ᒨᓯᓯ ᐂᑉᐸᖏᑦ 7:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑖᑦᓱᒧᖓᓗ ᐅᖃᕐᑐᒃᓴᐅᕗᑎᑦ, ‘ᐊᑕᓂᐅᑉ ᐄᑉᐳᕈᐃᒃᑯᑦ ᒎᑎᖓᑦᑕ, ᑖᑦᓱᒪ ᐃᓕᖕᓄᑦ ᑎᓕᕚᖓ, ᐅᖃᕆᐊᕐᑐᖁᓪᓗᖓ, “ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐃᓄᖃᖏᑦᑐᒥ ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ; ᑭᓯᐊᓂᓕ ᓱᓕ ᑕᒪᑐᒥᖓ ᓈᓚᓚᐅᓐᖏᓚᑎᑦ.”

ᒨᓯᓯ ᐂᑉᐸᖏᑦ 7:16 Iomraidhean Croise

ᒨᓯᓯ ᐂᑉᐸᖏᑦ 10:3

ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ, ᐅᖃᐅᑎᓪᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ᐄᑉᕈᐃᑦ ᒎᑎᖓᑦ, ᖃᓄᖅ ᐊᑯᓂᐅᑎᒋᔪᖅ ᐅᕙᓐᓄᑦ ᓂᑲᓇᕐᓴᕐᑍᓕᓂᐊᕐᐲᑦ? ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 13:15

ᐰᕉᖅ ᐅᕙᑦᑎᓐᓂᒃ ᐊᐅᓪᓚᖁᔨᖏᑦᑐᐊᓘᑎᓪᓗᒍ, ᐊᑕᓂᐅᑉ ᐄᑦᔨᑉᑎᒥᐅᓂ ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑐᖁᑎᓚᐅᕐᐰᑦ, ᐊᑕᖏᕐᓗᒋᑦ ᐃᓅᒐᓗᐊᕐᐸᑦ ᐆᒪᔫᒐᓗᐊᕐᐸᓪᓗ ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ. ᑍᒤᒻᒪᑦ ᐊᑕᓂᕐᒧᑦ ᑐᓂᕐᕈᑎᖃᕐᐳᖓ ᐊᖑᑎᓂ ᐃᕐᓂᐊᖑᖅᑳᕐᓯᒪᔪᓂᒃ; ᑭᓯᐊᓂᓕ ᐃᕐᓂᓐᓂ ᐃᕐᓂᐊᖑᖅᑳᕐᓯᒪᔪᑦ ᑕᐅᕐᓯᐅᑎᓯᒪᕙᒃᑲ.’

ᒨᓯᓯ ᐂᑉᐸᖏᑦ 14:5

ᐄᑦᔨᑉᑎᒥᐅᓪᓕ ᐊᖓᔪᖅᑳᕐᔪᐊᖓ ᐅᖃᐅᑎᔭᐅᒐᒥ ᐃᓴᕆᐊᓕᒥᐅᑦ ᕿᒫᓂᕋᕐᑕᐅᑎᓪᓗᒋᑦ, ᐊᖓᔪᖅᑳᖅᑯᑎᓂᓗ ᐃᓱᒪᒋᖅᑲᐅᔭᑎᒃ ᓴᖑᑎᒃᑭᕔᑦ ᐅᖃᓕᕐᓗᑎᒡᓗ, “ᖃᓄᖅ ᐱᓕᕐᐱᑖ, ᐃᓴᕆᐊᓕᒥᐅᑦ ᕿᒫᔪᓐᓇᕐᓯᑎᓐᓂᕐᐸᕗᑦ ᓯᐊᓛᕆᔪᓐᓃᕐᓗᑎᒍᓗ.”

