ᒨᓯᓯ ᐂᑉᐸᖏᑦ 6:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑍᒤᒻᒪᑦ ᐃᓴᕆᐊᓕᒥᐅᓄᑦ ᐅᖃᓚᐅᕆᑦ ᐅᖃᕐᑕᐅᖁᔭᓐᓂᒃ, ‘ᐅᕙᖓ ᐊᑕᓂᐅᕗᖓ, ᐄᑦᔨᑉᑎᒥᐅᓪᓗ ᐅᖁᒤᒃᓴᕐᑎᑦᓯᓂᖏᓐᓂᑦ ᐊᐅᓪᓚᕐᑎᑦᓱᒪᕙᑦᓯ, ᓴᐳᑎᔪᒪᕙᑦᓯᓗ ᓯᐊᓛᕆᔭᐅᓂᑦᓯᓐᓂᑦ, ᐱᐅᓕᔪᒪᕙᑦᓯᓗ ᑕᓕᕐᒧᑦ ᐱᔪᓐᓇᕐᓂᕐᔪᐊᖃᕐᑐᒧᑦ ᓱᒋᐊᕐᓯᓂᕐᒧᓪᓗ ᓴᓐᖏᔪᕐᔪᐊᒧᑦ,

ᒨᓯᓯ ᐂᑉᐸᖏᑦ 6:6 Iomraidhean Croise

ᐊᑕᓃᑦ ᓯᕗᓪᓖᑦ 8:42

ᑐᓴᕈᒫᕐᒪᑕ ᐊᑎᕐᐱᑦ ᐱᓪᓚᕆᐊᓘᓂᖓᓂᒃ, ᐊᔪᒐᖃᖏᑦᑐᐊᓘᓂᕐᓂᒡᓗ, ᐱᓇᓱᐊᕈᓐᓇᕐᓂᕐᓂᒡᓗ, ᑎᑭᓪᓗᑎᒃ ᑐᒃᓯᐊᕐᐸᑕ ᐅᓇ ᐃᒡᓗ ᓵᓐᖓᓗᒍ,

ᐊᑕᓃᑦ ᐂᑉᐸᖏᑦ 17:36

ᐊᑕᓂᖅ ᓯᕘᕋᒋᓯᐅᒃ, ᑖᑦᓱᒪ ᐊᐅᓪᓚᕐᑎᓚᐅᕐᒪᓯ ᐄᑦᔨᑉᑎᒥᑦ ᐱᔪᓐᓇᕐᓂᕐᔪᐊᒥᓄᑦ ᑕᓕᕐᒥᓄᓪᓗ ᐃᓵᖓᔫᖕᓄᑦ, ᑖᓐᓇ ᓯᕘᕋᒋᓯᐅᒃ, ᐹᒻᒪᒃᑎᕐᕕᒋᓯᐅᒃ ᑐᒃᓯᐊᕐᕕᒋᓗᒍᓗ, ᑖᑦᓱᒧᖓᓗ ᑐᓂᕐᕈᓯᕐᓗᓯ.

ᑯᕉᓂᑲ ᓯᕗᓪᓖᑦ 17:21

ᐃᓄᖁᑎᑎᑦ ᐃᓴᕆᐊᓕᒥᐅᑉ ᐃᓅᖃᑎᒌᒡᔪᐊᑦ ᓇᓪᓕᖏᓐᓂᒃ ᐊᑦᔨᖃᕐᐹᑦ ᓄᓇᕐᔪᐊᕐᒥ? ᒎᑎᐅᑉ ᐱᐅᓕᓚᐅᕐᑕᖏᑦ ᐃᓄᖁᑎᒋᔪᒪᓪᓗᒋᑦ, ᐊᑏᑦ ᖃᐅᔨᔭᐅᖁᓪᓗᒍ ᑲᒪᓇᕐᑐᕐᔪᐊᒃᑯᑦ ᐱᓂᐊᕐᓂᒃᑯᑦ, ᐃᓅᖃᑎᒋᒡᔪᐊᑦ ᐊᐅᓪᓚᕐᑎᓚᐅᕋᕕᒋᑦ ᐃᓄᖁᑎᕕᑦ ᓵᖏᓐᓂ ᑖᒃᑯᐊ ᐱᐅᓕᓚᐅᕐᑕᕕᑦ ᐄᑦᔨᑉᑎᒥ.

ᓂᕼᐃᒤᐊᐅᑉ ᐊᒡᓚᖏᑦ 1:10

“ᑖᒃᑯᐊ ᐱᔨᒋᒐᕕᒋᑦ ᐃᓄᖁᑎᒋᓪᓗᒋᓪᓗ, ᐱᔪᓐᓇᕐᓂᕐᔪᐊᕐᓄᑦ ᐱᐅᓕᓚᐅᕋᕕᒋᑦ, ᓴᓐᖏᓂᕐᔪᐊᕐᓄᓪᓗ.

