ᒨᓯᓯ ᐂᑉᐸᖏᑦ 6:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᑕᓂᕐᓕ ᐅᖃᕐᐳᖅ ᒨᓯᓯᒧᑦ, “ᒫᓐᓇ ᑕᑯᓂᐊᕐᐳᑎᑦ ᐰᕉᒧᑦ ᖃᓄᐃᓕᐅᕐᓂᕆᓂᐊᕐᑕᓐᓂᒃ; ᐱᔪᓐᓇᕐᓂᕐᔪᐊᒥᓄᑦ ᐃᓄᖁᑎᒃᑲ ᐊᐅᓪᓚᕐᑎᓐᓂᐊᕐᐰᑦ, ᐱᔪᓐᓇᕐᓂᕐᔪᐊᒥᓄᑦ ᓄᓇᒥᓂᑦ ᐊᐅᓪᓚᕐᑎᓐᓂᐊᕐᐰᑦ.”

ᒨᓯᓯ ᐂᑉᐸᖏᑦ 6:1 Iomraidhean Croise

ᐊᑕᓃᑦ ᐂᑉᐸᖏᑦ 7:19

ᑍᓐᓇᓕ ᐅᓇᑕᕐᑎᓄᑦ ᐊᖓᔪᖅᑳᖅ, ᑭᐅᓚᐅᕐᑐᖅ ᒎᑎᐅᑉ ᐃᓄᖁᑎᖓᓄᑦ ᐅᖃᕐᓗᓂ, “ᑕᑯᒋᑦ ᐊᑕᓂᐅᑉ ᕿᓚᐅᑉ ᐃᒐᓛᖏᑦ ᐅᒃᑯᐃᕈᓐᓇᕋᓗᐊᕐᐸᒋᑦ, ᑍᒤᑐᖃᕈᓐᓇᕐᓯᓇᔭᕐᐹ?” ᒎᑎᐅᑉ ᐃᓄᖁᑎᖓᑕ ᑭᐅᕚ, “ᑕᑯᔪᓐᓇᕐᓯᓛᕐᐳᑎᑦ ᑕᒪᑐᒥᖓ ᑭᓯᐊᓂᓕ ᓂᕆᖃᑕᐅᕕᒋᓂᐊᓐᖏᓚᑦ.”

ᐊᑕᓃᑦ ᐂᑉᐸᖏᑦ 7:2

ᐅᓇᑕᕐᑏᑦ ᐊᖓᔪᖅᑳᖓ ᐊᖓᔪᖅᑳᔪᐊᑉ ᐊᒃᑐᐊᔭᖓ ᑕᓕᕐᒥᓄᑦ ᒎᑎᐅᑉ ᐃᓄᖁᑎᖓᓄᑦ ᐅᖃᕐᐳᖅ, “ᑕᑯᒋᑦ, ᐊᑕᓂᐅᑉ ᕿᓚᒃ ᐅᒃᑯᐃᕐᓗᒍ ᑯᕕᑎᑦᓯᒐᔭᕋᓗᐊᕐᐹ ᓂᕿᒃᓴᓂᒃ, ᑕᒪᓐᓇ ᐅᖃᐅᓯᕆᔧᑦ ᐊᑑᑎᓕᕈᓐᓇᕋᔭᕐᐹ?” ᐃᓔᓴᐅᑉ ᑭᐅᕚ, ᓇᖕᒥᓂᖅ ᐃᔨᖕᓄᑦ ᑕᒪᓐᓇ ᑕᑯᓛᕐᐸᑦ ᑭᓯᐊᓂᓕ ᐅᖁᒻᒥᕐᓯᕕᒋᔪᒫᓐᖏᓚᑦ.

ᑯᕉᓂᑲ ᐂᑉᐸᖏᑦ 20:17

ᐅᓇᑕᕆᐊᖃᓛᓐᖏᓚᓯ ᐅᓇᑕᕐᓂᕐᒥ ᐊᑐᐃᓐᓇᕈᕐᓗᓯ ᓄᖅᑲᖓᑐᐃᓐᓇᓛᕐᐳᓯ, ᑕᑯᓗᓯᓗ ᐊᑕᓂᐅᑉ ᓵᓚᖃᕐᓂᖓᓂᒃ ᐱᑦᔪᑎᒋᓗᓯ, ᔫᑖ ᔨᕉᓴᓕᒻᓗ.’ ᑲᑉᐱᐊᓱᖏᓪᓗᓯ, ᓴᐱᕐᑍᓕᒋᓯᓗ; ᖃᐅᒃᐸᑦ ᐅᐸᓛᕐᐸᑦᓯ ᐅᓇᑕᕆᐊᕐᓗᒋᑦ, ᐊᑕᓂᐅᓪᓗ ᐃᓚᒋᓂᐊᕐᐹᓯ.”

