ᐃᓯᑭᐊᓕᐅᑉ ᐊᒡᓚᖏᑦ 18:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑮᓇᐅᔭᓂᒃ ᐊᑐᕐᑎᑦᓯᔭᕌᖓᒥ ᑮᓇᐅᔭᓕᐅᕈᑎᖃᒃᑲᓐᓂᕋᓱᒃᐸᖏᓪᓗᓂ, ᐱᐅᖏᑦᑐᒥᒡᓗ ᐊᑐᕐᑍᓕᒪᔪᓐᓇᕐᓗᓂ, ᐊᑦᔨᒌᒃᑎᑦᓯᓂᕐᒥᒃ ᐱᓂᐊᕐᕕᖃᕐᐸᒡᓗᓂ ᐃᓅᖃᑎᒥᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 18:8 Iomraidhean Croise

ᓴᒧᐃᓕ ᐂᑉᐸᖏᑦ 22:24

ᐸᓯᔭᒃᓴᐅᓂᖃᓚᐅᓐᖏᓚᖓ ᑖᑦᓱᒪ ᓵᖓᓂ, ᐅᕙᓐᓂᒃ ᐸᓯᔭᒃᓴᓐᖑᕐᑎᑦᑍᓕᒪᓚᐅᕋᒪ.

ᓂᕼᐃᒤᐊᐅᑉ ᐊᒡᓚᖏᑦ 5:15

ᐊᐅᓚᑦᓯᔨᐅᓚᐅᕐᑐᑦ ᐃᓘᓐᓇᑎᒃ ᓯᕗᓂᓐᓂ ᐃᓄᖕᓄᑦ ᐅᖁᒤᓐᓇᕐᑑᓚᐅᕐᒪᑕ ᐊᑭᓖᖁᔨᕙᓚᐅᕐᒪᑕᓗ 40ᓂᒃ ᓯᐅᓪᕕᕆᓂᒃ, ᓂᕿᓂᒡᓗ, ᕔᓂᓂᒡᓗ, ᐱᔨᒋᔭᖏᓪᓘᓐᓃᑦ ᐅᖁᒤᒃᓴᕐᑎᑦᓯᓚᐅᕆᕗᑦ ᐃᓄᖕᓂᒃ, ᑍᒤᓕᐅᓚᐅᓐᖏᓚᖓᓕ ᒎᑎᒥᒃ ᐃᓕᕋᓱᓚᐅᕋᒪ.

ᐃᓐᖏᕈᑎᑦ 15:5

ᑮᓇᐅᔭᒥᓂᒡᓗ ᐊᑐᕐᑎᑦᓯᒍᓂ ᐃᓚᕙᓪᓕᐊᑎᑦᓯᕙᖏᓪᓗᓂ, ᓯᓔᕐᕆᒃᓯᕙᖏᑦᑐᕐᓗ ᐸᓯᔭᒃᓴᐅᖏᑦᑐᓂᒃ. ᑕᒪᒃᑯᓂᖓ ᑍᒤᓕᐅᕐᑐᖅ ᐊᐅᓚᑕᐅᓂᐊᓐᖏᓚᖅ.

ᒨᓯᓯ ᐂᑉᐸᖏᑦ 22:25

“ᐃᓄᖁᑎᒪ ᓇᓪᓕᐊᓐᓄᑦ ᐊᔪᕐᓴᕐᑐᒧᑦ ᑮᓇᐅᔭᒥᒃ ᐊᑐᕐᑕᐅᑎᑦᓯᒍᑦᓯ, ᐊᑐᕐᑐᐊᕐᕕᓪᓚᕆᒃᑎᑐᑦ ᐱᓇᓱᐊᕐᑐᒃᓴᐅᓐᖏᓚᓯ, ᐊᑐᕐᑕᐅᔪᕕᓃᓪᓗ ᕿᑐᕐᖏᐅᕐᑎᑕᒃᓴᕆᓐᖏᓚᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:8

