ᒨᓯᓯ ᐂᑉᐸᖏᑦ 8:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑭᓯᐊᓂᓕ ᓄᓇ ᒎᓯᓂ ᑕᒪᒃᑯᓄᖓ ᑎᑭᑕᐅᑎᓐᓂᐊᓐᖏᓚᕋ, ᑕᕝᕙᓂ ᐃᓄᖁᑎᖃᕋᒪ, ᑖᒃᑯᐊ ᐊᓇᓐᖏᕐᓄᑦ ᑎᑭᑕᐅᑎᓐᓂᐊᓐᖏᓚᒃᑲ, ᑍᒤᓕᐅᕐᓂᐊᕐᐳᖓ ᖃᐅᔨᖁᓪᓗᑎᑦ ᐅᕙᖓ ᐊᑕᓂᐅᒐᒪ ᑕᒫᓂ ᓄᓇᒥ ᐱᓇᓱᐊᕐᑐᖅ.

ᒨᓯᓯ ᐂᑉᐸᖏᑦ 8:22 Iomraidhean Croise

ᒨᓯᓯ ᓯᕗᓪᓖᑦ 46:34

ᑭᐅᔪᒃᓴᐅᕗᓯ, ‘ᐱᔨᐅᕗᒍᑦ ᐃᓕᖕᓄᑦ ᐊᑯᓂᓂᑦ ᑍᒪᓐᖓᑦ ᐃᓅᓱᒃᑑᓂᑦᑎᓐᓂᑦ ᒫᓐᓇᒧᑦ ᑎᑭᓪᓗᒍ ᐃᒻᒧᒃᓯᐅᒐᓕᕆᔨᐅᕗᒍᑦ, ᑕᒪᑦᑕ ᓯᕗᓕᕆᓚᐅᕐᑕᕗᓪᓗ,’ ᑍᒫᒃ ᑕᕝᕙᓂ ᓄᓇᒥ ᒎᓯᓂᒥ ᓄᓇᖃᕐᑎᑕᐅᔪᓐᓇᖁᓪᓗᓯ; ᑕᒪᕐᒥᒃ ᓰᐱᓕᕆᔨᓕᒫᑦ ᓇᕐᕈᓇᕐᑑᖕᒪᑕ ᐄᑦᔨᑉᑎᒥᐅᓄᑦ.”

ᐃᓐᖏᕈᑎᑦ 110:2

ᐊᑕᓂᐅᑉ ᑎᒃᑯᐊᕐᓯᑦᔪᑎᒥᒃ ᑐᓂᓯᕕᒋᓂᐊᕐᐹᑎᑦ ᓮᐅᓂᒥᑦ ᐱᔪᒥᒃ ᐊᐅᓚᑦᓯᔪᓐᓇᐅᑎᒃᓴᕐᓂᒃ. ᐊᐅᓚᑦᓯᖁᓪᓗᑎᑦ ᐆᒥᒋᔨᕕᑦ ᐊᑯᕐᖓᓐᓂ.

ᐃᓐᖏᕈᑎᑦ 74:12

ᒎᑎ, ᐊᖓᔪᖅᑳᕐᔪᐊᕆᕙᕋ ᑍᑦᓱᒪᓂᑐᖄᓗᖕᓂᑦ, ᐱᓇᓱᐊᕐᑐᖅ ᐱᐅᓕᔭᐅᓂᕐᒥᒃ ᓄᓇᕐᔪᐊᑉ ᐊᑯᕐᖓᓂ.

ᒨᓯᓯ ᐂᑉᐸᖏᑦ 10:23

ᓇᓪᓕᐊᓐᓂᒡᓘᓐᓃᑦ ᐃᒻᒥᖕᓄᑦ ᑕᑯᖃᑦᑕᐅᑎᔪᓐᓇᕐᑐᖃᓚᐅᓐᖏᓚᖅ, ᐃᒡᓗᒥᖕᓂᓪᓗ ᐊᓂᔪᖃᓚᐅᕋᓂ ᐅᓪᓗᓂᒃ ᐱᖓᓱᓂᒃ; ᐃᓴᕆᐊᓕᒥᐅᓪᓕ ᓇᔪᕐᑕᖓᑦ ᖃᐅᒪᑦᓯᐊᓚᐅᕐᐳᖅ.

ᒨᓯᓯ ᐂᑉᐸᖏᑦ 12:13

ᐊᖏᕐᕋᕆᔭᑦᓯᓗ ᐃᑎᕐᑕᕐᕕᖓᑕ ᐊᕙᓗᐊᒍᑦ ᐊᐅᒥᑎᕐᓯᒪᓂᖏᑦ, ᐃᓕᑦᓯᓐᓄᑦ ᓇᓗᓁᒃᑯᑕᐅᓂᐊᕐᐳᑦ ᓇᓃᓐᓂᑦᓯᓐᓂᒃ; ᐊᐅᖕᒥᒡᓗ ᑕᑯᑐᐊᕈᒪ, ᑕᕝᕙ ᖄᖏᕐᓂᐊᕐᐸᑦᓯ, ᑕᒪᑐᒧᖓᓗ ᑲᑉᐱᐊᓇᕐᑐᕐᔪᐊᒧᑦ ᑎᑭᑕᐅᓂᐊᓐᖏᓚᓯ ᐄᑦᔨᑉᑎᒥᐅᑦ ᓱᒋᐊᓕᕈᒃᑭᑦ.