ᐃᓐᖏᕈᑎᑦ 12:5

“ᐊᔪᕐᓴᕐᑐᑦ ᐅᖁᒤᒃᓴᕐᑎᑕᐅᖕᒪᑕ, ᐱᒃᓴᖃᖏᑦᑐᓪᓗ ᐊᓂᕐᓴᐅᒥᖕᒪᑕ, ᑕᕝᕙ ᒪᑭᓐᓂᐊᓕᕐᐳᖓ,” ᐊᑕᓂᖅ ᐅᖃᕐᐳᖅ: “ᓴᐳᑎᔪᒪᕙᕋ ᓴᐳᑎᔭᐅᔪᒪᓂᖓ ᒪᓕᒡᓗᒍ.”

ᐃᓐᖏᕈᑎᑦ 12:6

ᐊᑕᓂᐅᑉ ᐅᖃᐅᓯᖏᑦ ᐃᓚᒃᑲᓐᓂᕐᓯᒪᓐᖏᓚᑦ, ᓯᐅᓪᕕᕆᑎᑐᑦ ᒪᕐᕋᕐᒥ ᐅᒃᑯᓯᖕᒦᑎᓪᓗᒋᑦ ᐃᑯᒪᒃᑯᑦ ᓴᓗᒻᒪᕐᓴᕐᓯᒪᔪᑐᑦ, ᐊᓯᐊᓂᒡᓗ ᐃᓚᖃᕈᓐᓃᕐᑎᑕᐅᓯᒪᔪᑐᑦ, 7ᐃᕐᑐᕐᓗᑎᒡᓗ ᐃᑯᒪᒧᑦ ᖃᐅᔨᓴᕐᑕᐅᓯᒪᔪᑎᑐᑦ.

ᐃᓐᖏᕈᑎᑦ 136:12

ᐊᒡᒐᖕᒥᓄᑦ ᓲᖑᔪᓄᑦ, ᑕᓕᕐᒥᓄᓪᓗ ᐃᓴᒻᒥᔪᒧᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 89:13

ᐱᔪᓐᓇᕐᓂᕐᔪᐊᖃᕐᐳᑎᑦ, ᓲᖑᔪᕐᔪᐊᖑᓪᓗᑎᑦ, ᓴᓐᖏᔪᕐᔪᐊᖑᓪᓗᑎᓪᓗ.

ᒨᓯᓯ ᐂᑉᐸᖏᑦ 11:1

ᐊᑕᓂᕐᓗ ᒨᓯᓯᒧᑦ ᐅᑲᕐᐳᖅ, “ᐊᑕᐅᓯᑐᐃᓐᓇᐅᓕᕐᐳᖅ ᓱᒋᐊᕐᓯᑦᔪᑎᒋᔪᒪᔭᕋ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᓄᖁᑎᖏᓐᓄᓪᓗ, ᑕᒪᓐᓇ ᐱᔭᕇᕐᐸᑦ ᐊᐅᓪᓚᕈᓐᓇᕐᓯᑎᓐᓂᐊᕐᐹᓯ ᓱᓇᒥᒍᓐᓇᕐᓯᓗᓯ ᐊᒡᓛᑦ.

ᒨᓯᓯ ᐂᑉᐸᖏᑦ 12:31

ᓱᓕ ᑕᒪᑐᒪ ᐅᓐᓄᐊᖓᓂ ᐊᖓᔪᖅᑳᕐᔪᐊᖅ ᐂᔭᐅᒃᑬᕗᖅ ᒨᓯᓯᒥᒃ ᐂᕉᓂᒥᒡᓗ ᐅᖃᐅᑎᓪᓗᒋᒡᓗ, “ᐊᐅᓪᓚᕆᑦᓯ ᐃᓴᕆᐊᓕᒥᐅᖑᖃᑎᓯᓗ, ᓄᓇᖁᑎᒐ ᕿᒪᓕᕐᓯᐅᒃ, ᐊᑕᓂᖅ ᑐᒃᓯᐊᕐᕕᒋᔭᕐᑐᓕᕐᓯᐅᒃ ᑍᒫᒃ ᐱᔪᒪᓂᕆᓚᐅᕐᑕᑦᓯᑐᑦ.

