ᒨᓯᓯ ᐂᑉᐸᖏᑦ 7:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐄᑦᔨᑉᑎᒥᐅᓪᓗ ᖃᐅᔨᓕᕐᓂᐊᕐᐳᑦ ᐊᑕᓂᐅᓂᓐᓂᒃ ᓱᒋᐊᕈᒃᑭᑦ ᐃᓴᕆᐊᓕᒥᐅᓪᓗ ᓄᓇᖓᓐᓂᑦ ᐊᐅᓪᓚᕐᑎᒃᑯᒃᑭᑦ.”

ᒨᓯᓯ ᐂᑉᐸᖏᑦ 7:5 Iomraidhean Croise

ᐃᓐᖏᕈᑎᑦ 138:7

ᐊᑲᐅᖏᑦᔪᑎᑕᖃᕐᑐᒃᑯᑦ ᐃᖏᕐᕋᒐᓗᐊᕈᒪ, ᑕᕝᕙ ᓴᐳᑎᓯᒪᓂᐊᕐᐸᕐᒪ; ᐊᒡᒐᑎᑦ ᐃᓴᒡᓗᒋᑦ ᓄᖅᑲᕐᑎᓐᓂᐊᕐᐸᑎᑦ ᐊᑭᕋᕐᑐᕐᑎᒪ ᓂᓐᖓᐅᒪᓂᖏᑦ, ᑕᓕᕐᐱᒃᐱᓪᓗ ᓴᐳᑎᓯᒪᓂᐊᕐᐹᖓ.

ᐃᓐᖏᕈᑎᑦ 9:16

ᐊᑕᓂᖅ ᖃᐅᔨᒪᔭᐅᕗᖅ ᐃᖅᑲᕐᑐᐃᓂᖏᑕ ᐱᓂᐊᕐᓂᖏᑎᒍᑦ; ᐱᐅᖏᑦᑐᓕᔪᑦ ᓂᒐᕐᓯᒪᕗᑦ ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓯᒪᔭᒥᖕᓄᑦ. ᐃᓱᒪᒃᓴᕐᓯᐅᕐᓂᖅ ᑐᒃᓯᐊᕐᓂᒃᑯᑦ. ᓰᓚ

ᒨᓯᓯ ᐂᑉᐸᖏᑦ 10:2

ᐊᒻᒪᑦᑕᐅᖅ ᐅᖃᐅᓯᖃᕈᓐᓇᖁᓪᓗᑎᑦ ᕿᑐᕐᖓᕐᓄᑦ ᕿᑐᕐᖓᕕᓪᓗ ᕿᑐᕐᖓᖏᓐᓄᑦ ᖃᓄᖅ ᐄᑦᔨᑉᑎᒥᐅᓂᒃ ᐱᓐᖑᐊᖃᑐᐃᓐᓇᕐᑑᔮᓚᐅᕐᓂᓐᓂᒃ ᖃᓄᕐᓗ ᓇᓗᓁᒃᑯᑕᕐᓂᒃ ᐱᓇᓱᐊᖃᑦᑕᓚᐅᕐᒪᖔᕐᒪ ᑖᒃᑯᑎᒎᓇᖅ; ᑕᒪᑦᓯ ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ.”

ᒨᓯᓯ ᐂᑉᐸᖏᑦ 10:7

ᑕᕝᕙ ᐰᕉᑉ ᐱᔨᖏᑦ ᐰᕉᒧᑦ ᐅᖃᕐᐳᑦ, “ᖃᓄᖅ ᐊᑯᓂᐅᑎᒋᔪᖅ ᑖᒃᑯᐊ ᐊᖑᑎᑦ ᐅᕙᑦᑎᓐᓂᒃ ᐸᒡᕕᓴᒃᑐᒃᓴᐅᕚᑦ? ᐅᑯᐊ ᐃᓄᐃᑦ ᐊᐅᓪᓚᕐᑎᓚᐅᒃᑭᑦ, ᐊᑕᓂᕐᒧᑦ ᒎᑎᒥᖕᓄᑦ ᑐᒃᓯᐊᕆᐊᕐᑐᕈᓐᓇᖁᓪᓗᒋᑦ; ᓱᓕ ᖃᐅᔨᓐᖏᓚᑏᑦ? ᐄᑦᔨᑉᑎᐅᑉ ᑭᓱᒃᓴᐅᔪᓐᓃᕐᑎᑕᐅᓂᖓᓂᒃ?”

