ᒨᓯᓯ ᐂᑉᐸᖏᑦ 9:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᑯᒋᑦ ᐊᑕᓂᐅᑉ ᐊᒡᒐᖏᑕ ᐆᒪᔪᖁᑎᑎᑦ ᐋᓐᓂᐊᓇᕐᑐᒧᑦ ᐱᐅᖏᑦᑐᐊᓗᖕᒧᑦ ᑎᑭᑕᐅᑎᓐᓂᐊᕐᐰᑦ ᐃᒻᒧᒃᓯᐅᒐᖁᑎᑎᑦ ᐱᕈᕐᓰᕕᖕᒦᑦᑐᑦ, ᕿᒻᒥᕐᔪᐊᓪᓗ, ᓯᐅᑎᖅᑯᕐᑐᔪᓪᓗ, ᑳᒥᓖᓪᓗ, ᓰᐲᓪᓗ, ᒎᑦᓰᓪᓗ.

ᒨᓯᓯ ᐂᑉᐸᖏᑦ 9:3 Iomraidhean Croise

ᒨᓯᓯ ᓯᕗᓪᓖᑦ 47:17

ᑕᕝᕙ ᐃᒻᒧᒃᓯᐅᒐᖁᑎᒥᖕᓂᒃ ᔫᓯᐱᒧᐊᕈᑦᔨᕗᑦ; ᔫᓯᐱᐅᓪᓗ ᓂᕿᒃᓴᓂᒃ ᑐᓂᓯᕕᒋᕔᑦ ᑕᐅᕐᓯᐅᑎᓪᓗᒋᑦ ᕿᒻᒥᕐᔪᐊᓄᑦ, ᐆᒪᔪᖁᑎᓄᓪᓗ ᑲᑎᓐᖓᔪᓄᑦ, ᐅᓄᕐᑐᕐᔪᐊᖑᔪᓄᑦ, ᓯᐅᑎᖅᑯᕐᑐᔪᓄᓪᓗ. ᓂᕿᒃᓴᓄᓪᓗ ᑕᒪᒃᑯᐊ ᐆᒪᔪᖁᑎᖏᑦ ᑕᐅᕐᓯᐅᑎᓚᐅᕐᐰᑦ ᑕᒫᓂ ᐊᕐᕌᒍᒥ.

ᐃᓐᖏᕈᑎᑦ 39:10

ᓱᒋᐊᕐᓯᓃᑦ ᓄᖅᑲᕐᑎᓕᕈᒃ ᐅᕙᓐᓂᑦ; ᐅᕐᕈᖓᓕᕋᒪ ᐊᒡᒐᕕᑦ ᐱᒋᐊᖃᑦᑕᕐᓂᖏᓐᓄᑦ.

ᒨᓯᓯ ᐂᑉᐸᖏᑦ 5:3

ᑖᒃᑯᐊᒡᓕ ᑭᐅᕘᒃ, “ᐄᑉᕈᐃᑦ ᒎᑎᖓᑦ ᐅᕙᑦᑎᓐᓄᑦ ᓇᓗᓁᕐᓯᓚᐅᕐᐳᖅ; ᑍᒤᒻᒪᑦ ᐊᐅᓪᓚᕈᓐᓇᕐᑎᓚᐅᕐᑎᒍᑦ ᐅᓪᓗᓂᒃ ᐱᖓᓱᓂᒃ ᐃᖏᕐᕋᖁᓪᓗᑕ ᐃᓄᖃᖏᑦᑐᒧᑦ, ᑕᕝᕙᓂᓗ ᐊᑕᓂᕐᒧᑦ ᒎᑎᑦᑎᓐᓄᑦ ᑐᖁᑕᒃᓴᒥᒃ ᑐᓂᕐᕈᓯᕈᓐᓇᖁᓪᓗᑕ, ᑍᒤᓕᐅᕐᓂᐊᖏᒃᑯᑦᑕ ᖃᓂᒪᓇᕐᑐᒧᑦ ᑎᑭᑕᐅᑎᑐᐃᓐᓇᕆᐊᖃᕐᒪᑎᒍᑦ ᐅᕝᕙᓗ ᑐᖁᑕᐅᑎᓪᓗᑕ ᐅᓇᑕᕐᓂᒃᑯᑦ.”

ᒨᓯᓯ ᐂᑉᐸᖏᑦ 7:4

ᑕᕝᕙ ᓂᑲᒋᖏᓪᓗᒋᑦ ᐄᑦᔨᑉᑎᒥᐅᑦ ᓱᒋᐊᕐᓂᐊᕐᐸᒃᑲ ᐃᓅᖃᑎᒌᒃᑐᓪᓗ ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐊᐅᓪᓚᕐᑎᓐᓂᐊᕐᐸᒃᑲ ᓄᓇᖓᓐᓂᑦ.

