ᐃᓯᑭᐊᓕᐅᑉ ᐊᒡᓚᖏᑦ 2:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓈᓚᖕᓂᐊᕐᐸᑕ ᓈᓚᖕᓂᐊᖏᑉᐸᑕᓘᓐᓃᑦ ᐊᑭᕋᕐᑐᕐᑎᐅᓂᕐᒥᖕᓄᑦ ᖃᐅᔨᔪᒫᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᑎᑭᑕᐅᕐᓯᒪᔪᕕᓂᐅᓂᕐᒥᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 2:5 Iomraidhean Croise

ᐊᑕᓃᑦ ᐂᑉᐸᖏᑦ 5:8

ᐃᓔᓴ ᒎᑎᐅᑉ ᐃᓄᖁᑎᖓ ᑐᓴᕋᒥ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ ᐊᓐᓄᕌᒥᓂᒃ ᐊᓕᒃᓯᖕᒪᑦ, ᐅᖃᐅᑦᔭᐅᒃᑲᕐᐹ ᐃᒫᒃ, “ᖃᓄᐃᒻᒪᑦ ᐊᓐᓄᕌᑎᑦ ᐊᓕᒃᐱᒌᑦ? ᑍᓐᓇ ᐊᖑᑦ ᐅᕙᓐᓄᑦ ᕾᑎᑕᐅᓚᐅᕐᓕ ᖃᐅᔨᓂᐊᕐᒪᑦ ᒎᑎᒧᑦ ᐅᖃᕐᑎᑕᖃᕐᓂᖓᓂᒃ ᐃᓴᕆᐊᓕᒥᐅᓂ.”

ᔨᕆᒤᐊᐅᑉ ᐊᒡᓚᖏᑦ 36:21

ᐊᖓᔪᖅᑳᕐᔪᐊᓪᓗ ᔨᕼᐅᑍ ᐊᒡᓚᖕᓂᒃ ᐂᒡᓯᖁᕚ, ᔨᕼᐅᑍᓪᓗ ᐂᒐᒥᒋᑦ, ᐃᓔᓴᒪᐅᑉ ᐃᖅᑲᕐᑐᐃᕕᐅᑉ ᑎᑎᕋᕐᑎᖓᑕ ᐃᒡᓗᕈᓯᖓᓂᑦ, ᐊᖓᔪᖅᑳᕐᔪᐊᕐᒧᑦ ᐅᖃᓕᒫᕐᐰᑦ ᐊᖓᔪᖅᑳᖁᑎᖏᑦ ᓴᓂᐊᓃᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 42:19

“ᐃᓕᑦᓯ ᔫᑕᒥ ᐊᒥᐊᒃᑰᔪᓯ, ᐊᑕᓂᐅᑉ ᐅᖃᐅᑎᕚᓯ, ᐃᓂᕐᑎᕐᓗᓯ ᐄᑦᔨᑉᑎᒧᐊᖁᓐᖏᓚᑦᓯ. ᖃᐅᔨᓕᕆᑦᓯ ᖁᓚᕐᓇᖏᑦᑐᒥᒃ ᐅᓪᓗᒥ ᐃᓂᕐᑎᕋᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 12:9

“ᐃᓅᑉ ᐃᕐᓂᖓ, ᐃᓴᕆᐊᓕᐅᑉ ᑭᖑᕚᖏᓐᓄᑦ ᐊᑭᕋᕐᑐᕐᑎᓄᑦ, ᐊᐱᕆᔭᐅᓚᐅᓐᖏᓚᑏᑦ, ‘ᖃᓄᐃᓕᐅᓕᕐᐱᑦ?’

