ᐃᓯᑭᐊᓕᐅᑉ ᐊᒡᓚᖏᑦ 12:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐊᒥᐊᒃᑯᖃᕐᑎᑦᓱᒫᕐᐸᒃᑲᓕ ᐅᓄᖏᑦᑐᓂᒃ ᓴᕕᒡᔪᐊᒥᑦ ᐊᓐᓇᒃᑐᓂᒃ, ᑳᖕᓇᕐᑐᕐᔪᐊᒥᑦ ᐋᓐᓂᐊᓇᕐᑐᓂᓪᓗ, ᐅᓂᒃᑳᕈᓐᓇᕐᓯᖁᓪᓗᒋᑦ ᒎᑎᒧᑦ ᓇᕐᕈᓇᕐᑐᓂᒃ ᐱᓂᐊᕐᓂᕆᓚᐅᕐᑕᒥᖕᓂᒃ ᐃᓅᖃᑎᒌᒡᔪᐊᓃᓕᕈᑎᒃ ᓇᔪᓕᕐᑕᒥᖕᓂ, ᖃᐅᔨᓕᖁᓪᓗᒋᓪᓗ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 12:16 Iomraidhean Croise

ᒨᓯᓯ ᓯᕗᓪᓖᑦ 13:16

ᑭᖑᕚᒃᓴᖃᕐᑎᑦᓱᒫᕐᐸᒋᓪᓗ ᐅᓄᕐᑐᕐᔪᐊᕌᓗᖕᓂᒃ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᓂᒃ; ᓄᓇᐅᑉ ᐳᔪᕋᖏᑦ ᓈᓴᕐᑕᐅᔪᓐᓇᕐᐸᑕ, ᑕᕝᕙ ᑭᖑᕚᒃᓴᑎᑦᑕᐅᖅ ᓈᓴᕐᑕᐅᔪᓐᓇᕋᔭᕆᕗᑦ!

ᐃᓐᖏᕈᑎᑦ 59:12

ᖃᓂᕐᒥᒍᑦ ᐊᔪᕐᑐᓕᓂᖏᑦ, ᐅᖃᐅᓯᕆᔭᖏᓪᓗ ᐱᓪᓗᒋᑦ, ᐱᐅᔪᕆᓂᕐᒥᖕᓄᑦ ᐃᒻᒥᖕᓂᒃ ᒥᑭᒋᐊᕐᑎᓚᐅᕐᓕᑦ. ᓱᕈᕐᑎᕆᓃᑦ ᓴᒡᓗᓃᓪᓗ ᐅᖃᐅᓯᕆᔭᖏᑦ ᐱᓪᓗᒋᑦ,

ᐂᓮᐊᓯᐅᑉ ᐊᒡᓚᖏᑦ 1:9

ᐊᑕᓂᐅᑉ ᐊᔪᒐᖃᖏᑦᑑᑉ ᐃᓄᐃᑦ ᐃᓚᖏᓐᓂᒃ ᐊᒥᐊᒃᑯᖃᕐᑎᓚᐅᖏᑉᐸᑎᒍᑦ, ᓄᖑᑕᐅᓇᔭᓚᐅᕐᐳᒍᑦ ᓱᑑᒪᑐᑦ ᒍᒨᕋᒥᐅᑎᑐᓪᓗ.

ᐂᓮᐊᓯᐅᑉ ᐊᒡᓚᖏᑦ 10:19

ᑕᕝᕙ ᓇᐹᕐᑐᑦ ᐊᒥᐊᒃᑯᑦ ᓇᐹᕐᑐᒐᓴᒡᔪᐊᖁᑎᖓᓃᑦᑐᑦ ᐅᓄᕈᓐᓃᕈᒫᕐᐳᑦ ᐊᒡᓛᑦ ᓄᑕᕋᕐᒧᑦ ᓈᓴᕐᑕᐅᔪᓐᓇᕐᓯᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 10:22

ᐃᓴᕆᐊᓕᒥᐅᓪᓕ ᐃᓄᖁᑎᑎᑦ ᐃᒪᐅᑉ ᓯᓈᓂ ᓯᐅᕋᕐᑎᑐᑦ ᐅᓄᕐᑎᒋᒐᓗᐊᕐᐸᑕ, ᑖᒃᑯᐊ ᐊᒥᐊᒃᑯᖏᑦ ᐅᓄᖏᑦᑐᑦ ᐅᑎᕈᒫᕐᐳᑦ; ᓄᖑᑕᐅᓂᒃᓴᖓᑦ ᐱᖁᔭᐅᓯᒪᓕᕐᐳᖅ ᐃᓱᐊᕐᑐᓕᓂᕐᒥᒃ ᑕᑕᓯᒪᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 24:13