ᐃᓐᖏᕈᑎᑦ 77:16

ᐃᒪᕐᔪᐊᑦ ᒎᑏ, ᑕᑯᒐᒥᑎᑦ; ᐃᒪᕐᔪᐊᑦ ᑕᑯᒐᒥᑎᑦ, ᓯᕘᕋᓕᓚᐅᕐᐳᑦ; ᐃᑎᓂᕐᔪᐃᓪᓗ ᐊᒡᓛᑦ ᓴᔪᓕᓚᐅᕐᐳᑦ.

ᐃᓐᖏᕈᑎᑦ 81:11

ᐃᓄᖁᑎᒪᓕ ᓂᐱᒐ ᓈᓚᓐᖏᓛᑦ; ᐃᓴᕆᐊᓕᑎᑦ ᐅᕙᓐᓂᒃ ᑲᒪᔪᒪᓐᖏᓚᑦ.

ᐃᓐᖏᕈᑎᑦ 81:6

“ᓇᖕᒪᒃᑕᑎᑦ ᐅᖁᒤᑦᑐᑦ ᐲᕐᐸᒃᑲ; ᐊᒡᒐᑎᓪᓗ ᖃᑦᑕᕐᒥᒃ ᐅᖁᒤᑦᑐᒥᒃ ᑎᒍᒥᐊᕈᓐᓃᕐᑎᑉᐸᒃᑲ.

ᐃᓐᖏᕈᑎᑦ 81:7

ᐅᖁᒤᑦᑐᒦᓕᕐᑎᓪᓗᑎᑦ ᓂᓪᓕᐊᕕᒋᒐᕕᖓ, ᑕᕝᕙ ᓴᐳᑎᓚᐅᕐᐸᒋᑦ; ᑭᐅᓚᐅᕐᐸᒋᑦ ᐃᓂᒋᔭᓐᓂᑦ ᓯᓚᕐᓂᕐᓗᖕᒥᑦ; ᑕᕝᕙᓂ ᖃᐅᔨᒪᓚᐅᕐᐸᒋᑦ ᒥᕆᐸᐅᑉ ᐃᒪᖓᓂ. ᓰᓚ

ᒨᓯᓯ ᐂᑉᐸᖏᑦ 1:11

ᐊᓱᐃᓛᒃ ᐄᑦᔨᑉᑎᒥᐅᑦ ᐃᓖᔭᕐᓱᐃᔨᓂᒃ ᑎᓕᓯᓚᐅᕐᐳᑦ ᑖᒃᑯᓂᖓ ᐊᒃᓱᐊᓗᒃ ᓴᓇᑎᓪᓗᓂᑦᔪᒃ ᖁᕕᐊᓱᒍᓐᓃᖁᓪᓗᒋᑦ; ᐃᓴᕆᐊᓕᒥᐅᑦ ᐃᒡᓗᒐᓴᒡᔪᐊᓂᒃ ᓴᓇᓚᐅᕐᐳᑦ ᐰᑕᒥᒥᒃ ᕌᒥᓯᓯᒥᒡᓗ ᐊᑎᖃᕐᑐᓂᒃ, ᑖᒃᑯᐊᒃ ᐊᖓᔪᖅᑳᕐᔪᐊᑉ ᐱᖁᑎᒃᑯᕕᒃᓴᕆᔭᖏᒃ.

ᒨᓯᓯ ᐂᑉᐸᖏᑦ 12:41

ᑖᒃᑯᐊ ᐊᕐᕌᒍᑦ 430 ᓈᑎᓪᓗᒋᑦ ᐃᓅᖃᑎᒌᑦ ᐊᑕᓂᐅᑉ ᐃᓄᖁᑎᒋᔭᖏᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᔪᐃᓐᓇᐅᓕᓚᐅᕐᐳᑦ.

ᒨᓯᓯ ᐂᑉᐸᖏᑦ 12:51

ᑕᕝᕙᓂᓗ ᐅᓪᓗᒥ ᓇᓪᓕᐅᓐᓂᕐᓯᐅᕐᕕᖕᒥ ᐃᓴᕆᐊᓕᒥᐅᑦ ᐃᓄᖏᑦ ᐊᑕᓂᐅᑉ ᐄᑦᔨᑉᑎᒥᑦ ᐊᓂᑎᓚᐅᕐᐰᑦ ᑎᒍᔭᐅᓯᒪᕕᒋᔭᖏᓐᓂᑦ.

