ᐃᓯᑭᐊᓕᐅᑉ ᐊᒡᓚᖏᑦ 2:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ “ᐃᕝᕕᓪᓕ, ᐃᓅᑉ ᐃᕐᓂᖓ, ᑲᑉᐱᐊᒋᓂᐊᕐᓇᒋᑦ, ᐅᖃᐅᓯᖏᓪᓗ ᓯᕘᕋᒋᓇᒋᑦ, ᑲᑭᓪᓚᕐᓇᕐᑐᑎᑐᑦ ᑲᐱᔭᐅᓐᓇᕐᑐᑎᑐᓪᓗ ᓯᑯᐊᕐᐱᐅᓃᑦ ᐊᑯᓐᓂᖓᓃᑦᑐᑎᑐᑦ ᑍᒤᑦᑑᖃᑦᑕᕐᓂᐊᕐᐳᑎᑦ, ᑍᒤᒃᑲᓗᐊᕐᐸᑕ ᑲᑉᐱᐊᒋᑦᑍᓕᒃᑭᑦ ᐅᖃᐅᓯᖏᓪᓘᓐᓃᑦ ᓯᕘᕋᒋᑦᑍᓕᓗᒋᑦ, ᑕᐅᑦᑐᖏᓐᓄᑦ ᓴᐱᓕᕐᑎᑕᐅᑦᑍᓕᒋᑦ, ᑖᒃᑯᐊ ᐊᑭᕋᕐᑐᕐᑎᐅᖕᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 2:6 Iomraidhean Croise

ᐊᑕᓃᑦ ᐂᑉᐸᖏᑦ 1:15

ᐊᑕᓂᐅᑉ ᐂᖏᓖᖓᑕ ᐃᓔᑦᔭ ᐅᖃᐅᑎᕚ, “ᓯᕘᕋᖏᓪᓗᑎᑦ, ᑖᒃᑯᐊ ᒪᓕᓕᒃᑭᑦ.” ᐃᓔᑦᔭᓗ ᒪᑭᓐᓇᒥ ᒪᓕᒡᓗᒋᑦ ᐅᑎᖃᑎᒋᕔᑦ ᐊᖓᔪᖅᑳᕐᔪᐊᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 51:12

ᐅᕙᖓ, ᑖᓐᓇᐅᕗᖓ ᓮᒻᒪᕐᑎᑦᓯᔪᖅ ᐃᓕᑦᓯᓐᓂᒃ; ᓱᖕᒪᑦ ᓯᕘᕋᕕᑦ ᐃᓄᖕᒥᒃ ᑐᖁᕙᒃᑐᒥᒃ, ᐃᓅᑉ ᐃᕐᓂᖓᓂᒃ ᐃᕕᒃᓱᒐᕐᑎᑐᑦ ᑍᒤᑦᑐᒥᒃ,

ᐂᓮᐊᓯᐅᑉ ᐊᒡᓚᖏᑦ 51:7

ᓈᓚᒃᓯᓐᖓ ᓇᓛᒎᕐᓂᕐᒥᒃ ᖃᐅᔨᒪᔪᓯ, ᐱᖁᔭᓐᓂᒡᓗ ᐆᒻᒪᒻᒥᐅᑕᖃᕐᑐᓯ; ᓯᕗᕋᑦᑍᓕᒋᑦᓯ ᐸᓯᒃᓯᕐᑐᓂᒃ, ᕿᒃᓵᒍᑎᖃᕐᓂᐊᕋᓯᓗ ᒥᑕᐅᑎᖃᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 9:18

