ᒨᓯᓯ ᐂᑉᐸᖏᑦ 8:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐊᖓᒃᑯᐃᓪᓗ ᐰᕉᒧᑦ ᐅᖃᕐᐳᑦ, “ᑕᒪᓐᓇ ᒎᑎᐅᑉ ᐱᔪᓐᓇᕐᓂᖓᑕ ᐱᓇᓱᐊᕐᓂᕆᕚ!” ᑭᓯᐊᓂᓕ ᐰᕉᑉ ᐆᒻᒪᑎᖓ ᓱᓕ ᓯᑎᔫᓚᐅᕐᐳᖅ, ᑖᒃᑯᓂᖓᓗ ᓈᓚᒍᓐᓇᕋᓂ, ᓲᕐᓗ ᐊᑕᓂᐅᑉ ᑍᒤᓐᓂᐊᕐᓂᕋᓚᐅᕐᒪᒍ.

ᒨᓯᓯ ᐂᑉᐸᖏᑦ 8:19 Iomraidhean Croise

ᒨᓯᓯ ᓯᕗᓪᓖᑦ 41:24

ᑕᕝᕙ ᓂᐊᖂᔭᒃᓮᑦ ᐊᒥᑦᑐᑦ ᓂᐊᖁᖏᑦ ᑖᒃᑯᓂᖓ ᐱᕈᑦᓯᐊᕐᑐᑦ ᓂᐊᖁᖏᓐᓂᒃ ᐄᓯᕗᑦ. ᑖᒃᑯᐊ ᐅᖃᐅᓯᕆᓚᐅᕐᐸᒃᑲ ᐊᖓᒃᑯᓄᑦ, ᑭᓯᐊᓂᓕ ᓇᓪᓕᐊᓐᓂᓪᓘᓐᓃᑦ ᑐᑭᓯᑎᑕᐅᔪᓐᓇᓐᖏᓚᖓ.”

ᐃᓐᖏᕈᑎᑦ 8:3

ᕿᓔᑦ ᐃᓱᒪᒋᓕᕌᖓᒃᑭᑦ, ᐊᒡᒐᖕᓄᑦ ᓴᓇᓚᐅᕐᑕᑎᑦ, ᑕᖅᑭᖅ ᐅᓪᓗᕆᐊᓪᓗ ᐃᓂᖏᓐᓄᑦ ᐃᓕᓚᐅᕐᑕᑎᑦ,

ᒨᓯᓯ ᐂᑉᐸᖏᑦ 10:23

ᓇᓪᓕᐊᓐᓂᒡᓘᓐᓃᑦ ᐃᒻᒥᖕᓄᑦ ᑕᑯᖃᑦᑕᐅᑎᔪᓐᓇᕐᑐᖃᓚᐅᓐᖏᓚᖅ, ᐃᒡᓗᒥᖕᓂᓪᓗ ᐊᓂᔪᖃᓚᐅᕋᓂ ᐅᓪᓗᓂᒃ ᐱᖓᓱᓂᒃ; ᐃᓴᕆᐊᓕᒥᐅᓪᓕ ᓇᔪᕐᑕᖓᑦ ᖃᐅᒪᑦᓯᐊᓚᐅᕐᐳᖅ.

ᒨᓯᓯ ᐂᑉᐸᖏᑦ 10:7

ᑕᕝᕙ ᐰᕉᑉ ᐱᔨᖏᑦ ᐰᕉᒧᑦ ᐅᖃᕐᐳᑦ, “ᖃᓄᖅ ᐊᑯᓂᐅᑎᒋᔪᖅ ᑖᒃᑯᐊ ᐊᖑᑎᑦ ᐅᕙᑦᑎᓐᓂᒃ ᐸᒡᕕᓴᒃᑐᒃᓴᐅᕚᑦ? ᐅᑯᐊ ᐃᓄᐃᑦ ᐊᐅᓪᓚᕐᑎᓚᐅᒃᑭᑦ, ᐊᑕᓂᕐᒧᑦ ᒎᑎᒥᖕᓄᑦ ᑐᒃᓯᐊᕆᐊᕐᑐᕈᓐᓇᖁᓪᓗᒋᑦ; ᓱᓕ ᖃᐅᔨᓐᖏᓚᑏᑦ? ᐄᑦᔨᑉᑎᐅᑉ ᑭᓱᒃᓴᐅᔪᓐᓃᕐᑎᑕᐅᓂᖓᓂᒃ?”