ᑮᓇᐅᔭᓂᒃ ᐊᑐᕐᑐᐊᕐᑕᐅᔪᓂᒃ ᐃᓚᓯᖃᑦᑕᕐᓂᕐᒧᑦ ᐅᓄᕐᓯᕙᓪᓕᐊᑎᑦᓯᔪᖅ ᑲᑎᕐᓱᐃᕗᖅ ᑖᑦᓱᒧᖓ ᐊᔪᕐᓴᕐᑐᓂᒃ ᐃᓚᑦᓱᒍᓱᒃᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 1:17

ᐊᑲᐅᔪᒥᒃ ᐃᓕᓐᓂᐊᓕᕆᑦᓯ, ᐸᓯᔭᐅᓐᓇᖏᑦᑐᒥᒃ ᕿᓂᕆᑦᓯ, ᓵᓚᓯᐊᖃᕐᓂᖅ ᐋᖅᑭᒋᐊᕐᓗᒍ; ᐃᓕᐊᕐᔪᐃᑦ ᓴᐳᓐᓂᐊᕐᓗᒋᑦ, ᐅᐃᒡᒐᕐᓃᓪᓗ ᐃᑲᔪᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 33:15

ᓇᓪᓕᐊᑦ ᓇᓛᒎᕐᑐᒥᒃ ᐃᓅᓯᖃᕐᑐᖅ ᓱᓕᔪᓂᒃ ᐅᖃᐅᓯᖃᕐᐳᖅ, ᐆᒥᓱᒡᓗᓂᓗ ᓵᓚᓯᐊᖃᕐᓂᒃᑯᑦ ᐱᕙᓪᓕᐅᑎᖃᕋᓱᐊᕐᑐᓂᒃ, ᐅᐃᕕᕆᒃᓯᓂᒃᑯᑦ ᐱᓯᒪᔪᓂᒃ ᓱᓇᒥᒃ ᑎᒍᓯᔪᒪᓐᖏᓚᖅ, ᑐᖁᑦᓯᓂᕐᒥᒡᓗ ᑐᓴᕈᒪᓐᖏᓚᖅ ᐊᔪᕐᑐᓕᓂᕐᒥᒃ ᑕᑯᔪᒪᖏᓐᓇᒥ:

ᔨᕆᒤᐊᐅᑉ ᐊᒡᓚᖏᑦ 15:10

ᑲᑉᐱᐊᓐᓇᒦᒃ, ᐊᓈᓇᒪ ᕿᑐᕐᖓᕐᑖᕆᓚᐅᕐᓂᕐᒪᖓ, ᐃᓅᓕᕋᒪ ᐊᒃᓱᕈᕐᓇᓗᐊᕐᑐᒥᒃ, ᑮᓇᐅᔭᓂᒃ ᐊᑐᕐᑐᐊᓚᐅᕐᓯᒪᓇᖓ ᐊᑐᕐᕕᖃᓚᐅᕐᓯᒪᓇᖓᓗ, ᐅᕙᓐᓂᒡᓕ ᐅᖃᕐᓂᕐᓘᑎᖃᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 11:12

ᖃᐅᔨᔪᒫᕐᐳᓯᓗ ᐅᕙᖓᐅᒐᒪ ᐊᑕᓂᖅ; ᐊᑐᕐᑕᐅᖁᔭᓐᓂᒃ ᐃᓅᓚᐅᖏᓐᓇᑦᓯ, ᐱᖁᔭᒃᑲᓗ ᒪᓕᓚᐅᕐᓇᒋᑦ, ᐃᓅᖃᑎᒌᒡᔪᐊᑦ ᖃᓂᒋᔭᑦᓯᓐᓃᑦᑐᑦ ᐱᖁᔭᖏᓐᓂᒃ ᒪᓕᖔᓕᓚᐅᕋᑦᓯ.”