ᒨᓯᓯ ᐂᑉᐸᖏᑦ 13:14

ᓯᕗᓂᕐᒥᓕ ᐃᕐᓂᑦᓯᓐᓄᑦ ᐊᐱᕆᔭᐅᒍᑦᓯ, ‘ᖃᓄᖅ ᒪᓐᓇ ᑐᑭᖃᕐᑐᖅ?’ ᑕᕝᕙ ᐅᖃᐅᑎᔭᒃᓴᕆᕙᑦ, ‘ᐊᑕᓂᐅᑉ ᐱᔪᓐᓇᕐᓂᖓᒍᑦ ᐊᓂᑎᑕᐅᓯᒪᒐᑦᑕ ᐄᑦᔨᑉᑎᒥᑦ, ᕿᓚᒃᑕᐅᓯᒪᕕᒋᔭᑦᑎᓐᓂᑦ.

ᒨᓯᓯ ᐂᑉᐸᖏᑦ 13:16

ᑕᒪᒃᑯᐊᓗ ᐃᕐᓂᐊᖑᖄᕐᓯᒪᔪᓕᒫᑦ ᓇᓗᓁᒃᑯᑕᖏᑦ ᐃᓕᓯᒪᔪᒃᓴᐅᕗᑦ ᐊᒡᒐᑦᓯᓐᓂ ᐅᕝᕙᓗ ᖃᐅᑦᓯᓐᓂ; ᐊᑕᓂᐅᑉ ᐱᔪᓐᓇᕐᓂᕐᔪᐊᒥᓄᑦ ᐊᐅᓪᓚᕐᑎᓚᐅᕐᒪᑎᒍᑦ ᐄᑦᔨᑉᑎᒥᑦ.”

ᒨᓯᓯ ᐂᑉᐸᖏᑦ 13:3

ᒨᓯᓯᓗ ᐅᖃᕐᐳᖅ ᐃᓄᖕᓄᑦ, “ᐅᓪᓗᖅ ᑖᓐᓇ ᐃᖅᑲᐅᒪᔭᐅᔪᒃᓴᐅᕗᖅ, ᑕᕝᕙᓂ ᐅᓪᓗᒥ ᐊᐅᓪᓚᕐᑎᑕᐅᓚᐅᕋᑦᓯ ᐄᑦᔨᑉᑎᒥᑦ, ᕿᓚᒃᓱᕐᑕᐅᓯᒪᕕᒋᔭᑦᓯᓐᓂᑦ ᐊᑕᓂᐅᑉ ᐱᔪᓐᓇᕐᓂᖓᓄᑦ ᑕᕝᕙᓐᖓᑦ ᐊᓂᑎᑕᐅᓚᐅᕋᑦᓯ; ᑍᒤᒻᒪᑦ ᑕᕝᕙᓂ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕆᓗᓯ.

ᒨᓯᓯ ᐂᑉᐸᖏᑦ 15:13

ᓇᒡᓕᒍᓱᖕᓂᕐᓄᑦ ᓱᖁᓯᔪᐃᑦᑐᒧᑦ ᑕᓯᐅᓚᐅᕐᐸᑎᑦ ᐃᓄᖁᑎᑎᑦ ᑖᒃᑯᐊ ᐱᐅᓕᓚᐅᕐᑕᑎᑦ, ᐱᔪᓐᓇᕐᓂᕐᓄᓪᓗ ᑕᓯᐅᓚᐅᕐᐸᑎᑦ ᓄᓇᒧᑦ ᐃᑦᔪᕐᓁᑦᑐᒧᑦ.

ᒨᓯᓯ ᐂᑉᐸᖏᑦ 16:6

ᒨᓯᓯᓗ ᐂᕉᓂᓗ ᐃᓴᕆᐊᓕᒥᐅᓂᒃ ᐅᖃᐅᑦᔨᓕᕐᐴᒃ, “ᐅᓐᓄᒃ ᒫᓐᓇ ᖃᐅᔨᓂᐊᓕᕐᐳᓯ ᐊᑕᓂᕐᒧᑦ ᑭᓯᐊᓂ ᐊᐅᓪᓚᕐᑎᑕᐅᓯᒪᓂᑦᓯᓐᓂᒃ ᐄᑦᔨᑉᑎᒥᑦ.