ᒨᓯᓯ ᐂᑉᐸᖏᑦ 19:5

ᒫᓐᓇᓕ ᑕᕝᕙ, ᐅᕙᓐᓂᒃ ᓈᓚᖕᓂᐊᕈᑦᓯ ᐊᖏᕈᑎᒋᓯᒪᔭᓐᓂᒡᓗ ᒪᓕᒡᓗᓯ, ᑕᕝᕙ ᐅᕙᓐᓄᑦ ᐃᓄᖁᑕᐅᓂᐊᓕᕐᐳᓯ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ; ᓄᓇᕐᔪᐊᖅ ᐃᓘᓐᓇᓂ ᐱᖁᑎᒋᒐᒃᑯ,

ᒨᓯᓯ ᐂᑉᐸᖏᑦ 20:11

ᐅᓪᓗᓂᒃ ᐱᖓᓲᔪᕐᑐᓂᒃ ᐊᑕᓂᐅᑉ ᓄᓇᕐᔪᐊᖅ ᕿᓚᒡᓗ ᓴᓇᓚᐅᕐᒪᒍ, ᐃᒪᕐᔪᐊᕐᓗ ᐃᒪᕐᒥᐅᑕᓕᒫᓪᓗ, ᐅᓪᓗᓪᓕ 7ᖓᓐᓂ ᑕᕾᕐᓯᓚᐅᕐᐳᖅ. ᑍᒤᒻᒪᑦ ᐊᑕᓂᐅᑉ ᓴᐸᑎ ᐅᓪᓗᓄᑦ ᐊᑦᔨᐅᑎᓐᓇᒍ ᓇᓗᓁᓚᐅᕐᐹ ᐃᑦᔪᕐᓁᑎᓪᓗᒍᓗ.

ᒨᓯᓯ ᐂᑉᐸᖏᑦ 7:17

ᐊᑕᓂᖅ ᐅᖃᕐᐳᖅ, “ᐱᓇᓱᐊᕐᓂᕆᓂᐊᕐᑕᓐᓄᑦ ᑐᑭᓯᑎᑕᐅᓂᐊᕐᐳᑎᑦ ᐅᕙᖓ ᐊᑕᓂᐅᓂᓐᓂᒃ: ᑕᑯᒋᑦ ᑰᒃ ᐊᓇᐅᓂᐊᕐᐸᕋ ᐊᔭᐅᑉᐱᐊᓐᓄᑦ ᑎᒍᒥᐊᕐᑕᓐᓄᑦ, ᐃᒪᕐᓗ ᑕᕝᕙ ᐊᐅᓐᖑᕐᓂᐊᕐᐳᖅ.

ᒨᓯᓯ ᐂᑉᐸᖏᑦ 7:5

ᐄᑦᔨᑉᑎᒥᐅᓪᓗ ᖃᐅᔨᓕᕐᓂᐊᕐᐳᑦ ᐊᑕᓂᐅᓂᓐᓂᒃ ᓱᒋᐊᕈᒃᑭᑦ ᐃᓴᕆᐊᓕᒥᐅᓪᓗ ᓄᓇᖓᓐᓂᑦ ᐊᐅᓪᓚᕐᑎᒃᑯᒃᑭᑦ.”

ᒨᓯᓯ ᐂᑉᐸᖏᑦ 8:10

ᐰᕉᑉ ᑭᐅᕚ, “ᖃᐅᒃᐸᑦ ᑐᒃᓯᐅᑎᓛᓕᕐᐸᕐᒪ.” ᒨᓯᓯ ᐅᖃᕐᐳᖅ, “ᑍᒤᓐᓂᐊᓕᕐᐳᖅ ᐅᖃᐅᓯᕆᔭᕐᑐᑦ, ᖃᐅᔨᖁᓪᓗᑎᑦ ᒎᑎᑕᖃᖏᓐᓂᖓᓂᒃ ᐊᑕᓂᕆᔭᑦᑕ ᒎᑎᐅᑉ ᐊᓯᐊᓂᒃ.

ᒨᓯᓯ ᐂᑉᐸᖏᑦ 8:21

ᐃᓄᖁᑎᒃᑲ ᐊᐅᓪᓚᖁᓂᐊᖏᒃᑯᕕᒋᑦ, ᑕᕝᕙ ᐅᓄᕐᑐᕐᔪᐊᓂᒃ ᐊᓇᓐᖏᕐᓂᒃ ᑎᑭᑎᑦᓯᓂᐊᕐᐳᖓ ᐃᓕᖕᓄᑦ ᐱᔨᒋᔭᕐᓄᓪᓗ ᐃᓄᖁᑎᖕᓄᓪᓗ, ᐃᒡᓗᓯᓗ ᐄᑦᔨᑉᑎᒥᐅᓕᒫᓪᓗ ᐃᒡᓗᖏᑦ ᑕᑕᐅᓂᐊᕐᐳᑦ ᐊᓇᓐᖏᕐᓄᑦ, ᓄᓇᓗ ᓇᔪᕐᑕᖓ ᐅᓕᒃᑕᐅᓂᐊᕆᕗᖅ ᑕᒪᒃᑯᓄᖓ.

