ᒨᓯᓯ ᐂᑉᐸᖏᑦ 9:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑕᒪᑐᒪᓂᓕ ᓱᓕ ᐱᖁᔨᓂᐊᖏᒃᑯᕕᑦ ᑕᕝᕙ ᐱᔨᑎᑦ ᐃᓄᖁᑎᑎᓪᓗ ᓱᒋᐊᕐᑕᑐᐊᕆᓂᐊᕈᓐᓃᕐᐸᒃᑲ ᐃᕝᕕᓪᓕ ᓱᒋᐊᖃᓯᐅᑎᓂᐊᓕᕐᐸᒋᑦ, ᖃᐅᔨᓕᖁᓪᓗᑎᑦ ᐅᕙᑦᑐᑦ ᑍᒤᑦᑐᒥᒃ ᐱᑕᖃᖏᓐᓂᖓᓂᒃ ᓄᓇᕐᔪᐊᓕᒫᒥ.

ᒨᓯᓯ ᐂᑉᐸᖏᑦ 9:14 Iomraidhean Croise

ᓴᒧᐃᓕ ᐂᑉᐸᖏᑦ 7:22

ᑍᒤᒻᒪᑦ ᐊᖏᔪᕐᔪᐊᖑᕗᑎᑦ, ᐊᑕᓃᖅ ᒎᑏ; ᓇᓪᓕᐊᓐᓂᒡᓘᓐᓃᑦ ᐊᑦᔨᖃᓐᖏᓚᑎᑦ, ᐊᓯᖕᓂᒡᓗ ᒎᑎᑕᖃᓐᖏᓚᖅ, ᑐᓴᕐᓯᒪᔭᓕᒫᕗᑦ ᒪᓕᒡᓗᒋᑦ.

ᐊᑕᓃᑦ ᓯᕗᓪᓖᑦ 8:38

ᖃᓄᑐᐃᓐᓇᖅ ᑐᒃᓯᐊᕐᐸᑕ, ᑐᒃᓯᐅᑦᔨᔪᖃᕐᐸᓪᓘᓐᓃᑦ ᐃᓄᖕᒥᒃ ᓇᓪᓕᐊᓐᓂᒃ ᐃᓴᕆᐊᓕᒥᐅᓪᓘᓐᓃᑦ ᑕᒪᒃᑭᕐᓗᑎᒃ, ᖃᐅᔨᒪᓗᑎᒃ ᐆᒻᒪᑎᒃᑯᑦ ᐊᒃᑐᐊᔭᐅᑦᔪᑎᒥᖕᓂᒃ ᐊᒡᒐᑎᒡᓗ ᐃᓵᖓᓗᒋᑦ ᑖᑦᓱᒪ ᐃᒡᓘᑉ ᓇᓛᓄᑦ,

ᑯᕉᓂᑲ ᓯᕗᓪᓖᑦ 17:20

ᐊᑕᓃᖅ ᐊᑦᔨᖃᓐᖏᓚᑎᑦ, ᐊᓯᖕᓂᒡᓗ ᒎᑎᑕᖃᓐᖏᓚᖅ, ᐱᓂᐊᕐᓂᕆᓚᐅᕐᑕᑎᑦ ᐱᓪᓗᒋᑦ ᓇᖕᒥᓂᖅ ᑐᓴᕐᓯᒪᔭᕗᑦ.

ᐃᓐᖏᕈᑎᑦ 86:8

ᐊᑕᓃᖅ ᓇᓂᓕᒫᖅ ᐃᓕᒃᑐᑦ ᑍᒤᑦᑐᒥᒃ ᒎᑎᑕᖃᓐᖏᓚᖅ, ᐃᓕᒃᑐᓪᓗ ᐱᓇᓱᐊᕈᓐᓇᕐᑎᒋᔪᒥᒃ ᐱᑕᖃᕋᓂ.

ᒨᓯᓯ ᐂᑉᐸᖏᑦ 15:11

ᐊᑕᓃᖅ, ᒎᑎᒋᔭᐅᔪᓄᑦ ᓇᓪᓕᐊᓐᓄᑦ ᐊᑦᔨᐅᑎᑕᒃᓴᐅᕖᑦ? ᐃᓕᒃᑐᓪᓗ ᐃᑦᔪᕐᓁᑦᑐᕐᔪᐊᖑᑎᒋᔪᒥᒃ ᐱᑕᖃᕐᐹ? ᐃᓕᒃᑐᑦ ᐊᔪᖏᑦᑐᕐᔪᐊᖑᑎᒋᔪᒥᒃ ᑲᒪᓇᕐᑐᓕᔪᓐᓇᕐᑐᖃᕐᐹ?