ᒨᓯᓯ ᐂᑉᐸᖏᑦ 18:1

ᒨᓯᓯᐅᑉ ᓴᑭᖓ ᔨᑐᕉ, ᑐᓂᕐᕈᓯᕐᑎᑦᓯᔨᐅᔪᖅ ᒥᑎᐊᓂᒥ, ᑐᓴᕋᒥ ᖃᓄᖅ ᒎᑎᐅᑉ ᐱᓇᓱᐊᕐᓯᒪᓂᖓᓂᒃ ᒨᓯᓯᒧᑦ ᐃᓴᕆᐊᓕᒥᐅᓪᓗ ᐃᓄᖏᓐᓄᑦ, ᖃᓄᕐᓗ ᐊᑕᓂᖅ ᐃᓴᕆᐊᓕᒥᐅᓂᒃ ᐄᑦᔨᑉᑎᒥᑦ ᐊᐅᓪᓚᕐᑎᑦᓯᓚᐅᕐᓂᖓᓂᒃ.

ᒨᓯᓯ ᐂᑉᐸᖏᑦ 2:11

ᒨᓯᓯᓗ ᐃᓐᓇᕈᕋᒥ, ᐃᓅᖃᑎᓂ ᐄᑉᕉᒥᐅᑦ ᑕᑯᔭᕐᑐᕐᐰᑦ, ᖃᐅᔨᓕᕐᐰᓪᓗ ᐊᒃᓱᕈᕐᓇᕐᑐᒥᒃ ᓴᓇᑎᑕᐅᓂᖏᓐᓂᒃ. ᑕᑯᓪᓗᓂᓗ ᐄᑦᔨᑉᑎᒥᐅᑕᖅ ᑐᖁᑦᓯᑎᓪᓗᒍ ᐄᑉᕉᒥᐅᑕᕐᒥᒃ ᒨᓯᓯᐅᑉ ᐃᓅᖃᑎᖏᑕ ᐃᓚᖓᓐᓂᒃ.

ᒨᓯᓯ ᐂᑉᐸᖏᑦ 3:17

ᐄᑦᔨᑉᑎᒥᑦ ᐊᐅᓪᓚᕐᑎᑦᓱᒪᓕᕋᒃᑭᑦ ᐃᓖᔭᕆᔭᐅᕕᒋᔭᖓᓐᓂᑦ ᓄᓇᒧᓪᓗ ᐊᔪᕐᓴᕐᓇᖏᑦᑐᒧᓐᖓᐅᑎᓗᒋᑦ, ᑖᓐᓇ ᓄᓇᒋᔭᐅᔪᖅ; ᑬᓇᓂᒥᐅᓄᑦ, ᕼᐃᑍᑎᒥᐅᓄᑦ, ᐊᒧᕅᑎᒥᐅᓄᑦ, ᐱᕆᔧᑎᒥᐅᓄᑦ, ᕼᐃᕔᑎᒥᐅᓄᓪᓗ, ᔨᐳᓮᑎᒥᐅᓄᓪᓗ.

ᒨᓯᓯ ᐂᑉᐸᖏᑦ 3:8

ᑕᒪᐅᓐᖓᕐᓯᒪᕗᖓ ᓴᐳᑎᔭᕐᑐᕈᒪᓪᓗᒋᑦ ᐄᑦᔨᑉᑎᒥᐅᓂᑦ, ᑕᕝᕙᓐᖓᓪᓗ ᐊᐅᓪᓚᕈᑎᔭᕐᑐᕐᓗᒋᑦ ᓄᓇᒧᑦ ᓄᓇᑦᓯᐊᕙᐅᔪᒧᑦ ᐊᔪᕐᓴᕐᓇᖏᑦᑐᒧᓪᓗ ᓈᒪᔪᒧᑦ, ᑖᒃᑯᐊ ᑬᓇᓂᒥᐅᑦ, ᕼᐃᑍᑎᒥᐅᓪᓗ, ᐊᒧᕅᑎᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᒥᐅᓪᓗ ᔨᐳᓮᑎᒥᐅᓪᓗ ᒫᓐᓇ ᓄᓇᖃᕐᕕᖏᔭᖓᓐᓂ.

ᒨᓯᓯ ᐂᑉᐸᖏᑦ 32:11

ᒨᓯᓯᓕ ᐃᓗᖏᕐᓱᕐᓗᓂ ᑐᒃᓯᐊᓕᕐᐳᖅ ᐊᑕᓂᕐᒧᑦ ᒎᑎᒥᓄᑦ ᐅᖃᕐᓗᓂᓗ, “ᐊᑕᓃᖅ, ᓱᖕᒪᑦ ᐃᓄᖁᑎᖕᓄᑦ ᑍᒫᕌᓗᒃ ᓂᓐᖓᐅᒪᔪᒃᓴᐅᕖᑦ? ᑖᒃᑯᐊ ᓴᐳᑎᓚᐅᕋᕕᒋᑦ ᐄᑦᔨᑉᑎᒥᑦ ᐊᔪᒐᖃᖏᓐᓂᕐᓄᑦ ᐱᔪᓐᓇᕐᓂᕐᔪᐊᕐᓄᓪᓗ.

