ᐃᓯᑭᐊᓕᐅᑉ ᐊᒡᓚᖏᑦ 15:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ “ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᕔᓂᓕᐅᕐᕖᑦ ᓇᐹᕐᑐᒐᓵᓗᐃᑦ ᐊᑯᕐᖓᓂᑦ ᐃᑯᐊᓪᓚᖅᑯᑎᒃᓴᐅᖁᓪᓗᒋᑦ ᑐᓂᓯᒪᒐᒃᑭᑦ, ᑍᒫᒃᑕᐅᖅ ᔨᕉᓴᓕᒥᐅᑦ ᐃᓄᖏᑦ ᑐᓂᖅᑯᑎᒋᔪᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 15:6 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 27:11

ᓇᐹᕐᑐᖏᑕ ᐊᕙᓚᖓᔪᖏᑦ ᐸᓐᓇᑰᓕᕋᒥᒃ ᓇᑲᑎᕐᓯᒪᓕᕐᒪᑕ ᐊᕐᓇᓄᑦ ᕿᔪᒃᓴᕆᔭᐅᔪᒪᓪᓗᑎᒃ ᑲᑎᕐᓱᕐᑕᐅᕙᓕᕐᐳᑦ ᐃᓄᐃᑦ ᑐᑭᓯᓇᓱᓚᐅᖏᒻᒪᑕ, ᑍᒤᒻᒪᑦ ᒎᑎᐅᑉ ᑖᒃᑯᓂᖓ ᐱᓐᖑᕐᑎᑦᓯᓚᐅᕐᑑᑉ ᐃᓚᑦᓱᒋᓂᐊᕈᓐᓃᕐᐰᑦ ᓂᑲᒋᓂᐊᕈᓐᓃᕐᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 21:7

ᑕᒪᓐᓇᓗ ᐊᓂᒍᕐᒪᑦ, ᐊᑕᓂᖅ ᐅᖃᕐᐳᖅ, ᔨᑎᑬᐊ ᔫᑕᐅᑉ ᐊᖓᔪᖅᑳᕐᔪᐊᖓ, ᐊᖓᔪᖅᑳᖁᑎᖏᓪᓗ, ᐃᓄᐃᓪᓗ ᑐᖁᕋᕐᓇᕐᑐᒧᑦ ᐱᔭᐅᓂᐊᓐᖏᓚᑦ ᐅᓇᑕᕐᑐᓂᓘᓐᓃᑦ, ᑳᖕᓇᕐᑐᕐᔪᐊᒧᓪᓘᓐᓃᑦ ᐹᐱᓘᓂᒥᐅᓪᓘᓐᓃᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ, ᑖᒃᑯᐊ ᐊᒥᐊᒃᑰᔪᑦ ᑐᖁᑕᐅᑎᓐᓂᐊᕐᐰᑦ ᓇᒡᓕᒋᖏᓪᓗᒋᑦ ᐃᓚᑦᓱᒋᖏᓪᓗᒋᓪᓘᓐᓃᑦ.’

ᔨᕆᒤᐊᐅᑉ ᐊᒡᓚᖏᑦ 25:18

ᔨᕉᓴᓕᒧᑦ ᔫᑕᐅᓪᓗ ᓄᓇᓕᖏᓐᓄᑦ ᐊᖓᔪᖅᑳᕐᔪᐊᖏᓐᓄᑦ ᐊᖓᔪᖅᑳᖁᑎᖏᓐᓄᓪᓗ ᐊᓯᕈᕈᑎᒃᓴᐅᖁᓪᓗᒍ ᑲᑉᐱᐊᒋᔭᐅᑦᔪᑎᒃᓴᐅᓕᖁᓪᓗᒍᓗ ᐱᐅᒋᔭᐅᖏᑦᔪᑎᒃᓴᓐᖑᖁᓪᓗᒍᓗ ᐅᓪᓗᒥᒧᑦ ᑍᒤᒻᒪᑕ.

ᔨᕆᒤᐊᐅᑉ ᐊᒡᓚᖏᑦ 4:7

ᓛᔭᑎᑐᑦ ᐃᔨᕐᓯᒪᕕᖕᓂᑦ ᐊᓂᔪᑎᑐᑦ, ᐃᓅᖃᑎᒌᒡᔪᐊᓂᒃ ᐊᓯᕈᐃᔭᕐᑐᕐᑐᖅ ᐃᓂᒋᔭᒥᓂᑦ ᕾᓕᕐᐳᖅ, ᓄᓇᖁᑎᓯᓗ ᓄᓇᓕᕕᓂᑐᐃᓐᓇᓐᖑᕐᑎᓐᓂᐊᕐᐰᑦ ᐃᓄᖃᕈᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 7:20

