4 ᑍᒤᒻᒪᑦ ᐃᓅᑉ ᐃᕐᓂᖓ, ᓇᓪᓕᐅᑎᔪᒫᕐᑐᓂᒃ ᐅᖃᐅᑎᓕᒃᑭᑦ.”
“ᓂᐱᖅᑯᕐᑐᓗᓯ ᓂᓪᓕᐊᓕᕆᑦᓯ, ᓂᐰᓐᖔᕐᓂᐊᕋᓯ, ᑎᑦᑐᓚᐅᑎᑎᑐᑦ ᓂᐱᖅᑯᕐᑐᑎᒋᓗᓯ ᓂᓪᓕᐊᒋᑦᓯ; ᐃᓄᖁᑎᒃᑲ ᐊᔪᕐᑐᓕᓂᖏᓐᓂᒃ ᐅᖃᐅᑎᓯᒋᒃ, ᔧᑰᓪᓗ ᑭᖑᕚᖏᑦ ᐅᖃᐅᑎᓗᒋᑦ ᐊᔪᕐᓂᖏᓐᓂᒃ.
“ᐃᓅᑉ ᐃᕐᓂᖓ, ᔨᕉᓴᓕᒥᐅᑦ ᓵᓪᓗᒋᑦ ᐅᖃᓪᓚᒡᕕᒋᒃᑭᑦ ᓈᒻᒪᒋᖏᓪᓗᒋᑦ ᑐᒃᓯᐊᕐᕕᒋᕙᒃᑕᖏᑦ; ᓈᒻᒪᒋᖏᓪᓗᒋᓪᓗ ᐅᖃᐅᓯᐅᖁᔭᓐᓂᒃ ᐅᖃᓪᓚᒡᕕᒋᒃᑭᑦ ᐃᓴᕆᐊᓕᒥ ᓄᓇᖃᕐᑐᓕᒫᑦ.
“ᐃᓅᑉ ᐃᕐᓂᖓ, ᐊᒧᓁᑎᒥᐅᑦ ᓄᓇᖓ ᐊᑭᕋᕐᑐᕐᓗᒍ ᐅᖃᓪᓚᒋᑦ.
ᑍᒤᒻᒪᑦ ᐱᔪᖃᓛᕐᑐᒥᒃ ᐅᖃᕐᑎᒃᑲ ᑎᓕᓚᐅᕐᐸᒃᑲ, ᐅᖃᕆᐊᕐᑐᖁᓪᓗᒋᑦ ᐅᖃᐅᓯᕐᓄᑦ ᑐᖁᓚᐅᕐᐸᒃᑲ, ᐃᖅᑲᕐᑐᐃᓂᕋᓗ ᐱᒋᐊᓚᐅᕐᐳᖅ ᖃᐅᒻᒪᓕᕐᑐᑎᑐᑦ.
“ᐅᓇᑕᕐᑐᕐᓯᐅᑏᑦ ᑎᑦᑐᓚᐅᑏᑦ ᐊᑐᐃᓐᓇᕈᓕᕐᓯᐅᒃ, ᑎᖕᒥᐊᑦ ᑎᒥᕕᓂᕐᑐᓲᑦ ᐊᐅᕐᓵᓕᕐᒪᑕ ᐊᑕᓂᐅᑉ ᐃᒡᓗᖓᑕ ᖁᓛᓂ, ᐃᓄᖁᑎᒪ ᐊᖏᖃᑎᒌᒍᑎᒃᑲ ᓯᖁᒥᓚᐅᕐᒪᒋᑦ, ᐊᑭᕋᕐᑐᓕᕐᓗᑎᒡᓗ ᐱᖁᔭᓐᓂᒃ.