ᓇᓂᑐᐃᓐᓇᖅ ᓄᓇᕐᔪᐊᕐᒥ ᐃᓅᖃᑎᒌᒡᔪᐊᑦ ᑍᒤᑦᑐᒦᓕᕈᒫᕐᐳᑦ, ᑲᑎᕐᓱᐃᕕᐅᑉ ᐃᓱᓕᕋᑖᕐᓂᖓᑐᑦ ᑍᒤᑦᑑᓕᕈᒫᕐᐳᖅ, ᓇᐹᕐᑐᐃᑦ ᐅᕐᓱᒃᓴᕐᑕᓖᑦ ᑲᑕᒐᕐᓯᒪᓕᕐᓗᑎᒃ ᓇᐹᕐᑐᓕᒫᓂᑦ, ᕔᓂᒃᓮᓪᓗ ᑭᖑᓪᓕᕐᐹᖏᑦ ᐅᕐᐱᒐᖏᓐᓂᑦ ᓄᓂᕚᖑᓯᒪᓕᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 6:13

ᐃᓄᐃᑦ ᖁᓕᐅᑦᔪᑎᖏᑦ ᕿᒪᒃᑕᐅᓯᒪᔪᑦ ᐊᒥᐊᒃᑯᒋᔭᐅᓕᕐᐸᑕ, ᑖᒃᑯᐊᑦᑕᐅᖅ ᐃᑯᐊᓪᓚᒃᑎᑕᐅᔪᒫᕆᕗᑦ, ᓇᐹᕐᑐᑐᓪᓗ ᐆᒃᒥᒃ ᐊᑎᓕᐅᑉ ᑭᐱᓯᒪᔫᑉ ᒪᓐᖑᖓᑦ ᓄᓇᒦᖏᓐᓇᓲᖑᖕᒪᑦ ᓇᑲᑕᐅᓯᒪᓂᖓ. ᑍᒫᒃᑕᐅᖅ ᐃᑦᔪᕐᓁᑦᑐᖅ ᑲᓐᖓᕐᓲᑎᒃᓴᖅ ᓇᐹᕐᑑᑉ ᒪᓐᖑᖓᓃᑦᓱᒫᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 30:11

ᐱᖃᑎᒋᒐᒃᑭᑦ ᐱᐅᓕᓂᐊᕐᐸᒋᑦ, ᐊᑕᓂᖅ ᐅᖃᕐᐳᖅ, ᐃᓅᖃᑎᒌᒡᔪᐊᑦ ᐊᓯᕈᕐᑕᐅᑎᒃᑲᓗᐊᕈᒃᑭᑦ ᐊᐅᓪᓚᕐᑎᑕᐅᓯᒪᕕᒋᓚᐅᕐᑕᓯ ᓯᐊᒻᒪᕐᑎᑕᐅᕕᒋᓯᒪᓪᓗᒋᑦ, ᐃᓕᑦᓯᓐᓂᒃ ᓄᖑᑕᐅᓪᓚᕆᒃᑎᑦᓯᓂᐊᓐᖏᓚᖓ, ᐋᖅᑭᒋᐊᖃᑦᑕᕐᓂᐊᕐᐸᑦᓯ ᐊᑲᐅᔪᖅ ᑭᓯᐊᓂ ᐱᑦᔪᑎᒋᓗᒍ, ᓱᒋᐊᕐᑕᐅᑎᖏᑦᑑᑎᓐᓂᐊᓐᖏᓚᑦᓯ.”

ᔨᕆᒤᐊᐅᑉ ᐊᒡᓚᖏᑦ 4:27

ᐃᒫᒃ ᐊᑕᓂᖅ ᐅᖃᕐᐳᖅ, “ᓄᓇᓕᒫᖅ ᐊᓯᕈᕐᑕᐅᓂᐊᕐᐳᖅ ᑭᓯᐊᓂᓕ ᓄᖑᑕᐅᒻᒪᕆᒃᑎᓐᓂᐊᓐᖏᓚᕋ.)

ᐃᓯᑭᐊᓕᐅᑉ ᐊᒡᓚᖏᑦ 12:15

“ᖃᐅᔨᓕᕈᒫᕐᐳᓪᓗ ᐅᕙᖓᐅᒐᒪ ᐊᑕᓂᖅ, ᐊᐅᓪᓚᕐᑎᒃᑯᒃᑭᑦ ᐃᓅᖃᑎᒌᒡᔪᐊᓄᑦ ᓯᐊᒻᒪᕐᑎᒃᑯᒃᑭᓪᓗ ᓄᓇᓕᒡᔪᐊᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 12:17

ᓱᓕ ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ:

ᐃᓯᑭᐊᓕᐅᑉ ᐊᒡᓚᖏᑦ 14:21

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓱᒋᐊᕐᓯᑦᔪᑎᓐᓂᒃ ᑎᑭᑎᑦᓯᒐᔭᕈᒪ ᓯᑕᒪᓂᒃ ᐱᐅᖏᓐᓂᕐᐹᓂᒃ ᔨᕉᓴᓕᒧᑦ, ᐅᓇᑕᕐᓂᕐᒥᒃ, ᑳᖕᓇᕐᑐᕐᔪᐊᕐᒥᒃ, ᐆᒪᔪᓂᒃ ᐃᕐᓯᓇᕐᑐᓂᒃ, ᖃᓄᐃᓐᓇᕐᑐᓄᓪᓗ ᑎᑭᑕᐅᓂᕐᓗᒃᑎᒃᑯᒃᑭᑦ, ᑖᒃᑯᐊ ᐊᓯᕈᐃᒐᔭᕐᐳᑦ ᐃᓄᖕᓂᒃ ᐆᒪᔪᓂᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 36:20