ᒨᓯᓯ ᐂᑉᐸᖏᑦ 6:2

ᒎᑎᓗ ᐅᖃᕐᐳᖅ ᒨᓯᓯᒧᑦ, “ᐅᕙᖓ ᐊᑕᓂᐅᕗᖓ.

ᒨᓯᓯ ᐂᑉᐸᖏᑦ 6:29

ᒨᓯᓯᒧᑦ ᐅᖃᓚᐅᕐᐳᖅ ᐃᒫᒃ, “ᐅᕙᖓ ᐊᑕᓂᐅᕗᖓ, ᐄᑦᔨᑉᑎᒥᐅᑉ ᐊᖓᔪᖅᑳᕐᔪᐊᖓᑦ ᐅᖃᐅᑎᒍᒃ ᐅᖃᐅᓯᕆᓚᐅᕐᑕᓕᒫᓐᓂᒃ ᐃᓕᖕᓄᑦ.”

ᒨᓯᓯ ᐂᑉᐸᖏᑦ 6:8

ᓄᓇᒧᓪᓗ ᑎᑭᑎᑦᓱᒪᕙᑦᓯ ᐊᖏᕈᑎᒋᓯᒪᓚᐅᕐᑕᓐᓄᑦ ᑐᓂᔪᒪᓪᓗᒍ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ; ᑕᒪᓐᓇᓗ ᐃᓕᑦᓯᓐᓄᑦ ᑐᓂᓂᐊᕐᐸᕋ ᓄᓇᑖᕆᔭᐅᖁᓪᓗᒍ ᐃᓕᑦᓯᓐᓄᑦ. ᐅᕙᖓ ᐊᑕᓂᐅᒐᒪ.’”

ᒨᓯᓯ ᐂᑉᐸᖏᑦ 7:4

ᑕᕝᕙ ᓂᑲᒋᖏᓪᓗᒋᑦ ᐄᑦᔨᑉᑎᒥᐅᑦ ᓱᒋᐊᕐᓂᐊᕐᐸᒃᑲ ᐃᓅᖃᑎᒌᒃᑐᓪᓗ ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐊᐅᓪᓚᕐᑎᓐᓂᐊᕐᐸᒃᑲ ᓄᓇᖓᓐᓂᑦ.

ᒨᓯᓯ ᐂᑉᐸᖏᑦ 7:5

ᐄᑦᔨᑉᑎᒥᐅᓪᓗ ᖃᐅᔨᓕᕐᓂᐊᕐᐳᑦ ᐊᑕᓂᐅᓂᓐᓂᒃ ᓱᒋᐊᕈᒃᑭᑦ ᐃᓴᕆᐊᓕᒥᐅᓪᓗ ᓄᓇᖓᓐᓂᑦ ᐊᐅᓪᓚᕐᑎᒃᑯᒃᑭᑦ.”

ᐂᓮᐊᓯᐅᑉ ᐊᒡᓚᖏᑦ 9:12

ᓯᕆᐊᒥᐅᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑦ ᐱᓕᔅᑍᓂᒥᐅᓪᓗ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᑦ; ᐃᓴᕆᐊᓕᒥᐅᓂᒃ ᐄᓯᔪᒫᕐᐳᑦ ᖃᓂᑎᒃ ᐂᑦᑕᕐᓗᒋᑦ. ᑕᒪᒃᑯᐊᓕ ᑕᒪᕐᒥᒃ ᓂᓐᖓᐅᓯᖓᑕ ᓄᖅᑲᐅᑎᒋᔪᒫᓐᖏᓔᑦ, ᓱᓕᓕ ᐊᒡᒐᖏᑦ ᐅᕐᓕᕐᑐᕐᐳᑦ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 9:17

ᑍᒤᒻᒪᑦ ᐊᑕᓂᐅᑉ ᖁᕕᐊᒋᔪᓐᓃᕐᐰᑦ ᐃᓅᓱᒃᑐᖁᑎᖏᑦ, ᓇᒡᓕᒍᓱᒐᓂᓗ ᐃᓕᐊᕐᔪᖁᑎᖏᓐᓂᒃ ᐅᐃᒡᒐᕐᓂᖁᑎᖏᓐᓂᒡᓗ; ᐃᓘᓐᓇᑎᒃ ᑕᒃᑯᕐᒨᕐᒪᑕ ᐱᐅᖏᑦᑐᓕᓪᓗᑎᒡᓗ, ᐃᓘᓐᓇᑎᒡᓗ ᖃᓂᖏᑦ ᐱᐅᖏᑦᑐᐊᓗᖕᓂᒃ ᐅᖃᓪᓚᖃᑦᑕᕐᐳᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 9:21