ᒨᓯᓯ ᐂᑉᐸᖏᑦ 12:33

ᐄᑦᔨᑉᑎᒥᐅᓪᓗ ᑎᓕᐅᕆᓕᕐᐳᑦ ᑐᐊᕕᕐᓗᑎᒃ ᐃᓴᕆᐊᓕᒥᐅᑦ ᓄᓇᒥᖕᓂᑦ ᐊᐅᓪᓚᖁᓪᓗᒋᑦ ᐅᖃᕐᓗᑎᒃ, “ᐊᐅᓪᓚᖏᒃᑲᓗᐊᕈᑦᓯ ᑐᖁᔪᐃᓐᓇᐅᓂᐊᓕᕐᐳᒍᑦ.”

ᒨᓯᓯ ᐂᑉᐸᖏᑦ 12:39

ᐳᕙᓪᓚᕐᓴᐅᑎᖃᖏᑦᑐᓂᒡᓗ ᓂᐊᖂᔭᓕᐅᖃᑦᑕᕐᐳᑦ ᐄᑦᔨᑉᑎᒦᓪᓗᑎᒃ ᓴᓇᔭᕕᓂᕐᒥᖕᓂᒃ. ᐄᑦᔨᑉᑎᒥᑦ ᑐᐊᕕᕐᓗᑎᒃ ᐊᐅᓪᓚᕐᑎᑕᐅᓚᐅᕋᒥᒃ ᑕᖁᐊᒃᓴᒥᖕᓂᒡᓘᓐᓃᑦ ᐱᔪᓐᓇᕐᓯᓇᑎᒃ ᐳᕙᓪᓚᕐᓴᐅᑎᓕᖕᒥᒡᓗ ᓂᐊᖂᔭᓕᐅᕈᓐᓇᕐᓯᓇᑎᒃ.

ᒨᓯᓯ ᐂᑉᐸᖏᑦ 13:14

ᓯᕗᓂᕐᒥᓕ ᐃᕐᓂᑦᓯᓐᓄᑦ ᐊᐱᕆᔭᐅᒍᑦᓯ, ‘ᖃᓄᖅ ᒪᓐᓇ ᑐᑭᖃᕐᑐᖅ?’ ᑕᕝᕙ ᐅᖃᐅᑎᔭᒃᓴᕆᕙᑦ, ‘ᐊᑕᓂᐅᑉ ᐱᔪᓐᓇᕐᓂᖓᒍᑦ ᐊᓂᑎᑕᐅᓯᒪᒐᑦᑕ ᐄᑦᔨᑉᑎᒥᑦ, ᕿᓚᒃᑕᐅᓯᒪᕕᒋᔭᑦᑎᓐᓂᑦ.

ᒨᓯᓯ ᐂᑉᐸᖏᑦ 13:16

ᑕᒪᒃᑯᐊᓗ ᐃᕐᓂᐊᖑᖄᕐᓯᒪᔪᓕᒫᑦ ᓇᓗᓁᒃᑯᑕᖏᑦ ᐃᓕᓯᒪᔪᒃᓴᐅᕗᑦ ᐊᒡᒐᑦᓯᓐᓂ ᐅᕝᕙᓗ ᖃᐅᑦᓯᓐᓂ; ᐊᑕᓂᐅᑉ ᐱᔪᓐᓇᕐᓂᕐᔪᐊᒥᓄᑦ ᐊᐅᓪᓚᕐᑎᓚᐅᕐᒪᑎᒍᑦ ᐄᑦᔨᑉᑎᒥᑦ.”

ᒨᓯᓯ ᐂᑉᐸᖏᑦ 13:3

ᒨᓯᓯᓗ ᐅᖃᕐᐳᖅ ᐃᓄᖕᓄᑦ, “ᐅᓪᓗᖅ ᑖᓐᓇ ᐃᖅᑲᐅᒪᔭᐅᔪᒃᓴᐅᕗᖅ, ᑕᕝᕙᓂ ᐅᓪᓗᒥ ᐊᐅᓪᓚᕐᑎᑕᐅᓚᐅᕋᑦᓯ ᐄᑦᔨᑉᑎᒥᑦ, ᕿᓚᒃᓱᕐᑕᐅᓯᒪᕕᒋᔭᑦᓯᓐᓂᑦ ᐊᑕᓂᐅᑉ ᐱᔪᓐᓇᕐᓂᖓᓄᑦ ᑕᕝᕙᓐᖓᑦ ᐊᓂᑎᑕᐅᓚᐅᕋᑦᓯ; ᑍᒤᒻᒪᑦ ᑕᕝᕙᓂ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕆᓗᓯ.