ᒨᓯᓯ ᐂᑉᐸᖏᑦ 14:18

ᐄᑦᔨᑉᑎᒥᐅᓪᓗ ᓵᓚᒋᒍᒃᑭᑦ ᖃᐅᔨᓂᐊᕐᐳᑦ ᐊᑕᓂᐅᓂᓐᓂᒃ.”

ᒨᓯᓯ ᐂᑉᐸᖏᑦ 14:4

ᐱᔭᕐᓂᕈᓐᓃᕐᑎᓐᓂᐊᕋᒃᑯ, ᐃᓕᑦᓯᓐᓂᒡᓗ ᒪᓕᒃᓴᕐᓂᐊᕐᐳᖅ, ᓵᓚᖃᕐᓂᕋᓗ ᐊᖓᔪᖅᑳᕐᔪᐊᒥᒃ ᐅᓇᑕᕐᑐᒃᓴᖁᑎᖏᓐᓂᒡᓗ ᐅᐱᒋᔭᐅᑦᔪᑎᒋᓂᐊᕐᐸᕋ, ᑕᕝᕙ ᐄᑦᔨᑉᑎᒥᐅᑦ ᖃᐅᔨᓂᐊᕐᐳᑦ ᐊᑕᓂᐅᓂᓐᓂᒃ.” ᐃᓴᕆᐊᓕᒥᐅᓪᓗ ᐱᖁᔭᐅᓂᑎᒃ ᒪᓕᒡᓗᒍ ᐱᓂᐊᓚᐅᕐᐳᑦ.

ᒨᓯᓯ ᐂᑉᐸᖏᑦ 18:8

ᒨᓯᓯᐅᓪᓗ ᓴᑭᓂ ᐅᓂᒃᑲᐅᑎᓕᕐᐹ ᐊᑕᓂᐅᑉ ᐱᓇᓱᐊᓚᐅᕐᑕᓕᒫᖏᓐᓂᒃ ᐰᕉᒧᑦ ᐄᑦᔨᑉᑎᒥᐅᓄᓪᓗ ᐃᓴᕆᐊᓕᒥᐅᑦ ᐱᑦᔪᑎᒋᓪᓗᒋᑦ, ᐅᓂᒃᑲᐅᑎᒋᓪᓗᓂᐅᒡᓗ ᐃᓴᕆᐊᓕᒥᐅᑦ ᖃᓄᖅ ᐅᖁᒤᑦᑐᒃᑰᕐᓯᒪᓂᖏᓐᓂᒃ ᐃᖏᕐᕋᓕᕐᑎᓪᓗᒋᑦ ᖃᓄᕐᓗ ᐊᑕᓂᕐᒧᑦ ᓴᐳᑎᔭᐅᓯᒪᓂᕐᒥᖕᓂᒃ.

ᒨᓯᓯ ᐂᑉᐸᖏᑦ 3:20

ᐱᔪᓐᓇᕐᓂᓐᓄᓪᓕ ᐱᓇᓱᐊᕐᓂᐊᕐᐳᖓ ᐄᑦᔨᑉᑎᒥᐅᑦ ᐋᖅᑭᒋᐊᕐᓗᒋᑦ ᐱᔪᒥᓇᖏᑦᑐᐊᓗᖕᓂᒃ ᐱᓂᐊᕐᕕᒋᓗᒋᑦ ᑭᖑᓂᖓᒍᓪᓕ ᐊᐅᓪᓚᕐᑎᓐᓂᐊᕐᐹᓯ.

ᒨᓯᓯ ᐂᑉᐸᖏᑦ 6:1

ᐊᑕᓂᕐᓕ ᐅᖃᕐᐳᖅ ᒨᓯᓯᒧᑦ, “ᒫᓐᓇ ᑕᑯᓂᐊᕐᐳᑎᑦ ᐰᕉᒧᑦ ᖃᓄᐃᓕᐅᕐᓂᕆᓂᐊᕐᑕᓐᓂᒃ; ᐱᔪᓐᓇᕐᓂᕐᔪᐊᒥᓄᑦ ᐃᓄᖁᑎᒃᑲ ᐊᐅᓪᓚᕐᑎᓐᓂᐊᕐᐰᑦ, ᐱᔪᓐᓇᕐᓂᕐᔪᐊᒥᓄᑦ ᓄᓇᒥᓂᑦ ᐊᐅᓪᓚᕐᑎᓐᓂᐊᕐᐰᑦ.”

