ᐃᓯᑭᐊᓕᐅᑉ ᐊᒡᓚᖏᑦ 1:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐆᒪᔪᓪᓗ ᐃᖏᕐᕋᓯᔭᕌᖓᑕ, ᐊᒃᓴᓗᐊᑦᑕᐅᖅ ᐃᖏᕐᕋᓯᖃᑕᐅᕙᒃᑭᕗᑦ ᓴᓂᐊᓃᓪᓗᑎᒃ; ᐆᒪᔪᓪᓗ ᓄᓇᒥᑦ ᖃᖓᑦᑕᕌᖓᑕ, ᐊᒃᓴᓗᐊᑦᑕᐅᖅ ᖃᖓᑦᑕᖃᑕᐅᕙᒃᑭᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 1:19 Iomraidhean Croise

ᐃᓐᖏᕈᑎᑦ 103:20

ᐊᑕᓂᖅ ᓂᕐᑐᕐᓯᐅᒃ, ᐃᓕᑦᓯ ᐂᖏᓕᖁᑕᐅᔪᓯ ᑖᑦᓱᒧᖓ, ᐃᓕᑦᓯ ᐊᔪᖏᑦᑐᕐᔪᐊᖑᔪᓯ ᐅᖃᐅᓯᖓᓂᒃ ᓈᓚᒃᑐᓯ, ᒪᓕᑦᓯᐊᕐᑐᓯ ᐅᖃᐅᓯᖓᑕ ᓂᐱᖓᓂᒃ!

ᐃᓯᑭᐊᓕᐅᑉ ᐊᒡᓚᖏᑦ 1:15

ᑖᒃᑯᓂᖓ ᐆᒪᔪᓂᒃ ᑕᑯᓐᓇᕐᑎᓪᓗᖓ, ᑕᑯᓕᕆᕗᖓ ᐊᒃᓴᓗᐊᓂᒃ ᓯᑕᒪᓂᒃ ᓄᓇᒧᑦ ᐊᒃᑐᐊᔪᓂᒃ ᐆᒪᔪᑦ ᓴᓂᐊᓃᑦᑐᓂᒃ, ᐊᑐᓂᑦ ᑖᒃᑯᐊ ᐆᒪᔪᑦ ᓯᑕᒪᑦ ᐱᒋᔭᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 1:21

ᐆᒪᔪᑦ ᐃᖏᕐᕋᓯᔭᕌᖓᑕ, ᐃᖏᕐᕋᓯᖃᑕᐅᕙᒃᑭᕗᑦ; ᓂᑯᕕᑉᐸᑕ, ᓂᑯᕕᖃᑕᐅᕙᒃᓗᑎᒃ; ᓄᓇᒥᑦ ᖃᖓᑦᑕᕐᐸᑕ, ᖃᖓᑦᑕᖃᑕᐅᕙᒃᑭᓪᓗᑎᒃ; ᐆᒪᔪᑦ ᐊᓂᕐᓂᖏᓐᓄᑦ ᐊᒃᓴᓗᐊᑦ ᐊᐅᓚᑕᐅᒐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 10:16

ᓯᕈᐱᒻ ᐊᐅᓪᓚᑦᔭᒑᖓᑕ, ᐊᒃᓴᓗᐊᑦ ᑍᒫᓪᓗᐊᖅ ᐊᐅᓚᑦᔭᒃᐸᒃᑭᕗᑦ ᓴᓂᐊᓂ; ᓯᕈᐲᓪᓗ ᑎᖏᔭᕌᖓᑕ ᓄᓇᒥᑦ, ᐊᒃᓴᓗᐊᑦᑕᐅᖅ ᓴᓂᐊᓃᑦᑐᑦ ᓴᖑᓇᑎᒃ ᕿᒪᒃᑕᐅᕙᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 10:19

ᓱᓕ ᑕᑯᓐᓇᕐᑎᓪᓗᖓ ᑖᒃᑯᓂᖓ ᓯᕈᐱᒻ ᑎᖏᕗᑦ ᓄᓇᒥᑦ, ᐊᒃᓴᓗᐊᓪᓗ ᓴᓂᐊᓃᓪᓗᑎᒃ; ᑐᒃᓯᐊᕐᕕᒡᔪᐊᓪᓗ ᐃᑎᕐᑕᕐᕕᖓᓄᑦ ᓄᖅᑲᕐᐳᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ; ᐃᓴᕆᐊᓕᒥᐅᓪᓗ ᒎᑎᓐᖓᑦᑕ ᐱᓐᓇᕐᓇᕐᓂᖓᑕ ᖁᓚᖏᐊᕐᐰᑦ.