ᒨᓯᓯ ᐂᑉᐸᖏᑦ 9:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑭᓯᐊᓂᓕ ᐊᑕᓂᖅ ᐊᑦᔨᒌᖏᑦᑐᓂᒃ ᐱᓇᓱᐊᕐᓂᐊᕐᐳᖅ ᐄᑦᔨᑉᑎᒥᐅᑦ ᐃᒻᒧᒃᓯᐅᒐᖁᑎᖏᓐᓄᑦ, ᐃᓴᕆᐊᓕᒥᐅᓪᓗ ᐃᒻᒧᒃᓯᐅᒐᖁᑎᖏᓐᓄᑦ, ᐃᓴᕆᐊᓕᒥᐅᑦ ᐆᒪᔪᖁᑎᓕᒫᑦᓯᐊᖏᑦ ᑐᖁᔪᖃᕐᓂᐊᖏᒻᒪᑕ.

ᒨᓯᓯ ᐂᑉᐸᖏᑦ 9:4 Iomraidhean Croise

ᒨᓯᓯ ᐂᑉᐸᖏᑦ 10:23

ᓇᓪᓕᐊᓐᓂᒡᓘᓐᓃᑦ ᐃᒻᒥᖕᓄᑦ ᑕᑯᖃᑦᑕᐅᑎᔪᓐᓇᕐᑐᖃᓚᐅᓐᖏᓚᖅ, ᐃᒡᓗᒥᖕᓂᓪᓗ ᐊᓂᔪᖃᓚᐅᕋᓂ ᐅᓪᓗᓂᒃ ᐱᖓᓱᓂᒃ; ᐃᓴᕆᐊᓕᒥᐅᓪᓕ ᓇᔪᕐᑕᖓᑦ ᖃᐅᒪᑦᓯᐊᓚᐅᕐᐳᖅ.

ᒨᓯᓯ ᐂᑉᐸᖏᑦ 12:13

ᐊᖏᕐᕋᕆᔭᑦᓯᓗ ᐃᑎᕐᑕᕐᕕᖓᑕ ᐊᕙᓗᐊᒍᑦ ᐊᐅᒥᑎᕐᓯᒪᓂᖏᑦ, ᐃᓕᑦᓯᓐᓄᑦ ᓇᓗᓁᒃᑯᑕᐅᓂᐊᕐᐳᑦ ᓇᓃᓐᓂᑦᓯᓐᓂᒃ; ᐊᐅᖕᒥᒡᓗ ᑕᑯᑐᐊᕈᒪ, ᑕᕝᕙ ᖄᖏᕐᓂᐊᕐᐸᑦᓯ, ᑕᒪᑐᒧᖓᓗ ᑲᑉᐱᐊᓇᕐᑐᕐᔪᐊᒧᑦ ᑎᑭᑕᐅᓂᐊᓐᖏᓚᓯ ᐄᑦᔨᑉᑎᒥᐅᑦ ᓱᒋᐊᓕᕈᒃᑭᑦ.

ᒨᓯᓯ ᐂᑉᐸᖏᑦ 8:19

ᐊᖓᒃᑯᐃᓪᓗ ᐰᕉᒧᑦ ᐅᖃᕐᐳᑦ, “ᑕᒪᓐᓇ ᒎᑎᐅᑉ ᐱᔪᓐᓇᕐᓂᖓᑕ ᐱᓇᓱᐊᕐᓂᕆᕚ!” ᑭᓯᐊᓂᓕ ᐰᕉᑉ ᐆᒻᒪᑎᖓ ᓱᓕ ᓯᑎᔫᓚᐅᕐᐳᖅ, ᑖᒃᑯᓂᖓᓗ ᓈᓚᒍᓐᓇᕋᓂ, ᓲᕐᓗ ᐊᑕᓂᐅᑉ ᑍᒤᓐᓂᐊᕐᓂᕋᓚᐅᕐᒪᒍ.