ᒫᓇᓯᐅᑉ ᑭᖑᕚᖏᑕ ᐃᕗᕅᒥᐅᑉ ᑭᖑᕚᖏᑦ ᓂᕆᔪᒫᕐᐰᑦ, ᐃᕗᕅᒥᐅᓪᓗ ᑭᖑᕚᖏᑦ ᒫᓇᓯᐅᑉ ᑭᖑᕚᖏᑦ ᓂᕆᖕᒥᓗᒋᑦ, ᑖᒃᑯᐊᓗ ᑲᑐᑦᔨᓗᑎᒃ ᔫᑕᐅᑉ ᑭᖑᕚᖏᓐᓄᑦ ᓵᑦᓱᒫᕐᐳᑦ. ᑕᒪᑐᒧᖓᓕ ᓱᓕ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᔪᒫᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 21:5

ᐅᕙᖓ ᓇᖕᒥᓂᖅ ᐅᓇᑕᕐᓂᐊᕐᐸᑦᓯ ᐱᔪᓐᓇᕐᓂᓐᓄᑦ, ᓂᓐᖓᐅᒪᓂᓐᓄᑦ ᓂᓐᖓᕕᒃᔪᐊᕐᓯᒪᓂᓐᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 27:5

ᐱᔪᓐᓇᕐᓂᕐᔪᐊᓐᓄᑦ ᐊᐅᓚᑦᓯᓂᓐᓄᓪᓗ ᓄᓇ ᓴᓇᓚᐅᕐᐸᕋ ᐃᓄᖏᓪᓗ ᐆᒪᔪᖏᓪᓗᑦᑕᐅᖅ, ᑐᓂᑦᔪᑎᒋᓪᓗᒋᓪᓗ ᑐᓂᑦᔪᑎᒋᔪᒪᔭᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 32:21

ᐃᓄᖁᑎᑎᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᕕᒋᑦ ᓇᓗᓁᒃᑯᑕᒃᑯᑦ ᑲᒪᓇᕐᑐᓪᓗ ᐊᑐᕐᓗᒋᑦ. ᐱᔪᓐᓇᕐᓂᕐᔪᐊᕐᓄᑦ ᐊᔪᒐᖃᖏᓐᓂᕐᓄᓪᓗ ᑲᑉᐱᐊᓇᕐᑐᒃᑯᑦ.

ᐃᓯᑭᐊᓕᐅᑉ ᐊᒡᓚᖏᑦ 20:33

“ᐊᑕᓂᖅ ᒎᑎ ᐅᖃᕐᐳᖅ, ᐅᕙᓐᓂᓪᓚᕆᒃ ᐱᔪᒥᒃ, ᐅᖃᐅᑎᕙᑦᓯ ᐊᐅᓚᑦᓯᓛᕐᐳᖓ ᑕᓕᓐᓄᑦ ᓴᓐᖏᔪᒧᑦ, ᓂᓐᖓᐅᓯᕐᒥᒃ ᐃᓚᖃᕐᑐᒧᑦ, ᐊᖓᔪᖅᑳᕐᔪᐊᖑᓛᕋᒪ ᐃᓕᑦᓯᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:17

ᐃᓄᐃᑦ ᐃᓴᕆᐊᓕᒥᐅᑦ ᒎᑎᖓᑦᑕ ᓯᕗᓕᕕᓂᕗᑦ ᓂᕈᐊᓚᐅᕐᐰᑦ, ᐃᓄᒋᐊᒃᑐᐊᓘᓕᕐᑎᓚᐅᕐᐰᑦ ᐄᑦᔨᑉᑎᒥ ᓄᓇᖃᕐᑎᓪᓗᒋᑦ, ᐱᔪᓐᓇᕐᓂᕐᔪᐊᒥᓄᑦ ᐊᐅᓪᓚᕐᑎᓚᐅᕐᐰᑦ ᐄᑦᔨᑉᑎᒥᑦ.