ᒨᓯᓯ ᐂᑉᐸᖏᑦ 11:7

ᕿᒻᒦᓪᓘᓐᓃᑦ ᕿᓗᖕᓂᐊᓐᖏᓚᑦ ᐃᓴᕆᐊᓕᒥᐅᓄᑦ ᓂᕐᔪᑎᖁᑎᖏᓐᓄᓪᓗ, ᑕᕝᕙ ᖃᐅᔨᓂᐊᕐᐳᓯ ᐅᕙᖓ ᐊᑕᓂᖅ ᐄᑦᔨᑉᑎᒥᐅᓂᒃ ᐃᓴᕆᐊᓕᒥᐅᓂᒡᓗ ᐊᑦᔨᒌᓐᖏᑎᑦᓯᓂᓐᓂᒃ.”

ᒨᓯᓯ ᐂᑉᐸᖏᑦ 7:13

ᑭᓯᐊᓂᓕ ᐰᕉᑉ ᐃᓱᒪᖓ ᓱᓕ ᓯᑎᔫᓚᐅᕐᐳᖅ, ᑖᒃᑯᓂᖓᓗ ᓈᓚᒐᓂ; ᓲᕐᓗ ᐊᑕᓂᐅᑉ ᑍᒤᓐᓂᐊᕐᓂᕋᓚᐅᕐᒪᒍ.

ᒨᓯᓯ ᐂᑉᐸᖏᑦ 7:4

ᑕᕝᕙ ᓂᑲᒋᖏᓪᓗᒋᑦ ᐄᑦᔨᑉᑎᒥᐅᑦ ᓱᒋᐊᕐᓂᐊᕐᐸᒃᑲ ᐃᓅᖃᑎᒌᒃᑐᓪᓗ ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐊᐅᓪᓚᕐᑎᓐᓂᐊᕐᐸᒃᑲ ᓄᓇᖓᓐᓂᑦ.

ᒨᓯᓯ ᐂᑉᐸᖏᑦ 7:5

ᐄᑦᔨᑉᑎᒥᐅᓪᓗ ᖃᐅᔨᓕᕐᓂᐊᕐᐳᑦ ᐊᑕᓂᐅᓂᓐᓂᒃ ᓱᒋᐊᕈᒃᑭᑦ ᐃᓴᕆᐊᓕᒥᐅᓪᓗ ᓄᓇᖓᓐᓂᑦ ᐊᐅᓪᓚᕐᑎᒃᑯᒃᑭᑦ.”

ᒨᓯᓯ ᐂᑉᐸᖏᑦ 9:26

ᑭᓯᐊᓂᓕ ᓄᓇᖃᕐᑐᑦ ᒎᓯᓂᒥ ᐃᓴᕆᐊᓕᒥᐅᑦ ᐃᓄᖏᑦ, ᑖᒃᑯᐊ ᓇᑕᖅᑯᕐᓇᕐᕕᐅᓚᐅᓐᖏᓚᑦ.

ᒨᓯᓯ ᐂᑉᐸᖏᑦ 9:4

ᑭᓯᐊᓂᓕ ᐊᑕᓂᖅ ᐊᑦᔨᒌᖏᑦᑐᓂᒃ ᐱᓇᓱᐊᕐᓂᐊᕐᐳᖅ ᐄᑦᔨᑉᑎᒥᐅᑦ ᐃᒻᒧᒃᓯᐅᒐᖁᑎᖏᓐᓄᑦ, ᐃᓴᕆᐊᓕᒥᐅᓪᓗ ᐃᒻᒧᒃᓯᐅᒐᖁᑎᖏᓐᓄᑦ, ᐃᓴᕆᐊᓕᒥᐅᑦ ᐆᒪᔪᖁᑎᓕᒫᑦᓯᐊᖏᑦ ᑐᖁᔪᖃᕐᓂᐊᖏᒻᒪᑕ.

ᑖᓂᐊᓕᐅᑉ ᐊᒡᓚᖏᑦ 2:19

ᐅᓐᓄᐊᖑᑎᓪᓗᒍ ᓇᓗᓇᕐᑐᖅ ᑕᒪᓐᓇ ᓇᓗᓇᕈᓐᓃᕐᑎᑕᐅᕗᖅ ᑖᓂᐊᓕᒧᑦ ᑕᑯᑎᑕᐅᓂᒃᑯᑦ. ᑖᓂᐊᓕᐅᓪᓗ ᒎᑎ ᕿᓚᖕᒦᑦᑐᖅ ᓂᕐᑐᕐᐹ:

ᒫᑎᐅᓯᐅᑉ ᐊᒡᓚᖏᑦ 12:28

ᒎᑎᐅᓪᓕ ᐊᓂᕐᓂᖓᒍᑦ, ᐊᓂᕐᓂᕐᓗᐃᑦ ᐊᓂᑎᒍᒃᑭᑦ, ᑕᕝᕙ ᒎᑎᐅᑉ ᐊᑕᓂᐅᕕᖓᓄᑦ ᑎᑭᑕᐅᓯᒪᓕᕐᐳᓯ.

