ᒨᓯᓯ ᐂᑉᐸᖏᑦ 5:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐅᓪᓗᒥᓗ ᑖᑦᓱᒪᓂᑦᓮᓐᓇᖅ ᐰᕉ ᐱᖁᔨᓕᕐᐳᖅ ᓴᓇᑎᑦᓯᔨᐅᔪᓂᒃ ᐊᖓᔪᖅᑳᕆᔭᐅᔪᓂᒡᓗ ᐅᖃᐅᑎᓪᓗᒋᑦ,

ᒨᓯᓯ ᐂᑉᐸᖏᑦ 5:6 Iomraidhean Croise

ᑯᕉᓂᑲ ᐂᑉᐸᖏᑦ 26:11

ᓱᓕᓗ ᐅᓮᐊ ᐅᓇᑕᕐᑐᒃᓴᖁᑎᖃᕐᐳᖅ ᐅᓇᑕᕆᐊᕈᓐᓇᕐᑐᓂᒃ ᑲᑎᓐᖓᔪᓂᒃ, ᐅᓄᕐᓂᖏᑦ ᔨ-ᐂᓕᐅᑉ ᐱᖁᔭᓂᒃ ᐃᓕᓯᒪᔫᑉ ᐋᖅᑭᒃᓯᒪᔭᖏᑦ ᒪᓕᒡᓗᒋᑦ ᒫ-ᐊᓯᐊᒧᓪᓗ ᐅᓇᑕᕐᑎᓄᑦ ᐊᖓᔪᖅᑳᖑᔪᒧᑦ, ᕼᐊᓇᓁᐊᐅᑉ ᐊᐅᓚᑦᓯᓂᖓᓄᑦ ᐊᐅᓚᑕᐅᓪᓗᑎᒃ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓᑕ ᐃᓚᖓᓐᓄᑦ.

ᒨᓯᓯ ᐂᑉᐸᖏᑦ 1:11

ᐊᓱᐃᓛᒃ ᐄᑦᔨᑉᑎᒥᐅᑦ ᐃᓖᔭᕐᓱᐃᔨᓂᒃ ᑎᓕᓯᓚᐅᕐᐳᑦ ᑖᒃᑯᓂᖓ ᐊᒃᓱᐊᓗᒃ ᓴᓇᑎᓪᓗᓂᑦᔪᒃ ᖁᕕᐊᓱᒍᓐᓃᖁᓪᓗᒋᑦ; ᐃᓴᕆᐊᓕᒥᐅᑦ ᐃᒡᓗᒐᓴᒡᔪᐊᓂᒃ ᓴᓇᓚᐅᕐᐳᑦ ᐰᑕᒥᒥᒃ ᕌᒥᓯᓯᒥᒡᓗ ᐊᑎᖃᕐᑐᓂᒃ, ᑖᒃᑯᐊᒃ ᐊᖓᔪᖅᑳᕐᔪᐊᑉ ᐱᖁᑎᒃᑯᕕᒃᓴᕆᔭᖏᒃ.

ᒨᓯᓯ ᐂᑉᐸᖏᑦ 3:7

ᐊᑕᓂᕐᓗ ᐅᖃᕐᐳᖅ, “ᑕᑯᓯᒪᒐᒪ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᐃᓗᖏᕐᓱᕐᓂᖏᑦ ᖃᐅᔨᒪᑦᓯᐊᕐᐸᒃᑲ.

ᒨᓯᓯ ᐂᑉᐸᖏᑦ 5:10

ᑕᕝᕙ ᓴᓇᑎᑦᓯᔨᐅᔪᑦ ᓴᓇᔪᓄᓪᓗ ᐊᖓᔪᖅᑳᕆᔭᐅᔪᑦ ᐃᓄᖕᓄᐊᕐᐳᑦ ᐅᖃᕐᓗᑎᒡᓗ, “ᐰᕉ ᐃᒫᒃ ᐅᖃᕐᐳᖅ, ‘ᐃᕕᖕᓂᒃ ᐅᔭᕋᓕᐊᕆᔭᒃᓴᓂᒃ ᑐᓂᓯᕕᐅᖁᔪᓐᓃᕐᐸᑦᓯ.