ᒨᓯᓯ ᑕᓪᓕᒪᖏᑦ 11:2

ᐅᓪᓗᒥ ᐃᖅᑲᐅᒪᓚᐅᕐᓯᐅᒃ ᑐᑭᓯᓚᐅᕐᑕᓯ ᐊᑕᓂᐅᑉ ᐊᑐᕐᑕᑦᓯᒍᑦ ᐋᖅᑭᒃᓱᐃᓯᒪᓂᖏᑦ. ᕿᑐᕐᖓᓯᐅᖏᑦᑐᖅ, ᑕᒪᒃᑯᓂᖓ ᐊᑐᓚᐅᕋᑦᓯ. ᑕᑯᓚᐅᕋᑦᓯ ᐊᑕᓂᐅᑉ ᒎᑎᑦᓯ ᐊᔪᖏᑦᑐᕐᔪᐊᖑᓂᖓᓂᒃ, ᐱᔪᓐᓇᕐᓂᕐᔪᐊᖓᓂᒡᓗ, ᐊᔪᒐᖃᖏᑦᑐᕐᔪᐊᖑᓂᖓᓂᒡᓗ,

ᒨᓯᓯ ᑕᓪᓕᒪᖏᑦ 15:15

ᐃᖅᑲᐅᒪᔭᕆᐊᖃᕋᑦᓯ ᐃᓕᑦᓯᑦᑕᐅᖅ ᓯᐊᓛᖑᓚᐅᕐᒥᒐᑦᓯ ᓄᓇᒥ ᐄᑦᔨᑉᑎᒥ, ᐊᑕᓂᐅᓪᓕ ᒎᑎᑦᓯ ᑕᕝᕙᓐᖓᑦ ᐊᓂᑎᓚᐅᕐᒪᓯ; ᑍᒤᒻᒪᑦ ᐱᖁᔭᒥᒃ ᑕᒪᑐᒥᖓ ᒫᓐᓇ ᒪᓕᒐᒃᓴᓕᐅᕐᐸᑦᓯ.

ᒨᓯᓯ ᑕᓪᓕᒪᖏᑦ 26:8

ᑖᑦᓱᒪᓕ ᐱᔪᓐᓇᕐᓂᕐᔪᐊᒥᓄᑦ ᓲᖑᓂᕐᒥᓄᓪᓗ ᐊᐅᓪᓚᕐᑎᓚᐅᕐᐹᑎᒍᑦ ᐄᑦᔨᑉᑎᒥᑦ, ᑲᒪᓇᕐᑐᑎᒍᑦ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᕐᓗᓂ, ᑕᐰᕐᓇᕐᑐᓂᒡᓗ ᐊᑐᕐᓗᓂ.

ᒨᓯᓯ ᑕᓪᓕᒪᖏᑦ 4:23

ᑲᒪᑦᓯᐊᕐᓂᐊᕐᐳᓯᓕ ᐳᐃᒍᖁᓇᓯ ᐊᖏᖃᑎᒌᒍᑎᐅᓯᒪᔪᒥᒃ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᖏᕈᑎᒋᓚᐅᕐᑕᖓᓂᒃ. ᑖᑦᓱᒪᓗ ᐱᖁᔨᓂᖓ ᓈᓚᒡᓗᒍ ᒎᑎᓐᖑᐊᒥᒃ ᖃᓄᐃᑦᑐᑐᐃᓐᓇᕐᒥᒃ ᓴᓇᔪᒃᓴᐅᓐᖏᓚᓯ.

ᒨᓯᓯ ᑕᓪᓕᒪᖏᑦ 4:34

ᒎᑏᑦ ᓇᓪᓕᐊᓐᓂᒃ ᐃᓅᖃᑎᒌᒡᔪᐊᓂᒃ ᓴᓂᕐᕙᒃᑎᑦᓯᔪᖃᕐᓗᓂ ᓇᖕᒥᓂᖅ ᐃᓄᖁᑎᑖᕆᓗᒋᑦ ᐱᔪᖃᓚᐅᕐᓯᒪᕚ? ᐊᑕᓂᐅᑉ ᒎᑎᑦᓯ ᐄᑦᔨᑉᑎᒥ ᐱᓇᓱᐊᕐᓂᕆᓚᐅᕐᑕᖓᑐᑦ ᑍᒤᑦᑐᒥᒃ? ᓇᖕᒥᓂᓪᓚᕆᒃ ᑕᑯᓐᓇᕐᑎᓪᓗᓯ ᐱᔪᓐᓇᕐᓂᕐᔪᐊᓂ ᓲᖑᓂᓂᓗ ᐊᑐᕐᓗᒋᒃ ᐱᓇᓱᐊᓚᐅᕐᐳᖅ; ᖃᓂᒪᓐᓇᕐᑐᓂᒃ ᑎᑭᑎᑦᓯᓚᐅᕐᐳᖅ ᐅᓇᑕᕐᓂᕐᒥᒡᓗ, ᓇᓗᓁᒃᑯᑕᕐᓂᒡᓗ ᐱᓕᕆᓪᓗᓂ ᑲᒪᓇᕐᑐᑎᒍᓪᓗ, ᑕᑕᒥᓐᓇᕐᑐᓂᓗ ᐱᔪᒫᕐᑐᒃᓮᑦ ᐱᑦᔪᑎᒋᓪᓗᒋᑦ.