ᒨᓯᓯ ᐂᑉᐸᖏᑦ 8:10

ᐰᕉᑉ ᑭᐅᕚ, “ᖃᐅᒃᐸᑦ ᑐᒃᓯᐅᑎᓛᓕᕐᐸᕐᒪ.” ᒨᓯᓯ ᐅᖃᕐᐳᖅ, “ᑍᒤᓐᓂᐊᓕᕐᐳᖅ ᐅᖃᐅᓯᕆᔭᕐᑐᑦ, ᖃᐅᔨᖁᓪᓗᑎᑦ ᒎᑎᑕᖃᖏᓐᓂᖓᓂᒃ ᐊᑕᓂᕆᔭᑦᑕ ᒎᑎᐅᑉ ᐊᓯᐊᓂᒃ.

ᒨᓯᓯ ᐂᑉᐸᖏᑦ 8:6

ᑕᕝᕙ ᐂᕉᓂᐅᑉ ᑕᓕᓂ ᐃᓵᒃᐹ ᐄᑦᔨᑉᑎᐅᑉ ᐃᒪᖏᑕ ᖁᓛᓄᑦ; ᓈᕌᔩᓪᓗ ᓴᖅᑭᐊᓕᕐᐳᑦ ᐄᑦᔨᑉᑎᐅᑉ ᓄᓇᖓ ᐅᓕᒃᑕᐅᓪᓗᓂ ᑕᒪᒃᑯᓄᖓ.

ᒨᓯᓯ ᐂᑉᐸᖏᑦ 9:15

ᒫᓐᓇᒧᑦ ᑎᑭᓪᓗᒍ ᓱᒋᐊᕋᓱᐊᕋᔭᓚᐅᕈᒃᑭᑦ ᐃᓄᖁᑎᑎᓪᓗ ᐋᓐᓂᐊᓇᕐᑐᒧᑦ, ᑕᕝᕙ ᒫᓐᓇ ᑕᒫᓐᖓᑦ ᓄᓇᒥᑦ ᐲᕐᑕᐅᓯᒪᔪᑐᖃᐅᓕᕋᔭᕐᐳᑎᑦ;

ᐂᓮᐊᓯᐅᑉ ᐊᒡᓚᖏᑦ 45:5

ᐅᕙᖓᐅᕗᖅ ᐊᑕᓂᖅ, ᐊᓯᓐᓂᒃ ᐊᑕᓂᕐᑕᖃᓐᖏᓚᖅ; ᐊᓯᓐᓂᒡᓗ ᒎᑎᑕᖃᕋᓂ. ᕿᑎᕈᓯᓚᐅᕐᐸᒋᑦ, ᐅᕙᓐᓂᒃ ᖃᐅᔨᒪᖏᒃᑲᓗᐊᕐᑎᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 46:9

ᐃᖅᑬᓕᕆᑦᓯ ᑍᑦᓱᒪᓂᐊᓗᒃ ᐊᑐᓚᐅᕐᑐᓂᒃ; ᐅᕙᖓᐅᕗᖅ ᒎᑎ, ᐊᓯᓐᓂᒡᓗ ᐱᑕᖃᕋᓂ, ᐅᕙᖓᐅᕗᖅ ᒎᑎ, ᐅᕙᑦᑐᑦ ᑍᒤᑦᑐᕐᑕᖃᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 10:6

ᐊᑕᓃᖅ ᐊᑦᔨᖃᓐᖏᓚᑎᑦ; ᐊᔪᖏᑦᑐᕐᔪᐊᖑᕗᑎᑦ, ᐊᑏᓪᓗ ᐊᔪᖏᑦᑐᕐᔪᐊᖑᕗᖅ ᐱᔪᓐᓇᕐᓂᖃᕐᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 10:7

ᑭᓇᓕ ᓯᕘᕋᖏᑦᑑᔪᓐᓇᕐᐹ ᐃᓕᖕᓃᒃ? ᐊᖓᔪᖅᑳᕐᔪᐊᖑᔪᑎᑦ ᐃᓅᖃᑎᒌᒡᔪᐊᓄᑦ ᓂᕐᑐᕐᑕᐅᔪᒃᓴᐅᕗᑎᑦ; ᓯᓚᑐᔪᕐᔪᐊᓕᒫᑦ ᐃᓅᖃᑎᒌᒡᔪᐊᓂ ᐊᖓᔪᖅᑲᐅᕕᓕᒫᓪᓗ ᑲᑎᓪᓗᒋᑦ ᐃᓕᒃᑐᑦ ᑍᒤᑦᑐᕐᑕᖃᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 19:8