ᐊᔪᕐᑐᓕᓃᑦ ᐃᑯᐊᓚᖕᒪᑕ ᐃᑯᒪᑎᑐᑦ, ᓄᖒᑦᓯᓪᓗᓂ ᐅᕐᐱᒐᕐᓂᒃ ᑲᑭᓪᓚᕐᓇᕐᑐᓕᖕᓂᒡᓗ; ᐃᑯᐊᓪᓔᓪᓗᑎᒡᓗ ᓇᐹᕐᑐᒐᓴᒡᔪᐊᓂᒃ ᐊᑯᓔᑦᑐᓂᒃ; ᐃᓯᕐᓗᒡᔪᐊᕐᒥᒃ ᖁᒻᒧᐊᒃᑎᑦᓯᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 1:17

ᔨᕆᒤᐋ ᐅᐸᓗᖕᒊᔭᓕᕆᑦ, ᐂᓗᑎᓪᓗ ᐅᖃᐅᑎᔭᕐᑐᓕᒃᑭᑦ ᑕᒤᓐᓂᒃ ᐅᖃᐅᓯᕆᔭᐅᖁᔭᓐᓂᒃ. ᓯᕘᕋᒋᑦᑍᓕᒃᑭᑦ, ᓯᕘᕋᒍᕕᓪᓕ ᓯᕘᕋᑎᓐᓂᕐᓴᐅᔪᓐᓇᕐᐸᒋᑦ ᐱᖃᑎᒋᓕᕈᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 1:8

ᑲᑉᐱᐊᒋᑦᑍᓕᑭᑦ, ᐃᓚᒋᓂᐊᕐᐸᒋᑦ ᓴᐳᑎᓯᒪᓗᑎᑦ, ᐅᕙᖓ ᐊᑕᓂᐅᓪᓗᖓ ᐅᖃᕐᐳᖓ!”

ᔨᕆᒤᐊᐅᑉ ᐊᒡᓚᖏᑦ 18:18

ᐃᓄᐃᓪᓕ ᐅᖃᕐᐳᑦ, “ᔨᕆᒤᐊ ᖃᓄᐃᓕᐅᕈᑎᒋᓚᐅᕐᓚᕗᑦ! ᑐᓂᕐᕈᓯᕐᑎᑦᓯᔩᑦ ᐱᖁᔭᓂᒃ ᐊᔪᕆᕐᑐᐃᓂᕆᕙᒃᑕᖏᑦ ᐊᓯᐅᑎᑕᐅᔭᕆᐊᖃᖏᒻᒪᑕ, ᐃᓕᓯᒪᑦᓯᐊᕐᑐᓪᓗ ᐅᖃᐅᑦᔪᐃᓂᖏᑦ, ᐱᔪᖃᓛᕐᑐᒥᒡᓗ ᐅᖃᕐᑎᑦ ᐅᖃᐅᓯᖏᑦ. ᔨᕆᒤᐊ ᐸᓯᔭᒃᓴᓕᐊᕆᓚᐅᕐᓚᕗᑦ ᐅᖃᐅᓯᖏᓪᓗ ᓈᓚᖏᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 6:28

ᐃᓄᖁᑎᒃᑲ ᓯᑎᒃᑎᓐᓂᑰᓕᕐᐳᑦ, ᐃᓕᖅᑯᓯᖃᓕᕐᒪᑕ ᐃᓅᖃᑎᒥᖕᓂᒃ ᑲᑕᒃᑎᑦᓯᓇᓱᖕᓃᓐᓇᕐᒥᒃ, ᖃᑯᕐᓕᒃᑎᑐᑦ ᓴᕕᕋᔭᒃᑎᑐᓪᓗ ᑍᒤᑦᑑᔮᓕᕐᐳᑦ, ᐱᐅᖏᑦᑐᐃᓐᓇᕐᒥᒃ ᐃᓕᖅᑯᓯᖃᓕᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 24:3

ᐃᓄᖁᑎᒃᑲ ᐊᑭᕋᕐᑐᕐᑎᐅᓪᓗᑎᒃ ᑭᖑᕚᖑᖃᑎᒌᑦ ᐅᖃᐅᑎᒃᑭᑦ ᐊᑦᔨᐅᔪᒥᒃ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐅᒃᑯᓯᒃ ᓴᒡᕙᓕᕈᒃ, ᐃᒻᒥᕐᓗᒍᓗ;

