ᒨᓯᓯ ᐂᑉᐸᖏᑦ 5:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑕᕝᕙ ᒨᓯᓯ ᐊᑕᓂᕐᒧᑦ ᓵᓕᕐᐳᖅ ᐅᖃᕐᓗᓂᓗ, “ᐊᑕᓃᖅ, ᓱᖕᒪᑦ ᐱᐅᖏᑦᑐᒥᒃ ᐱᓇᓱᐊᕐᑕᐅᑎᑦᓯᕖᑦ ᐅᑯᓄᖓ ᐃᓄᖕᓄᑦ? ᓱᖕᒪᓪᓗ ᑕᒪᐅᖓ ᑎᓕᓚᐅᕐᐱᖔ?

ᒨᓯᓯ ᐂᑉᐸᖏᑦ 5:22 Iomraidhean Croise

ᐊᑕᓃᑦ ᓯᕗᓪᓖᑦ 19:10

ᑭᐅᕚᓗ, “ᐊᒃᓱᕉᑎᕾᓐᓇᕐᐳᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᐃᓴᕆᐊᓕᒥᐅᑦ ᐃᓄᖏᑕ ᐊᖏᖃᑎᒌᒍᑎᒋᓯᒪᔧᑦ ᕿᒪᒃᓯᒪᓕᕐᒪᑦᔪᒃ, ᑐᓂᕐᕈᓯᕐᕕᖁᑎᑎᓪᓗ ᓯᖁᒥᑉᐰᑦ, ᐅᖃᕐᑎᑎᓪᓗ ᑐᖁᕌᕐᐰᑦ ᓴᕕᒡᔪᐊᒧᑦ; ᐅᕙᖓᓗ, ᐅᕙᖓᑐᐊᖅ, ᐊᒥᐊᒃᑯᑑᕗᖓ, ᐅᕙᓐᓂᒡᓗ ᕿᓂᓕᕐᐳᑦ ᑐᖁᑦᓯᔪᒪᓪᓗᑎᒃ.”

ᐊᑕᓃᑦ ᓯᕗᓪᓖᑦ 19:4

ᐃᓔᑦᔭ ᐃᓄᑑᓪᓗᓂ ᐱᓱᓚᐅᕐᐳᖅ ᐃᓄᖃᖏᑦᑐᒧᑦ ᐅᓪᓗᓕᒫᖅ ᐃᖏᕐᕋᓂᐅᓲᑎᑐᑦ, ᓄᖅᑲᕋᒥ ᐃᖏᑉᐳᖅ ᓇᐹᕐᑑᑉ ᐳᕉᒻᒥᒃ ᐊᑎᓕᐅᑉ ᑕᕐᕋᓕᓂᖓᓄᑦ; ᑕᕝᕙᓂᓗ ᑐᒃᓯᐊᕐᐳᖅ ᑐᖁᔪᒪᓪᓗᓂ, ᐅᖃᕐᓗᓂ, “ᒫᓐᓇ ᑕᒪᓐᓇ ᐊᖏᓗᐊᓕᕐᒪᑦ; ᐊᑕᓃᖅ, ᐃᓅᓯᕋ ᑎᒍᓕᕈᒃ; ᐱᐅᓂᕐᓴᐅᖏᓐᓇᒪ ᓯᕗᓕᕆᓚᐅᕐᑕᓐᓂᑦ.”

ᐃᓐᖏᕈᑎᑦ 73:25

ᑭᓇᒥᒃ ᐊᓯᖕᓂᒃ ᕿᓚᖕᒥ ᐱᖃᕐᐳᖔ? ᐃᕝᕕᑑᕗᖅ, ᐊᓯᖕᓂᒃ ᐱᔪᒪᔭᓐᓂᒃ ᓄᓇᒥ ᐱᑕᖃᓐᖏᓚᖅ.

ᒨᓯᓯ ᐂᑉᐸᖏᑦ 17:4

ᒨᓯᓯᓗ ᐃᓗᖏᕐᑐᕐᓗᓂ ᑐᒃᓯᐊᓕᕐᐳᖅ ᐊᑕᓂᕐᒧᑦ ᐅᖃᕐᓗᓂᓗ, “ᖃᓄᕐᓕᐅᑯᐊ ᐃᓄᐃᑦ ᐱᓇᓱᐊᕐᕕᒋᓂᐊᓕᕐᑕᒃᑲ? ᑖᒃᑯᓄᖓᑦ ᒥᓪᓗᕐᑕᐅᑐᐃᓐᓇᕆᐊᖃᓕᕋᒪ.”

ᔨᕆᒤᐊᐅᑉ ᐊᒡᓚᖏᑦ 12:1

“ᐊᑕᓂᖅ ᐃᓱᐊᕐᓃᑦ ᓱᕐᕋᒍᓐᓇᖏᒻᒪᑦ, ᓇᓗᓕᕐᓯᒪᑦᔪᑎᒋᔭᒃᑲ ᓵᖕᓄᑦ ᓴᖅᑭᑦᓱᒪᕙᒃᑲ, ᓱᖕᒪᑦ ᐱᐅᖏᑦᑐᓕᔪᑦ ᐱᔪᓐᓇᑦᓯᐊᕐᐹᑦ? ᐅᒃᐱᖏᑦᑐᓪᓗ ᑲᔪᓯᑦᓯᐊᕐᓗᑎᒃ?