ᓘᑲᓯᐅᑉ ᐊᒡᓚᖏᑦ 11:20

ᒎᑎᐅᓪᓕ ᐱᔪᓐᓇᕐᓂᖓᒍᑦ ᐊᓂᕐᓂᕐᓗᖕᓂᒃ ᐊᓂᑎᑦᓯᕙᒃᑯᒪ, ᑕᕝᕙ ᒎᑎᐅᑉ ᐊᑕᓂᐅᕕᖓᑕ ᑎᑭᓯᒪᕚᓯ.

ᔪᐊᓇᓯᐅᑉ ᐊᒡᓚᖏᑦ 11:47

ᑕᕝᕙ ᐹᕆᓯᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑦ ᑲᑎᒪᔨᓂᒃ ᑲᑎᒪᖃᑎᖃᕐᓗᑎᒃ ᐅᖃᕐᐳᑦ, “ᖃᓄᐃᓕᐅᕆᐊᖃᓕᕐᐱᑖ? ᑖᓐᓇ ᐊᒥᓱᓂᒃ ᓇᓗᓁᒃᑯᑕᕐᓂᒃ ᐱᓇᓱᐊᖃᑦᑕᕐᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 4:16

ᐅᖃᕐᓗᑎᒃ, “ᐊᖑᑎᑦ ᐅᑯᐊ ᖃᓄᐃᓕᓂᐊᓕᕐᑕᕘᑦ? ᔨᕉᓴᓕᒻᒥᐅᓕᒫᑦ ᑕᒪᑐᒥᖓ ᑲᒪᓇᕐᑐᐊᓗᖕᒥᒃ ᖃᐅᔨᖕᒪᑕ ᑖᒃᑯᒃᑎᒎᓇᖅ, ᐅᕙᒍᓪᓗ ᐱᔪᖃᓚᐅᖏᓐᓂᕋᕈᓐᓇᓐᖏᓚᕗᑦ.

ᓴᒧᐃᓕ ᓯᕗᓪᓖᑦ 6:3

ᑖᒃᑯᐊ ᑭᐅᕗᑦ, “ᐃᓴᕆᐊᓕᒥᐅᑉ ᒎᑎᖓᑕ ᐊᖏᕈᑎᖓᑕ ᐃᒃᓯᕐᕕᖁᑎᖓ ᐊᐅᓪᓚᕐᑎᓐᓂᐊᕈᑦᓯᐅᒃ, ᐃᓚᖃᖏᓪᓗᒍ ᐊᐅᓪᓚᕐᑎᑕᒃᓴᕆᓐᖏᓚᓯ, ᐊᐅᓪᓚᕐᑎᑦᓯᖃᓯᐅᑦᔨᔪᒃᓴᐅᕗᓯᓕ ᐂᑦᑑᑎᓂᒃ ᐸᓯᔭᒃᓴᐅᓂᑦᓯ ᐊᑭᓕᐅᑎᒃᓴᖓᓂᒃ. ᑕᕝᕙ ᑍᒤᓕᐅᕈᑦᓯ ᐋᖅᑭᒃᑕᐅᓂᐊᕐᐳᓯ, ᖃᐅᔨᓂᐊᕐᐳᓯᓗ ᓱᖕᒪᑦ ᑖᑦᓱᒧᖓ ᓱᒋᐊᕐᑕᐅᓐᓂᕐᒪᒑᑦᓯ.”

ᓴᒧᐃᓕ ᓯᕗᓪᓖᑦ 6:9

ᖃᐅᔨᓴᕐᑐᒃᓴᐅᕗᓯ ᓇᒧᓐᖓᐅᖕᒪᖔᑦ; ᑲᔪᓯᑐᐊᕐᐸᑦ ᓄᓇᓕᖕᓄᑦ ᐱᑦ-ᓯᒥᔅᒧᑦ, ᑐᑭᖃᕐᓂᐊᕐᐳᖅ ᐃᓴᕆᐊᓕᒥᐅᑦ ᒎᑎᖓᑕ ᑕᒪᓐᓇ ᐱᐅᖏᑦᑐᐊᓗᒃ ᐊᑑᑎᓚᐅᕐᑕᕗᑦ ᑎᑭᑎᓯᒪᖕᒪᒍ; ᑲᔪᓯᓐᖏᑐᐊᕐᐸᓪᓕ, ᖃᐅᔨᓂᐊᕐᐳᒍ ᑕᒪᓐᓇ ᖃᓂᒪᓇᕐᑐᖅ ᑖᑦᓱᒪ ᑎᑭᑎᓚᐅᖏᒻᒪᒍ; ᓇᓪᓕᐅᑎᔪᕕᓂᑐᐃᓐᓇᐅᒐᔭᕐᐳᕐᓕ.”