ᐃᒫᒃ ᑕᕝᕙ ᐊᑕᓂᖅ ᒎᑎ ᐅᖃᕐᐳᖅ: ᑕᑯᒋᑦ, ᓂᓐᖓᒃᑯᒪ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᕐᐸᒃᑲ ᐃᓄᐃᓗ ᐆᒪᔪᓪᓗ, ᓇᐹᕐᑐᐃᓪᓗ, ᐸᐅᕐᒊᓪᓗ ᓄᓇᒥ ᐱᕈᕐᐸᒃᑐᑦ, ᐃᑯᐊᓚᓂᐊᕐᐳᑦ ᖃᒥᑕᐅᔪᓐᓇᖏᑦᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 15:2

“ᐃᓅᑉ ᐃᕐᓂᖓ, ᕔᓂᓕᐅᕐᕖᑦ ᖃᓄᖅ ᐊᑦᔨᖃᕐᐸᑦ ᓇᐹᕐᑐᓂᒃ? ᕔᓂᓕᐅᕐᕖᑦ ᐊᕙᓚᖓᔪᖏᑦ ᖃᓄᖅ ᕿᔪᑦᑎᐊᕙᐅᓂᕐᓴᐅᕚᑦ ᓇᐹᕐᑐᐃᑦ ᐊᑯᕐᖓᓐᓂ?

ᐃᓯᑭᐊᓕᐅᑉ ᐊᒡᓚᖏᑦ 15:4

ᑕᑯᒋᑦ, ᐃᑯᐊᓪᓚᖅᑯᑎᒃᓴᐅᑉ ᐊᓯᐊᓄᑦ ᐊᑐᕐᕕᖃᓐᖏᓚᑦ; ᐃᓱᖏᑦ ᐃᑯᐊᓚᓂᕐᒧᑦ ᓄᖑᑉᐸᑕ, ᕿᑎᖏᓪᓗ ᐃᑭᓐᓂᑰᓕᕐᓗᑎᒃ, ᐊᒥᐊᒃᑯᖏᑦ ᓱᓇᓕᐊᕆᔭᐅᔪᓐᓇᕐᐹᑦ?

ᐃᓯᑭᐊᓕᐅᑉ ᐊᒡᓚᖏᑦ 15:5

ᑕᑯᒋᑦ, ᐃᑯᐊᓪᓚᒃᑕᐅᓚᐅᕋᑎᒃ ᓱᓕ ᓱᓇᓕᐊᕆᔭᒃᓴᐅᓐᖏᑉᐸᑕ; ᐃᑯᒪᒧᓪᓕ ᓄᖑᑕᐅᓯᒪᓕᕐᓗᑎᒃ ᐃᑭᓐᓂᑰᓕᕈᑎᒃ, ᓱᓇᓕᒫᒧᑦ ᐊᑑᑎᖃᓐᖏᒋᐊᓪᓚᓕᕐᐳᑦ!

ᐃᓯᑭᐊᓕᐅᑉ ᐊᒡᓚᖏᑦ 15:7

ᑖᒃᑯᐊ ᓵᓐᖓᔪᒫᕐᐸᒃᑲ; ᐃᑯᐊᓚᔪᒥᑦ ᐊᓐᓇᒃᓗᑎᒃ ᐊᓂᒍᐃᒐᓗᐊᕐᐸᑕ, ᐃᑯᒪᒧᓪᓕ ᓱᓕ ᓄᖑᑕᐅᔪᒫᕐᐳᑦ; ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ, ᑮᓇᓐᓄᑦ ᓵᓐᖓᓕᕈᒃᑭᑦ.

ᓴᑲᕅᐊᐅᑉ ᐊᒡᓚᖏᑦ 1:6

ᐱᔨᒋᔭᒃᑯᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑎᒍᑦ, ᐅᖃᐅᑎᕙᓚᐅᕐᐸᒃᑲ, ᒪᓕᒐᒃᓴᓂᒃ ᐃᓂᕐᑎᕆᑦᔪᑎᓂᒡᓗ, ᑭᓯᐊᓂᓕ ᓈᓚᒍᒪᓚᐅᓐᖏᓚᑦ ᑍᒤᒻᒪᑦ ᐊᒃᓱᕈᕐᓇᕐᑐᒧᑦ ᑎᑭᖃᑦᑕᓚᐅᕐᐳᑦ, ᑭᖑᓂᖓᒍᓪᓕ ᖃᕿᐊᓕᓚᐅᕐᐳᑦ ᐅᖃᓕᕐᓗᑎᒡᓗ ᐃᒫᒃ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓱᒋᐊᓚᐅᕐᐹᑎᒍᑦ ᓱᒋᐊᕐᑕᐅᔭᕆᐊᖃᕐᓂᕗᑦ ᒪᓕᒡᓗᒋᑦ, ᑍᒫᒃ ᐱᓂᐊᕐᓂᕋᕐᓗᓂ ᐅᖃᕐᓯᒪᒐᒥ.”