ᐃᓯᑭᐊᓕᐅᑉ ᐊᒡᓚᖏᑦ 28:24

“ᐃᓴᕆᐊᓕᐅᑉ ᑭᖑᕚᖏᑦ ᐋᓐᓂᕐᓯᑕᐅᕙᒍᓐᓃᕈᒫᕐᐳᑦ ᑲᑭᓪᓚᕐᓇᕐᑐᓄᑦ ᐊᕙᑖᓂ ᓄᓇᖃᕐᑐᓄᑦ ᐸᒡᕕᓴᕐᑕᐅᕙᖑᓐᓃᕐᓗᑎᒃ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᒎᑎ.

ᒤᑲᐅᑉ ᐊᒡᓚᖏᑦ 3:8

“ᐅᕙᖓᓕ ᑕᑕᑉᐳᖓ ᐱᔪᓐᓇᕐᓂᕐᒥᒃ ᐊᑕᓂᐅᑉ ᐊᓂᕐᓂᖓᒍᑦ, ᐃᖅᑲᕐᑐᐃᑦᓯᐊᕐᓂᕐᒥᒃ ᐊᔪᖏᓐᓂᕐᒥᒡᓗ, ᐅᖃᐅᓯᕆᓂᐊᕐᐸᒃᑲᓗ ᔧᑰᑉ ᑭᖑᕚᖏᑕ ᐱᐅᖏᑦᑐᓕᓂᖏᑦ ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᑦ.

ᒤᑲᐅᑉ ᐊᒡᓚᖏᑦ 7:4

ᐱᐅᓂᕐᐹᕆᔭᕋᓗᐊᖏᑦ ᑲᑭᓪᓚᐅᑎᓕᒃᑎᑑᕐᐳᑦ; ᐅᒃᐱᕐᓇᕐᓂᕐᐹᖏᓪᓗ ᐅᕐᐱᖕᓂᑦ ᑲᑭᓪᓚᐅᑎᓕᖕᓂᑦ ᐱᐅᖏᓐᓂᕐᓴᐅᕗᑦ. ᐅᓪᓗᖅ ᓇᓪᓕᐅᑎᕗᖅ ᖃᐅᔨᓴᕐᑎᑦᓯ ᐅᖃᐅᓯᕆᓯᒪᔭᖏᑦ ᓱᒋᐊᕐᑕᐅᕕᒃᓴᓯᓗ ᐅᓪᓗᖅ ᑎᑭᓪᓗᓂ. ᒫᓐᓇ ᓇᓗᓕᐅᒪᓂᐊᓕᕐᐳᓯ.

ᒫᑎᐅᓯᐅᑉ ᐊᒡᓚᖏᑦ 10:28

ᓯᕘᕋᒋᓂᐊᕋᓯᒋᒃ ᑎᒥᒥᒃ ᑐᖁᑦᓯᔪᑦ ᑕᕐᓂᕐᒥᒡᓕ ᑐᖁᑦᓯᔪᓐᓇᖏᑦᑐᑦ; ᓯᕘᕋᒋᓯᐅᒃᓕ, ᑕᒤᓐᓂᒃ ᐊᓯᕈᐃᔪᓐᓇᕐᑐᖅ ᑎᒥᒥᒃ ᑕᕐᓂᕐᒥᒡᓗ ᐃᑯᒪᕐᔪᐊᕐᒥ.

