋᖕᒥᔭᖏᑦ ᓯᐊᒻᒪᕐᑎᓪᓗᒋᑦ ᐊᓄᕆᓕᒫᓄᑦ ᑎᒃᑕᐅᕋᕐᑎᑦᓱᒫᕐᐸᒃᑲ ᓴᕕᒡᔪᐊᕐᓗ ᐴᖓᓂᑦ ᐊᒧᓗᒍ ᒪᓕᒍᒫᕐᐸᒃᑲ ᕿᒫᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 5:8

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐅᕙᖓ ᓇᖕᒥᓂᖅ ᐊᑭᕋᕐᑐᓕᕐᐸᑦᓯ; ᓱᒋᐊᕐᓂᐊᕐᐸᑦᓯ ᐃᓅᖃᑎᒌᒡᔪᐊᑦ ᑕᑯᓐᓇᕐᑎᓪᓗᒋᑦ.

ᒨᓯᓯ ᐱᖓᔪᖏᑦ 26:25

ᐅᓇᑕᕐᓂᕐᒥᑦ ᑎᑭᑕᐅᑎᓐᓂᐊᕐᐸᑦᓯ ᓱᒋᐊᕐᑕᐅᓗᓯ ᐊᖏᖃᑎᒌᒍᑎᒋᓯᒪᔭᑦᑎᓐᓂᒃ ᓯᖁᒥᑦᓯᓂᓯ ᐱᓪᓗᒍ. ᐃᒡᓗᒐᓴᒡᔪᐊᓄᑦ ᕿᒫᒐᓗᐊᕈᑦᓯ, ᐋᓐᓂᐊᓇᕐᑐᓂᑦ ᐱᔪᓐᓁᕐᑎᑕᐅᔪᓐᓇᖏᑦᑐᓂᑦ ᑎᑭᑕᐅᓂᐊᕐᐳᓯ, ᐊᑭᕋᑦᓯᓐᓄᓪᓗ ᐃᓕᑦᓯᓐᓂᒃ ᑐᓂᕐᕈᑎᒋᔭᕆᐊᖃᓕᕐᓗᓯ.

ᒨᓯᓯ ᐱᖓᔪᖏᑦ 26:33

ᓄᓇᓖᑦ ᐊᓯᖏᓐᓄᑦ ᐃᓅᖃᑎᒌᒡᔪᐊᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ, ᐅᓇᑕᕐᓂᕐᒥᒃᓗ ᓴᖅᑭᑎᑦᓯᓗᖓ. ᓄᓇᖁᑎᓯ ᐃᓄᖃᕈᓐᓁᕐᓗᑎᒃ ᐃᒡᓗᒐᓴᒡᔪᐊᓯ ᓯᖁᒥᓯᒪᒐᔭᕐᐳᑦ.

ᐂᒨᓯᐅᑉ ᐊᒡᓚᖏᑦ 5:6

“ᐊᑕᓂᖅ ᕿᓂᓕᕐᓯᐅᒃ ᐃᓅᓕᕐᓗᓯᓗ, ᔫᓯᐱᐅᑉ ᑭᖑᕚᖏᓐᓂᒃ ᐃᑯᐊᓪᓔᔪᑎᑐᑦ ᐱᖁᓇᒍ, ᐊᓯᕈᕐᑕᐅᓗᑎᒡᓗ, ᐱᑎᓕᓗ ᖃᒥᑕᐅᔪᓐᓇᕐᓂᐊᓐᖏᓚᖅ.

ᐂᒨᓯᐅᑉ ᐊᒡᓚᖏᑦ 7:4

ᐃᒫᒃ ᐊᑕᓂᐅᑉ ᒎᑎᐅᑉ ᑕᑯᑎᓚᐅᕐᐹᖓ: ᑕᑯᒋᑦ, ᐊᑕᓂᖅ ᒎᑎ ᐱᖁᔨᓚᐅᕐᐳᖅ ᐃᖅᑲᕐᑐᐃᓂᕐᒥᒃ ᐃᑯᒪᒧᑦ, ᑕᕆᐅᖅ ᐃᑎᔪᕐᔪᐊᖅ ᐃᑯᐊᓪᓚᓚᐅᕐᐹ ᓄᓇᓗ ᐃᑯᐊᓪᓚᖃᓯᐅᑎᓕᕐᓗᓂ.