ᒨᓯᓯ ᐂᑉᐸᖏᑦ 8:22

ᑭᓯᐊᓂᓕ ᓄᓇ ᒎᓯᓂ ᑕᒪᒃᑯᓄᖓ ᑎᑭᑕᐅᑎᓐᓂᐊᓐᖏᓚᕋ, ᑕᕝᕙᓂ ᐃᓄᖁᑎᖃᕋᒪ, ᑖᒃᑯᐊ ᐊᓇᓐᖏᕐᓄᑦ ᑎᑭᑕᐅᑎᓐᓂᐊᓐᖏᓚᒃᑲ, ᑍᒤᓕᐅᕐᓂᐊᕐᐳᖓ ᖃᐅᔨᖁᓪᓗᑎᑦ ᐅᕙᖓ ᐊᑕᓂᐅᒐᒪ ᑕᒫᓂ ᓄᓇᒥ ᐱᓇᓱᐊᕐᑐᖅ.

ᒨᓯᓯ ᐂᑉᐸᖏᑦ 9:26

ᑭᓯᐊᓂᓕ ᓄᓇᖃᕐᑐᑦ ᒎᓯᓂᒥ ᐃᓴᕆᐊᓕᒥᐅᑦ ᐃᓄᖏᑦ, ᑖᒃᑯᐊ ᓇᑕᖅᑯᕐᓇᕐᕕᐅᓚᐅᓐᖏᓚᑦ.

ᒨᓯᓯ ᐂᑉᐸᖏᑦ 9:5

ᐊᑕᓂᕐᓗ ᐱᒋᐊᕐᕕᒃᓴᒥᒃ ᐋᖅᑭᒃᓯᓯᒪᕗᖅ, ᖃᐅᒃᐸᑦ ᐊᑕᓂᖅ ᑕᒪᑐᒥᖓ ᐱᒋᐊᕐᓂᐊᕐᐳᖅ ᑕᕝᕙᓂ ᓄᓇᒥ.’”

ᒨᓯᓯ ᐂᑉᐸᖏᑦ 9:6

ᖃᐅᑎᓪᓗᒍᓗ ᐊᑕᓂᖅ ᑕᒪᑐᒥᖓ ᐱᓇᓱᐊᓕᓚᐅᕐᐳᖅ; ᐄᑦᔨᑉᑎᒥᐅᓪᓗ ᐆᒪᔪᖁᑎᓕᒫᖏᑦ ᑐᖁᕋᕐᐳᑦ, ᐃᓴᕆᐊᓕᒥᐅᓪᓕ ᐆᒪᔪᖁᑎᖏᓐᓂᒃ ᐊᑕᓯᐅᕐᒥᒡᓘᓐᓃᑦ ᑐᖁᔪᖃᓚᐅᓐᖏᓚᖅ.

ᐂᒨᓯᐅᑉ ᐊᒡᓚᖏᑦ 4:7

“ᓯᓚᓗᒡᓗ ᓄᖅᑲᖓᑎᓚᐅᕐᐸᕋ, ᓱᓕ ᑕᖅᑭᓂᒃ ᐱᖓᓱᓂᒃ ᑲᑎᕐᓱᐃᕕᒃ ᓇᓪᓕᐅᑎᓚᐅᕐᑎᓐᓇᒍ, ᐃᒡᓗᒐᓴᖕᓂ ᐊᑕᐅᓯᕐᓂ ᓯᓚᓗᒃᑎᑦᓯᓚᐅᕐᐳᖓ, ᐃᒡᓗᒐᓴᖕᓂᓗ ᐊᓯᖏᓐᓂ ᓯᓚᓗᒃ ᓄᖅᑲᖓᑎᓚᐅᕐᐸᕋ, ᐱᕈᕐᓰᕖᑦ ᐃᓚᖏᑦ ᓯᓚᓗᒃᑕᐅᑎᓚᐅᕐᐸᒃᑲ; ᐱᕈᕐᓰᕖᓪᓗ ᓯᓚᓗᒡᕕᐅᓚᐅᖏᑦᑐᑦ ᑐᖁᓕᓚᐅᕐᐳᑦ.

ᒪᓚᑬᑉ ᐊᒡᓚᖏᑦ 3:18

ᑕᕝᕙ ᑭᖑᓂᐊᒍᑦ ᖃᐅᔨᓕᕈᒫᕐᐳᓯ ᐃᓱᐊᕐᑐᓂᒃ ᐱᐅᖏᑦᑐᓂᒡᓗ, ᒎᑎᒥᒡᓗ ᐱᔨᑦᓯᕐᑐᑦ ᐱᔨᑦᓯᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ.”