ᐃᓯᑭᐊᓕᐅᑉ ᐊᒡᓚᖏᑦ 14:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ “ᑍᒤᒻᒪᑦ ᐅᖃᐅᑎᒃᑭᑦ, ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᓐᓂ ᒎᑎᓐᖑᐊᖃᕐᓂᕐᒧᑦ ᐅᒃᐱᕆᔭᖃᓪᓚᕆᓕᕐᑐᖃᕐᐸᑦ ᐊᔪᕐᑐᓕᓂᕐᒥᖕᓂᒡᓗ ᐊᒡᕕᐊᕈᑎᖃᕐᓗᓂ, ᐱᔪᖃᓛᕐᑐᒥᒡᓗ ᐅᖃᕐᑎᓐᓄᑦ ᐅᐸᒍᑎᒃᐸᑦ, ᐅᕙᖓ ᐊᑕᓂᖅ ᓇᖕᒥᓂᖅ ᑭᐅᒐᔭᕐᐸᕋ ᒎᑎᓐᖑᐊᖃᕐᓂᖓᓄᑦ ᐅᓄᓗᐊᕐᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 14:4 Iomraidhean Croise

ᐊᑕᓃᑦ ᐂᑉᐸᖏᑦ 1:16

ᐊᖓᔪᖅᑳᕐᔪᐊᕐᓗ ᐅᖃᐅᑎᕚ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᑎᓕᓯᓚᐅᕋᕕᑦ ᖃᐅᔨᓇᓱᐊᖁᓪᓗᒋᑦ ᐃᑯᕋᓐᒥᐅᑦ ᒎᑎᖓᓐᓄᑦ ᐱᐅᓪᓯᐹᐱᒧᑦ, ᒎᑎᑕᖃᕈᓐᓃᕐᒫᑦ ᐃᓴᕆᐊᓕᒥ ᖃᐅᔨᓇᓱᐊᕐᕕᒃᓴᒥᒃ? ᑍᒤᒻᒪᑦ ᐃᒡᓕᖅ ᓇᓚᕕᒋᔧᑦ ᓇᔪᐃᓐᓇᕐᓗᒍ ᑐᖁᔪᒫᓕᕐᐳᑎᑦ.’ ”

ᐂᓮᐊᓯᐅᑉ ᐊᒡᓚᖏᑦ 3:11

ᑲᑉᐱᐊᓐᓇᒦᒃ ᐸᓯᔭᒃᓴᐅᔪᖅ! ᑖᓐᓇ ᐱᐅᖏᑦᑐᐊᓗᖕᒥᒃ ᓯᕗᓂᖃᕐᒪᑦ, ᐊᒡᒐᖏᑕ ᐱᓂᐊᕐᓯᒪᔭᖏᑦ ᑖᑦᓱᒧᖓ ᐊᑭᓕᐅᑕᐅᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 66:4

ᓂᕈᐊᓛᕆᕗᖓ ᐋᓐᓂᐊᑎᑕᐅᑦᔪᑎᒃᓴᖏᓐᓂᒃ, ᑲᑉᐱᐊᒋᔭᖏᓐᓂᒃ ᑎᑭᕝᕕᐅᑎᑦᓱᒫᕐᐸᒃᑲ; ᕾᖁᔨᑎᓪᓗᖓ ᓇᓪᓕᐊᓐᓂᒡᓘᓐᓃᑦ ᑭᐅᔪᖃᓚᐅᖏᒻᒪᑦ, ᐅᖃᓪᓚᒃᑎᓪᓗᖓ ᓈᓚᓚᐅᖏᒻᒪᑕ; ᐱᐅᖏᑦᑐᒥᒡᓕ ᑕᑯᓐᓇᕐᑕᒃᑯᑦ ᐱᓇᓱᐊᖔᑐᐃᓐᓇᓚᐅᕐᐳᑦ, ᐊᑐᕋᓱᖔᕐᓗᑎᒡᓗ ᖁᕕᐊᒋᓐᖏᑕᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 14:3

“ᐃᓅᑉ ᐃᕐᓂᖓ, ᐊᖑᑏᑦ ᐅᑯᐊ ᒎᑎᓐᖑᐊᒥᖕᓂᒃ ᐅᒃᐱᕆᔭᖃᓪᓚᕆᒃᐳᑦ, ᐊᔪᕐᑐᓕᓂᕐᒥᖕᓂᒡᓗ ᐊᒡᕕᐊᕈᑎᖃᕐᓗᑎᒃ; ᖃᓄᑐᐃᓐᓇᖅ ᐊᐱᕆᔭᐅᑎᑦᑐᒃᓴᐅᕗᖔ ᑖᒃᑯᓄᖓ?

