ᒨᓯᓯ ᐂᑉᐸᖏᑦ 9:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑭᓯᐊᓂᓕ ᑕᒪᓐᓇ ᐱᑦᔪᑎᒋᓪᓗᒍ ᐃᓅᑎᓚᕿᓯᒪᕙᒋᑦ, ᖃᐅᔨᖁᓪᓗᑎᑦ ᐱᔪᓐᓇᕐᓂᓐᓂᒃ ᓂᕐᑐᕐᓇᕐᓂᕋᓗ ᓄᓇᕐᔪᐊᓕᒫᒥ ᐅᖃᐅᓯᐅᓕᖁᓪᓗᒍ.

ᒨᓯᓯ ᐂᑉᐸᖏᑦ 9:16 Iomraidhean Croise

ᓴᒧᐃᓕ ᐂᑉᐸᖏᑦ 7:23

ᐃᓴᕆᐊᓕᒥᐅᑦ ᐃᓅᖃᑎᒌᒡᔪᐊᓂᒃ ᐊᑦᔨᖃᓐᖏᓚᑦ ᓄᓇᕐᔪᐊᕐᒥ, ᐄᑦᔨᑉᑎᒥᑦ ᓴᐳᑎᔭᕐᑐᓚᐅᕐᐸᑎᑦ ᐃᓄᖁᑎᑎᑦ ᐃᓚᒋᔪᒪᓪᓗᒋᑦ, ᑲᒪᓇᕐᑐᕐᔪᐊᓪᓗ ᐱᓂᐊᕐᓂᕆᓚᐅᕐᐸᑎᑦ ᑖᒃᑯᓄᖓ ᖃᐅᔨᒪᔭᐅᓕᕐᓗᑎᒡᓗ ᓯᓚᕐᔪᐊᒥᐅᓄᑦ, ᐃᓅᖃᑎᒌᒡᔪᐊᑦ ᒎᑎᓐᖑᐊᖏᓪᓗ ᓯᖏᓚᐅᕐᐸᑎᑦ ᐃᓄᖁᑎᑎᑦ ᓄᓇᑖᖔᖁᓪᓗᒋᑦ.

ᐊᑕᓃᑦ ᐂᑉᐸᖏᑦ 19:35

ᐅᓐᓄᐊᒥ ᑍᑦᓱᒪᓂᑦᓮᓐᓇᖅ ᐊᑕᓂᐅᑉ ᐂᖏᓕᖓ ᐊᓯᕆᐊᒥᐅᑦ ᑕᖕᒫᕐᓯᒪᕕᖓᓄᐊᕐᓗᓂ ᐅᓇᑕᕐᑎᖁᑎᖏᓐᓂᒃ 185,000ᓂᒃ ᑐᖁᕅᓚᐅᕐᐳᖅ; ᖃᐅᑎᓪᓗᒍ ᐅᓪᓛᒃᑯᑦ ᑕᑯᔭᐅᕗᑦ, ᑎᒦᑦ ᑐᖁᖓᔪᐃᓐᓇᓕᒫᑦ.

ᑯᕉᓂᑲ ᓯᕗᓪᓖᑦ 16:24

ᑖᑦᓱᒪ ᓂᕐᑐᕐᓇᕐᓂᖓ ᐃᓅᖃᑎᒌᒡᔪᐊᓄᑦ ᐅᖃᐅᑎᒋᓯᐅᒃ, ᑲᒪᓇᕐᑐᓕᓂᖏᓪᓗ ᐃᓅᖃᑎᒌᒡᔪᐊᓕᒫᓄᑦ!