ᓇᕼᐅᒥᐅᑉ ᐊᒡᓚᖏᑦ 2:13

ᑕᑯᒋᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, “ᐊᑭᕋᕐᑐᕐᓗᑎᑦ ᓵᓕᕐᐸᒋᑦ, ᕿᒧᒃᓯᐅᑎᖁᑎᑎᑦ ᐊᒃᓴᓗᐊᓖᑦ ᐃᑯᐊᓪᓚᒃᑎᑦᓱᒫᕐᐸᒃᑲ ᐳᔫᓕᕐᓗᑎᒃ, ᐅᓇᑕᕐᑎᖁᑎᑎᓪᓗ ᓛᔭᑎᑐᑦ ᑍᒤᑦᑐᑦ ᑐᖁᕋᕐᑕᐅᔪᒫᕐᐳᑦ ᐅᓇᑕᕐᑐᓂ, ᓂᕿᒃᓴᑎᑦ ᐱᑦᔪᑎᒃᓴᑎᓪᓗ ᓇᑭᑐᐃᓐᓇᖅ ᐱᓚᐅᕐᑕᓕᒫᑎᑦ ᓄᖅᑲᕐᑎᑦᓱᒫᕐᐸᒃᑲ, ᐅᖃᕆᐊᕐᑐᕐᑎᑕᓯᓗ ᑐᓴᕐᓴᐅᖃᑦᑕᕐᓂᐊᕈᓐᓃᕐᐳᖅ.

ᓇᕼᐅᒥᐅᑉ ᐊᒡᓚᖏᑦ 3:5

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑕᑯᒋᑦ ᓵᓐᖓᓕᕐᐸᒋᑦ, ᐊᓐᓄᕌᑦ ᐊᕐᓇᕐᓯᐅᑦ ᖁᒻᒧᒃᑎᓐᓂᐊᕐᐸᕋ ᑮᓁᑦ ᐅᓕᒡᓗᒍ; ᐃᓅᖃᑎᒌᒡᔪᐊᓄᑦ ᑕᑯᔭᐅᖁᓪᓗᑎᑦ ᐊᓐᓄᕌᖃᓐᖏᑎᓪᓗᑎᑦ ᐊᖓᔪᖅᑳᕐᔪᐊᖃᕐᕖᓪᓗ ᑕᑯᖁᓪᓗᒋᑦ ᑲᓐᖑᓇᕐᑐᒦᓐᓂᕐᓂᒃ.

ᔨᐸᓁᐊᐅᑉ ᐊᒡᓚᖏᑦ 2:12

ᐃᓕᑦᓯ ᐃᑎᐅᐱᐊᒥᐅᖑᔪᓯ ᑐᖁᑕᐅᔪᒫᕐᐳᓯ ᓴᕕᒡᔪᐊᓐᓄᑦ.

ᓴᑲᕅᐊᐅᑉ ᐊᒡᓚᖏᑦ 13:7

“ᑐᐸᓕᕆᑦ, ᓴᕕᒡᔪᐊᖅ, ᐱᒋᐊᕐᓗᒍᓗ ᓰᐱᓕᕆᔨᖁᑎᒐ, ᐊᖑᑦ ᐱᓇᓱᐊᖃᑎᒐ!” ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ: “ᓰᐱᓕᕆᔨ ᑲᐱᓕᕈᒃ, ᓰᐲᑦ ᑕᕝᕙ ᓯᐊᒻᒪᖕᓂᐊᕐᐳᑦ, ᓰᐱᑯᓗᐃᓪᓗ ᓱᒋᐊᕈᒪᕙᒃᑲ.