ᒨᓯᓯ ᐂᑉᐸᖏᑦ 3:12

ᒎᑎᐅᓪᓗ ᑭᐅᕙ, “ᐱᖃᑎᒋᓂᐊᕐᐸᒋᑦ, ᐃᓄᐃᓪᓗ ᐄᑦᔨᑉᑎᒥᑦ ᐊᐅᓪᓚᕈᑎᒍᕕᒋᑦ ᑕᕝᕙᓂ ᖃᖅᑲᒥ ᑐᒃᓯᐊᕐᕕᒋᔪᒫᕐᐸᕐᒪ; ᑖᓐᓇ ᓇᓗᓁᒃᑯᑕᐅᓛᕐᒪᑦ ᐅᕙᓐᓄᑦ ᑎᓕᔭᐅᓯᒪᒐᕕᑦ.”

ᒨᓯᓯ ᐂᑉᐸᖏᑦ 3:13

ᑕᕝᕙ ᒨᓯᓯ ᑭᐅᕗᖅ, “ᐃᓴᕆᐊᓕᒥᐅᓄᐊᕈᒪᓕ ᐅᖃᕐᓗᖓᓗ, ᓯᕗᓪᓕᓯ ᒎᑎᖓᑦᑕ ᑎᓕᖕᒪᖓ ᐃᓕᑦᓯᓐᓄᑦ, ᐊᐱᕆᓂᐊᕐᒪᑕ ᐅᕙᓐᓂᒃ ᖃᓄᖅ ᐊᑎᖃᕐᐹ? ᑍᒤᓕᔭᐅᒍᒪ ᖃᓄᕐᓕ ᑭᐅᒐᔭᕐᐸᒃᑲ?”

ᒨᓯᓯ ᐂᑉᐸᖏᑦ 3:18

“ᐃᓄᖁᑎᒃᑲᓗ ᓈᓚᖕᓂᐊᕐᐳᑦ ᐅᖃᐅᓯᕆᔭᓐᓂᒃ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐱᖃᑎᒋᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄ ᐂᓂᐊᕐᐳᓯ, ᐅᖃᐅᑎᓗᒍᓗ, ᐊᑕᓂᖅ ᐄᑉᕉᒥᐅᑦ ᒎᑎᖓᑦᑕ ᓴᖅᑭᕝᕕᒋᓯᒪᖕᒪᑎᒍᑦ ᐊᐅᓪᓚᕈᓐᓇᕐᑎᑎᒍᑦ ᐃᖏᕐᕋᔭᕆᐊᖃᕋᑦᑕ ᐅᓪᓗᓂᒃ ᐱᖓᓱᓂᒃ ᐃᓄᖃᖏᑦᑐᒧᑦ ᑐᓂᕐᕈᓯᕆᐊᕐᑐᕐᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ.

ᒨᓯᓯ ᐂᑉᐸᖏᑦ 4:22

ᐰᕉᒧᓪᓕ ᐅᖃᕐᑐᒃᓴᐅᕗᑎᑦ, ‘ᐊᑕᓂᖅ ᐅᖃᕐᐳᖅ ᐃᒫᒃ, ᐃᓴᕆᐊᓕ ᐊᖓᔪᒃᓯᕐᐹᖁᑎᒋᕙᕋ ᐃᕐᓂᓐᓂᑦ,

ᒨᓯᓯ ᐂᑉᐸᖏᑦ 4:23

ᐅᖃᐅᑎᕙᒋᓪᓗ, ᐃᕐᓂᕋ ᐊᐅᓪᓚᕈᓐᓇᕐᑎᓚᐅᕈᒃ ᐱᔨᑦᓯᕈᓐᓇᖁᓪᓗᒍ ᐅᕙᓐᓂᒃ. ᐊᐅᓪᓚᖁᓂᐊᖏᒃᑯᕕᐅᒃ, ᑕᕝᕙ ᐊᖓᔪᒃᓯᕐᐹᖁᑏᑦ ᐃᕐᓃᑦ ᑐᖁᑎᓐᓂᐊᕐᐸᕋ.’”

ᒨᓯᓯ ᐂᑉᐸᖏᑦ 7:4

ᑕᕝᕙ ᓂᑲᒋᖏᓪᓗᒋᑦ ᐄᑦᔨᑉᑎᒥᐅᑦ ᓱᒋᐊᕐᓂᐊᕐᐸᒃᑲ ᐃᓅᖃᑎᒌᒃᑐᓪᓗ ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐊᐅᓪᓚᕐᑎᓐᓂᐊᕐᐸᒃᑲ ᓄᓇᖓᓐᓂᑦ.