ᑖᒃᑯᐊ ᐃᒡᓗᒐᓴᒡᔪᐊᑦ ᓱᕋᒃᑕᐅᑎᓐᓂᐊᕐᐸᒃᑲ ᓇᕐᕈᒋᔭᒃᓴᓐᖑᕐᑎᓪᓗᒋᓪᓗ; ᐊᖅᑯᓵᕐᑐᓪᓗ ᑲᒪᓂᐊᕐᓗᑎᒃ ᓱᕋᒃᑎᕐᓯᒪᓂᖓᓂᒃ ᖁᐊᕐᓵᖓᔪᒫᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 5:21

ᐃᓄᐃᑦ ᐃᓂᖓᓂᑦ ᐊᐅᓪᓚᕐᑎᑕᐅᓚᐅᕐᐳᖅ ᐆᒪᔫᑎᑐᓪᓗ ᐃᓱᒪᖃᓕᕐᓗᓂ; ᐃᓅᖃᑎᖃᓕᕐᓗᓂᓗ ᓯᐅᑎᖁᕐᑐᔪᓂᒃ ᓄᔪᐊᕐᑐᓂᒃ, ᐆᒪᔪᕐᑎᑐᓪᓗ ᐃᕕᒃᓱᒐᕐᓂᒃ ᓂᕿᖃᓚᐅᕐᐳᖅ; ᑎᒥᖓᓗ ᖃᐅᓯᕐᑎᑕᐅᖃᑦᑕᓚᐅᕐᐳᖅ ᓯᓚᐅᑉ ᐂᔪᖓᑎᑦᓯᓂᖓᓄᑦ, ᖃᐅᔨᓚᐅᖏᓐᓂᖓᓂ ᒎᑎ ᖁᑦᓯᖕᓂᕐᐹᑉ ᐊᐅᓚᑦᓯᓂᖓᓂᒃ ᐃᓄᐃᑦ ᐊᖓᔪᖅᑳᕐᔪᐊᖑᕕᖏᓐᓂᒃ, ᐊᖓᔪᖅᑲᕐᔪᐊᖑᑎᑦᓯᕙᖕᒪᑦ ᓇᓪᓕᐊᓐᓂᒃ ᐱᖁᔭᒥᓂᒃ.

ᒨᓯᓯ ᐱᖓᔪᖏᑦ 26:18

“ᑕᒪᒃᑯᐊ ᐊᑐᓚᐅᕐᑎᓪᓗᒋᑦ ᓱᓕ ᓈᓚᖏᒃᑯᑦᓯ, ᓱᒋᐊᒃᑲᓐᓂᕈᒫᕐᐸᑦᓯ 7ᐃᕐᑑᑎᓪᓗᐊᖏᓐᓂᑦ ᐱᐅᖏᓐᓂᕐᓴᓂᒃ.

ᒨᓯᓯ ᐱᖓᔪᖏᑦ 26:21

“ᓱᓕ ᐅᕙᓐᓄᑦ ᓵᖓᓇᓱᐊᖏᒃᑯᑦᓯ ᓈᓚᒍᒪᖏᓪᓗᓯᓗ ᐅᕙᓐᓂᒃ, ᓱᒋᐊᕐᑕᐅᓂᓯ ᐊᖏᒡᓕᑎᒃᑲᓐᓂᕐᓂᐊᕐᐸᕋ 7ᐃᕐᑑᑎᓪᓗᐊᖏᓐᓂ, ᐱᐅᖏᑦᑐᓕᓂᓯ ᒪᓕᒡᓗᒍ.

ᒨᓯᓯ ᐱᖓᔪᖏᑦ 26:28

ᓂᓐᖓᐅᒪᓂᕐᒧᑦ ᐃᓕᑦᓯᓐᓄᑦ ᓵᓐᓂᐊᕐᐳᖓ, ᓱᒋᐊᕐᓂᐊᕐᐸᑦᓯᓗ ᐊᖏᓂᕐᓴᒥᒃ ᓯᕗᓪᓕᕐᓂᑦ 7ᐃᕐᑐᕐᓗᒋᑦ ᐱᐅᖏᓐᓂᕐᓴᐅᔪᓂᒃ.

ᒤᑲᐅᑉ ᐊᒡᓚᖏᑦ 6:13

ᑍᒤᒻᒪᑦ, ᓱᒋᐊᓕᕐᐸᑦᓯ, ᐊᔪᓕᕐᑎᓪᓗᓯ ᐊᔪᕐᑐᓕᓂᓯ ᐱᓪᓗᒋᑦ.