ᓘᑲᓯᐅᑉ ᐊᒡᓚᖏᑦ 10:19

ᑕᑯᒋᑦ, ᐱᔪᓐᓇᕐᑎᑕᐅᓂᕐᒥᒃ ᑐᓂᓯᕕᒋᓚᐅᕐᐸᑦᓯ, ᖁᒡᓗᒋᐊᑦ ᓯᑯᐊᕐᐱᐅᓃᓪᓗ ᑐᓪᓕᕋᕈᓐᓇᕐᓗᒋᑦ, ᐊᑭᕋᕐᑐᕐᑎᐅᓪᓗ ᐱᔪᓐᓇᕐᓂᓕᒫᖏᓐᓂᒃ ᓵᓚᖃᕈᓐᓇᖁᓪᓗᓯ; ᓱᓇᒧᓪᓘᓐᓃᑦ ᐋᓐᓂᕐᑕᐅᓂᐊᓐᖏᓚᓯ.

ᓘᑲᓯᐅᑉ ᐊᒡᓚᖏᑦ 11:12

ᐅᕝᕙᓗ ᒪᓐᓂᖕᒥᒃ ᐱᑦᔪᒪᑎᓪᓗᒍ, ᓯᑯᐊᕐᐱᐅᓂᒥᒃ ᑐᖁᓐᓇᕐᑐᖃᕐᑐᒥᒃ ᑐᓂᓯᕕᒋᒐᔭᕐᐱᓯᐅᒃ?

ᓘᑲᓯᐅᑉ ᐊᒡᓚᖏᑦ 12:4

“ᐃᓚᓐᓇᕆᔭᒃᑲ ᐅᖃᐅᑎᕙᑦᓯ, ᓯᕘᕋᒋᓂᐊᕐᓇᒋᑦ ᑎᒥᒥᒃ ᑐᖁᑦᓯᔪᓐᓇᕐᑐᑦ, ᑭᖑᓂᖓᒍᑦ ᐱᔪᓐᓇᕐᓂᖃᓐᖏᓚᑦ ᖃᓄᐃᓕᓯᒃᑲᓐᓂᕆᐊᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:13

ᑲᑎᒪᔨᕐᔪᐊᑦ ᑲᒪᓂᐊᓕᕐᐳᑦ ᐲᑦᑐᕉᓯᐅᑉ ᔪᐊᓇᓯᐅᓪᓗ ᓯᕘᕋᖏᓐᓂᖏᖕᓂᒃ, ᖃᐅᔨᒪᓪᓗᑎᒡᓗ ᐃᓕᓐᓂᐊᕐᓯᒪᖏᒻᒪᑎᒃ, ᐃᓄᑐᐃᓐᓇᐅᓪᓗᑎᒃ, ᖃᐅᔨᒪᓚᐅᕐᐳᑦ ᔩᓱᓯᒥᒃ ᐃᓚᖃᖃᑦᑕᓚᐅᕐᒪᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:19

ᐲᑦᑐᕉᓯᐅᑉ ᔪᐊᓇᓯᐅᓪᓗ ᑭᐅᕔᑦ, “ᐃᓱᒪᒃᓴᕐᓯᐅᓕᕆᑦᓯ, ᓈᒻᒪᖕᒪᖔᑦ ᒎᑎᐅᑉ ᓵᖓᓂ ᐃᓕᑦᓯᓐᓂᒃ ᓈᓚᒃᑯᑦᑕ, ᐅᕝᕙᓘᓐᓃᑦ ᒎᑎᒥᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 4:29

ᒫᓐᓇ ᐊᑕᓃᖅ, ᓯᕘᕋᓵᕆᑦᔪᑎᖏᑦ ᑕᑯᓚᐅᒃᑭᑦ, ᐱᔨᑎᑦ ᐅᖃᐅᓯᕆᖁᔭᕐᓂᒃ ᐅᖃᕈᓐᓇᕐᑎᒃᑭᑦ ᓯᕘᕋᖏᓪᓗᑎᒃ,

ᐃᐱᓯᒥᐅᓄᑦ 6:19

ᐅᕙᖓᑦᑕᐅᖅ ᑐᒃᓯᐅᑎᓯᓐᖓ, ᑐᓂᓯᕕᐅᖁᓪᓗᖓ ᐅᖃᐅᓯᒃᓴᒥᒃ ᓯᕘᕋᖏᓪᓗᖓ ᐅᖃᓪᓚᒋᐊᖃᓕᕌᖓᒪ ᐅᖃᐅᓰᑦ ᑐᓴᕈᒥᓇᕐᑐᑦ ᓇᓗᓇᕐᓂᖏᑦ ᓇᓗᓁᕈᓐᓇᕐᓗᒋᑦ.