ᒨᓯᓯ ᐂᑉᐸᖏᑦ 5:19

ᐃᓴᕆᐊᓕᒥᐅᓪᓕ ᓴᓇᔨᖏᓐᓄᑦ ᐊᖓᔪᖅᑳᖑᑎᑕᐅᔪᑦ ᖃᐅᔨᕗᑦ ᓯᕗᓂᖓᓂᑦ ᐅᖁᒤᓐᓂᕐᓴᒥᒃ ᐱᑎᑕᐅᓕᕐᓂᕐᒥᖕᓂᒃ, ᐅᖃᐅᑦᔭᐅᓚᐅᕋᒥᒃ ᓯᕗᓂᖓᓂᑐᑦ ᐃᕕᖕᓂᒃ ᐊᑐᐃᓐᓇᖃᖃᑦᑕᕐᓗᑎᒃ ᐅᔭᕋᓕᐅᕐᓂᕆᕙᓚᐅᕐᑕᒥᒃᑎᑐᑦ ᑍᒫᓪᓗᐊᖅ ᖃᐅᑕᒫᑦ ᐱᖁᔭᐅᓚᐅᕋᒥᒃ.

ᒨᓯᓯ ᐂᑉᐸᖏᑦ 5:7

“ᐃᓄᐃᑦ ᓴᓇᑎᑕᓯ ᐃᕕᖕᓂᒃ ᐅᔭᕋᓕᐊᕆᔭᒃᓴᓂᒃ ᑐᓂᓯᕕᒋᖃᑦᑕᕈᓐᓃᕐᓯᒋᒃ, ᓇᖕᒥᓂᕐᓕ ᐃᕕᖕᓂᒃ ᐅᔭᕋᓕᐊᕆᔭᒃᓴᓂᒃ ᕿᓂᕐᓗᑎᒃ ᑲᑎᑦᓯᖃᑦᑕᓕᕐᓕᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:10

ᐃᓱᐊᕐᑑᑉ ᐆᒪᔪᖁᑎᒥ ᐃᓅᓯᖏᑦ ᑲᒪᒋᑦᓯᐊᕐᐰᑦ, ᐱᐅᖏᑦᑑᓪᓕ ᑲᒪᑦᓯᐊᕐᑑᔭᕐᓂᖏᑦ ᐋᓐᓂᐊᑎᑦᓯᑦᔪᑎᒋᕔᑦ.

ᒨᓯᓯ ᓯᑕᒪᖏᑦ 11:16

ᐊᑕᓂᐅᑉ ᒨᓯᓯ ᐅᖃᕐᕕᒋᕚ, ᐅᖃᕐᓗᓂ: “ᑲᑎᑎᑦᓯᓚᐅᕆᑦ ᓵᓐᓄᑦ ᐊᖑᑎᓂᒃ 70ᓂᒃ, ᐃᓴᕆᐊᓕᒥᐅᑦ ᐊᖓᔪᖅᑳᖏᓐᓂᒃ, ᐊᖓᔪᖅᑲᐅᔪᓐᓇᕐᑐᓪᓗ ᖃᐅᔨᒪᔭᑎᑦ; ᑐᐱᕐᔪᐊᒧᓪᓗ ᑲᑎᒪᕕᖕᒧᑦ ᑲᑎᑎᓪᓗᒋᑦ ᐃᓕᖕᓂᒃ ᑕᕝᕙᓂ ᓇᖏᖃᑎᖃᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 1:15

ᑕᕝᕙ ᐃᓕᑦᓯᓐᓂᑦ ᓯᓚᑐᔪᓂᒃ ᖃᐅᔨᒪᑦᓯᐊᕐᑐᓂᒡᓗ ᑕᓯᐅᕐᑎᐅᓂᐊᕐᑐᓂᒃ ᓂᕈᐊᓚᐅᕐᐳᓯ ᑭᖑᕚᕇᖑᔪᓂᑦ ᐱᓯᒪᔪᓂᒃ, ᑖᒃᑯᐊᓗ ᐃᓕᑦᓯᓐᓄᑦ ᐊᖓᔪᖅᑳᕈᕐᑎᓚᐅᕐᐸᒃᑲ. ᐃᓚᖏᑦ ᑲᒪᓂᐊᓕᕐᓗᑎᒃ ᐃᓄᖕᓄᑦ 1,000ᓄᑦ, ᐃᓚᖏᓪᓗ 100ᓄᑦ ᐃᓚᖏᓪᓗ 50ᓄᑦ, ᐃᓚᖏᓪᓗ 10ᓄᑦ. ᐊᓯᖏᓐᓂᒃᑕᐅᖅ ᐊᖓᔪᖅᑳᖑᓂᐊᕐᑐᓂᒃ ᑭᖑᕚᕇᓂ ᑎᓕᓯᓚᐅᕆᕗᖓ.