ᒨᓯᓯ ᐂᑉᐸᖏᑦ 8:19

ᐊᖓᒃᑯᐃᓪᓗ ᐰᕉᒧᑦ ᐅᖃᕐᐳᑦ, “ᑕᒪᓐᓇ ᒎᑎᐅᑉ ᐱᔪᓐᓇᕐᓂᖓᑕ ᐱᓇᓱᐊᕐᓂᕆᕚ!” ᑭᓯᐊᓂᓕ ᐰᕉᑉ ᐆᒻᒪᑎᖓ ᓱᓕ ᓯᑎᔫᓚᐅᕐᐳᖅ, ᑖᒃᑯᓂᖓᓗ ᓈᓚᒍᓐᓇᕋᓂ, ᓲᕐᓗ ᐊᑕᓂᐅᑉ ᑍᒤᓐᓂᐊᕐᓂᕋᓚᐅᕐᒪᒍ.

ᐂᒨᓯᐅᑉ ᐊᒡᓚᖏᑦ 4:10

“ᖃᓄᐃᓐᓇᕐᑐᓂᒃ ᐱᑎᑦᓯᓚᐅᕐᐳᖓ ᐊᑯᓐᓇᑦᓯᓐᓄᑦ ᐄᑦᔨᑉᑎᒥᐅᑎᑐᑦ, ᐃᓅᓱᒃᑐᖁᑎᓯᓗ ᑐᖁᓚᐅᕐᐸᒃᑲ ᓴᕕᒡᔪᐊᒧᑦ, ᕿᒻᒥᕐᔪᐊᓯᓗ ᑎᒍᔭᕕᓂᓯ ᑐᖁᓚᐅᕐᐸᒃᑲ; ᑕᖕᒫᕐᓯᒪᕕᑦᓯᓗ ᒪᒤᑦᑐᓐᖑᕐᑎᓚᐅᕐᐸᒃᑲ ᑕᒪᑐᒥᖓ ᓁᒪᑎᓚᐅᕐᐸᑦᓯ; ᓱᓕᓕ ᐅᕙᓐᓄᑦ ᐅᑎᓚᐅᓐᖏᓚᓯ,” ᐊᑕᓂᖅ ᐅᖃᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 13:11

ᒫᓐᓇ ᑕᑯᒋᑦ, ᐊᑕᓂᐅᑉ ᓱᒋᐊᕐᓂᐊᕐᐹᑎᑦ, ᑕᐅᑐᒍᓐᓃᕐᓂᐊᕐᐳᑎᑦ ᐊᑯᓂ ᓯᕿᓂᕐᒥᒃ ᑕᑯᔪᓐᓁᓪᓕᓂᐊᕐᐳᑎᑦ.” ᑕᕝᕔᓐᓇᖅ ᐃᓔᒪᓯᐅᑉ ᑕᐅᑐᒃᑕᖓ ᐳᔪᕐᒧᑦ ᑖᕐᑐᒧᑦ ᐅᓕᒃᑕᐅᕗᖅ, ᑕᒪᐅᖓᑐᐃᓐᓇᖅ ᕿᓂᓕᕐᐳᖅ ᑕᓯᐅᕐᑎᒃᓴᒥᓂᒃ.

ᓴᒧᐃᓕ ᓯᕗᓪᓖᑦ 6:9

ᖃᐅᔨᓴᕐᑐᒃᓴᐅᕗᓯ ᓇᒧᓐᖓᐅᖕᒪᖔᑦ; ᑲᔪᓯᑐᐊᕐᐸᑦ ᓄᓇᓕᖕᓄᑦ ᐱᑦ-ᓯᒥᔅᒧᑦ, ᑐᑭᖃᕐᓂᐊᕐᐳᖅ ᐃᓴᕆᐊᓕᒥᐅᑦ ᒎᑎᖓᑕ ᑕᒪᓐᓇ ᐱᐅᖏᑦᑐᐊᓗᒃ ᐊᑑᑎᓚᐅᕐᑕᕗᑦ ᑎᑭᑎᓯᒪᖕᒪᒍ; ᑲᔪᓯᓐᖏᑐᐊᕐᐸᓪᓕ, ᖃᐅᔨᓂᐊᕐᐳᒍ ᑕᒪᓐᓇ ᖃᓂᒪᓇᕐᑐᖅ ᑖᑦᓱᒪ ᑎᑭᑎᓚᐅᖏᒻᒪᒍ; ᓇᓪᓕᐅᑎᔪᕕᓂᑐᐃᓐᓇᐅᒐᔭᕐᐳᕐᓕ.”