ᒨᓯᓯ ᐂᑉᐸᖏᑦ 6:6

ᑍᒤᒻᒪᑦ ᐃᓴᕆᐊᓕᒥᐅᓄᑦ ᐅᖃᓚᐅᕆᑦ ᐅᖃᕐᑕᐅᖁᔭᓐᓂᒃ, ‘ᐅᕙᖓ ᐊᑕᓂᐅᕗᖓ, ᐄᑦᔨᑉᑎᒥᐅᓪᓗ ᐅᖁᒤᒃᓴᕐᑎᑦᓯᓂᖏᓐᓂᑦ ᐊᐅᓪᓚᕐᑎᑦᓱᒪᕙᑦᓯ, ᓴᐳᑎᔪᒪᕙᑦᓯᓗ ᓯᐊᓛᕆᔭᐅᓂᑦᓯᓐᓂᑦ, ᐱᐅᓕᔪᒪᕙᑦᓯᓗ ᑕᓕᕐᒧᑦ ᐱᔪᓐᓇᕐᓂᕐᔪᐊᖃᕐᑐᒧᑦ ᓱᒋᐊᕐᓯᓂᕐᒧᓪᓗ ᓴᓐᖏᔪᕐᔪᐊᒧᑦ,

ᒨᓯᓯ ᐂᑉᐸᖏᑦ 7:17

ᐊᑕᓂᖅ ᐅᖃᕐᐳᖅ, “ᐱᓇᓱᐊᕐᓂᕆᓂᐊᕐᑕᓐᓄᑦ ᑐᑭᓯᑎᑕᐅᓂᐊᕐᐳᑎᑦ ᐅᕙᖓ ᐊᑕᓂᐅᓂᓐᓂᒃ: ᑕᑯᒋᑦ ᑰᒃ ᐊᓇᐅᓂᐊᕐᐸᕋ ᐊᔭᐅᑉᐱᐊᓐᓄᑦ ᑎᒍᒥᐊᕐᑕᓐᓄᑦ, ᐃᒪᕐᓗ ᑕᕝᕙ ᐊᐅᓐᖑᕐᓂᐊᕐᐳᖅ.

ᒨᓯᓯ ᐂᑉᐸᖏᑦ 8:10

ᐰᕉᑉ ᑭᐅᕚ, “ᖃᐅᒃᐸᑦ ᑐᒃᓯᐅᑎᓛᓕᕐᐸᕐᒪ.” ᒨᓯᓯ ᐅᖃᕐᐳᖅ, “ᑍᒤᓐᓂᐊᓕᕐᐳᖅ ᐅᖃᐅᓯᕆᔭᕐᑐᑦ, ᖃᐅᔨᖁᓪᓗᑎᑦ ᒎᑎᑕᖃᖏᓐᓂᖓᓂᒃ ᐊᑕᓂᕆᔭᑦᑕ ᒎᑎᐅᑉ ᐊᓯᐊᓂᒃ.

ᒨᓯᓯ ᐂᑉᐸᖏᑦ 8:19

ᐊᖓᒃᑯᐃᓪᓗ ᐰᕉᒧᑦ ᐅᖃᕐᐳᑦ, “ᑕᒪᓐᓇ ᒎᑎᐅᑉ ᐱᔪᓐᓇᕐᓂᖓᑕ ᐱᓇᓱᐊᕐᓂᕆᕚ!” ᑭᓯᐊᓂᓕ ᐰᕉᑉ ᐆᒻᒪᑎᖓ ᓱᓕ ᓯᑎᔫᓚᐅᕐᐳᖅ, ᑖᒃᑯᓂᖓᓗ ᓈᓚᒍᓐᓇᕋᓂ, ᓲᕐᓗ ᐊᑕᓂᐅᑉ ᑍᒤᓐᓂᐊᕐᓂᕋᓚᐅᕐᒪᒍ.