ᐱᓕᐱᒥᐅᓄᑦ 1:28

ᐊᑭᕋᕐᑐᕐᑎᑦᓯᓐᓂᒃ ᓯᕘᕋᓂᐊᕋᓯ ᖃᓄᓕᒫᖅ. ᑕᒪᓐᓇ ᓇᓗᓁᒃᑯᑕᐅᖕᒪᑦ ᐊᓯᕈᕐᑕᐅᓛᕐᓂᖏᓐᓄᑦ, ᐃᓕᑦᓯᓕ ᐱᐅᓕᔭᐅᖁᓪᓗᓯ, ᑕᒪᓐᓇᓗ ᒎᑎᒥᑦ ᐱᕗᖅ.

ᑎᒧᑎᒧᑦ ᐂᑉᐸᖏᑦ 1:7

ᒎᑎᐅᑉ ᑐᓂᓯᕕᒋᓯᒪᖏᒻᒪᑎᒍᑦ ᐊᓂᕐᓂᕐᒥᒃ ᓯᕘᕋᔪᒥᒃ ᐊᓂᕐᓂᕐᒥᒡᓕ ᐃᓗᒻᒥᕐᑎᑉᐹᑎᒍᑦ ᐱᔪᓐᓇᕐᓂᕐᒥᒃ ᓇᒡᓕᖕᓂᕐᒥᒡᓗ ᓇᖕᒥᓂᕐᓗ ᐱᓯᒪᑦᓯᐊᕈᒃᓇᕐᑎᑦᓯᔪᒥᒃ.

ᐄᑉᕈᐃᓄᑦ 11:27

ᐅᒃᐱᕐᓂᑯᑦ ᐄᑦᔨᑉᑎ ᕿᒪᓚᐅᕐᐹ, ᐊᖓᔪᖅᑳᕐᔪᐊᑉ ᓂᓐᖓᐅᒪᓂᖓ ᓯᕘᕋᒋᓇᓂᐅᒃ; ᑕᑯᒃᓴᐅᖏᑦᑐᖅ ᒎᑎ ᑕᑯᓐᓇᕐᑕᒥᑐᑦ ᑍᒤᓪᓗᓂᐅᒃ ᐅᑎᕈᒪᔪᓐᓃᓚᐅᕐᐳᖅ.

ᐲᑦᑐᕉᓯ ᓯᕗᓪᓖᑦ 3:14

ᐊᒃᓱᕈᕐᑎᑕᐅᒐᓗᐊᕈᑦᓯ ᐃᓗᐊᕐᑐᓕᓂᖅ ᐱᑦᔪᑎᒋᓗᒍ, ᓮᒻᒪᕐᑎᑕᐅᓂᐊᕐᐳᓯ. ᓇᓪᓕᐊᓐᓂᒡᓘᓐᓃᑦ ᓯᕘᕋᓂᐊᕋᓯ, ᐃᓱᒪᔮᕐᓂᐊᕋᓯᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:10

ᐸᒥᐅᖏᑦ ᓯᑯᐊᕐᐱᐅᑉ ᐸᒥᐅᖓᑐᑦ ᐋᓐᓂᕐᓇᕐᑎᒋᔪᒥᒃ ᑲᐴᑎᖃᕐᐳᑦ, ᐸᒥᐅᒥᖕᓄᓗ ᐋᓐᓂᐊᑎᑦᓯᔪᓐᓇᕐᐳᑦ ᐃᓄᖕᓂᒃ ᑕᖅᑭᓂᒃ ᑕᓪᓕᒪᓂᒃ.