ᔨᕆᒤᐊᐅᑉ ᐊᒡᓚᖏᑦ 20:7

ᐊᑕᓃᖅ ᐅᐃᕕᕐᕆᒐᕕᖓ ᐅᐃᕕᕐᕆᔭᐅᓯᒪᕗᖓ; ᐱᔪᓐᓇᕐᓂᕐᓴᐅᒐᕕᑦ ᓵᓚᒋᕙᕐᒪ, ᐅᓪᓗᓕᒫᖅ ᐱᓐᖑᐊᕆᔭᐅᕗᖓ, ᒥᑕᐅᑎᒋᔭᐅᓪᓗᖓᓗ.

ᔨᕆᒤᐊᐅᑉ ᐊᒡᓚᖏᑦ 4:10

ᐅᖃᕐᐳᖓᓕ, “ᐊᑕᓃᖅ ᒎᑏ, ᔨᕉᓴᓕᒥᐅᑦ ᐃᓄᖏᑦ ᓴᒡᓗᕿᑉᐸᑎᑦ ᖃᓄᐃᓐᓇᖏᑦᑐᒥᒃ ᐃᓅᓯᖃᕐᓂᐊᕐᓂᕋᕐᓗᒋᑦ, ᓱᓇᐅᕝᕙᓕ ᑐᖁᑕᐅᓂᐊᕐᑎᓪᓗᒋᑦ.”

ᕼᐊᐸᑲᐅᑉ ᐊᒡᓚᖏᑦ 2:3

ᑕᑯᑎᑦᔪᑎᑦ ᐱᕕᒃᓴᒥᖕᓂᒃ ᓇᓪᓕᐅᑎᕝᕕᐅᓯᒪᖏᒃᑲᓗᐊᕐᑎᓪᓗᒋᑦ; ᑭᖑᓪᓕᕐᐹᒥᒡᓕ ᐅᖃᐅᓯᖏᑦ ᓇᓪᓕᐅᑎᔪᒫᕐᐳᑦ ᓴᒡᓗᓂᐊᕋᑎᒡᓗ. ᓇᓪᓕᐅᑎᓂᐊᕐᓂᖓ ᐊᑯᓂᐅᖅᑰᔨᓂᐊᕋᓗᐊᕐᐳᖅ, ᐅᑕᖅᑭᑐᐃᓐᓇᕐᓯᐅᒡᓕ; ᐱᕕᒃᓴᖓ ᓇᓪᓕᐅᑎᓪᓚᕆᒍᒫᕐᒪᑦ, ᑭᖑᕙᕐᓂᐊᕋᓂᓗ.

ᒨᓯᓯ ᓯᑕᒪᖏᑦ 11:11

ᒨᓯᓯᓗ ᐊᑕᓂᕐᒧᑦ ᐅᖃᕐᐳᖅ, “ᓱᖕᒪᑦ ᐱᔩᑦ ᓱᒋᐊᕐᐱᐅᒃ? ᓱᖕᒪᓪᓗ ᓵᖕᓂ ᖁᕕᐊᒋᖏᑉᐱᖔ? ᐅᑯᐊ ᐃᓄᐃᑦ ᐅᖁᒤᒃᓴᕐᓂᖏᑦ ᐅᕙᓐᓄᑦ ᐃᓕᒐᕕᒋᑦ.

ᔮᓱᐊᑉ ᐊᒡᓚᖏᑦ 7:7

ᔮᓱᐊᓗ ᐅᖃᕐᐳᖅ, “ᐊᔪᒐᖃᖏᑦᑐᑎᑦ ᐊᑕᓃᖅ ᒎᑏ! ᓱᖕᒪᑦ ᐃᑳᕐᑎᓚᐅᕐᐱᑎᒎᑦ ᔪᐊᕐᑕᓂᐅᑉ ᑰᖓᓂᒃ? ᐊᒧᕅᑎᒥᐅᓄᑦ ᑐᓂᔪᒪᓪᓗᑖ? ᐊᓯᕈᕈᒪᓪᓗᑕᓘ? ᐱᐅᓂᕐᓴᐅᒐᔭᓚᐅᓐᖏᓛᖅ ᔪᐊᕐᑕᓂᐅᑉ ᑰᖓᑕ ᐊᑭᐊᓃᑐᐃᓐᓇᓚᐅᕈᑦᑕ?

ᓴᒧᐃᓕ ᓯᕗᓪᓖᑦ 30:6

ᑍᕕᑎ ᐅᖁᒤᒃᓴᒻᒪᕆᓕᓚᐅᕐᐳᖅ; ᐃᓚᖏᑦ ᐊᒡᓛᑦ ᐅᖃᓕᓚᐅᕐᐳᑦ ᒥᓪᓗᐊᕆᔪᒪᓪᓗᒍ, ᐃᓄᓕᐊᒪᑦ ᓂᓐᖓᐅᒪᓂᖃᒻᒪᕆᓕᓚᐅᕐᒪᑕ ᐊᓯᐅᔨᓂᑎᒃ ᕿᑐᕐᖓᒥᖕᓂᒃ ᐱᑦᔪᑎᖃᕐᓗᑎᒃ. ᑍᕕᑎᓕ ᒎᑎᖓᑕ ᐊᑕᓂᐅᑉ ᓴᐱᖏᓐᓂᕐᒥᒃ ᑐᓂᓚᐅᕐᐹ.