ᓂᕼᐃᒤᐊᐅᑉ ᐊᒡᓚᖏᑦ 9:10

ᓇᓗᓁᒃᑯᑕᓂᒃ ᑲᒪᓇᕐᑐᓂᒡᓗ ᐱᓇᓱᐊᓚᐅᕐᐳᑎᑦ ᐊᖓᔪᖅᑳᕐᔪᐊᕐᒧᑦ ᐰᕉᒧᑦ, ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖏᓐᓄᑦ ᐃᓄᖏᓐᓄᓪᓗ ᓄᓇᖓᓐᓃᑦᑐᓕᒫᓄᑦ. ᖃᐅᔨᒪᓚᐅᕋᕕᑦ ᑖᒃᑯᓄᖓ ᐃᓄᖁᑎᕕᑦ ᐅᖁᒤᒃᓴᕐᑎᑕᐅᓂᖏᓐᓂᒃ. ᑍᒤᒻᒪᑦ ᓵᓚᖃᓚᐅᕐᐳᑎᑦ, ᖃᐅᔨᒪᔭᐅᑦᓯᐊᕐᓃᓪᓗ ᐅᓪᓗᒥ ᓱᓕ ᐱᒋᕙᑦ.

ᐃᓐᖏᕈᑎᑦ 106:8

ᓱᓕᓕ ᐱᐅᓕᓚᐅᕐᐰᑦ ᐊᑎᓂ ᐱᑦᔪᑎᒋᓪᓗᒍ, ᐱᔪᓐᓇᕐᓂᕐᔪᐊᓂ ᖃᐅᔨᔭᐅᑎᑦᓱᒪᓪᓗᒍ.

ᐃᓐᖏᕈᑎᑦ 64:9

ᐃᓄᓕᒫᑦ ᑕᕝᕙ ᓯᕘᕋᓕᕈᒫᕐᐳᑦ, ᒎᑎᐅᓪᓗ ᐱᓂᐊᕐᓂᖏᓐᓂᒃ ᐅᖃᐅᓯᖃᓕᕐᓗᑎᒃ; ᐃᓱᒪᒃᓴᕐᓯᐅᕈᑎᒋᓕᕐᓗᒋᓪᓗ ᐱᓂᐊᕐᓂᖏᑦ.

ᐃᓐᖏᕈᑎᑦ 76:10

ᐃᓄᐃᑦ ᓂᓐᖓᖕᓂᖏᑦ ᐃᓕᖕᓂᒃ ᓂᕐᑐᕐᓇᕐᓯᑎᑦᓯᔪᒃᓴᐅᕗᑦ; ᓂᓐᖓᐅᒪᓂᕐᓂᑦ ᐊᓐᓇᒃᑐᑦ ᐃᓕᖕᓂᒃ ᑕᑦᓯᕈᓯᕐᓯᔪᒫᕐᐳᑦ.

ᒨᓯᓯ ᐂᑉᐸᖏᑦ 14:17

ᐄᑦᔨᑉᑎᒥᐅᓪᓗ ᐆᒻᒪᑎᖏᑦ ᓯᑎᔫᑎᓐᓂᐊᕐᐸᒃᑲ ᒪᓕᒃᓴᕐᓂᐊᕐᐳᓪᓗ ᑖᒃᑯᓂᖓ. ᐅᐱᒋᔭᐅᑦᔪᑎᑖᕐᓂᐊᕐᐳᖓᓗ ᓵᓚᖃᕐᓂᓐᓂᒃ ᐊᖓᔪᖅᑳᕐᔪᐊᒥᒃ, ᐅᓇᑕᕐᑐᒃᓴᖁᑎᖏᓐᓂᒡᓗ, ᕿᒧᒃᓯᐅᑎᖁᑎᖏᓐᓃᑦᑐᓕᒫᓂᒃ.