ᐃᓯᑭᐊᓕᐅᑉ ᐊᒡᓚᖏᑦ 18:13

ᐊᑐᕐᑎᑦᓯᔭᕌᖓᒥᓗ ᑮᓇᐅᔭᓕᕈᑎᖃᕋᓱᒃᐸᒡᓗᓂ, ᐅᓄᕐᓯᒋᐊᕐᑎᑦᓯᓗᓂ, ᑍᒤᑦᑐᖅ ᐃᓅᔪᒫᕐᐹ? ᐃᓅᔪᒫᓐᖏᓚᖅ. ᑕᒪᒃᑯᓂᖓ ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᕐᒥᓄᑦ ᐃᓅᔭᕆᐊᖃᓐᖏᓚᖅ; ᑖᓐᓇ ᑐᖁᓂᐊᓪᓚᕆᒃᐳᖅ; ᑐᖁᓂᕐᒥᓄᓪᓗ ᓵᑕᒃᓴᑑᒐᔭᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 18:17

ᐱᐅᖏᑦᑐᓕᓂᕐᒥᒃ ᐃᓅᓯᖃᕈᒪᖏᓪᓗᓂ, ᐊᑐᕐᑎᑕᒥᓂᒡᓗ ᑮᓇᐅᔭᓕᐅᕐᕕᖃᕋᓱᒃᐸᖏᓪᓗᓂ ᐃᓚᒋᐊᕐᓯᖃᑦᑕᖏᓪᓗᓂᓗ, ᐱᖁᔭᓐᓂᒡᓗ ᐊᑐᑦᓯᐊᕐᓗᓂ, ᒪᓕᒐᒃᓴᐅᖁᔭᓐᓂᒡᓗ ᐊᑐᑦᓯᐊᕐᓗᓂ; ᑖᓐᓇ ᑐᖁᔪᒫᓐᖏᓚᖅ ᐊᑖᑕᖓᑕ ᐊᔪᕐᑐᓕᓯᒪᓂᖓᓄᑦ; ᐃᓅᔪᒫᕐᐳᕐᓕ ᖁᓚᕐᓇᖏᑦᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 22:12

ᐃᓅᖃᑎᓯ ᐃᓚᖏᑦ ᓯᓔᕐᕆᒃᓯᓂᒃᑯᑦ ᐊᑭᓖᓪᓗᑎᒃ ᑐᖁᑕᐅᑎᑦᓯᖃᑦᑕᕐᐳᑦ; ᐃᓚᖏᓪᓗ ᐊᑐᕐᑎᑕᒥᖕᓂᒃ ᐃᓅᖃᑎᒥᖕᓂᒃ ᖄᖏᕐᓂᑯᓕᐅᕐᐸᒃᐳᑦ ᐅᓄᕐᓯᒋᐊᕐᑎᑦᓯᓪᓗᑎᒃ ᑮᓇᐅᔭᓕᐅᕈᑎᖃᕐᓗᑎᒃ ᐃᓅᖃᑎᒥᓂᒃ ᑎᒡᓕᒃᓗᑎᒃ, ᐅᕙᓐᓂᒃ ᐳᐃᒍᕐᓯᒪᓕᕐᐳᓯ, ᐊᑕᓂᖅ ᒎᑎ ᐅᖃᕐᐳᖅ.

ᒨᓯᓯ ᐱᖓᔪᖏᑦ 19:15

ᓱᓕᑦᓯᐊᕐᑐᒥᒃ ᐱᓂᐊᕐᓂᖃᕆᑦ; ᐃᓔᓐᓇᕐᓯᐅᕐᓂᐊᕐᓇᒃ ᐃᓄᒃ ᐊᔪᕐᓴᕐᑐᑦ ᐱᓪᓗᒋᑦ ᐊᔪᕐᓴᖏᑦᑐᓪᓗ ᐱᓪᓗᒋᑦ, ᐃᓅᖃᑎᑎᑦ ᐊᑦᔨᒌᒃᑐᒥᒃ ᐱᓂᐊᕐᓂᖃᕐᕕᒋᔭᕆᐊᖃᕐᐸᑎᑦ.