ᒨᓯᓯ ᐂᑉᐸᖏᑦ 13:9

ᑕᒪᒃᑯᐊᓗ ᑎᑎᕋᕐᓯᒪᓗᑎᒃ ᓇᓗᓁᒃᑯᑕᐅᔪᒃᓴᐅᕗᑦ ᕿᓚᒃᓯᒪᓗᒋᑦ ᐊᒡᒐᑦᓯᓐᓄᑦ, ᐃᖅᑲᐅᒪᑦᔪᑎᒃᓴᐅᓗᑎᒡᓗ ᖃᐅᑦᓯᓐᓂ; ᐊᑕᓂᐅᑉ ᐱᖁᔭᖓᓂᒃ ᐳᐃᒍᖁᓇᓯ; ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓄᑦ ᐄᑦᔨᑉᑎᒥᑦ ᐊᓂᑎᑕᐅᓚᐅᕋᑦᓯ.

ᒨᓯᓯ ᐂᑉᐸᖏᑦ 14:13

ᒨᓯᓯᐅᑉ ᑭᐅᕔᑦ, “ᑲᑉᐱᐊᓱᖏᓪᓗᓯ ᓱᕐᕋᒃᑍᓕᒋᑦᓯ ᑕᑯᓂᐊᕐᐳᓯ ᐊᑕᓂᐅᑉ ᓴᐳᑦᔨᓂᖓᓂᒃ ᐃᓕᑦᓯᓐᓂᒃ ᐅᓪᓗᒥ. ᑖᒃᑯᐊ ᐄᑦᔨᑉᑎᒥᐅᑦ ᑕᑯᒃᑲᓐᓂᕈᓐᓇᕐᓂᐊᓐᖏᓚᓯ.

ᒨᓯᓯ ᐂᑉᐸᖏᑦ 15:6

ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐱᔪᓐᓇᕐᓂᕐᔪᐊᖃᕐᐳᑦ, ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐊᑭᕋᕐᑐᕐᑎᓂᒃ ᓯᖁᒥᑦᑎᕗᑦ.

ᒨᓯᓯ ᐂᑉᐸᖏᑦ 7:4

ᑕᕝᕙ ᓂᑲᒋᖏᓪᓗᒋᑦ ᐄᑦᔨᑉᑎᒥᐅᑦ ᓱᒋᐊᕐᓂᐊᕐᐸᒃᑲ ᐃᓅᖃᑎᒌᒃᑐᓪᓗ ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐊᐅᓪᓚᕐᑎᓐᓂᐊᕐᐸᒃᑲ ᓄᓇᖓᓐᓂᑦ.

ᒨᓯᓯ ᐂᑉᐸᖏᑦ 7:5

ᐄᑦᔨᑉᑎᒥᐅᓪᓗ ᖃᐅᔨᓕᕐᓂᐊᕐᐳᑦ ᐊᑕᓂᐅᓂᓐᓂᒃ ᓱᒋᐊᕈᒃᑭᑦ ᐃᓴᕆᐊᓕᒥᐅᓪᓗ ᓄᓇᖓᓐᓂᑦ ᐊᐅᓪᓚᕐᑎᒃᑯᒃᑭᑦ.”

ᐂᓮᐊᓯᐅᑉ ᐊᒡᓚᖏᑦ 63:12

ᑕᓕᖓ ᐱᓐᓇᕐᓇᕐᑐᖅ ᒨᓯᓯᐅᑉ ᐊᒡᒐᖓᑕ ᑕᓕᕐᐱᐊᓂᒃ ᑎᒍᒥᐊᓚᐅᕐᑐᖅ. ᐃᒪᕐᒥᒃ ᓵᖓᓐᓂ ᐊᕕᑎᑦᓯᓚᐅᕐᑐᖅ, ᐃᓱᖃᖏᑦᑐᒧᑦ ᖃᐅᔨᒪᔭᐅᑦᔪᑎᒋᓂᐊᓕᕐᓗᓂᐅᒃ.

ᒨᓯᓯ ᓯᑕᒪᖏᑦ 11:23

ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᑕᓂᐅᑉ ᑕᓕᖓ ᓁᒡᓕᒋᐊᕐᓯᒪᕚ? ᒫᓐᓇᓕ ᖃᐅᔨᓂᐊᓕᕐᐳᑎᑦ ᐅᖃᐅᓯᕆᔭᕋ ᑲᔪᓯᓂᐊᕐᒪᖔᑦ ᖃᔪᓯᓂᐊᖏᒻᒪᖔᓪᓘᓐᓃᑦ.”