ᐃᓅᖃᑎᒌᒡᔪᐊᓄᓪᓕ ᑎᑭᑦᓴᕌᖓᑕ, ᓇᑭᑐᐃᓐᓈᕋᓗᐊᕐᐸᑕ, ᐊᑎᕋ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᖃᑦᑕᓚᐅᕐᐹᑦ, ᐃᓄᖕᓄᑦ ᐅᖃᐅᓯᐅᕙᓚᐅᕐᒪᑕ, ‘ᐅᑯᐊ ᐊᑕᓂᐅᑉ ᐃᓄᖁᑎᖏᑦ, ᓄᓇᖁᑎᖓᓂᓪᓕ ᐊᐅᓪᓚᕐᑎᑕᐅᔭᕆᐊᖃᓕᓚᐅᕐᐳᑦ.’

ᐃᓯᑭᐊᓕᐅᑉ ᐊᒡᓚᖏᑦ 36:31

ᑕᕝᕙ ᐃᖅᑬᔪᒫᕐᐳᓯ ᐱᐅᖏᑦᑐᒥᒃ ᐃᓅᓯᖃᓚᐅᕐᓂᑦᓯᓐᓂᒃ, ᐱᓂᐊᕐᓂᕆᓚᐅᕐᑕᓯᓗ ᐱᐅᖏᓐᓂᖏᓐᓂᒃ; ᐃᓕᑦᓯᓐᓂᒡᓗ ᓇᖕᒥᓂᖅ ᐱᐅᒋᔪᓐᓃᖁᓪᓗᓯ ᐊᔪᕐᑐᓕᓯᒪᓂᑦᓯᓐᓂᒃ, ᓇᕐᕈᓇᕐᑐᓂᒡᓗ ᐊᑐᕐᓯᒪᓂᑦᓯᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 7:15

“ᓴᕕᒡᔪᐊᓕᔭᕐᑐᑦ ᓯᓚᑖᓃᑉᐳᑦ, ᖃᓂᒪᓇᕐᑐᖅ ᑳᖕᓇᕐᑐᕐᓗ ᐃᓗᐊᓃᑎᓪᓗᒋᑦ; ᐱᕈᕐᓰᕕᖕᒦᑦᑐᑦ ᓴᕕᒡᔪᐊᓄᑦ ᑐᖁᑕᐅᕗᑦ; ᐃᒡᓗᒐᓴᒡᔪᐊᓃᑦᑐᓪᓗ ᑐᑯᕋᕐᐳᑦ ᐱᕐᓕᕋᕐᓂᕐᒧᑦ ᐋᓐᓂᐊᓇᕐᑐᓄᓪᓗ.

ᒫᑎᐅᓯᐅᑉ ᐊᒡᓚᖏᑦ 24:22

ᐅᓪᓗᐃᑦ ᑍᒃᑯᐊ ᒎᑎᐅᑉ ᓁᒡᓕᒋᐊᓐᖏᑉᐸᒋᑦ, ᓇᓪᓕᐊᓐᓂᒡᓘᓐᓃᑦ ᐃᓄᖕᒥᒃ ᐊᓐᓇᒃᑐᖃᕋᔭᓐᖏᓚᖅ; ᓂᕈᐊᕐᓯᒪᔭᓂᓕ ᐱᑦᔪᑎᒋᓪᓗᒋᑦ ᒎᑎᐅᑉ ᐅᓪᓗᐃᑦ ᓁᒡᓕᒋᐊᕈᒫᕐᐰᑦ.

ᒫᑎᐅᓯᐅᑉ ᐊᒡᓚᖏᑦ 7:14

ᐃᑎᕐᕕᒃ ᓂᕈᑭᑦᑑᕗᖅ ᐃᓅᓯᕐᒧᑦ ᓄᖑᓱᐃᑦᑐᒧᑦ ᑐᕌᖓᔪᖅ, ᐊᖅᑯᑎᖓ ᐱᔭᕐᓂᖏᑦᑑᓪᓗᓂ, ᐅᓄᖏᑦᑐᑦ ᑕᒪᓐᓇ ᓇᓂᕚᑦ.”

ᕉᒪᒥᐅᓄᑦ 9:27

ᐂᓮᐊᓯ ᓂᓪᓕᐊᓚᐅᕐᐳᖅ ᐃᓴᕆᐊᓕᒥᐅᓄᑦ: “ᐃᓴᕆᐊᓕᒥᐅᑦ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᒐᓗᐊᕐᐸᑕ, ᐊᒥᐊᒃᑯᑐᐊᖏᑦ ᐅᓄᖏᑦᑐᑦ ᐱᐅᓕᔭᐅᔪᒫᕐᐳᑦ.