ᐃᓯᑭᐊᓕᐅᑉ ᐊᒡᓚᖏᑦ 17:12

“ᐊᑭᕋᕐᑐᕐᑎᐅᔪᑦ ᑭᖑᕚᖑᖃᑎᒌᑦ ᑐᑭᓯᖕᒪᖔᑕ ᑕᒪᒃᑯᐊ ᑐᑭᖏᓐᓂᒃ ᐊᐱᕆᓚᐅᒃᑭᑦ, ᐅᖃᐅᑎᒃᑭᑦ ᑕᑯᒋᑦ, ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑦ ᔨᕉᓴᓕᒧᐊᓚᐅᕐᐳᖅ, ᔨᕉᓴᓕᐅᓪᓗ ᐊᖓᔪᖅᑳᕐᔪᐊᖓᓐᓂᒃ ᐊᖓᔪᖅᑳᖁᑎᖏᓐᓂᒡᓗ ᑎᒍᓯᓪᓗᓂ ᐹᐱᓘᓂᒧᑦ ᐅᑎᐅᑎᓚᐅᕐᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 2:7

ᐅᖃᕐᑕᐅᖁᔭᓂᒃ ᐅᖃᐅᓯᖃᕐᑐᒃᓴᐅᕗᑎᑦ, ᓈᓚᒃᑕᐅᓂᐊᕈᕕᑦ ᓈᓚᒃᑕᐅᔮᖏᒃᑯᕕᓪᓘᓐᓃᑦ, ᑖᒃᑯᐊ ᐊᑭᕋᕐᑐᕐᑎᐅᖕᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 24:3

ᐃᓄᖁᑎᒃᑲ ᐊᑭᕋᕐᑐᕐᑎᐅᓪᓗᑎᒃ ᑭᖑᕚᖑᖃᑎᒌᑦ ᐅᖃᐅᑎᒃᑭᑦ ᐊᑦᔨᐅᔪᒥᒃ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐅᒃᑯᓯᒃ ᓴᒡᕙᓕᕈᒃ, ᐃᒻᒥᕐᓗᒍᓗ;

ᐃᓯᑭᐊᓕᐅᑉ ᐊᒡᓚᖏᑦ 3:19

ᐊᔪᕐᑐᓕᔪᕐᓕ ᐃᓂᕐᑎᕈᕕᐅᒃ, ᑐᓴᕈᒪᖏᓐᓂᕐᒥᓄᑦ ᐊᔪᕐᑐᓕᓂᕐᒥᓂᒃ ᖃᕿᐊᓕᖏᓪᓗᓂ ᑐᖁᒃᐸᑦ; ᐸᓯᔭᒃᓴᐅᒐᔭᓐᖏᓚᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 3:26

ᐅᕾᑦ ᖃᓂᕐᐱᑦ ᕿᓚᖓᓄᑦ ᓂᐱᑎᑦᓱᒫᕐᐸᕋ, ᑕᕝᕙ ᐅᖃᕈᓐᓁᓪᓕᔪᒫᕐᐳᑎᑦ ᐃᓅᖃᑎᒌᒡᔪᐊᓪᓗ ᐊᑭᕋᕐᑐᕐᑐᑦ ᐃᓂᕐᑎᕈᓐᓇᕐᓂᐊᓐᖏᓚᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 3:27

ᐅᖃᕐᕕᒋᓕᕐᒥᒍᒃᑭᓪᓕ, ᐅᖃᕈᓐᓇᕐᓯᑎᑦᓱᒫᕐᐸᒋᑦ, ᑕᕝᕙ ᐅᖃᐅᑎᓕᕈᒫᕐᐸᑎᑦ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ’; ᑐᓴᕈᓐᓇᕐᑐᑦ ᑐᓴᕐᓂᐊᕐᐹᑎᑦ; ᑐᓴᕈᒪᖏᑦᑐᓪᓗ ᑐᓴᕐᓂᐊᓐᖏᓛᑎᑦ; ᐊᑭᕋᕐᑐᕐᑎᐅᓪᓗᑎᒃ ᐃᓅᖃᑎᒌᖑᖕᒪᑕ.”

