ᐃᓯᑭᐊᓕᐅᑉ ᐊᒡᓚᖏᑦ 12:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑖᒃᑯᓄᖓ ᐊᖓᔪᖅᑳᖑᔪᖅ ᓇᒃᓴᕐᓂᐊᕐᑕᒥᖕᓂᒃ ᐃᕐᓲᑦᔨᔪᒫᕐᐳᖅ ᑖᕐᑎᓪᓗᒍ, ᐊᓂᔪᒫᕐᐳᖅ; ᐊᑭᓐᓇᖅ ᐊᖕᒪᕐᓗᒍ ᑕᕝᕗᓇ ᐊᓂᔪᒫᕐᐳᖅ; ᒪᑐᐊᕐᓗᓂᓗ, ᓄᓇᒥᒃ ᑕᑯᓐᓇᕈᒪᓇᓂ.

ᐃᓯᑭᐊᓕᐅᑉ ᐊᒡᓚᖏᑦ 12:12 Iomraidhean Croise

ᐊᑕᓃᑦ ᐂᑉᐸᖏᑦ 25:4

ᐃᒡᓗᒐᓴᒡᔪᐊᑦ ᐊᕙᓗᕐᔪᐊᖓ ᓯᖁᑦᑎᕐᓗᒍ ᐊᖕᒪᕐᐹᑦ, ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐃᓗᒪᔭᐅᒐᓗᐊᕐᑎᓪᓗᒋᑦ, ᐅᓇᑕᕐᑎᓕᒫᑦ ᐅᓐᓄᐊᒃᑯᑦ ᐊᓂᐅᖅᑲᕐᐳᑦ ᐊᖓᔪᖅᑳᕐᔪᐊᒧᑦ ᐱᕈᕐᓰᕕᖁᑕᐅᓂᕋᕐᑕᐅᔪᖅ ᐊᖅᑯᑎᒋᓪᓗᒍ. ᐊᕙᓗᕐᔪᐊᑉ ᒪᕐᕉᓕᖅᑲᖓᓂᖓᑕ ᐊᑯᓐᓂᖓᒎᕐᓗᑎᒃ, ᔪᐊᕐᑕᓂᐅᑦ ᓇᕐᓴᖓ ᑐᕌᕐᓗᒍ ᕿᒫᕗᑦ.

ᐊᑕᓃᑦ ᐂᑉᐸᖏᑦ 7:5

ᖃᐅᕙᓪᓕᐊᓕᕐᑎᓪᓗᒍ ᒪᑭᓐᓇᒥᒃ ᓯᕆᐊᒥᐅᑦ ᑕᖕᒫᕐᓯᒪᕕᖓᓐᓄᑦ ᐂᓕᕐᐳᑦ, ᑕᖕᒫᕐᓯᒪᕕᖓᓐᓄᑦ ᑎᑭᒃᑲᓗᐊᕋᒥᒃ ᐊᑕᐅᓯᕐᒥᒡᓘᓐᓃᑦ ᐃᓄᒃᑕᖃᓚᐅᓐᖏᓚᖅ.

ᔫᐱᐅᑉ ᐊᒡᓚᖏᑦ 24:16

ᑎᒡᓕᒃᑏᑦ ᑖᕐᑎᓪᓗᒍ ᑎᒡᓕᒋᐊᕐᑐᕐᐸᒃᐳᑦ ᐃᒡᓗᓄᑦ; ᐅᓪᓘᓕᕅᖕᒪᓪᓕ ᐃᔨᕐᓯᒪᕙᒃᓗᑎᒃ; ᖃᐅᒪᔪᒥᒃ ᖃᐅᔨᒪᖏᓐᓇᒥᒃ.

ᔨᕆᒤᐊᐅᑉ ᐊᒡᓚᖏᑦ 24:8

“ᐊᑕᓂᕐᓕ ᐅᖃᕐᐳᖅ: ᐃᕕᒐᕐᒦᑦᑐᓪᓕ ᐱᒋᓖᑦ ᐱᐅᔪᓐᓃᕐᓯᒪᔪᑦ ᐱᐅᓐᖏᓗᐊᒧᑦ ᓂᕆᔭᒃᓴᐅᔪᓐᓃᕐᑐᑦ, ᐊᑦᔨᖃᕐᐳᑦ ᔫᑕᐅᑉ ᐊᖓᔪᖅᑳᕐᔪᐊᖓᓂᒃ ᔨᑎᑬᐊᒥᒃ, ᐊᖓᔪᖅᑳᖁᑎᖏᓐᓂᒃ ᐊᒥᐊᒃᑰᔪᓂᒡᓗ ᓄᓇᒥ ᔨᕉᓴᓕᒦᖏᓐᓇᕐᑐᓂᒃ, ᐄᑦᔨᑉᑎᒦᖏᓐᓇᕐᑐᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 32:5

ᔨᑎᑬᐊᓗ ᐹᐱᓘᓂᒧᓐᖓᐅᑎᔪᒫᕐᐹ, ᑍᑲᓃᑦᓱᒫᕐᐳᕐᓗ ᐊᑕᓂᕐᒧᑦ ᐱᓇᓱᐊᕐᕕᐅᓚᐅᖏᓐᓂᕐᒥᓂ, ᐊᑕᓂᖅ ᐅᖃᕐᐳᖅ, ᑲᐅᓪᑎᐊᒥᐅᓂᒃ ᐅᓇᑕᕋᓱᒃᑲᓗᐊᕈᕕᑦ ᓵᓚᖃᕐᓂᐊᓐᖏᓚᑎᑦ.’”