ᒨᓯᓯ ᓯᑕᒪᖏᑦ 23:23

ᔧᑯ ᐊᖓᒃᑯᒧᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ, ᐃᓴᕆᐊᓕᒥᐅᑦ ᐊᖓᒃᑰᓇᓱᐊᕐᓂᕐᒧᑦ ᐊᑭᕋᕐᑐᕐᑕᐅᔪᓐᓇᓐᖏᓚᑦ. ᐃᓴᕆᐊᓕ ᐱᑦᔪᑎᒋᓪᓗᒍ, ‘ᑕᑯᓕᕆᑦ, ᒎᑎᐅᑉ ᐱᓇᓱᐊᕐᓯᒪᔭᖏᓐᓂᒃ!’

ᐋᐴᓯᑕᓖᑦ ᐱᓂᐊᕐᓂᖏᑦ 13:17

ᐃᓄᐃᑦ ᐃᓴᕆᐊᓕᒥᐅᑦ ᒎᑎᖓᑦᑕ ᓯᕗᓕᕕᓂᕗᑦ ᓂᕈᐊᓚᐅᕐᐰᑦ, ᐃᓄᒋᐊᒃᑐᐊᓘᓕᕐᑎᓚᐅᕐᐰᑦ ᐄᑦᔨᑉᑎᒥ ᓄᓇᖃᕐᑎᓪᓗᒋᑦ, ᐱᔪᓐᓇᕐᓂᕐᔪᐊᒥᓄᑦ ᐊᐅᓪᓚᕐᑎᓚᐅᕐᐰᑦ ᐄᑦᔨᑉᑎᒥᑦ.

ᒨᓯᓯ ᑕᓪᓕᒪᖏᑦ 32:39

ᒫᓐᓇ ᑕᑯᓕᕆᑦᓯ ᐅᕙᖓᐅᒐᒪ, ᑖᓐᓇᑐᐊᑦᓯᐊᖑᓪᓗᖓ ᒎᑎᐅᒐᒪ; ᐊᓯᓐᓂᒃ ᓴᓂᒃᑯᑦ ᒎᑎᑕᖃᓐᖏᓚᖅ; ᑐᖁᑦᓯᕙᒡᓗᖓ ᐃᓅᑎᑦᓯᕙᒃᐳᖓ; ᐃᑭᓕᕐᑎᑦᓯᓲᖑᓪᓗᖓᓗ ᒪᒥᑎᑦᓯᕙᒃᐳᖓ, ᑭᓇᓘᓐᓃᑦ ᐱᔪᓐᓇᕐᓂᓐᓂᒃ ᕿᒫᔪᓐᓇᓐᖏᓚᖅ.

ᒨᓯᓯ ᑕᓪᓕᒪᖏᑦ 4:34

ᒎᑏᑦ ᓇᓪᓕᐊᓐᓂᒃ ᐃᓅᖃᑎᒌᒡᔪᐊᓂᒃ ᓴᓂᕐᕙᒃᑎᑦᓯᔪᖃᕐᓗᓂ ᓇᖕᒥᓂᖅ ᐃᓄᖁᑎᑖᕆᓗᒋᑦ ᐱᔪᖃᓚᐅᕐᓯᒪᕚ? ᐊᑕᓂᐅᑉ ᒎᑎᑦᓯ ᐄᑦᔨᑉᑎᒥ ᐱᓇᓱᐊᕐᓂᕆᓚᐅᕐᑕᖓᑐᑦ ᑍᒤᑦᑐᒥᒃ? ᓇᖕᒥᓂᓪᓚᕆᒃ ᑕᑯᓐᓇᕐᑎᓪᓗᓯ ᐱᔪᓐᓇᕐᓂᕐᔪᐊᓂ ᓲᖑᓂᓂᓗ ᐊᑐᕐᓗᒋᒃ ᐱᓇᓱᐊᓚᐅᕐᐳᖅ; ᖃᓂᒪᓐᓇᕐᑐᓂᒃ ᑎᑭᑎᑦᓯᓚᐅᕐᐳᖅ ᐅᓇᑕᕐᓂᕐᒥᒡᓗ, ᓇᓗᓁᒃᑯᑕᕐᓂᒡᓗ ᐱᓕᕆᓪᓗᓂ ᑲᒪᓇᕐᑐᑎᒍᓪᓗ, ᑕᑕᒥᓐᓇᕐᑐᓂᓗ ᐱᔪᒫᕐᑐᒃᓮᑦ ᐱᑦᔪᑎᒋᓪᓗᒋᑦ.