ᒨᓯᓯ ᐂᑉᐸᖏᑦ 8:23

ᐊᕕᒃᓯᒪᑎᑦᓯᓂᐊᕐᐳᖓᓗ ᐃᓄᖁᑎᓐᓂᒃ ᐃᓄᖁᑎᑦᓯᓐᓂᑦ, ᑕᒪᓐᓇᓗ ᖃᐅᒃᐸᑦ ᓇᓗᓁᒃᑯᑕᖅ ᐱᒋᐊᕐᑎᓐᓂᐊᕐᐸᕋ.’”

ᒨᓯᓯ ᐂᑉᐸᖏᑦ 9:26

ᑭᓯᐊᓂᓕ ᓄᓇᖃᕐᑐᑦ ᒎᓯᓂᒥ ᐃᓴᕆᐊᓕᒥᐅᑦ ᐃᓄᖏᑦ, ᑖᒃᑯᐊ ᓇᑕᖅᑯᕐᓇᕐᕕᐅᓚᐅᓐᖏᓚᑦ.

ᒨᓯᓯ ᐂᑉᐸᖏᑦ 9:29

ᒨᓯᓯᐅᑉ ᐅᖃᐅᑎᕚ, “ᑕᕝᕙᓐᖓᑦ ᐃᒡᓗᒐᓴᖕᓂᑦ ᕿᒪᕉᑎᑐᐊᕈᒪ ᑕᓕᕋ ᐃᓵᖕᓂᐊᕐᐸᕋ ᐊᑕᓂᕐᒧᑦ; ᑕᕝᕙ ᖃᐅᒻᒪᓪᓚᒃ ᓄᖅᑲᕐᓂᐊᕐᐳᖅ, ᓇᑕᖅᑯᕐᓇᕈᓐᓃᕐᓗᓂᓗ, ᖃᐅᔨᓕᖁᓪᓗᑎᑦ ᓄᓇ ᐊᑕᓂᐅᑉ ᐱᖁᑎᒋᖕᒪᒍ.

ᒨᓯᓯ ᐂᑉᐸᖏᑦ 9:4

ᑭᓯᐊᓂᓕ ᐊᑕᓂᖅ ᐊᑦᔨᒌᖏᑦᑐᓂᒃ ᐱᓇᓱᐊᕐᓂᐊᕐᐳᖅ ᐄᑦᔨᑉᑎᒥᐅᑦ ᐃᒻᒧᒃᓯᐅᒐᖁᑎᖏᓐᓄᑦ, ᐃᓴᕆᐊᓕᒥᐅᓪᓗ ᐃᒻᒧᒃᓯᐅᒐᖁᑎᖏᓐᓄᑦ, ᐃᓴᕆᐊᓕᒥᐅᑦ ᐆᒪᔪᖁᑎᓕᒫᑦᓯᐊᖏᑦ ᑐᖁᔪᖃᕐᓂᐊᖏᒻᒪᑕ.

ᒨᓯᓯ ᐂᑉᐸᖏᑦ 9:6

ᖃᐅᑎᓪᓗᒍᓗ ᐊᑕᓂᖅ ᑕᒪᑐᒥᖓ ᐱᓇᓱᐊᓕᓚᐅᕐᐳᖅ; ᐄᑦᔨᑉᑎᒥᐅᓪᓗ ᐆᒪᔪᖁᑎᓕᒫᖏᑦ ᑐᖁᕋᕐᐳᑦ, ᐃᓴᕆᐊᓕᒥᐅᓪᓕ ᐆᒪᔪᖁᑎᖏᓐᓂᒃ ᐊᑕᓯᐅᕐᒥᒡᓘᓐᓃᑦ ᑐᖁᔪᖃᓚᐅᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 30:19

ᑍᒤᓕᐅᕐᓗᖓ ᐄᑦᔨᑉᑎᒥᐅᑦ ᓱᒋᐊᕈᒫᕐᐸᒃᑲ. ᑕᕝᕙ ᖃᐅᔨᔪᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᒪᓚᑬᑉ ᐊᒡᓚᖏᑦ 3:18

ᑕᕝᕙ ᑭᖑᓂᐊᒍᑦ ᖃᐅᔨᓕᕈᒫᕐᐳᓯ ᐃᓱᐊᕐᑐᓂᒃ ᐱᐅᖏᑦᑐᓂᒡᓗ, ᒎᑎᒥᒡᓗ ᐱᔨᑦᓯᕐᑐᑦ ᐱᔨᑦᓯᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ.”