ᔨᕆᒤᐊᐅᑉ ᐊᒡᓚᖏᑦ 37:17

ᐊᖓᔪᖅᑳᕐᔪᐊᑉ ᔨᑎᑬᐊᐅᑉ ᐃᒡᓗᒥᓄᑦ ᕾᑎᑕᐅᖁᕚ, ᑕᕝᕙᓃᓕᕐᑎᓪᓗᒍᓗ ᖃᐅᔨᔭᐅᑦᑍᓕᓪᓗᓂ ᐊᐱᕐᓱᕐᐹ, ᐊᑕᓂᕐᒥᑦ ᑐᓴᒐᒃᓴᕐᑕᖃᕐᒪᖔᑦ. ᔨᕆᒤᐊᐅᓪᓗ ᐅᖃᐅᑎᕚ, “ᑐᓴᒐᒃᓴᖃᕐᐳᖅ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐱᔭᐅᓂᐊᕐᐳᑎᑦ.”

ᔨᕆᒤᐊᐅᑉ ᐊᒡᓚᖏᑦ 39:4

ᐊᖓᔪᖅᑳᕐᔪᐊᑉ ᔨᑎᑬᐊᐅᑉ ᐅᓇᑕᕐᑎᖁᑎᖏᑕᓗ ᑕᑯᒐᒥᑦᔪᒃ ᕿᒫᕗᑦ ᐅᓐᓄᐊᒃᑯᑦ ᐊᖓᔪᖅᑳᕐᔪᐊᑉ ᐱᕈᕐᓰᕕᖁᑎᖓ ᐊᓂᕕᒋᓪᓗᒍ ᐊᕙᓗᕐᔪᐊᒃ ᒪᕐᕉᒃ ᐃᑎᕐᑕᕐᕕᖓᒍᑦ ᐊᕌᐸᐅᑉ ᓄᓇᖓ ᑐᕌᕐᕕᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 42:7

ᐅᓪᓗᐃᑦ ᖁᓕᑦ ᐊᓂᒍᕐᑎᓪᓗᒋᑦ ᐊᑕᓂᖅ ᔨᕆᒤᐊᒧᑦ ᐅᖃᕐᐳᖅ;

ᔨᕆᒤᐊᐅᑉ ᐊᒡᓚᖏᑦ 52:7

ᔨᕉᓴᓕᐅᑉ ᐊᕙᓗᕐᔪᐊᖓ ᐊᖕᒪᕐᑕᐅᖕᒪᑦ, ᐅᓇᑕᕐᑎᖁᑎᖏᑦ ᕿᒫᓚᐅᕐᐳᑦ, ᐅᓐᓄᐊᒃᑯᑦ ᐊᓂᐅᕋᕐᓗᑎᒃ ᐃᑎᕐᑕᕐᕕᒃᑯᑦ ᐊᕙᓗᕐᔪᐊᒃ ᒪᕐᕉᒃ ᐅᖓᓕᕇᒃ ᐊᑯᓐᓂᖓᓃᑦᑐᒃᑯᑦ, ᐊᖓᔪᖅᑳᕐᔪᐊᑉ ᐱᕈᕐᓰᕕᖁᑎᖓᑕ ᖃᓂᒋᔮᒍᑦ, ᑲᐅᓪᑎᐊᒥᐅᑦ ᐊᕙᑕᖏᕐᓯᓯᒪᒐᓗᐊᕐᑎᓪᓗᒋᑦ, ᕿᒫᕗᑦ ᓄᓇᐅᑉ ᐊᕋᐹᒥᒃ ᐊᑎᖃᕐᑑᑉ ᓇᓛᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 12:4

ᐅᓪᓘᓂᖓᓂ ᓇᒃᓴᕐᓂᐊᕐᑕᑎᑦ ᐊᓐᓂᓯᔭᒃᓴᕆᕙᑎᑦ ᐃᓄᐃᑦ ᑕᒃᑯᐊᓂ, ᐊᐅᓪᓚᕈᑦᔭᐅᔪᑦ ᓇᒃᓴᕐᐸᒃᑕᖏᑎᑐᑦ; ᐅᓐᓄᓕᕐᐸᑦ ᐊᐅᓪᓚᕐᑐᒃᓴᐅᕗᑎᑦ ᑕᑯᓐᓇᕐᑎᓪᓗᒋᑦ, ᐃᓄᐃᑦ ᐊᐅᓪᓚᕈᑦᔭᐅᓕᕐᑐᑦ ᐊᐅᓪᓚᕈᑦᔭᐅᕙᖕᓂᖏᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 12:6

ᑕᑯᓐᓇᕐᑎᓪᓗᒋᑦ ᓇᒃᓴᒐᒃᓴᑎᑦ ᐃᕐᓲᑎᔭᒃᓴᕆᕙᑎᑦ, ᑖᕐᑎᓪᓗᒍ ᐃᕐᓱᓕᕐᓗᒋᑦ; ᒪᑐᐊᕐᑐᒃᓴᐅᕗᑎᑦ ᓄᓇ ᑕᑯᓐᓇᕐᓂᐊᖏᓐᓇᕕᐅᒃ; ᓇᓗᓁᒃᑯᑕᒃᓴᓐᖑᕐᑎᓐᓇᒃᑭᑦ ᐃᓴᕆᐊᓕᐅᑉ ᑭᖑᕚᖏᓐᓄᑦ.”