ᒨᓯᓯ ᐱᖓᔪᖏᑦ 19:35

“ᓱᓕᖏᑦᑐᓂᒃ ᐆᒃᑑᑎᓂᒃ ᐊᑐᕐᓂᐊᕋᓯ, ᓱᓇᑐᐃᓇᐅᑉ ᑕᑭᓂᖓᓂᒃ ᐆᒃᑐᕐᓯᒍᑦᓯ, ᐅᖁᒤᓐᓂᕐᓯᐅᑎᓂᒡᓘᓐᓃᑦ, ᐅᓄᕐᑐᓂᒃ ᓈᓮᑦᔪᑎᓂᒡᓘᓐᓃᑦ.

ᓴᑲᕅᐊᐅᑉ ᐊᒡᓚᖏᑦ 8:16

ᐃᒫᒃ ᑕᕝᕙ ᐃᓕᑦᓯᓐᓄᑦ ᐱᐅᓯᕆᔭᐅᖁᔭᒃᑲ: ᓱᓕᔪᒥᒃ ᐃᓕᑦᓯᓐᓄᑦ ᐅᖃᐅᓯᖃᖃᑦᑕᕐᓗᓯ. ᐃᖅᑲᕐᑐᐃᕕᖕᓂᓗ, ᓱᓕᑦᓯᐊᕐᑐᒥᒃ ᓮᒻᒪᕐᓮᔪᒥᒡᓗ ᐃᖅᑲᕐᑐᐃᖃᑦᑕᕐᓗᓯ.

ᓴᑲᕅᐊᐅᑉ ᐊᒡᓚᖏᑦ 8:19

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓂᕆᑦᑍᓕᕖᑦ ᑕᖅᑮᑦ ᓯᑕᒪᖓᓐᓂ, ᑕᖅᑮᓪᓗ ᑕᓪᓕᒪᖓᓐᓂ, ᑕᖅᑮᓪᓗ 7ᖓᓐᓂ. ᑕᖅᑮᓪᓗ 10ᖓᓐᓂ, ᑖᒃᑯᐊ ᖁᕕᐊᓇᕐᓗᑎᒃ ᓯᕆᓂᐅᓕᕐᓗᑎᒡᓗ ᓇᓪᓕᐅᓐᓂᕐᓯᐅᕐᕕᐅᔪᒫᕐᐳᑦ ᔫᑕᒥ ᓄᓇᖃᕐᑐᓄᑦ. ᑐᑭᖃᕐᓗᑎᒃ ᓇᒡᓕᖕᓂᕐᒥᒃ ᓱᓕᑦᓯᐊᕐᓂᕐᒥᒡᓗ ᖃᓄᐃᖏᑦᓯᐊᕐᓂᕐᒥᒡᓗ.

ᒨᓯᓯ ᑕᓪᓕᒪᖏᑦ 23:21

“ᐊᑕᓂᕐᒧᑦ ᒎᑎᑦᓯᓐᓄᑦ ᐅᖃᕕᒍᑎᓕᐅᕈᑦᓯ, ᐊᑐᕐᓂᐊᕐᓂᕋᕐᓯᒪᔭᑦᓯᓐᓂᒃ, ᐱᓐᖏᓮᓐᓇᕐᑎᑦᓯᔪᒃᓴᐅᓐᖏᓚᓯ; ᐊᑕᓂᐅᑉ ᒎᑎᑦᓯ ᐅᖃᕕᒍᑎᒋᓯᒪᔧᑦ ᑲᔪᓯᑏᓐᓇᕐᓂᐊᕐᒪᒍ, ᐊᔪᕐᓂᐅᓕᕋᔭᕐᐳᖅ ᐅᖃᕕᒍᑎᒋᓯᒪᔭᕐᓂᒃ ᑲᔪᓯᑎᑦᓯᓐᖏᑐᐊᕈᕕᑦ.