ᒨᓯᓯ ᑕᓪᓕᒪᖏᑦ 5:15

ᐃᖅᑲᐅᒪᓚᐅᕆᑦᓯ ᓯᐊᓛᕆᔭᐅᓚᐅᕐᓂᑦᓯᓐᓂᒃ ᓄᓇᒥ ᐄᑦᔨᑉᑎᒥ, ᐅᕙᖓᓗ, ᐊᑕᓂᖅ ᒎᑎᒋᔭᓯ ᐃᓕᑦᓯᓐᓂᒃ ᓴᐳᑦᔨᓚᐅᕐᐳᖓ ᐱᔪᓐᓇᕐᓂᕐᔪᐊᓐᓄᑦ ᓴᓐᖏᓂᕐᔪᐊᓐᓄᓪᓗ. ᑍᒤᒻᒪᑦ ᑕᕝᕙ ᑲᒪᑦᓯᐊᖁᓪᓗᓯ ᐱᖁᕙᑦᓯ ᐅᓪᓗᒥᒃ ᓴᐸᑎᒥᒃ.

ᒨᓯᓯ ᑕᓪᓕᒪᖏᑦ 6:12

ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᐊᑕᓂᕐᒥᒃ ᐳᐃᒍᖁᓇᓯ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ ᓯᐊᓛᖑᕕᒋᓚᐅᕐᑕᑦᓯᓐᓂᓪᓗ.

ᒨᓯᓯ ᑕᓪᓕᒪᖏᑦ 7:19

ᐃᖅᑲᐅᒪᔪᒃᓴᐅᕗᓯ ᐱᐅᖏᑦᑐᐊᓗᖕᓂᒃ ᖃᓂᒪᓐᓇᕐᑐᓂᒃ ᓇᖕᒥᓂᖅ ᑕᑯᖃᑦᑕᓚᐅᕐᑕᑦᓯᓐᓂᒃ, ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ, ᐱᔪᓐᓇᕐᓂᕐᔪᐊᕐᒧᑦ ᐊᔪᖏᓐᓂᕐᔪᐊᕐᒧᓪᓗ ᐊᑕᓂᐅᑉ ᒎᑎᑦᓯ ᐊᓂᑎᓚᐅᕐᒪᓯ ᕿᓚᕈᑦᔮᕐᑕᐅᔪᑎᑐᑦ. ᑍᒫᑦᓮᓐᓇᕐᑕᐅᖅ ᐄᑦᔨᑉᑎᒥᐅᓂᒃ ᓄᖒᑦᓯᓚᐅᕐᓂᕐᒥᑐᑦ, ᑖᒃᑯᐊ ᐱᓇᓱᐊᕐᕕᒋᔪᓐᓇᕆᕔᑦ ᒫᓐᓇ ᓯᕘᕋᒋᔭᓯ.

ᒨᓯᓯ ᑕᓪᓕᒪᖏᑦ 7:8

ᐊᑕᓂᐅᓪᓕ ᓇᒡᓕᒋᕚᓯ, ᐊᖏᕈᑎᒋᓚᐅᕐᑕᓂᓗ ᓯᕗᓕᕕᓂᑦᓯᓐᓄᑦ ᑲᔪᓯᑎᑦᑐᒪᓯᒪᕚ. ᑍᒤᒻᒪᑦ ᑕᕝᕙ ᐱᐅᓕᓚᐅᕐᐹᓯ ᐱᔪᓐᓇᕐᓂᕐᔪᐊᒥᓄᑦ ᐃᓖᔭᕆᔭᐅᓂᕐᒥᓪᓗ ᐲᕐᑎᓪᓗᓂᓯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓂᑦ.

ᒨᓯᓯ ᑕᓪᓕᒪᖏᑦ 9:29

ᐅᑯᐊᓕ ᐃᓅᖃᑎᒌᑦ ᓂᕈᐊᕐᓯᒪᕙᑎᑦ ᐃᕝᕕᑦ ᓇᖕᒥᓂᕆᔪᒪᓪᓗᒋᑦ ᑖᒃᑯᐊᓗ ᐊᐅᓪᓚᕐᑎᓚᐅᕐᐸᑎᑦ ᐄᑦᔨᑉᑎᒥᑦ ᐱᔪᓐᓇᕐᓂᕐᔪᐊᕐᓄᑦ ᓴᓐᖏᓐᓂᕐᔪᐊᕐᓄᓪᓗ.’”