ᐃᓯᑭᐊᓕᐅᑉ ᐊᒡᓚᖏᑦ 14:6

“ᑍᒤᒻᒪᑦ ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᖃᕿᐊᓕᕆᑦᓯ ᕿᒤᓗᓯᓗ ᒎᑎᓐᖑᐊᓯᓐᓂᒃ, ᒎᑎᒧᓪᓗ ᓇᕐᕈᓇᕐᑐᓕᕆᓂᓯ ᑕᒪᕐᒥᒃ ᕿᒪᒡᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 14:7

“ᓇᓪᓕᐊᑦ ᐃᓴᕆᐊᓕᒧᑦ ᑭᖑᕚᖑᔪᖅ, ᐃᓴᕆᐊᓕᒥᐅᑕᐅᖏᑦᑐᓪᓘᓐᓃᑦ ᓄᓇᖃᖃᑕᐅᔪᑦ ᐃᓴᕆᐊᓕᒥᐅᓄᑦ, ᐅᕙᓐᓂᒃ ᕿᒤᓯᒪᓗᑎᒃ, ᒎᑎᓐᖑᐊᓄᑦ ᓵᓐᖓᖔᓕᕐᑐᑦ ᐊᔪᕐᑐᓕᓂᕐᒧᓪᓗ ᐊᒡᕕᐊᕈᑎᒃᓴᖃᓕᕐᑐᑦ, ᐱᔪᖃᓛᕐᑐᒥᒃ ᐅᖃᕐᑎᓐᓄᑦ ᐅᐸᒍᑎᓗᑎᒃ ᐊᐱᕐᓱᕆᐊᕐᑐᕐᐸᑕ ᖃᓄᖅ ᐃᓱᒪᖕᒪᖔᕐᒪ, ᐅᕙᖓ ᐊᑕᓂᖅ ᓇᖕᒥᓂᖅ ᑭᐅᒐᔭᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 2:7

ᐅᖃᕐᑕᐅᖁᔭᓂᒃ ᐅᖃᐅᓯᖃᕐᑐᒃᓴᐅᕗᑎᑦ, ᓈᓚᒃᑕᐅᓂᐊᕈᕕᑦ ᓈᓚᒃᑕᐅᔮᖏᒃᑯᕕᓪᓘᓐᓃᑦ, ᑖᒃᑯᐊ ᐊᑭᕋᕐᑐᕐᑎᐅᖕᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 3:4

ᐅᖃᐅᑎᒋᕚᖓᓗ, “ᐃᓅᑉ ᐃᕐᓂᖓ, ᐃᓴᕆᐊᓕᒥᐅᓄᐊᕐᓗᑎᑦ ᐅᖃᐅᓯᒃᑲ ᑖᒃᑯᓄᖓ ᐅᖃᐅᓯᕆᒃᑭᑦ.

ᐃᓯᑭᐊᓕᐅᑉ ᐊᒡᓚᖏᑦ 44:12

ᐱᔨᑦᓯᖃᑦᑕᓚᐅᕐᒪᑕ ᒎᑎᓐᖑᐊᓄᑦ ᐊᒡᕕᐊᕈᑎᒃᓴᐅᓕᕐᓗᑎᒡᓗ ᐊᔪᕐᑐᓕᑎᑦᓯᓯᒪᓂᕐᒥᖕᓄᑦ ᐃᓴᕆᐊᓕᐅᑉ ᑭᖑᕚᖏᓐᓂᒃ, ᑍᒤᒻᒪᑦ ᐅᖃᕕᓚᐅᕐᐳᖓ ᑖᒃᑯᐊ ᐱᓪᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ, ᓱᒋᐊᕐᑕᐅᓂᒃᓴᒥᖕᓂᒃ ᓇᔪᕐᑎᖃᓕᕐᐳᑦ.

ᔨᐸᓁᐊᐅᑉ ᐊᒡᓚᖏᑦ 1:3

ᐃᓄᓕᒫᑦ ᐆᒪᔪᓕᒫᓪᓗ ᓄᖑᑦᓱᒫᕐᐸᒃᑲ; ᑎᖕᒥᐊᑉ ᕿᓚᐅᑉ ᐊᑖᓃᑦᑐᑦ, ᐃᖃᓗᐃᓪᓗ ᑕᕆᐅᕐᒦᑦᑐᑦ ᓄᖑᑦᓱᒫᕆᕙᒃᑲ. ᐊᔪᕐᑐᓕᔪᖅ ᓵᓚᒋᔪᒫᕐᐸᒃᑲ; ᐃᓄᐃᑦ ᓄᓇᕐᔪᐊᕐᒦᑦᑐᓕᒫᑦ ᓄᖑᑦᓱᒫᕐᐸᒃᑲ.” ᐊᑕᓂᖅ ᐅᖃᕐᐳᖅ.