ᐃᓯᑭᐊᓕᐅᑉ ᐊᒡᓚᖏᑦ 33:33

ᐅᖃᐅᓯᕆᖃᑦᑕᓚᐅᕐᑕᑎᑦ ᓱᓕᓂᖏᑦ ᓴᖅᑭᓕᕐᐸᑕ; ᓱᓕᓂᖏᓪᓗ ᓴᖅᑭᑦᓱᒫᕐᓗᑎᒃ; ᑕᕝᕙ ᖃᐅᔨᓕᕈᒫᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᓇᔪᕐᑕᕕᓂᐅᓂᕐᒥᓂᒃ.”

ᐃᓯᑭᐊᓕᐅᑉ ᐊᒡᓚᖏᑦ 33:9

ᖃᐅᔨᑎᑦᓯᓚᐅᕋᓗᐊᕐᑎᓪᓗᑎᓪᓕ ᐱᐅᖏᑦᑐᓕᔫᑉ ᓵᒋᐊᕆᐊᖃᕐᓂᖓᓂᒃ, ᐱᐅᖏᑦᑐᓕᓂᕐᒥᓂᑦ ᓵᒋᐊᖏᑉᐸᑦ; ᐱᐅᖏᑦᑐᓕᓂᕐᒦᓪᓗᓂ ᑐᖁᔪᒫᕐᐳᖅ, ᓇᖕᒥᓂᕐᓕ ᐃᓅᓰᑦ ᓴᐳᑎᓂᐊᕐᐸᑦ.”

ᐃᓯᑭᐊᓕᐅᑉ ᐊᒡᓚᖏᑦ 44:6

“ᐃᓴᕆᐊᓕᐅᑉ ᑭᖑᕚᖏᑦ ᓈᓚᒍᓐᓇᖏᑦᑐᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᑦ, ᓇᕐᕈᓇᕐᑐᒥᒃ ᐱᓇᓱᐊᖃᑦᑕᕐᓂᓕᒫᓯ ᓄᖅᑲᕐᑎᓕᕐᓯᐅᒃ.

ᔪᐊᓇᓯᐅᑉ ᐊᒡᓚᖏᑦ 15:22

ᑎᑭᓚᐅᖏᒃᑯᒪ ᐅᖃᐅᑎᔭᕐᑐᕐᓗᒋᑦ, ᐊᔪᕐᓂᖃᕋᔭᓐᖏᓚᑦ; ᒫᓐᓇᓕ ᐸᓯᔭᒃᓴᐅᔪᓐᓃᕈᓐᓇᓐᖏᓚᑦ ᐊᔪᕐᓂᕐᒥᖕᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:46

ᐸᐅᓗᓯᒃᑯᒡᓕ ᐸᕐᓇᐹᓯᒃᑯᒃ ᓯᕘᕋᓇᑎᒃ ᐅᖃᓚᓪᓕᕐᐴᒃ ᐃᒫᒃ, “ᐱᔭᕆᐊᖃᒻᒪᕆᓚᐅᕐᒪᑦ ᐊᑕᓂᐅᑉ ᐅᖃᐅᑕᐅᓂᖓ ᐃᓕᑦᓯᓐᓄᑦ ᓯᕗᓪᓕᕐᐹᒥᒃ ᐅᖃᐅᓯᐅᖁᓪᓗᒍ. ᑭᓯᐊᓂᓕ ᐃᓚᓕᐅᖏᓐᓇᑦᓯᐅᒃ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᔪᒃᓴᐅᔪᓐᓃᕐᑎᓐᓇᑦᓯ ᐃᓕᑦᓯᓐᓂᒃ, ᔫᑎᐅᖏᑦᑐᓄᑦ ᑕᕝᕙ ᓵᓐᓂᐊᓕᕐᐳᒍᑦ.

ᕉᒪᒥᐅᓄᑦ 3:3

ᐃᓚᖏᓪᓕ ᐅᒃᐱᕐᓂᖃᑦᓯᐊᖏᑉᐸᑕ? ᒎᑎᐅᑉ ᓱᖁᓯᔪᐃᑦᑑᓂᖓ ᐊᑐᕈᓐᓃᕐᑎᒐᔭᕐᐸᑦᔫᒃ?