ᒨᓯᓯ ᐂᑉᐸᖏᑦ 14:4

ᐱᔭᕐᓂᕈᓐᓃᕐᑎᓐᓂᐊᕋᒃᑯ, ᐃᓕᑦᓯᓐᓂᒡᓗ ᒪᓕᒃᓴᕐᓂᐊᕐᐳᖅ, ᓵᓚᖃᕐᓂᕋᓗ ᐊᖓᔪᖅᑳᕐᔪᐊᒥᒃ ᐅᓇᑕᕐᑐᒃᓴᖁᑎᖏᓐᓂᒡᓗ ᐅᐱᒋᔭᐅᑦᔪᑎᒋᓂᐊᕐᐸᕋ, ᑕᕝᕙ ᐄᑦᔨᑉᑎᒥᐅᑦ ᖃᐅᔨᓂᐊᕐᐳᑦ ᐊᑕᓂᐅᓂᓐᓂᒃ.” ᐃᓴᕆᐊᓕᒥᐅᓪᓗ ᐱᖁᔭᐅᓂᑎᒃ ᒪᓕᒡᓗᒍ ᐱᓂᐊᓚᐅᕐᐳᑦ.

ᒨᓯᓯ ᐂᑉᐸᖏᑦ 18:11

ᒫᓐᓇᓗ ᖃᐅᔨᕗᖓ ᐊᑕᓂᖅ ᐊᖏᓂᕐᓴᐅᖕᒪᑦ ᒎᑎᒋᔭᐅᔪᓕᒫᓂᑦ, ᐃᓄᐃᑦ ᐊᓂᑎᓚᐅᕐᒪᒋᑦ ᐄᑦᔨᑉᑎᒥᐅᑦ ᐱᔪᓐᓇᕐᓂᖏᓐᓂᑦ, ᑖᒃᑯᐊᓗ ᓂᑲᒋᔭᐅᖏᑦᑐᒻᒪᕆᐊᓘᑎᓪᓗᒋᑦ.”

ᒨᓯᓯ ᐂᑉᐸᖏᑦ 9:15

ᒫᓐᓇᒧᑦ ᑎᑭᓪᓗᒍ ᓱᒋᐊᕋᓱᐊᕋᔭᓚᐅᕈᒃᑭᑦ ᐃᓄᖁᑎᑎᓪᓗ ᐋᓐᓂᐊᓇᕐᑐᒧᑦ, ᑕᕝᕙ ᒫᓐᓇ ᑕᒫᓐᖓᑦ ᓄᓇᒥᑦ ᐲᕐᑕᐅᓯᒪᔪᑐᖃᐅᓕᕋᔭᕐᐳᑎᑦ;

ᒨᓯᓯ ᐂᑉᐸᖏᑦ 9:17

ᑭᓯᐊᓂᓕ ᓱᓕ ᑐᓴᕈᓐᓇᓐᖏᓚᑎᑦ ᐃᓄᖁᑎᒃᑲᓗ ᓱᓇᐅᒋᓇᒋᑦ ᐊᐅᓪᓚᖁᓐᖏᓚᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:4

ᐊᑕᓂᐅᑉ ᓱᓇᑐᐃᓐᓁᑦ ᐱᓐᖑᕐᑎᓚᐅᕐᐰᑦ ᐊᑑᑎᒃᓴᖏᓐᓄᑦ, ᐱᐅᖏᑦᑐᑦ ᐊᒡᓛᑦ ᐊᓯᕈᕐᑕᐅᕕᒃᓴᖏᑦ ᓇᓪᓕᐅᑎᑎᑦᓱᒫᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 32:20

ᐄᑦᔨᑉᑎᒥ ᓇᓗᓁᒃᑯᑕᓂᒃ ᑲᒪᓇᕐᑐᕐᔪᐊᓂᒡᓗ ᑐᑭᓯᑦᔪᑕᐅᔪᓐᓇᕐᑐᓂᒃ ᐱᓂᐊᖃᑦᑕᕐᓯᒪᕗᑎᑦ, ᐅᓪᓗᒥᓗ ᓱᓕ ᐱᓂᐊᕐᓂᕆᕙᒃᐸᑎᑦ ᐃᓄᓕᒫᓂᒃ ᐃᓴᕆᐊᓕᒥᐅᓂᒃ ᐊᓯᖏᓐᓂᒡᓗ ᐃᓅᖃᑎᒌᒡᔪᐊᓂᒃ ᖃᐅᔨᒪᔭᐅᑦᔪᑎᒋᕙᑎᓪᓗ ᓇᓂᑐᐃᓐᓇᖅ, ᐅᓪᓗᒥᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 39:21

“ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᓂᕐᑐᕐᓇᕐᓂᕐᔪᐊᕋ ᐃᓂᑖᕐᑎᑦᓱᒫᕐᐸᕋ; ᐃᓅᖃᑎᒌᒡᔪᐊᓕᒫᓪᓗ ᑕᑯᔪᒫᕐᐳᑦ ᐋᖅᑭᒃᓱᐃᓂᒃᑯᑦ ᐱᓇᓱᐊᕐᓯᒪᓂᓐᓂᒃ, ᐱᔪᓐᓇᕐᓂᕋᓗ ᐊᑐᕐᓗᒍ ᐱᓇᓱᐊᕐᕕᒋᓯᒪᒐᒃᑭᑦ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 1:14

ᓱᒋᐊᒐᒃᓴᐅᕗᖅ ᐆᒪᔪᖁᑎᖃᕋᓗᐊᕐᓗᓂ ᐊᖑᓴᓪᓗᕐᒥᒃ ᐊᖏᕈᑎᒋᓯᒪᔭᒥᓂᒃ ᑐᓂᕐᕈᑎᒋᔪᒪᓪᓗᒍ, ᑐᓂᕐᕈᓯᖔᕈᓂ ᐆᒪᔪᒥᒃ ᓈᒻᒪᖏᑦᑐᒥᒃ ᐊᑕᓂᕐᒧᑦ, ᐅᕙᖓ ᐊᖓᔪᖅᑳᕐᔪᐊᒍᕗᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᑎᕋᓗ ᓯᕘᕋᒋᔭᐅᕗᖅ ᐃᓅᖃᑎᒌᒡᔪᐊᓄᑦ.”

ᒨᓯᓯ ᓯᑕᒪᖏᑦ 14:21

ᓱᓕᑦᓯᐊᕐᐳᖅ, ᐃᓅᑎᓪᓗᖓ ᓄᓇᕐᔪᐊᓕᒫᖅ ᐊᑕᓂᐅᑉ ᐱᓐᓇᕐᓇᕐᓂᖓᓂᒃ ᑕᑕᑦᓱᒫᕐᐳᖅ;

ᕉᒪᒥᐅᓄᑦ 9:17

ᒎᑎᐅᑉ ᐅᖃᐅᓯᖏᑦ ᐰᕉᒧᑦ ᐅᖃᕐᒪᑕ, “ᒪᑭᑎᓚᐅᕐᐸᒋᑦ ᐊᑐᕈᒪᓪᓗᑎᑦ ᐱᔪᓐᓇᕐᓂᕋ ᓴᖅᑭᑎᑦᓱᒪᓪᓗᒍ ᐃᓕᖕᓂᒃ ᐊᑐᕐᓗᖓ, ᐊᑎᕋ ᐅᖃᐅᑎᒋᔭᐅᖁᓪᓗᒍ ᓄᓇᕐᔪᐊᓕᒫᒥ.”

ᕉᒪᒥᐅᓄᑦ 9:22

ᒎᑎᐅᑉ ᓂᓐᖓᖕᓂᓂ ᑕᑯᔭᐅᖁᒐᒥᐅᒃ ᐱᔪᓐᓇᕐᓂᓂᓗ ᖃᐅᔨᔭᐅᖁᒐᒥᐅᒃ, ᐃᓗᓕᖅᑯᑎᓕᐊᖑᓯᒪᔪᑦ ᐊᑯᓂ ᕿᓄᐃᓵᕈᑎᒋᕔᑦ ᓂᓐᖓᖕᓂᖓᓄᑦ ᐊᓯᕈᕐᑕᐅᔪᒃᓴᐅᓪᓗᑎᒃ ᓴᓇᔭᐅᓯᒪᔪᑦ,

ᔮᓱᐊᑉ ᐊᒡᓚᖏᑦ 4:24

ᐃᓄᓕᒫᑦ ᓄᓇᕐᔪᐊᕐᒥᐅᑦ ᖃᐅᔨᖁᓪᓗᒋᑦ ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓂᒃ; ᐃᓕᑦᓯᓗ ᐃᓕᕋᓱᐃᓐᓇᕐᓂᐊᕋᑦᓯ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓱᖃᖏᑦᑐᒧᑦ.”