ᒨᓯᓯ ᑕᓪᓕᒪᖏᑦ 16:18

“ᐋᖅᑭᒃᓱᐃᔨᒃᓴᓂᒃ ᑎᓕᓯᔪᒃᓴᐅᕗᓯ ᐊᖓᔪᖅᑳᖑᓂᐊᕐᑐᓂᒡᓗ ᐊᑕᓂᐅᑉ ᑐᓂᓯᒪᔭᖏᓐᓂ ᓄᓇᑦᓯᓐᓂ, ᑭᖑᕚᖑᖃᑎᒌᑦ ᒪᓕᒡᓗᒋᑦ; ᑖᒃᑯᐊᓗ ᐋᖅᑭᒃᓱᐃᔨᐅᔪᒃᓴᐅᕗᑦ ᐃᓄᖕᓂᒃ ᐊᑦᔨᒌᒃᑎᑦᓯᓗᑎᒃ.

ᔮᓱᐊᑉ ᐊᒡᓚᖏᑦ 24:1

ᔮᓱᐊᑉ ᐃᓴᕆᐊᓕᒥᐅᑦ ᑭᖑᕚᕇᓕᒫᑦ ᑲᑎᖁᕔᑦ ᓯᑭᒻᒧᑦ ᕾᖁᕔᓪᓗ ᐊᖓᔪᖅᑳᑦ, ᓯᕗᓕᕐᑏᑦ, ᐃᓱᒪᓕᐅᕐᑏᑦ, ᐊᖓᔪᖅᑲᐅᑏᓪᓗ ᐃᓴᕆᐊᓕᒥᐅᓂ; ᑲᑎᕗᓪᓗ ᒎᑎᐅᑉ ᓇᔪᕐᑕᖓᓄᑦ.

ᔮᓱᐊᑉ ᐊᒡᓚᖏᑦ 24:4

ᐂᓴᑭᓗ ᑐᓂᓚᐅᕐᐸᕋ ᔧᑯᒥᒃ ᐄᓴᒥᒡᓗ. ᐄᓴᓗ ᓄᓇᒥᒃ ᖃᖅᑲᓕᖕᒥᒃ ᓰᐊᕆᒥᒃ ᓄᓇᑖᕐᑎᓚᐅᕐᐸᕋ, ᔧᑯᓕ ᕿᑐᕐᖓᖏᓪᓗ ᑕᐅᓄᖓ ᐄᑦᔨᑉᑎᒧᐊᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 8:33

ᐃᓴᕆᐊᓕᒥᐅᓕᒫᑦ, ᐊᖓᔪᖅᑳᖏᓪᓗ ᐅᓇᑕᕐᑐᒃᓮᓪᓗ ᐊᖓᔪᖅᑳᖏᑦ, ᐃᓱᒪᓕᐅᕆᔩᓪᓗ ᓄᓇᓕᑐᖃᐅᖏᑦᑐᓪᓗ ᐃᓚᒋᔭᖏᑦ ᓇᖏᓚᐅᕐᐳᑦ ᐊᑭᓕᕇᒃᓗᑎᒃ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᑕ ᓴᓂᐊᓂ, ᓵᓐᖓᓪᓗᑎᒃ ᓕᕔᑎᓄᑦ ᑐᓂᕐᕈᓯᕐᑎᑦᓯᔨᓄᑦ ᐊᒡᔭᕐᓯᔪᓄᑦ ᑖᑦᓱᒥᖓ, ᐃᓄᐃᑦ ᐊᕝᕙᖏᑦ ᓇᖏᕐᐳᑦ ᖃᖅᑲᐅᑉ ᒋᕆᔨᐅᑉ ᓵᖓᓂ, ᐊᕝᕙᖏᓪᓗ ᖃᖅᑲᐅᑉ ᐄᐸᐅᑉ ᓵᖓᓃᓪᓗᑎᒃ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑍᒫᒃ ᐱᖁᓚᐅᕐᒪᒋᑦ ᓯᕗᓪᓕᕐᐹᒥᒃ, ᐃᓴᕆᐊᓕᒥᐅᓕᒫᑦ ᓮᒻᒪᕐᑕᐅᕕᒃᓴᖓᑦ ᓇᓪᓕᐅᑎᒃᐸᑦ.