ᒨᓯᓯ ᐂᑉᐸᖏᑦ 8:22

ᑭᓯᐊᓂᓕ ᓄᓇ ᒎᓯᓂ ᑕᒪᒃᑯᓄᖓ ᑎᑭᑕᐅᑎᓐᓂᐊᓐᖏᓚᕋ, ᑕᕝᕙᓂ ᐃᓄᖁᑎᖃᕋᒪ, ᑖᒃᑯᐊ ᐊᓇᓐᖏᕐᓄᑦ ᑎᑭᑕᐅᑎᓐᓂᐊᓐᖏᓚᒃᑲ, ᑍᒤᓕᐅᕐᓂᐊᕐᐳᖓ ᖃᐅᔨᖁᓪᓗᑎᑦ ᐅᕙᖓ ᐊᑕᓂᐅᒐᒪ ᑕᒫᓂ ᓄᓇᒥ ᐱᓇᓱᐊᕐᑐᖅ.

ᐃᓯᑭᐊᓕᐅᑉ ᐊᒡᓚᖏᑦ 25:17

ᓱᒋᐊᕈᒫᕐᐸᒃᑲ ᐊᑭᓂᐊᕕᒡᔪᐊᕐᓗᒋᑦ ᓂᓐᖓᐅᒪᓂᓐᓄᑦ ᐋᖅᑭᒃᓱᕐᓗᒋᑦ, ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᑖᒃᑯᓄᖓ ᐊᑭᓂᐊᕐᑐᖅ.”

ᐃᓯᑭᐊᓕᐅᑉ ᐊᒡᓚᖏᑦ 28:22

ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᓮᑐᓃ ᐊᑭᕋᕐᑐᓕᕐᐸᒋᑦ, ᐊᑯᓐᓇᑦᓯᓐᓂ ᓂᕐᑐᕐᓇᕐᓂᕋ ᓴᖅᑭᑎᓐᓂᐊᕐᐸᕋ. ᖃᐅᔨᔪᒫᕐᐳᓪᓗ ᐅᕙᖓᐅᒐᒪ ᐊᑕᓂᖅ, ᐃᓕᑦᓯᓐᓂᒃ ᓱᒋᐊᕐᓯᓕᕈᒪ, ᐃᑦᔪᕐᓁᓐᓂᕋᓗ ᓴᖅᑭᑎᒃᑯᒃᑯ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 32:15

ᐄᑦᔨᑉᑎᒥᐅᑦ ᓄᓇᖓᑦ ᓱᓁᕈᑎᑎᒃᑯᒃᑯ ᑕᕝᕙᓃᑦᑐᓕᒫᓪᓗ ᓄᖑᓪᓗᑎᒃ ᑐᖁᑕᐅᓯᒪᓕᕐᐸᑕ, ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 36:23

ᐊᑎᕐᒪᓗ ᐃᑦᔪᕐᓁᑦᑐᕐᔪᐊᖑᓂᖓ ᖃᐅᔨᔭᐅᑎᓐᓂᐊᕐᐸᕋ, ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᓇᕐᕈᓇᕐᓯᑎᑕᐅᓚᐅᕐᑐᖅ, ᑖᒃᑯᓄᖓᓗ ᓇᕐᕈᓇᕐᓯᑎᓚᐅᕐᑕᑦᓯ; ᑕᕝᕙ ᐃᓅᖃᑎᒋᒡᔪᐊᑦ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐊᑕᓂᖅ ᒎᑎ ᐅᖃᕐᐳᖅ, ᐊᑐᕐᓂᐊᕐᐸᑦᓯ ᐃᑦᔪᕐᓁᑦᑑᓂᓐᓂᒃ ᖃᐅᔨᔭᐅᑎᓕᕈᒪ ᐃᓅᖃᑎᒌᒡᔪᐊᑦ ᑕᒃᑯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 39:22

ᐃᓴᕆᐊᓕᐅᑉ ᑭᖑᕚᖏᑦ ᖃᐅᔨᔪᒫᕐᐳᑦ ᐅᕙᖓᐅᒐᒪ ᐊᑕᓂᖅ ᑖᒃᑯᐊ ᒎᑎᖓᑦ, ᐅᓪᓗᒥᑦ ᑕᕝᕙᓐᖓᑦ ᐱᒋᐊᕐᓗᓂ ᑭᖑᓂᖓᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 39:7

ᐊᑎᕋ ᐃᑦᔪᕐᓁᑦᑐᖅ ᖃᐅᔨᔭᐅᑎᑦᓱᒪᒐᒃᑯ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ; ᐊᑎᕋᓗ ᓇᕐᕈᓇᕐᓯᑎᑕᐅᖁᔪᓐᓁᕋᒃᑯ; ᐃᓅᖃᑎᒌᒡᔪᐊᓪᓗ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.