ᐲᑦᑐᕉᓯ ᓯᕗᓪᓖᑦ 2:19

ᑕᒪᓐᓇ ᓮᒻᒪᕐᑎᑕᐅᓇᕐᒪᑦ, ᒎᑎᒥᒃ ᐃᓱᒪᖃᕐᓗᓂ, ᐃᓄᒃ ᐃᓗᖏᕐᓱᕐᑎᑕᐅᒃᐸᑦ ᓈᒻᒪᓈᕐᑕᐅᓯᒪᖏᓪᓗᓂ.

ᐲᑦᑐᕉᓯ ᓯᕗᓪᓖᑦ 2:8

ᐊᓯᖏᓐᓂ ᐅᖃᕐᓯᒪᔪᖃᕆᕗᖅ, “ᑖᓐᓇ ᐅᔭᕋᒃ ᐃᓄᖕᓂᒃ ᓈᑎᑦᓯᔪᒫᕐᐳᖅ ᐹᓪᓚᒃᑎᑦᓯᔪᒫᕐᓗᓂᓗ.” ᑖᒃᑯᐊ ᐹᓪᓚᒃᐳᑦ ᐅᒃᐱᖏᓐᓇᒥᒃ ᐅᖃᐅᓯᐅᔪᓂᒃ, ᑖᒃᑯᓄᖓ ᑐᕌᖓᔫᒐᓗᐊᓂᒃ.

ᔫᑎᐅᑉ ᐊᒡᓚᖏᑦ 1:4

ᐃᓚᖏᑦ ᐱᖏᑦᓯᕐᑐᕐᓗᑎᒃ ᐅᕙᑦᑎᓐᓄᑦ ᐃᓚᓕᐅᑎᓯᒪᖕᒪᑕ ᑍᑦᓱᒪᓂᐊᓗᖕᓂᑦ ᐅᖃᐅᓯᐅᔭᕇᕐᓯᒪᔪᑦ ᓱᒋᐊᕐᑕᐅᓛᕐᓂᕐᒥᖕᓂᒃ ᐱᓯᒪᓕᕇᕐᑐᑦ, ᑖᒃᑯᐊ ᐅᒃᐱᖏᑦᑐᑦ ᒎᑎᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᓇᕐᓯᑎᑉᐹᑦ ᐃᒃᓯᒎᕐᓂᕐᒥᖕᓂᒃ ᐊᑐᕐᓂᕐᒥᖕᓄᑦ ᓱᓇᐅᑎᓐᖏᓛᓪᓗ ᐊᖓᔪᖅᑳᑐᐊᕗᑦ ᐊᑕᓂᑐᐊᕗᓪᓗ ᔩᓱᓯ ᙭ᔅᑑᓯ.

ᓴᒧᐃᓕ ᓯᕗᓪᓖᑦ 4:8

ᓵᓚᐅᓂᐊᓕᕐᐳᒍᑦ! ᑭᓇᒨᓪᓕ ᐱᐅᓕᔭᐅᔪᓐᓇᕐᐱᑕ ᒎᑎᓂᑦ ᐱᔪᓐᓇᕐᑐᕐᔪᐊᓃᑦ? ᑍᒃᑯᐊᖑᖕᒪᑕ ᒎᑏᑦ ᐊᓯᕈᐃᓚᐅᕐᑐᑦ ᐄᑦᔨᑉᑎᒥᐅᓂᒃ ᖃᓄᐃᑦᑐᑐᐃᓐᓇᓄᑦ ᐃᓄᖃᖏᑦᑐᒥ!