ᒨᓯᓯ ᑕᓪᓕᒪᖏᑦ 3:24

‘ᐊᑕᓃᖅ ᒎᑏ ᐊᔪᒐᖃᖏᑦᑐᑎᑦ, ᖃᐅᔨᒪᔪᖓ ᑕᑯᑎᓯᒪᒐᕕᖓ ᐃᓔᓐᓇᑯᓗᐊᓂᒃ ᐱᒋᐊᕐᓂᑐᐃᓐᓇᖓᓂᒡᓗ ᐊᖏᔪᐊᓘᓂᕐᐱᑦ ᐱᐅᔪᐊᓘᓂᕐᐱᓪᓗ ᐱᓇᓱᐊᕈᒫᕐᑕᖓᓂᒃ. ᐊᓯᖕᓂᒃ ᒎᑎᑕᖃᖏᒻᒪᑦ ᕿᓚᖕᒥ ᓄᓇᒥᓗ ᐃᓕᒃᑐᑦ ᑍᒫᒃ ᐊᔪᒐᖃᖏᑦᑑᑎᒋᔪᒥᒃ ᐱᓇᓱᐊᕈᓐᓇᕐᑎᒋᔪᒥᒡᓗ ᐱᓇᓱᐊᖃᑦᑕᕐᓯᒪᔭᕐᑐᑦ ᐱᓕᕆᔪᓐᓇᕐᑎᒋᔪᒥᒃ!

ᒨᓯᓯ ᑕᓪᓕᒪᖏᑦ 4:35

ᐊᑕᓂᐅᑉ ᑕᒪᑐᒥᖓ ᑕᑯᑎᓚᐅᕐᐹᓯ, ᐃᓕᑦᓯᓐᓄᑦ ᖁᓚᕐᓇᖏᑦᑐᒥᒃ ᓴᖅᑭᑎᑦᓯᔪᒪᓪᓗᓂ ᐊᑕᓂᖅ ᒎᑎᐅᖕᒪᑦ ᐊᓯᐊᓂᒡᓗ ᒎᑎᑕᖃᕋᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:8

ᑍᒤᒻᒪᑦ ᑲᑉᐱᐊᓱᒃᑎᑕᐅᓂᖏᑦ ᐅᓪᓗᒥ ᐊᑕᐅᓯᕐᒥ ᑎᑭᑦᓱᒫᕐᐳᑦ, ᐋᓐᓂᐊᓇᕐᑐᑦ ᕿᒃᓵᖕᓇᕐᑐᑦ ᑳᖕᓇᕐᑐᓪᓗ, ᐃᑯᒪᒧᓪᓗ ᐃᑭᑕᐅᔪᒫᕐᐳᖅ; ᐊᑕᓂᖅ ᒎᑎ ᑖᑦᓱᒪ ᐃᖅᑲᕐᑐᐃᔨᖓ ᐊᔪᒐᖃᖏᑦᑐᕐᔪᐊᖑᖕᒪᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:18

ᐅᕙᖓ ᔪᐊᓇᓯ ᖃᐅᔨᒪᖁᔨᕗᖓ ᑕᒤᓐᓂᒃ ᑐᓴᕐᑐᓂᒃ ᐅᑯᓂᖓ ᐱᔪᒫᕐᑐᓂᒃ ᐅᕙᓂ ᐊᒡᓚᖕᓂ ᑎᑎᕋᕐᑕᐅᓯᒪᔪᓂᒃ: ᓇᓪᓕᐊᑦ ᑖᒃᑯᓂᖓ ᐃᓚᓯᒃᐸ ᒎᑎᐅᑉ ᓱᒋᐊᕐᓯᓂᕆᒐᔭᕐᑕᖓᓂᒃ ᐃᓚᒋᐊᕈᒫᐰᑦ ᑲᑉᐱᐊᓇᕐᑐᓂᒃ ᐅᑯᓇᓂ ᐊᒡᓚᖕᓂ ᐅᖃᐅᑕᐅᓯᒪᔪᓂ,

ᓴᒧᐃᓕ ᓯᕗᓪᓖᑦ 4:8

ᓵᓚᐅᓂᐊᓕᕐᐳᒍᑦ! ᑭᓇᒨᓪᓕ ᐱᐅᓕᔭᐅᔪᓐᓇᕐᐱᑕ ᒎᑎᓂᑦ ᐱᔪᓐᓇᕐᑐᕐᔪᐊᓃᑦ? ᑍᒃᑯᐊᖑᖕᒪᑕ ᒎᑏᑦ ᐊᓯᕈᐃᓚᐅᕐᑐᑦ ᐄᑦᔨᑉᑎᒥᐅᓂᒃ ᖃᓄᐃᑦᑐᑐᐃᓐᓇᓄᑦ ᐃᓄᖃᖏᑦᑐᒥ!