ᒨᓯᓯ ᐂᑉᐸᖏᑦ 8:1

ᐊᑕᓂᖅ ᑕᕝᕙ ᐅᖃᕐᐳᖅ ᒨᓯᓯᒧᑦ, “ᐰᕉ ᐅᐸᒡᓗᒍ ᐅᖃᐅᑎᔭᕐᑐᓚᐅᕈᒃ, ‘ᐊᑕᓂᖅ ᐃᒫᒃ ᐅᖃᕐᐳᖅ, ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓄᑦ ᑐᒃᓯᐊᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 8:20

ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᖃᐅᒃᐸᑦ ᐅᓪᓛᒻᒪᕆᒃᑯᑦ ᒪᑭᓪᓗᑎᑦ ᐰᕉᒥᒃ ᐅᑕᖅᑭᔭᕐᑐᕐᓂᐊᕐᐳᑎᑦ, ᑰᖕᒧᑦ ᐃᒫᓄᕆᐊᕐᑐᓕᕐᐸᑦ, ᐅᖃᐅᑎᓗᒍᓗ, ‘ᐊᑕᓂᖅ ᐃᒫᒃ ᐅᖃᕐᐳᖅ, ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓄᑦ ᑐᒃᓯᐊᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 9:1

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐰᕉᒧᐊᓕᕆᑦ ᐅᖃᐅᑎᓗᒍᓗ, ‘ᐊᑕᓂᖅ ᐅᑲᕐᐳᖅ ᐃᒫᒃ, ᐄᑉᕈᐃᑦ ᒎᑎᖓᑦ, ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐱᔨᑦᓯᕈᓐᓇᖁᓪᓗᒋᑦ ᐅᕙᓐᓂᒃ.

ᒨᓯᓯ ᐂᑉᐸᖏᑦ 9:13

ᑕᕝᕙ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᖃᐅᒃᐸᑦ ᐅᓪᓛᕌᕐᔪᒃᑯᑦ ᒪᑭᓪᓗᑎᑦ ᐰᕉ ᐅᐸᓛᕐᐸᑦ, ᐅᖃᐅᑎᓗᒍᓗ; ᐊᑕᓂᖅ ᐄᑉᕈᐃᑦ ᒎᑎᖓᑦ ᐃᒫᒃ ᐅᖃᕐᐳᖅ, ‘ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 45:13

ᓮᕋᓯ ᒪᑭᑎᓯᒪᕙᕋ ᓇᓛᒎᕐᓂᓐᓄᑦ, ᐊᖅᑯᑎᒋᓂᐊᕐᑕᓕᒫᖏᓪᓗ ᑐᑭᓕᐊᕐᓯᑎᓐᓂᐊᕐᐸᒃᑲ; ᐃᒡᓗᒐᓴᒡᔪᐊᖁᑎᒃᑲ ᓴᓇᔪᒫᕐᐰᑦ ᐊᐅᓪᓚᕈᑦᔭᐅᓯᒪᔪᖁᑎᒃᑲᓗ ᑎᒍᔭᐅᓯᒪᔪᓐᓃᕐᑎᓪᓗᒋᑦ, ᐊᑭᓕᕐᑕᐅᓂᕐᒨᖏᑦᑐᖅ ᐊᑭᓕᕐᑕᐅᔪᒪᓂᕐᒨᖏᑦᑐᕐᓗ,” ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 50:33

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ; ᐃᓴᕆᐊᓕᒥᐅᑦ ᔫᑕᒥᐅᓪᓗ ᐅᖁᒤᒃᓴᕐᓇᕐᑐᒦᑉᐳᑦ ᑎᒍᓯᔨᒋᓚᐅᕐᑕᖏᑕ ᑎᒍᒥᐊᕐᒪᒋᑦ ᓴᒃᑯᑦᓱᒪᓇᒋᓪᓗ.